|
Santa clouse is comeing to town
wish a wish baby cake want to grow up in my parents arms with peace To me wish all my dreams come true Merry Christmass guy's |
اسأللي اياه بالله بيعطي كاش :larg:
|
انا بدي ياه مممممممممممم
يعطيني حي الله شي المهم يعطي هوي زكرني هدا الموضوع بنكتة ال اليسا قالولا شو بدك تاخدي من بابا نويل قالتلون 1000 دولار متلو متل غيرو:lol: |
بدي اسئلة الفيزيا:x
|
اقتباس:
انا برأيي رح ابعتلو رسالة قلو بدي سلام تحياتي الحارة ظل جيفارا |
""بابا نويييييل..هاي كيفك؟..بصراحة ما بعرف شو بدي هدية منك..انو زمان وانا زغيري الوضع كان غير وكانت يمكن هدياتي وامنياتي منطقية اكتر..اما اسى كبرنا ومتل ما قالت مارسيل هدايانا بطلت تسع تحت الشجرة :oops:
انا ما رح اطلب منك الا انو تحقق السلام والامان لكل اطفال العالم وهاي بتكون احلى هدية :cry: وشكرا لانك ما بتتعب من طلباتنا :D"" شكرا مارسيل عالموضوع الحلو..:D |
اقتباس:
يا زلمي كمان زكرتني بنكتة:) شبني انا عم بتزكر نكت كتيرة اليوم ما علينا ال واحد حموي شاف مارد اجا حكو اجا قلو شبيك لبيك عندك تلت طلبات اجا قلو ممممممممممم قلو الاول بدي اوضة مليانا مصاري قلو روح على اوضة القعدة بتلاقيها مصاري كلياتها التاني بدي أوضة مليانة اكل ومشي الحال كمان التالت قلو بدي جسر من هون لامريكا قلو يا زلمة بربك سهلها قلو طيب بلا بدي كون زكي قلو المارد قلو اديش بدك عرض الجسر :clap::clap: ............. فلذلك حبيبي هي ما بدها بابا نويل بدها شي مجموعة ملايكة |
اقتباس:
تحياتي الحارة وشكرا كتير على النكتة شريك ظل جيفارا |
بدي من بابا نويل سبع كياس....سبع كياس كبااااااااار كباااااااار....مليانة فرح يقدوني لكل السنة.....واحد الي و ستة كياس لاهم ست اشخاص بحياتي......
:D |
بابا نويل ما بعرف اذا فيني اطلب وازا بيحقلي اطلب شي بس بتوقع انو قلبك كبير وابيض متل لحيتك ما هيك انا بحس انو الحياة كتير صعبة وكل شي فيها ماشي بالعكس وبحس انو حرام اطلب منك اشياء مستحيلة لانو انت عمو بتحب تفرحنا ونحنا رح نخليك تحزن اذا طلبنا اشياء مالك قدرة عليها بابا نويل فيني اطلب منك تحاول ترسم بسمة على وجوه كل الاطفال ممكن هاد الشي اللي رح اتمناه لانو كتير مفتقدة الابتسامة الصادقة على وجوههم ممكن تشوف الموضوع صعب بس لا ما تبتئس لانو فيك تحضر لعندهم وهمو بمجرد ما يشوفوك رح يفرحوا كتير حلو يفرح انسان بوجودك بحياتو انا بحبك كتير بابا نويل انت بتحبني؟؟ عالهامش كتير حلو طلبك سرسورة حسيتو دافي وراقي كتير وكتير حلو موضوعك ميرسيل:D |
اقتباس:
انا هلق بس لعرفت انو تمثيلية :oops: !! |
اه بالنسبة للامنيه :
ممممم بنت حلوه ؟ ............ لا ما فاضي فرح وبسط ؟ ......................... لا الحمد لله مستوره وماشي الحال نجاح بالحياه ؟ ............ هي بظبطها لحالي مو مشكله ممممم عمي نويل (( لانو فشرت تحل مكان ال بابا :pos: )) : بدي ياك تقربني لعند الله شوي .. اذا بيطلع بايدك :p |
صديقي بابا نويل... أنا أعرف أنك تقرأ ما أكتبه لك الآن... حاولوا كثيراً إقناعي بأنك شخصية وهمية، لا وجود لها في الحقيقة.. ولكنني يوماً بعد يوم أزداد اقتناعاً بوجودك معنا.. ألا تساوي فرحة الأطفال، شوقهم لهداياك، خطاباتهم الطويلة، ابتساماتهم ودموعهم وأساطيرهم حولك.. ألا يساوي كل هذا أنك فعلاً موجود؟؟ صديقي بابانويل.. ما سأطلبه منك هذه السنة يختلف عن كل سنة... أطلب منك أن تهديني وطناً... أشعر أنني ضائع بلا وطن! في بلدي أشعر بالغربة، وهنا في الغربة أشعر بحنين جارف إلى كل ما يمت لبلدي بصلة... وبين هنا وهناك فقدت وطني... بحثت عنه كثيراً، ولم أجد إلا بقاياه المتناثرة في ذاكرتي.. أعرف أن ما أطلبه غريب.. ولكن، ألست أنت بابانويل؟ أريد أيضاً أن أسألك سؤال... هل زارك أحد يوماً ما لكي يهديك هدية؟؟ بعد أن توزع هداياك وتعود إلى منزلك البعيد هناك، هل يكون أحد بانتظارك؟ أم أننا جميعاً ننساك ولا نذكرك إلا لطلب هدايانا الشخصية؟؟ حتى بابانويل بحاجة إلى هدية في بعض الأوقات... أريد أن أطلب منك المزيد، ولكنني أخشى أن لا يتسنى لك الوقت لتلبية جميع طلباتي... لهذا اكتفيت بالهدية الأغلى... شكراً لك... هلأ صار فيني نام وأنا مرتاح، وعم أحلم بقهوة أمي الصبح... بصوت فيروز... بأحلامي وطموحاتي من أول وجديد.. فارس |
اقتباس:
ويحميك ويحمي بابا نويل  |
عزيزي بابا نويل
لما كنت زغير كنت اطلب منك هدية كبيري ...... ان تنتهي الحروب ببلدنا العراق الحبيب و نفس الامنية اكررها الى اليوم !! اريد السلام و بسرعة الله يخيلك لان تعبنا يا عزيزي ..... انت تهدي كل طفل هدية تخليه يفرح شهر شهرين بس انا اريد هدية تفرح قلوب الاطفال مدى العمر ! ما اطول عليك كثير suryoyo |
انو بابا نويل انتي الشخصية الخيالية رح اطلب منك طلبات
بعرف انو ما رح تتحقق لانو هيي متلك خيالية بس ممكن حدا يشوفا ويساعدني فيا اول الشي بطلب منك تفوت جوات قلبي وتعرف اديش بحب..... وتخلي رفيقي يحبني اد ما بحبو ....ويفكر فيي وكيف فينو يخليني كون مبسوطة بدي حس انو انا موجودي وحقق احلامي الصغيري وطموحاتي الكبيري بترجاك ما عاد يمرق عيد ميلاد لالي متل عيد ميلادي البارح لانو عنجد كان تعيس كنت متوقة يكون في شي مميز بس للاسف كان متلو متل اي يوم اقل من عادي .....ما بعرف ليش وبتمنى انو هاد العيد يكونو العالم فيي مبسوطين انشالله كل العالم تكون مبسوطة وتحقق يلي بدا ياه :D |
اقتباس:
وفي كل عام نسهر ننام نستنى في منامنا يمكن يفوت تحت البيوت يوهبنا احلامنا هات احلامنا يابابا نويل هاتلي حبيبي بقطر الليل ارحل بينا قلوبنا حزينة بس بشرط لاخر الليل :hart::hart::hart: بدي منو هدية شو ماكانت المهم افيق من النوم ولاقي هدية تحت وسادتي:frown:وبتمنى من العلي القدير انو نحقق احلامنا بكل عيد ونعيش بسعادة مع اهلنا واحبابنا ونلاقي راحة البال ويعم السلام بين العرب اول شي اذا ضمنا السلام بيناتنا اكيد بنضمن الامن لوطنا العربي:hart: موضوع مميز متل العادة ميمو nbاشتقتلك ميمو:hart: |
يسلمو كتير كتير يا جماعة ع الردود كتير بسيطين وطيبين ودافيين حبيت الموضوع بعد ردودكن كتير  |
| الساعة بإيدك هلق يا سيدي 07:39 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
عرفت انو بابا نويل هو شخصية خيالية .. 
