|
دروس خاصـه لـشوش في الـتصميم
عمـّي نحنا عائله بنـحب نضلنا نتعلّـم .. هلئ عم نعلّـم سـتي عاستـخدام الكومبيوتر بهي الفتره فانـّو عنّا بالعائله عرق وراثه بيقتضي بانـّو الـواحد ما يبطـّل تعلّـم شغلات جديده ليحط راسو و يمـوت .. و أنا كـنت مفكره حالي مـاشيه على هالقـانون العائلي الضـخم , و اذ بـفيق الـصبح مبارح بـكتشف انــّـو :? .. أنـا ما بـعرف اعـمل تـصاميم و فوتوشب و حركـات خدني جيتك ..
لذلك بدنا نتعلّـم مافي مجال .. فتت على المعهد العالي لتعليم الغرافيكس اطلعت هيك يمين يـسار من وين ببلشو في هاد :lol: ؟؟ يعني صار معي متل البدوي اللي اشترى صندويشه فلافل حمصيّه و عضها من النص .. فانـّو يعني من الاخـر قـلت مالي الّا اعمل مـوضوع اتعلّم فيه عرواق خطوه خطوه - دروس خصوصي يعني - .. فبدايه قبل ما نبلّش دروس و خدني جيـتك بدي اتعلّـم التعاريف و المـصطلحات المطلوبه .. شو التـصميم ؟ شو بيحتاج ؟ قديش بياخد وقت ؟ شو افضل البرامج المسـتخدمه فيه \ لمحات عنها و روابط الها في حال بتقدرو \ ؟ انت اي اي انت اللي عم تتصفـّح هالموضوع شو البـرنامج اللي بتـستخدمه ؟؟ شو اهم الشغلات اللي بحتاج اعرفها عن هالمصلحه ؟؟ هاتو لنـشوف :larg: من الأسـماء اللي حابه اسـمع رأيها تحديدا في حال صرلها : Jimy و AHMAD |
انا فيني بلشلك بلفوطوشوب . بس مو شرح طبعاً .. و أيا استفسار بما يتعلق بلفوطوشوب انا زاهز .
بجبلك روابط لسيديات تعليمية .. عبارة عن خمس سيديات .. كل سيدي بيطلع حجمو 225 ميغا تئريباً . وانتي شوفي الأسعار وعملي برمة بلسوء . وشاوري عئلك .. ورديلنا خبر وياهلا :larg: |
ممممممممممم
هلأ بتعرفي شو .. انا اول ما كنت متلك هاكوذا قشيم شوي .. فأنو في هيكي برنامج خفيف نضيف .. سهل ونضيف وانيق ومرتب - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - فوتيلي هون .. نزليه .. واتعلمي عليه شوي شوي .. بيدمج صورتين وبيحط عليهن ايفكتات .. صحي من قريبو .. بس انو اول خطوة على طريق النجاع .. وقهلا |
طيب اي :?
رح زتلك الروابط هلئ لشوية قصص .. والمسا برجعلك |
طيب بس تتعلمي علميني ... :oops:
|
اقتباس:
اقتباس:
شو بيحتاج ؟ كام برنامج..اذا بدك تجيبهن من اميركا بدك تحطي الفوئك والتحتك :lol:.. (مشان هيك يفضل تجيبيهن من سوريا :sosweet: بـ 25 ليرة) قديش بياخد وقت ؟ حسب:larg: شو افضل البرامج المسـتخدمه فيه؟ ليكي هلئ اذا بدك تشتغلي Digital Art متل "استيحاء من مقطوعة الشرق":oops: أو Photography مثلا.. فالبرنامج يلي بيلزمك هوي الفوتوشوب.. Adobe Photoshop CS4 الاصدار الأخير CS4 شي كتير فخامي..بس خلص بكلوريا :cry: بدي اعمل موضوع عنو :deal: أو اذا بدك تعملي illustration متل:  (بالمناسبي هابي فالنتاينز داي:hart:) أو logo :  فكتير عالم بتنصح بـ Adobe Illustrator .. انا بفضل CorelDRAW (وهوي يلي مشتغل فيه التنين يلي فوء) وما زال بدك تتعلمي أنا بنصحك بدروس شركة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هيي مدفوعة..يعني بيوصل سعر الدرس عالسوري لـ 8000 ليرة :sick:.. بس بسوريا:sosweet: فيكي تجيبي عـ DVD كورس كامل (4 دروس تقريبا او اكتر) بـ 50 ليرة.. (سوريا غير:hart:) موفئة Bay :bye: |
عم يقرّشن ...لعفى شو هاد :o...
بدنا نتعلم وين رايح :pos: |
طيب ... منرجع
هلئ حسب ما شفت مواصفات جهازك راماتو 256 مما يعني انو ما خرج تنزل نسخة أكبر من Photoshop CS بتلاقيها بالرابط التالي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - طريقة تنزيلو بسيطة كتير ... بس انو next next next وهاكزا بجوز يطلب سيريال نمبر السيريال نمبر هوي 113114139162270939385031 رح ارجعلك مرة تانية بشرح مفصل للأدوات وهالقصص |
اقتباس:
بس وين لقلّك .. يعني وين رايح ؟ قلنا بدنا دروس خصوصي يعني عمليه مستمره حتّى اتعلّم مو درس واحد و شمعت الخيط .. |
اقتباس:
|
اقتباس:
|
اقتباس:
|
عفوا من الليديز..:pos:
سمعانين بشي اسمو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ..:jakoush:شي اسمو تابع لوغارتمي..:mrgreen: تغييرات تابع عددي.. احتمالات واعداد عقدية ومعادلات خطية..:sick: تيار متناوب واهتزازات جيبية ودراسات حركية وتحريكة..:aah: عدا عن التكاثر الجنسي واللاجنسي وفعل الاستروجين (بلا معنى:lol:) خلوني بهمي:frown: BayBay*هاموش: ذا مورنينغ ما بظن فيكي تتحملي تكاليف دروسي:p |
اقتباس:
اني واي التصميم : هوي الشي الي جواتك بتعبري عنو بعدة طرق يا اما بدمج عدة صور لتحصلي ع النتيجة اللي بدك ياها بمّا بالرسم بيسمحلك تعبري عن الشعور اللي بتحسيه يعني التصميم بصفة عامة هو واجهة لشخصك يعني فيكي تقولي انو بطاقة تعريفية عن The morning شو بيحتاج ؟ هوي ع حسب يعني ازا بدك تصميم بكل دقة قاكيد رح يطول بس ازا كان تصميم بسيط بالنسبة لمحترف ساعة بالاكتر بس عموما ع حسب <<<انا عملت تصميم رقمي اخد مني اسبوع لحتى كفيتو افضل البرامج : انا بعدني عم فضل Adobe Photoshop وهلأ عم فكر اتعلم ع ال Ullustrator وكزا برامج بدي اتعلم عليها والرابط في منتدى خاص بالتصميم ما بعرف ازا بيجوز بحط الرابط تعولو يما لاء بس فيو كل شي بيتعلق بالتصميم او الرسم انا بستعمل حاليا الفوتوشوب وعم حاول احترف التصاميم الرقمية يعني بصور واقعية وزبطها يعني بعدني عم حالو بس هلأ منقطعة عنو تماما لانو متل ما قال جيمي الدراسة اخدة وقتنا كتير في الي نصيحة حابة قلك ياها انو اهم شي انك تصبري اكيد انتي ادرى بصبر الرسام ع لوحتو لما يكون متلهف ومتشوق ليشوف النتيجة النهائية ازا صبر بتطلع النتيجة رائعة وازا ما صبر فتكون العواقب يمكن وخيمة بقى بدك تصبري شوي شوي بعدين مش بيوم وليلة الانسان راح ع سطح القمر وحابة قلك انو بالفن <<<لان رسم او تصميم ثقي بمشاعرك لانها هيي اللي بتهم مو العقل لانو المشاعر هيي اللي بتعبر عن الانسان بتمنى ما كون حكيت كتيير وكون افدتيك All The Best:D |
اقتباس:
طب أبو حميد أنا عندي الرامات 2 غيغا فإذا في برنامج أفضل منو ياريت تعطيني اسمو أو اللينك تبعو إذا موجود ما مشكلة وكتر خيركون |
اقتباس:
وياهلا |
اقتباس:
|
اقتباس:
وهي استنباط افكار المصمم ووضعها في التصميم يعني هي عبارة عن شخصية المصمم بيستعمل فيا عدة اساليب من بينها الدمج والرسم وهي نصيحة كمان مني لا تنتظرو المدح دايما بالتصاميم لانو الانسان مو دايما بيكون ناجح والحياة مو دايما بلون واحد وفي هاد الموقع بيحتاجو كل مصمم بدو يفوت بهالمجال : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - موفقين :D |
| الساعة بإيدك هلق يا سيدي 08:32 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون