|
تزويج الفتاة من مغتصبها ...
مرحبا ..
كل اليوم الصبح بتجيني جريدة بلدنا عالمكتب .. بس مبارح لفتني العنوان ...اللي كان : تزويج الفتاة من مغتصبها ..(عفوا ايها القانون ) ...: كتير انطرح مواضيع بخصوص جرائم الشرف .... وكتير في نقاط خلاف صار وحوارات واحاديث .. بس من القصة اللي مكتوبي واللي هيي عبارة عن انو بنت ما كانت تاخد شكل جدي كيف بينظرلا ابن جيرانا ..انو عادي متلو متل اي شب ..بس بيوم من الايام وهيي راجعة عالبيت بيغتصبا..وبترجع عالبيت مكسورة ومحطمي وحالتا بالويل ... وقت اللي راحوا عالمخفر .. قالولوا قدامك حلين .. يا بتنسجن 15 سني يا اما بتتزوجا .. يعني كتير خيارات ..مكتّرين :lol:...حسيتن عم يساعدوه:?... .. انو شفت وقت اللي زوجوا البنت اللي اعتصبا هداك الحيوان ... اي صارت جريمتين .. طيب شو زنبا هيي؟؟... نفسيتا كيف رح تكون ؟؟؟ كيف رح تطلع فيه ؟؟ مين بيتحمل المسؤولية؟؟ هيي ؟ اهلا ؟ الشب ؟ العالم ؟ وتفضلوا :D |
بس يعني لو ماتزوجا المغتصب مين رح يتطلع فيها بمجتمعنا؟؟؟؟؟؟؟؟؟؟
|
الموضوع بيفتح مجالات كتيرة للمناقشة
طيب ازا البنت ما رضيت تتزوج الشاب يللي اغتصبها حينحبس 15 سنة( انا يللي بعرفوا 20 سنة ) بس بهالحالة لازم اهل البنت والمجتمع يوقف معها للبنت لانو هي ضحية هاد لانو كانت مأدبة البنت وما أخدت وعطت مع الشاب بس انا بنظري مو لازم ينحبس الشاب لازم ينشنق لانو هيك حيوان لازم ما يعيش. وساوى معها هيك حيساوي مع غيرها وازا تزوجتوا مشان ما يصير فضايح حتعيش بإهانة طول عمرها معو انا برأيي خليه ينحبس |
اقتباس:
قولك العرسان رح يوقفو طوابير على باب بيتن؟؟ |
اقتباس:
يعني بالله عليك حيوان بشري اغتصب بنت شلون بدك يعاملها كزوج....... بس للتوضيح الاغتصاب ليس عملية سهلة يعني غير منطقي إنو رجل واحد يقدر يغتصب بنت هيك بدون ماحدا يساعدو أو يستخدم مخدر أو تهديد بسلاح يعني المغتصب بيكون إما عم يستغل ضعف البنت نتيجة مرض أو علة نفسية أو عصبية أو مخطط مع سبق الاصرار إنو يغتصبها ومهئ الظروف ومستخدم سلاح أو متفق مع أشخاص آخرين يساعدو يعني مو متل ما بيصوروها إنو ساعة طيش وشباب وفورة جنسية نتيجة اغراء لا يقاوم لانو في كتير ناس بتتعامل مع المغتصب إنو ضحية الاستفزاز والاغراء الجنسي خصوصا نجوم الفضائيات من المشايخ المتلفزيين. |
طيب هدّوا شوي ...
لنفرض تجوزا ... كم مرة رح يرجع يغتصبا ؟؟... لك هيي من الاساس ما بدا ياه .. لاء وجوزوها ياه ؟؟ اي و الله فظاعة:shock: |
البنت المغتصبة ضحية ولازم كل العالم يفهم هالشي
لانو يللي صرلها ماكان بإيدها ولا موافقة عليه كانت |
انا ضد انو يتزوجها
لانو هيك شاب لازم ينفضح وخليه ينحبس |
اقتباس:
ياجماعة انا مو مع تزويجها لهالوحش البشري بس انا بدي ناخد بعين الاعتبار مجتمعنا (المتخلف) كيف بيفكر؟؟؟ وقضايا من هالنوع مابتنحل الا اذا تغيرت طريقة تفكير المجتمع فالتغير مابيبدا بتغير القوانين قبل مايبدا بتغير طريقة تفكير هالمجتمع |
موضوع محيّر فعلاً .. يزيد تعقيده ما يقيّد ساعدينا من عادات
هلْ البنت المغتصبة قادرة عى رؤية مغتصبها .. يدعوها للفراش ثانية ؟ باللين؟ وعليها حق الاجابة ؟ |
حاجتنا احلام وردية وانو الجاني رح ينال عقابو (هاد اذا ماكان مدعوم وطلع منها)وانو البنت رح تعيش بسعادة وهناء والناس رح تتعاطف معها
وانا بشوف مافي حل للبنت حاليا الا بزواجها من مغتصبها بس نبقى هيك نوصل لمرحلت الانسانية ونفهم شو معنى كائن بشري ونخلص من جعل القضايا الجنسية اول اولوياتنا بهالحياه ونتخلى عن مفهوم الشرف التنكي المقرف الي جعل اساس شرف البنت بغشاء البكارة وهاد المفهوم البدوي المتخلف هو الي جايبنا ستين الف سنة لورا ساعتها بس ممكن يتغير هالمجتمع ويمكن وقتا نقدر نغير بهالقوانين |
هالموضوع مطروح بحلقتين من مسلسل سيرة الحب .. و القصة هي نفس القصة اللي حكتها مريومة بالأول بالضبط ..
الحلقة بعنوان 508 و هو رقم القانون يلي بيسقط العقوبة عن المغتصب في حال الزواج ... أنا لما شفتها بكيت لتنهنهت :cry: |
اقتباس:
|
اقتباس:
انو تعنّس هالبنت أحسنلا من انو تتزوج هالحقير و تعيش معو بعذاب كل يوم هي و عم تسترجع هديك اللحظات المؤلمة .. لأنك لما بتتزوج بتكون عم تعمل عيلة و من حق ولادك عليك تنقيلون أم منيحة .. و أنا لو محل هالبنت -الله لا يقدر طبعاً- ما برضى لولادي هيك أب ... |
شكرا ام الجود لانك قدرتي تفهمي قصدي
يعني باختصار رايحه عالبنت بالحالتين اذا تزوجتو رح تعيش بمأت وهم وغم ونكد واذا لا رح تنفضح ويمكن حتى اهلها يقرفو عيشتا وماحد رح يتطلع فيها مهما كانت اخلافا ومهما كان جمالا |
اقتباس:
وابو العبد متل ما قالت ام الجود انو تعنس افضل بكتير من انو يتكافئ المجرم الحيوان عجريمتو:pos:.. اقتباس:
|
اقتباس:
قد رأيتها .. الفتاة المظلومة نالت مايكفي من الظلم .. من المغتصب من المجتمع ثم الاهل لم المجتمع لا ينظر اليها .. كما ينظر لامراة مطلقة مثلا؟ او اجنبية ؟ من بلاد الحرية ..! |
اقتباس:
يعني القانون ضمن حماية العاهرة من الاغتصاب ولم يحمي الزوجة من الاغتصاب ملاحظة بتعريف الاغتصاب بالقانون السوري يعاقب من جامع امرأة غير زوجته قسراً .....يا أخي القانون ما بيدخل بين المرأة وجوزها شو يدك بالحكي. |
انا ضد تزويجا لهيدا الشخص
بيكفي يلي عملو فيها مارح تقتدر تتقبلو ابدا كزوج لانفسيا ولاجسديا لانو شخص اعتدى على روحها قبل جسدها انا مع السجن اقصى مدة ممكنة وخطا واكبر خطا ان يتم تزويجها له لان هيك بنكون قدمنالو مكافاة ما عاقبناه |
اقتباس:
اقتباس:
اقتباس:
|
quote]
أول الشي يعدمني ياكي ع هالصباح اللي صبحتيني ياه بهالموضوع:frown: اقتباس:
اقتباس:
أبو العبد انا معك انو المجتمع ممكن يتطلع عليها بطريقة دونية...وأنو العرسان مارح يوقفو طوابير ع بابا... بس ياعمي اشرفلها لـ للبنت تكون منبوذة بـ بيت أهلها عن أنو تكون مزوجة لهيك واحد... الاثار النفسية اللي ممكن تتضاعف مع هالبنت حتكون وخيمة...يعني أنت تخيل هيك بنت وصار معا هيك امور ازا مابدي قول انو صابها شي بعقلا حيكون عندا ردة فعل قوية...ومزال المجتمع حتكون نظرتو الها دونية فالمعنى هيي بنظر المجتمع انها مانها منيحة..وهالشي حياثر عليها سلبا..فـ ولادا وطريقة تربايتهم كيف حتكون...هي اذا اتطلعنا ع الموضوع من وجهة نظر شو العيلة اللي رح تعملها...بغض النظر عن انو هيي انسانة وحقوقا وكل هالامور اقتباس:
لك ياعمي هني بقدسو العلاقة الزوجية...يعني مطبقين ياداخل بين البصلة وقشرتها.. اقتباس:
ممم أنا مع اطول فترة ممكنة من العذاب لالو ميغسي عالموضوع مريومتي:D |
السؤال أنو .... بهاي الحالة أو بدونها البنت لازم تتزوج يعني ؟؟؟؟
ليش تفكيرنا دايماً أنو يا عمي البنت المغتصبة المجتمع المتخلف ما رح يطلع عليها .... عمرو ما اطلع مش مضطرة تتزوج وتدعك رجلين الزوج العظيم بالمي وتحكيلو تقبرني ابن عمي متل باب الحارة النووي ... يعني بنت مغتصبة أكيد حالتها النفسية خلتها تعمم وتكره كل دين الرجال المنيح والعاطل .... فكيف منزوجها اللي اغتصبها ... شو رح تكون العلاقة بينهم وشو رح تكون هي الاسرة المعطاءة !!!! يا عمي أنا بقول خلي هالبنت قاعدة ببيتها وتألف كتاب عن الاغتصاب وتعمل رواية احسنللها ... خليها يا عمي مش لازم النهاية دايماً الزواج .... وبدون عمل حبكة درامية حوالين القصة ... أنو الأهل والمغتصب ما رح يسكت ورح ينتقم ومدري شو !!!! بس النكشة .... أنو المغتصب هو المخير بين السجن أو الزواج .... يعني كأنو الزواج أقل من السجن بشوي بالنسبة الو أنو كيف يتزوج بنت مغتصبة حتى لو هو المغتصب ... يا عمي :lol: والبنت قاعدة بالبيت بتدعي يا رب يختار السجن .... وأكيد ما رح يختار .... :D ..... وردة |
اقتباس:
|
اقتباس:
|
امممممم
انا قرات اول شي كل الردود وكتيير حلو الحكي ... بس يا جمااااعه صح انو هوه ندل لانو اغتصبها ومن حئها انها ترفضو بس انتو عايشين بمجتمع كبيييييييير كتيييير يعني انا لو مكانها (الله لا يقدر) بالعكس بتوزوجو وانا اللي بذلو لاني لما بتجوزو ما بعمل اي شي بيعجبو لو بدو ياه بضل ضدو ما بسمع كلمتو بفرجي اني طريئة البنت اللي مو مرباايه عشان بالاخير هوه يندم ليش اختاار الزواج مني وما ختار السجن رح يكون بوئتها السجن ارحملو :p ولو حاول انو يضربني او يهيني بهاد الوئت المراه من حئها انو تطلب الطلاق بحجة عم يهيني او عم يضربني وبهاد الموقف رح يكون القانون معي :p انا هيك رايي يعني احسن ما اني ضل مع اهلي والناس والمجتمع كلو رح يحكي ويئول اكييد هيه عامله شي حركه مخليتو يطلع عليها وبيحلئو مثل (اللي ما بيدلي زنبيلو ما حدى بيعبيلو ) هاد انا بالنسبه لالي ويمكن في غيري بيختلف رايو عني ...ويسلموو على طرح الموضوع :D |
اقتباس:
|
اقتباس:
ماعندي معرفة بالقانون..فسؤالي انو بيخيروها بشو بالضبط؟؟ انو تتجوزو او ماتتجوزو...ازا ماتجوزتو ومارضيت شو بيصير فيا؟؟ |
ما بصير فيها شي بس بترجع لاهلها وبتنذل من حكي الناس والعالم :D
بيئولو نارو ولا جنة اهلي ;) يعني رح تضل مهما عملت ومهما ساوت عاليه عالمجتمع يعني مع كل اسفي لهالجمله بنــــــــــــت مغتصبه :x هاد اللي رح يصير :x |
اقتباس:
|
اقتباس:
هيدا مو حكي...اذا البنت ماعليها حق وهيي ماغلطت حيبان هالشي.. ومافي شي نارو ولاجنة هلي..هيدا الحكي بيصير صح لما بتكون هيي بدها ياه وقاتلة حالها عليه وليش عالة عالمجتمع؟؟؟ يعني خلص ازا ماتجوزت ماحيطلع بقا معا شي؟؟ وبعدين صح نسبة كبيرة من مجتمعنا لسا عندو تخلف من هالناحية، بس معلش العالم عم تتوعى |
اقتباس:
ازا تجوزتوا هوي بينفد من عقوبة السجن وهيي بتنفد من حكي العالم ومن العار (بحسب المفهوم المتخلف :pos:) وازا ما تجوزتوا ما بينفد من السجن (ما بعرف اديش مدتو بالضبط ) وهيي ما بتنفد من من حكم الناس عليها ومن العار(حسب المفهوم المتخلف كمان :pos:) .. وبجوز كمان ما تنفد من جريمة شرف !:frown: |
اقتباس:
ليش ماممكن تكون مانفدت من جريمة الشرف حتى لو تجوزتو؟ |
اقتباس:
كان في كتير عالم لا انقتلت و لا انتحرت تاني شي ما خطرلك انو ازا جيتي تذلي وتحكيلو تجوزتك و مدري شو ممكن يقلك انا رضيت فيكي و سترك وو..الخ (يعني واحد مغتصب شو بدو يطلع منو؟) تالت شي وحدة انجبرت تتجوز مغتصبها ما بتخيل بيكون عندها القدرة الكافية انو تخلي حياتو جحيم و السجن ارحملو بمجتمعنا اولا واخيرا الخسران الوحيد هو البنت :pos: |
اقتباس:
بينولد جواتي الكره وبئوي حالي لحتى اثبت اني انا عايشه انو الله خلئني متل ما خلئهن :jakoush: انساااااااانه والها حقوقها :adal: |
اقتباس:
و مستحيل يطلع حباب مستقبلا ... و لذلك اي عنف ضده رخ يقابل بعنف اكثر القانون بكل الاحوال هو ضد المرأة ... لان اثبات الضرب يحتاج اثباتات كثيرة و يمكن بعد دخول الزوجة المستشفى تتأكد المحكمة بقضية الضرب :lol: و مجتمعنا ما يتحمل كشف المستور .... ضرب الزوجة و غير شغلات و بكل الاحوال رح تتحول حياة المظلومةجحيم كبير و طبعا حياة الاولاد جحيم ... و يستمر المسلسل ... احسن شي لا زواج و لا بطيخ :D |
اقتباس:
لك حبيبتي مين بدو يذلك؟؟ امك وابوكي؟؟ الاثار النفسية من عملية الاغتصاب بتكسرها للبنت.. بس بعتقد مستحيل تكون بالطريقة اللي عم تحكي عليها انتي.. لانو متى ماتزوجك وانتي اصبحتي زوجته فانتي صار عليكي كمان واجبات لازم تقدميلو ياها متل ماالك حقوق... |
اقتباس:
رح تضل حسره بألبها انو تشوف هالناس فرحانه بولادها وهداك الندل حرمها من هالشي :cry: بس رح تضل يعني هالقضيه مفتوحه ومع هالناااس والعالم مارح يلتئالها حل :frown: لانو مجتمعنا بالخط العريض متخلـــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــف:cry: |
اقتباس:
اقتباس:
اول شي جريمة الاغتصاب آثرها النفسية لا تعد ولا تحصى ... وهالشي ما بتوقع انو يخلي الانسان مروق .. ولا فوق هيك بدو يتحكم بالمغتصب ! :? يعني متوقعة انو تعملي حياتو سجن ... ؟ اي هوي بكل بساطة ممكن يسجنك ببيتك ويقفل عليكي البواب والشبابيك وما يخليكي تتنفسي وازا استنجدتي باهلك .. ما رح يردوا عليكي ..لأنو بالاصل هني زوجوكي ليخلصوا منك بما انو انتي تعتبري عار عليهن (حسب مفهوم البجم:frown:) ! وين عم تقوليلي قانون وبطيخ ... عنا القانون بالنسبة لهالناحية وناحية جريمة الشرف .. اخـ** و اسوأ قانون بالدنيي واكتر قانون بيظلم المرأة .. وبينفخ الرجل المتوحش يلي بيعمل هالجرائم ! :frown: ئال قانون ئال .. لتكوني عايشة بالمدينة الفاضلة ! :? |
اقتباس:
ليش بقا ماتقدر تعيش بدون زواج شو ناقصها؟؟ مم معلش بس الولاد مو كل شي بالحياة.. ومانها اول وحدة حتكون بلا ولاد... وفي مليون طريقة تقدر تثبت حالها...وبيضل افضل من انو تجيب ولاد ويتربو بطريقة غير صالحة اقتباس:
اها يعني انو مافي ولاحدة انقتلت بعد ماتجوزت؟؟ لما حتصير جريمة الشرف حتصير بغض النظر وينها هيي للاسف طبعا |
اقتباس:
ياما و ياما ناس تزوجوا و ندموا على اليوم اللي اجو فيه للدني :lol: الزواج غاية ... و لكن اذا اسيئ الاختيار .... له عواقب كبيرة جدا |
| الساعة بإيدك هلق يا سيدي 03:11 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
