|
هون بنا نحكي عن الرشوة بمديرية المصالح العقارية
(مديرية المصالح العقارية بدمشق)
هون رح نحكي عن الرشوة الله لا يحيجكون كنت من فترة رايح عالمديرية بدي مخطط لعقار الأحداث التي جرت: فتت من الباب الخلفي اللي عم تفوت منو المراجعين والموظفين "لأن الباب الأمامي لحضرة السيد المدير" بعد إختراق الزحمة اللي على الأصنصيرات (المصاعد) طلعت فيو مع أنو في أربعة مصاعد "2 عطلانين 1 للسيد المدير 1 للمراجعين والعمال والموظفين" والمشكلة إزا بدك تطلع عالدرج المديرية 14 طابق وأنا شغلتي فوق بعد نصف ساعة من الزحمة والتدفيش تمكنت من الركوب بأصنصير ووصلت عالطابق اللي شغلتي فيه بحبشت عالمكتب المختص بالأمور تبع المخططات وفتت وما لقيت الزلمة طلعت عالكريدور دخنت سيكارة ورجعت عالمكتب بعد شي نص ساعة حكيت للموظف بدي مخطط للعقار الفلاني حكالي رجاع قبل إنتهاء الدوام بنص ساعة رجعت لعندو عالموعد ولا مالقيت غير هالموظف جايب شي 30 مخطط والعالم حواليه متل النمل على الفراشة الميتة وما عم يعطي المخططات للبشر غير لحتى تناولو اللي في النصيب يعني (ترشي) أخد 200 من كل واحد عالماشي وعطانا المخططات وأنا من فرحتي بعد كل هالعزاب نزلت عالدرج لتحت ودغري طلعت بتكسي والشفير عم يشكيلي ويبكيلي (حكي الشفيرية) بعدين خطر ببالي هالموظف إذا كنا 20 واحد بدنا مخططات ومن كل واحد 200 يعني 4000 ليرة بيوم واحد يعني 4000*30 =120000 ألف كل شهر يعني 120000*12 يعني كل سنة شي 1000000 هلأ إذا هاد الموظف العادي هيك عندو رشاوي كل سنة تقريبا فكم مليون عندو ال.......... وفهمكون كفاية يرجى من الأخويين شلف شلفة قديش عم يضب ال.....:? (Black) |
يا جماعة أن لسه تازة
ومع هالمواضيع الواحد ما بيعرف بضل تازة ولا بيشحطوه |
وأنا كمان خايف بس من قهري كتبتو
|
اقتباس:
تاني شي هدا نص مصيبة جنب غيرو يلي عم بيدور على أذية الناس كرمال إنو إذا ما رشيتو بدو يإذيك أذية ماتنساها طول حياتك خليها على ربك والله المعيــــــــــــــــــــ ن الرشوة مارح نحسن بلاهـا إلى وقت قيام الساعة يحيــــــــــــــــــــن هنيك ساعتها مافي رشوة لإني كلشي مبين ومكتوب على الجبين وساعتها كل واحد إرتشا بيقول والله ياربي هدا كلو بسبب غلا البنزيـــــن مع إني بيكون هو وشاكلتو سبب غلاتو اللهم خلصنا منهن أجمعين .آمين .آمين.آميــــــــن |
هي بسيطة
بالمحافظة حتى يجمعوا لكل واحد من المستفيدين من تنظيم شرقي باب شرقي اسهمه كلها في محضر واحد يجب ان يدفع 500000 ل س نص مليون مع العلم انو من المفروض يجمعوا اسهم الشخص الواحد صاحب الارض الواحدة في محضر واحد ولكن فرقوا الاسهم وقالوا الثمن نصف مليون ليرة |
| الساعة بإيدك هلق يا سيدي 16:21 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون