|
National Sozialistische Deutsche Arbeiterpartei
لقد ترددت كثير قبل ان اكتب هذه المقاله لكن بالنهايه اردت التعبير عن نفسي بهذا الموضوع بكوني باحث في مجال الاديان ...
من يحكم العالم القانون ام الدين ؟؟؟ كثير من اللي بنسمعو انو اختفاء او تغيب الاديان بما فيها طبعا الدين الاسلامي هوي اللي راح يسبب الفوضى والسفك للدماء والقتل والسرقه ..... Etc . وانا بعتقادي انو اللي عم ينظم الحياة هوي القانون ولا علاقة للدين . فتخيل لو ان القانون راح وصار الموضوع طبيعي جدا دوله عايشه بدون قانون يحكمها وزوال الخوف من ارتكاب الجرائم والفواحش ... عندك اكبر دليل اللي بيحدث بالعراق .... الدين والصلاة والمساجد مليانه .... بس لأنو بطل حدا يمشي ورا القانون ومشو ورا الدين خربة البلد وكثر سفك الدماء وصار هم الواحد كيف يقتل يهودي حتى لو كان بين 20 مسلم ... وبالمقابل عندك الدول الاوروبيه اغلبيتها لادينيه ونسبة الجريمه فيها هي الاقل على مستوى العالم ... فما رأيك اخي القارئ من الذي يحكم العالم القانون ام الدين ؟؟؟؟ |
كنت عم اقرا وما ناويه شارك ابدا بس يعنى كلمه استفذتنى جدا ولاقيت مفسرينها على مزاج مزاجكون
فسامحونى لازم ارد الكلمه هى اقتباس:
تفسير الايه الكريمه متل ماوايت رووز فسرتها مش متل ما محارب فسرها هو كلام محارب صح بس ده مش تفسير الايه مع احترامى له تفسير الايه انو عباد الله العلماء هنى اللى بيخشو الله وذلك بيدل على اكتشافهم لوجود الله وقدرتو لانهم اكتر الناس عالمين وعارفين قديش قدرة الله فلذلك خشوه وفعلا متل ماقال محارب الخوف غير الخشيه الخشيه مهابه واحترام ليس لها علاقه بالزعر والخوف وهنا تقدم لفظ الجلاله الله على كلمة عباده العلماء فى اسلوب القصر فى النحو اقرو شويه بركى بتستفيدو وبتفهمو يعنى الاصل فى القول انو قصر الخشيه من بين كل العباد على العلماء يعنى يخشى العباد العلماء من الله هيك الاصل يعنى التفسير متل ما وايت قالتة..................................وشك را ;) |
اقتباس:
آخر همي حضرتك كيف بتفكريني اقتباس:
يعني لو الله مو قوي و قدرتو مو كبيرة . ..... ما كانوا نفّذوا شي من كلامو و هي بحد ذاتها المشكلة نحنا عم نبين الفرق بين الدافع الأخلاقي ..و دافع الخوف ( أو الخشية اذا بدكون ) |
كفكرة الله بعتقد صعب انسان يكرهه باي شكل كان
يعني الله مفترض يكون ابعد ما يمكن عن الصفات المذكورة بأول رد كونه يمثل بالانهاية الموجبة او قمة الايحابية وصعب اللانهاية الموجبة تاخد رقم سلبي شو ما كان طبيعة الرقم تماما متل ما صعب الروح المفترض تكون قمة الايجابية واختصار لكل المقاييس الموجبة تتحلى بصفات متل المعاقبة والكره والمكر وما إلى هنالك من صفات تنسب لذات الإلهية من المتحديث باسمها والناطقين باحكامها على ارض الواقع وعلى ارض اخويتنا الحرة . لكن المتكلمين باسم الله والمشرعين لله مين بحب ومين يكره ومين يقتل ومين يحرق ومين يعاقب ومين يذل هنن اللشي بشوهوا صورة الايجابية للذات الإلهية . صدقا وقعت بمشكلة كبيرة بالربط بين التصرفات لأتباع الأله والصفات اللي لازم يتحلى فيها الإلهة . بالنهاية انا وصلت لقناعة خلتني اوصل لحل سلمي وعيش براحة ضمير مع ان الفكرة عقليا غير مقتنع فيها لكنالله كفكرة ما بضرني انه يكون موجود والعيش بهدنة مع الله شيء جميل جدا مع الفصل بين الله وبين الناطقين باسمه لأنه ابشع نماذج البشر واكثرهم احتقارا بنظري مع احترام لشخصهم الكريم لكنهم متخلفين جدا . سامر المقال اللي ناقله بيستاهل ينقرا اكتر من مرة وهلق انا بالمرة الرابعة وحاسس حالي مشتهي ارجع اقراه ما بينشبع منه ومن معانيه . |
National Sozialistische Deutsche Arbeiterpartei
اعطى رجل سمكة وستطعمه يوماً واحد, اعطيه إله وستجعله يموت جوعاً وهو يصلى أن يرزقه سمكة :sick:
|
اقتباس:
فهمت غلط ياريت تركز معايا شوي قصدت قدرة الله فى خلق السموات والارض والمجرات والكواكب والنمل والحشرات والطيور والانسان والمركبات والكون عامة انو اكيد ماحدا غيرو خلقهم وانو يستحق العباده والاحترام والهيبه والخشيه ماقصدت قدرته فى القتل والحرق والشنق والتعذيب والارهاب ( الله رحيم عفو رحمن ) (جبار) يجبر كسر العباد جايه من الجبيره اللى بيعملوها للمكسورين هيك الله بس انت بتفهم ان الله جبار يعنى قاتل قاسى شرس لكن معنى الكلمه انو بيجبر المكسورين ويلملم جراحهم زى فى اولويات الاسعافات ان المكسور بيعملولو جبيره حتى يلتئم الجرح والكسر هو ده بقى الاختلاف انك بتفهم الكلام زى مانت عاوز تفهم مش متل ماللى قالها شو بيقصد وشكرا;) |
اقتباس:
يا مخلوقة الاعدام واساليبه من ابشع الافكار اللي انتحها العقل البشري والدول الراقية تحارب بشتى الوسائل وتناضل في سبيل الغاء العقاب الوحشي اللي بادي إلى اضرار جسدية ممتدى مدى الحياة او إلى العقاب اللي بيسلب الانسان حياته . انا قلت مرة وبرجع بقول مية مرة مشكلتنا مانها مع الانسان العربي وخليني كون صريح مانها مع الانسان المسلم بشكل خاص مشكلتنا مع الآلهة اللي فارض اساليب لا تليق بالانسان المعاصر وكون يمنع منعا باتا النقاش باساليب الإله لا بد اننا نتقبلها متل ما هية او نرفضها بشكل قطعي مع اني ضد الحلين السابقين انا بشوف انه الأفضل نكون " انتقائيين " نتخذ المعاني والعبر المتناسبة مع تفكير انسان عايش بالقرن ال 21 ونرفض بقية المقاييس اللي كانت بالنسبة للقرن السابع ميلادي قمة الرحمة . قطع اليد كان مشروع رحمة بالنسبة للشعب الجاهلي اللي بيرجمه بالحجر لكن بالعصر الحالي صار في مفاهيم ارقى مفاهيم انسانية تليق بالانسان بشكل افضل ومن الضروري نعتنقها ونهجر احكام القرن السابع اللي لازم كانت تروح مع جماعة اهل السابع ميلادي وفعلا مستغرب كيف بعدها بقيانة حتى اللحظة متلها متل تعدد الزوجات متلها متل كيف مثلة كتيرة لا تليق بانسان " يصنف " نفسه انه عايش بالقرن ال 21 |
اقتباس:
يعني انت شايفو عاجز عن إحقاق العدل عالأرض؟ يعني باختصار شو بدك منو ليرتقو بفكرك لمرحلة الكمال و القوة المسيّره للكون! و شو بدك منّو لتعبدو تعترف في كإله يستحق عبادتك . |
اقتباس:
لا أنا بفهم الله ع طريقتي ... يللي ما بتشبه أي دين بس الكلام يللي قلتو عن الخوف ..... هو الكلام يللي برددوه وكلاء الله ليخوفوا الناس من الله و من عقابوا بيوم القيامة و من النار و بئس المصير ..و من أسفل السافلين و من و من .... إلى آخر عبارت التهديد و الوعيد اقتباس:
|
اقتباس:
نحنا ما عم نحكي عن الإله .. نحنا عم نحكي عن نظرة الناس للإله ..و صورة الإله بعيون البشر يعني بدنا الناس تحب الله ....... مو تخاف منو ...... و هالحكي عن فكرة الاله بالمطلق ... مو عن دين معين يعني حتى الوثني ... يللي بيعبد حجر .... لما بحب هالحجر ..و بشوف فيه خلاصة الخير و المحبة رح يكتسب هو كمان هالصفات .. ... |
اقتباس:
انا لما سألتك شو بدك من الإله باعتبارك قلت لكم إلة و لي إله .. هون انا سألتك شو هي المآخذ يللي انت شايفها على الإلة يللي بيعبدو البشر .. و شو بتتوقع من الإله يللي انت رح تدين له بالطاعة و العبودية . بظن وضحت الصورة هلأ:D |
National Sozialistische Deutsche Arbeiterpartei
اقتباس:
اخي العزيز ماد ماكس شو بتتوقع من القارئ لما يشوف المقال انو يحكي وهي فعلا في جمل كانت عم تضرب في صميم الفكر لما يقراها الواحد ... يعني فعلا في جمل اول ما يقراها الواحد بغض النظر عن دينه وعن معتقده بس اول كلمه راح يحكيها ( فعلا ........ ليش هيك شو عملنا نحنا ليصير فينا هيك .... ؟؟؟ ) ليش المسلم دايما بيفكر بالعقاب قبل ما بفكر بالجنه ؟؟؟ ايليق بوجهه تعالى ان يهدد البشر ببطشه وعقابه والبشرية لا تسوى ذبابه امامه ؟؟؟ |
اقتباس:
كيف تمّ تشريعها .. و هل الدين فقط عبادة و تضرع و خوف من الله أم هو عقيده و شرع و منهاج؟ |
National Sozialistische Deutsche Arbeiterpartei
اقتباس:
بما انك فتحت الموضوع .... القانون على قولتك مأخوذ من الدين ليش بطل يعاقب السارق بقطع يده ؟؟؟ والزاني بطل يجلد ؟؟؟ . وفي الدول الغربيه من بينها دولتك ما بتحاسب على منهج الدين وماشيه الحياة بشكل طبيعي جدا ونسبة الجرائم والمصائب عندكن اخف من اللي عنا بمليون مره .. فالشخص الطيب المسلم الخلوق المنظم لا يحتاج الى قانون لكي يردعة اذا تخطى حدودة ( فهو يعرفها ولا يتخطاها من نفسة) والشخص السيء المجرم الذكي يلف على القانون ويفعل مايشاء وممكن ان يفلت من العقاب ايضا يعني اذا اختفى الدين اختفى معه الجهل و الفقر و القتل و الجريمة .... ؟؟؟ |
اقتباس:
أما عن نقاش ليش الدين بطّل فخلي شوي على جنب و خلينا نقرأ فكرتك يللي هي بانو الشخص السليم يللي تدرب على مكارم الأخلاق يللي هي أصلاً كانت موروث ديني فالشخص هاد ما رح يخطئ لأنو في عندو مسحة من وازع ديني او أخلاقي .. طبعاً هاد الكلام فينا نسقطه على اللا ديني كمان .. طيب كيف تشكلت هالفكرة " يعني مكارم الأخلاق و ارساء الحق"؟ من وين اجت و كيف أخد فيها الناس؟ طبعاً انت بتعرف سلوك البشر و نزعاتها من حب السيطرة و الهيمنة و التملك و نزعة الاجرام و حب الذات و ما هنالك .. كل هالأمور يللي بدورها رح تفشّل أقوى المجتمعات . تم السيطرة إلى حدّ ما هلى هالنزعات الموجوده بالانسان .. بسبب شو؟ برأيك انت الشخصي بس مكارم الأخلاق؟ طيب هالمكارم و المسيرة الحسنة لأي انسان .. كيف نشأت و كيف تطبع معها الانسان مع وجود النزعات العدوانية و ما هنالك؟ |
National Sozialistische Deutsche Arbeiterpartei
اقتباس:
هل فعلا الناس ما عرفت مكارم الاخلاق واصل التعامل غير لما اجا الدين وهوي اللي غير طبيعة البشريه وطبيعة قوانين الحياة الصعبه ؟؟ ومدام انو القانون مستمد من الدين ( الكامل ) ليش اتغيرت الاحكام واتخففت على بني البشر ليش لأنو في عصر وفي جيل جديد عم يمشي وصار القانون حاليا بما يتناسب مع البشر وليس بما يتناسب مع طبيعة الدين ؟ الدين يعتبر حقيقة بالنسبة للعامة وأكذوبة بالنسبة للمفكرين ومفيد بالنسبة للحكام. (سنيكا) الدين يعود إلى زمن طفولة البشرية أما الآن وقد شبت البشرية يجب بالتالى أن يترك خلفها (سيغموند فرويد) |
ما بدنا نتعمّق بالدين .. خلينا بصلب موضوعنا .. الله, مكارم الاخلاق .. الخوف من الله و محبّة الله .
أنا كان كلامي واضح .. قلت بان الانسان في عندو رغبات و نزعات ما بدنا نسميها شيطانية, خلينا نقول عنها عدوانية و نزعات تمللك و أحياناً تطرف فكري و سلوك يقود للجريمة أحيانا .. كلنا في عندو هيك نزعات .. طيب كيف تم السيطرة عليها .. ممكن نرجع لبداية الخليقة .. لما ما كان في لا محاكم و لا قوانين رادعه .. يعني البقاء للأقوى .. من هون فينا ندخل بالتدرج الزمني و منشوف كيف ظهرت فكره التعايش السلمي و احقاق الحق و التحللي بمكارم الأخلاق . يعني واضحه .. الاستفسار من أين نشأت مكارم الأخلاق .. من قام بتصديرها للبشر و فرضها عليهم لتصبح عرف و مَنهج لهم .. مع اعتبار وجود و استمرار نزعات الشر في البشر. |
اقتباس:
شي بتقول الموروث الديني بيمنح الرقي للدينيين ولادينيين نفس الحكي كيف زبطت معك يعني ؟! |
| الساعة بإيدك هلق يا سيدي 21:48 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
)