|
حكي نسوان على البرندة
ام جميل : مين هالبنت الي ماشي بالشارع
ام رافت : هاي بنت ام خلدون.. بنت مرباي بس بيني وبينك عم يقولو عنها مصاحبة ابن ام عزو..... ام جميل : ابن ام عزو مصاحب بنت ام رزق؟ يه يه يه ام رافت : اريشي يو.. بحبو بعض صرلن بالحساب خمس سنين.. ام جميل : اه وسمعت انو ام خلدون مابدا ابن ام عزو.. ام رافت : والله مابعرف ودخيلك عاد ليش بتلاقي ام خلدون احسن من ابن ام عزو اريضة ام جميل : حاجتك عاد اسكتي وماتخليني احكي.. خلي الناس بحالن احسن ام رافت : لا يو اريشتك شو في احكي.. احكي ام جملو اريضة حاجتك عاد ام جميل : اي اي رح احكي هادا ابنها لام عزو راكض ورا بنت تاني بنت ام رامي.. ام رافت : يي يي يي ليكي الضرسان وامه درياني بالقصة؟ ام جميل : امه بالمستشفى .. ما جلطا للمرا من طيشو ام رافت : والله ياخيتو ام جميل , بنت ام رامي هاي تربايتها مش ولا بد... ام جميل : بعرف بعرف يا ام رافت... انا بعرف هالعالم بتخلف وبترمي... ام رافت : يا لطيف ومين هاي الضرسانة الي ماشي بالشارع؟ ام جميل : يييي تقبرني هاي بنت ام محمود .. ام رافت : والله يا خيتو بنت مرباي ومحترمة بس حنكا مجقوم ام جميل : لا عنجد وانا عم قول ام حسن ما وافقت ابنها حسن يخطبا..... ام رافت : دشرك من حسن وسيرتو هذا فاضي ومانو ملاقي حدا يربيه ام جميل : ليش يا ام رافت شبو هالضرسان ام رافت : هادا ماشي ورا بنتي الو سنتين واحنا مانا موافقين عليه.. ام جميل : اوعي يي اوعي يا يا مجنوني... بنتك بتستاهل ثقلها ذهب.. ام رافت : بدك تقوليلي عن بنتي يا ام جميل تقبر عضامي ام جميل : والله يا خيتو يا ام رافت ... لبنتي انا تقدملا بشهرين 45 عريس.. شي دكتور وشي جراح وشي طبيب جراح لجورج وسوف.. وشي مهندس.. بس البنت لسا زغيرة ما قطعت ال 28 سني ام رافت : يييييي بدك تقوليلي عن بنتك.. بنتك ملاك بنتك يا ريت تبقى وحدة مثل اخلاقها.. بنت ثقلها ذهب وماس ( وبينها وبين حالها بتقول ثقلها بصل سلموني |
اريضة تأرضكن يا لئائات بتحكو على بنت ام رامي روحو شوفو بناتكن مع مين ماشيات وال شو بنت ام جميل تقدملا شي 45 عريس على شو يا بعدي عالطول ولا الجمال اي علييه ما علييه انه بنت ام رامي بتسواكن بلدكن كلا يا ئليلات الأصل هههههههههههههههههههههههه
|
حسيت حالي شايف فريال وجارتها الكهينة:p
|
اي بقص ايدي ازا اللي كاتب الحوار سوري ..
يحرق عرضو .. لامم كلشي مصلطحات شامية وطاججا بالحوار .. :p |
هولي النساوين كل يوم بسمع ردحهن بالحارة...والشباب يللي بدهن يخطبو بتجسسو على حكيهن لانه مصدر معلومات مهم...ولما ييجو جيزانهن من برا بيصيرو يلعبو من غير كلام
|
مو غريبة ازا بهالايام الرجال عم يحكو هيك حكي عالناس
|
:lol: مليت
|
فريال وفوزية هخخخخخخخ
|
اقتباس:
|
حتى نخفف ازمة البلكونات والردح في شي بعلم الحديث اسمه التخاطر عن بعد هيك بدون حكي حفاظا على سرية المعلومة ومصادرها
|
| الساعة بإيدك هلق يا سيدي 22:56 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون