|
سورية تشارك بالمونديال
إيمتى ل توصل الطابة(الكرة) السورية على كأس العالم يعني فهمنا أنو نحن حمير بالعلم كمان طابي ما نعرف نشوط يعني رجلو للألماني أو البرازيلي أو الإيطالي غير رجلو للسوري
و بالحارة عندي أسمعو صوت الولاد وهني عما يلعبو طابة(كول لا مو كول ضربة جزاء و لا لاء) إنصرع راسي بس مو هي القصة إذا منرجع شي عشرين سنة منشوف أنو حاولة سوريا توصل على مونديال المكسيك بس العراق أخذ ورقة التأهل منا وياريت طلع معو شي و حتى دول إفريقيا عندون مجعات وصلو على كأس العالم و ليش نروح لبعيد هي سعودية و تونس شو يعني سورية مو لازم توصل بس الحق مو على لاعبين لأنو التفاحة الجيدة إذا أنحطت بين تفاحات مدودين بدود لاعبنا مو عرفان حالو هاوي و محترف ما بيعرف حالو إذا أنصاب لح يتعالج على حساب الفريق أو بدو يبيع يلي فوقو و تحتو مشان يتعالج و اتحادنا لكرة القدم متل رجل الكرسي لا بيهش و لا بينش لا بيكافىء و لا بعقاب بس بيعمل مؤتمرات صحفية و ندوات وبطولات منباعة مسبقاً لازم الواحد يربح :shock: و بالأخير بس يبقى الحلم انو أيم علم البرازيل من على اللفرندا حط علم سوريا :hart: ملطوش من جريدة الرياضية مع التعديل |
هههههه .. لك العتب عـالأتحاد الرياضي السوري ..
لاعبين ألمانيا و أيطاليا .. عندون جلسات تدليك شي تلت أربع ساعات قبل كل مبارة .. لاعبيا ما حدا سأل عليون .. كل واحد بيوصل قبل مبارتو بـ خمس دقايق .. وين كنت ؟؟ ولله رحت ضربتلي صاندويشطين فلافل و أجيت .. |
بشكل عام الكرة الأسيوية بدها شي 10 سنين كمان لتوصل لمستوى الكرة الأوربية
|
بتتذكرو من شي 5 سنين كانو بسوريا أطلقو ا بطاقات اسمها شووت
كانت تربح العالم مصاري وريعها بيروح لدعم كرة القدم السورية ودعاياتا عبت الطرقات قلنا منيح بلكي بيجي يوم ومنتأمل سوريا أنو تشارك بالمونديال قام المشروع مات بعد شهرين من ولادتو يا حزركن ليش؟ قال المؤسسة العامة ليانصيب المعرض خفت مبيعاتا لأنو كل الناس صارت تشتري شووت بدلا من اليانصيب اللي ما حدا بيربح فيه إلا ما ندر ويمكن بس يرد حق بطاقتو ورفعوا دعوى عليهن وفشلو المشروع تفو ع مؤسسة اليانصيب |
اقتباس:
بس القضية مو قضية مصاري بس يعني ... المنتخبات الخليجية بتحط على منتخباتها قد ما بتحط فرنساو البرازيل والأرجنتين كلها مع بعض وبالأخير ... ما بيتأهلوا ... واذا تأهلوا رح يتبهدلوا متل ما رح يصير مع السعودية الموضوع مو بس مادي الموضوع فهم كرة القدم ... تربية الطفل على كره القدم ..في عنا مواهب .. علىالعين والراس بس بالملعب الحديث تاني ... لأنو كرة القدم لعبة جماعية ... وفهم للكرة ... والآسيويين بشكل عام فهمهم لكرة القدم متأخر كتير |
ممكن معك حق بس شعب مو لاقي ياكل
الواحد بيفضل انو ما يوعي أولادو ع احتراف اللعبة لأنا ما بتطعمي خبز كتير مواهب بتضيع بهالطريقة يمكن بعض الناس فهمانة بس مو قدرانة تطبق أو ما بتتجرأ تطبق |
والله يا خيتي هالتفكير مو سليم مع احترامي لكل مين بيفكر بهالموضوع
لأنو من يومين ( تشفتشينكو ) وكمان ( مايك بالاك ) وقعوا من كم يوم عقد جديد مع نادي تشلسي الأنكليزي وكان الراتب الشهري لكل واحد منهم 210ألف دولار أسبوعياً = 3 ألف دولار يومياً = 156 ألف ليرة باليوم حدا بيجيبها عنا ؟؟؟ طبعاً هادا غير مقم العقد والأمورالأخرى |
طيب أنت قلتا مايكل بالاك والنادي إنكليزي
مو الجلاء وحطين والكرامة بلا صغرة يعني نوادينا قد ما تدفع للعيبة شو رح يشكل المبلغ وإذا لو فرضنا أنو اللاعب السوري وصل للعالمية واشتراه شي نادي مشهور مع أنو بستبعد الفكرة يا ترى بعد كم سنة رح يوصل وكم لاعب بيقدرو يوصلو |
|
اقتباس:
|
اقتباس:
|
اقتباس:
|
|
خلص الكيد منتأهل بوعدك
بس مو هلق بعد شي ميت سنة |
| الساعة بإيدك هلق يا سيدي 04:28 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون