أخوية - بعض القوانين والاعراف الاخوية لقسم الموبايلات

اي شباب كيف الحالة نشالله كلشي تمام
رح نخش بالموضوع اوام بلا طول سيرة
رح نحكي هالكام كلمة من اخ لأخوه او من اخوة ل اخوتهن لأنو نحنا هون ب " اخوية " وكلنا اخوة وحبايب

الرجاء انو تعمل لكل ملف تشك عالانتي فايرس لأنو نحنا ما منضمن 100% من الملفات المرفقة يعني مثلا اجا عضو حط ملف مضروب وانت نزلتو ونضرب جهازك نحنا شو دخلنا :cry: قصدي يعني منحاول نلقط القصة بس بركدا الزلمي طلع حربوق وما قدرنا عليه ساعتا مشكلتك :lol:

الرجاء التقيد بادبيات واعراف اخوية.......... واهمها التالي :

الإستخدام المتعدد لعناوين مواضيع غير مناسبة او لا تعبّر عن المحتوى
إنتهاك حقوق الملكية الفكرية بنقل مقالات دون الإشارة للمصدر و الكاتب
إضافة الموضيع في أقسام لا تتوافق والموضوع (بغير أقسامها)
إستخدام المنتدى كمنصة إعلانيّة تجارية دون تصريح.
إغـــــــراق (اضافة عدد كبير من المواضيع بوقت قصير يفوق قدرة استيعاب القسم)
المساس بشخصيات عامة بما يتجاوز أصول الكتابة الحرة المسؤولة.
الإهانة المتعمدة لعضو آخر.
المخالفة المتكررة لقوانين القسم الخاصة

سبق وحكا فيها القائم لذلك لا داعي للتطرق اليها بشكل مفصل

بالنسبة للاعضاء يلي عندن خبرة بهاد المجال فرجاء حار جدا بالمساعدة حسب القدرة المستطاعة ونحنا جاهزين لتأمين المواد حسب المستطاع لنعطيكن الراحة لتقدرو تفيدو اخواتكن ب بيتنا " اخوية "

نحن منسعا انكون مميزين هلق بجوز يا اخي انت تفكر انو نحنا بدنا مثلا نجيب مليون برنامج ننزلون هون ونقول ليكو يا عالم اخوية فيا مليون برنامج ... غلط مو هاد هدفنا ، هدفنا بالتميز انو نسلط الضو على شي غيرنا ما سلطه يعني مثلا في كتير مواقع متخصصة بالهالصنعة تبع الموبايلات يعني اذا الواحد بدو انتي فايرس ما بتكون اخوية محطتو الاولى ليلاقي البرنامج هوي بكون احسنلو اذا بروح على موقع تاني وبجيب البرنامج ... مو غلط معو حق ... لهيك نحنا رح نسعا اولا لنقدر نجزب العضو او الزائر لقسمنا بأنو نسلط الضو على شي غريب - جديد - ممكن ما يكون مهم ولاكن فينا نفلح فيه وهيك منكون تميزنا

ارجو تقبل هالكلام الاخوي وبتمنا المساعدة من الجميع ويا ريت نتقيد ونلتزم ونقدر نرفع اخوية اكتر واكتر
طبعا رح يتم التعديل في حال اتطرينا لهالشي

:akh: