الأعياد الـــكـــئـــيـــبــــة أم الشعوب الـــكـــئـــيـــبــــة
 

لا أدري لما فقد العيد بريقه؟؟ لم يعد العيد رمز البسمة و الفرحة , حالة الكآبة صارت لا تفارقنا في الاعياد أيضا, حتى أعضاء المنتدى أغلبهم قضى صباح العيد في النوم ولا يملك خاطرا لزيارة الاقرباء و تبادل التهاني و الفرح, صار العيد حزينا كئيبا,
حتى قنواتنا الفضائية على كثرتها لا ترى مظاهر العيد فيها, القنوات المصرية نقلت مباراة كرة القدم في صبحية العيد و باقي القنوات إما افلام قديمة قدم الزمان او برامج مملة ومن تكرم و عرض مسرحية فانها تكون اما مدرسة المشاغبين او العيال كبرت او شاهد مشفش حاجة, مسرحيات حفظناها من كثرة عرضها. حتى كلمة عيد مبارك غابت عن الشاشات, فهل حتى قنواتنا تشارك في طمس معالم العيد و قهر الشعب اكثر مما هو مقهور؟؟ هل فقدت الاعياد الدينية مكانتها؟؟؟
عندما اشاهد قنوات فرنسية او اسبانية أرى معالم الفرح بمناسبة اعياد الميلاد في البرامج اشهارات ... ترى شجرة الصنوبر و بابا نويل في كل برامجهم, حتى الاخبار صارت اكثر مرحا عندهم بربورتاجات عن محلات الالعاب و محلات الحلويات و الشوكلاطة, حفلات, محطات تزلج..... الناس في شوارعهم لا تغادرهم البسمة رغم برودة الجو و ضغط العمل بينما نحن فوجوهنا مكفهرة لا ضياء فيها كاننا الاموات الاحياء.
والله مجرد مشاهدة اجواء اعياد الميلاد في الغرب ادخلت الفرحة لقلبي و اثارت الحسرة على حالنا في نفس الوقت ,فلما نحن كئيبين و وسائل اعلامنا تزيدنا كآبة؟؟ هل يريدون دفعنا لانتحار جماعي؟؟ العام الفائت قدموا لنا اعدام صدام حسين 'كهدية- قنبلة 'العيد و هذا العام مسحوا العيد تماما.
ننتظر كيف ستكون اجواء احتفالات اخواننا المسيحيين في المشرق شخصيا اتمنى ان يكون حظهم على الاقل مع القنوات العربية احسن منا.

الأعياد المسيحية لها معالم ولها رموز .. الأعياد الإسلامية ما الها أي رمز يُذكر ..

:D

عنجد ليش هيك
بحياتو مامرء عيد هيك
شي غريب هالملل :?

القضية ليست قضية رموز فالرمز لا يعبر عن الفرحة, فمثلا الهلال رمز لرمضان و عيد الفطر, الخروف لعيد الاضحى لكن ليس هنا المشكل المشكل في عدم بث الفرحة فحتى اغاني الاعياد المعروفة لم يتم عرضها , لم تقدم برامج خاصة بالعيد فهل يعقل ان تنقل مباراة كورة في صبحية العيد؟؟؟ هذا فيما يخص التلفزة اما فيما يخص الشعب فالطامة أكبر صار العيد بالنسبة لفئة كبيرة يوما كباقي الايام بل اعتبره البعض اسوء من باقي الايام اما بسبب التكاليف المادية او لسبب اخر لا اعرفه

مرحبا بك في عالم الكآبة العربي:cry:
لا أدري هل هو الوضع المادي او ربما كثرة الاحباطات انستنا كيفية الفرح.

لو ظل الامر هكذا فمن الافضل الغاء الأعياد:pos::frown:

الله وكيلك ساعتين وأنا عم أبرم بمطاعم ومولات الشام
مئت موطبيعي
يمكن البرد بيلعب دور :cry:

انت كتير مخطأ ياحباب أو مالك جذور أو صغير السن او ماعندك خلفية اجتماعية
أعياد الشام ومنها أعياد المسلمين كل فرحة وبهجة ومعالم ورموز بس ايقاع الحياة السريعة وكلفة الحياة اليوم عن الأمس تجعل هذه المعالم تختفي شيأ فشيأ
فلا تبخسنا حقنا يامسيو
بعطيك مثل عيد الأضحى فيه الأضاحي كان يكتفى باليوم الأول بتوزيع اللحم والأضاحي اليوم وهو الثاني بالعيد ولسع الناس عم بتوزع

الزلمة عم يحكي عن ما يبث ع التلفزيون وعن احتفالات العيد ..

انت جاية عمبتقولي ع توزيع لحمة :? ..

الزلمة عم يحكي عن الأفراح ..

ليش أنت كل ما توزع شقفة لحمة تعمل حفلة ؟

مثلاً مثلاً .. المسيحية عندكون بعيد الميلاد .. شجر وتزيين وبابا نويل وهدايا وحفلات وأغاني .. وبتنطبل بهل الشغلات الدنيا كلها .. كل الشوارع مزينة وبكل بيت شجرة بتضوي من بعيد وبابات نويل بالشوارع وبالبيوت والهدايا ع قفا مين يشيل و الحفلات الأكابرية والمفتوحة والأغاني الفرحة يللي بتخلي البدن يقشعر من حلاوتها ..

فيك تقوللي بعيدنا شو في ؟

في الفتيش والألعاب النارية المصادرة
وفي المراجيح وين ماكان يلي البلدية مانعتون
وفي الجزماتية يلي ممنوعين يحطو بسطة بالعيد :p

حبيب انت انكرت على اعياد المسلمين معالم رموز كل يلي همك بابا نويل وتزين الشوارع وهاد يلي عم بيصير بأعياد المسلمين حاليا
بس انت نسيت أهم أمور بالأعياد الاسلامية وهي
تذكر الفقراء ياعزيزي والتراحم بين الناس والأقرباء بعتقد هدول أهم من زينة ومظاهر أخرى
لاتضوج عم ناخد ونعطي وشو هي أكابرية يعني لحنا نوور هي ماحبيتا منك ولعلمك انا جيراني مسيحية بيشتهوا الأكابرية من عنا رغم أنا من النوع يلي بيزت هيك أمور بالزبالة الأكابرية بطلت من زمان حباب وقت كانت البلد مخنوقة هلئ كل الناس أكابر وولاد عالم وناس :o

هي المحافظة المصونة جمعتن كلهن بالمعرض القديم كرمال السلامة العامة
الألعاب النارية اليوم كتير صايرة مزعجة أنا بتمنى على الدولة تميز وتسمح بالألعاب النارية المنتقاة الأقل ضررا :p

[quote=ابو عمير السوري;848576]هي المحافظة المصونة جمعتن كلهن بالمعرض القديم كرمال السلامة العامة
الألعاب النارية اليوم كتير صايرة مزعجة أنا بتمنى على الدولة تميز وتسمح بالألعاب النارية المنتقاة الأقل ضررا :p[/quote
كل دول العالم بستعمل الالعاب النارية بالأعياد الا عنا
طيب والله في شغلات حلوة ليش مامنساويها تجارة نظامية ومنمنع المفرقعات

[quote=المحارب العتيق;848582]هذا مانرجوه والمشكلة هادا الموظف العصملي يلي عم يصدر قانون هو عرفان انو ماعم يطبق بل يستفيدوا منه المهربون وبعض المسؤولين

المشكلة فينا مش بالعيد..وبالنسبة للرموز ف ازا بتيجوا بتشوفوا هون شو عاملين بتعرفوا انو في رموز وفي معالم كتير حلوة..يعني ما في بيت بتمرق الا ما تلاقي عليه زينة وهلال وخرفان مضوية وما بعرف شو..غير اصوات المفرقعات ولكشافات اللي كل ليلة بتنزل وبتنشد اناشيد والناس بمشوا حدها مع شموع..في كتير اشيا حلوة..وبالناصرة والمدن العربية بعملوا بالليل حفلة ألعاب نارية (بالهواء الطلق)..بس مع هيك ما بعرف مش حاسة بالعيد أبدا :cry:

شغلات كتير كتير ..
لو بدي احكيلك ياها لبكرة مارح تحس بطعمتا
لانك مو مقتنع فيا ..
بعدين حتى لو لو مافي رموز مع انو في
الفرحة بتكون هيك بلا رموز وبلا شي بمجرد العيد عندي انا
ماضروري اعملك شجرة مشان احس بالعيد ;)

عيد بأحل حال عدت يا عيد ..........

قالها المتنبي و ما زالت ترن بآذاننا الى هذا اليوم



الناس كئيبة بشكل عام !! و عمرها الزينة و الالعاب النارية ما تعني السعادة الحقيقية



الوضع العام صعب و الحروب مستمرة بالمنطقة !

الناس تعبت و لازم ترتاح


الله يعين الجميع

لك يا سيدناااااااااا

كلو من البرد


احححححححححححححححححح