|
الخيمة الرمضانية ( سهرتنا صارت هون )
هون رح تكون سهراتنا برمضان الخيم الرمضانية معبية الدنية ( رغم أنفلونزا الخنازير ) . وهون رح نعمل خيمتنا . كل يوم منجتمع وبتخبرونا . كيف كان يومكم . وشو أخر اخبار الجمعات والسهرات . وجميع أنواع المقبلات والأكلات . وطق الحنك بدون نمنمات :larg: |
خبرونا شو ناويين تفطرو بوكرة . حاكم أنا من هلاء جوعان :lol: |
انا اكل هم العطش شغلة الاكل عادية
|
رمضان غير شكل ... مع ميرو
مرحبن ... :D انو يا جماعة الخير والشر ... الخ الخ الخ :p حابب حط هالموضوع من قبل ما يصير شهر رمضان بيومين .. بس كنت حابب حطو بالخيمة .. وبما انو لهلأ ما في خيمة ... وبما انو بجوز ما يكون في خيمة بالاصل .. فا رح حط الموضوع .. هون .. وازا صار في خيمة .. بتنقلوه :pos: الموضوع عبارة .. عن برنامج رمضاني منوع :yahoo: طبخة + طق حنك + ميوزك + شو صار اليوم بالمسلسل الفلاني.. وبالحلقة العلتانية كل يوم رح يكون معكن ميرو افندي (يعني سامان بيك الظريف:sosweet:) :p ورح نعمل الافطار سوا ... :clap: لا تقولولي اعمللكن كبّة .. لانو ما بعرف ساويها :pos: ويتخلل الطبخ .. الحديث عن بعض ما جرى بكم مسلسل من المسلسلات ... :gem: اضافة لـ حطلكن شوية موسيقى على زوقي ... ومن اختياري انا .. انا وبس وحصراً :adal: طبعن الطبخة مو ضروري كل يوم .. بركي شي نهار كنت معزوم انا ! :? شو بتساووا بحالكن انتو ... :o يلا بتقضوها بيض مقلي :lol: منشوفكن الضهريات ... مع شي طبخة ظريفة .. :larg: والحاضر يعلم الغايب :pos: :D |
اقتباس:
|
اقتباس:
الله بيعين . بوكرة على الفطور جهز عرقسوس وتمر هندي وخمسين نوع عصير . بعدين شراب كاسة مي مابتعود بدك شي :lol: |
أحب ان أهنئكم بقدوم شهر رمضان المبارك
ونسأل الله لنا ولكم التوفيق بإذن الله وكل عام وانتم بخير |
اقتباس:
اقتباس:
خبرينا شوفي طقوس معينة لأول يوم برمضان ببغداد |
اقتباس:
اول يوم اكيد يكون صعب بس الله يعين :D |
صرلي عايش خمس سنين بل الخليج..........عم نط من بلد لبلد.....لوصلت للبحرين........أسوء ما مر علي بي رمضان......أنو ناس بي بلد وحدة..........شي صايم وشي مفطر.......العمش شي بيحط الئعل بل الكف.....أنو كيف ظبطت ما بعرف؟؟؟؟؟؟؟!!!!!!!!:shock:
بس هون جو بي رمضان....حاسو ظريف.......بوكرى بنقلكون من قلب الحدث......لانو اليوم انا كنت من مفطرين.......ومن شان فطرو بوكرى......الله حيو جارتنا من شام جاية زيارة عند أبنها......وحالفة ميت يمين أفطر عندون........فيعني بوكرى فطور شامي شي ناهي......:ss: |
بما أنو الموضوعين بنفس الفكرة .. فـ يعني دمجناهون و ثبتناهون ... من هون ليخلص الشهر
|
واااااااو موضوع بيجنن .. شو ما أحلا هالخيمة الرمضانية .. الله يعطيكم العااافية .. بالنسبة للعطشانين نصيحة ثمينة كثير .. اللي مابدو يحس بالعطش مايكثر بالأكل وقت السحور لأنو الأكل لما بدو ينهضم بدو مي كتير .. هههههههههه يعني كترووووووا من المي واحتسبوا الأجر .. فكلما زاد عطشك وجوعك أكيد بيزيد أجرك ... كيف لكان؟؟؟ تحياااااااتي إلكم جميعا ... وبدي اعرف شو تسحرتوا الليلة ؟ لبين مايجي وقت الفطوووور ؟؟ كمان بدي وصيكم ياخواني وخواتي بالاهتمام بالطاعات كتير من الناس بيخلوا رمضان نقطة تحول في حياتهم واللي ماكان بيحافظ على الصلواة بلش يحافظ عليها ويقطع عهد مع نفسه بأنه مايتركها بدأ من رمضان .. واللي كان بعيد عن القرآن عاهد نفسه أنه على الأقل صفحة باليوم يقرأ .. أنا ناوية ياحبايبي اني اختم القرآن تلاوة في هالشهر المبارك .. ورح ابدأ في كل يوم جزء.. يعني القرآن 30 جزء وانا لح اقرأ كل يوم جزء.. والجزء الواحد عبارة عن 20 صفحة ولح اقرأ بعد كل صلاة 5 صفحات بس .. بعد الفجر وبعد الظهر وبترك العصر لأنو بكون جوعانه كثير ومشغولة بالمطبخ وبقرأ بعد المغرب 5 صفحات وبعد العشااااء 5 صفحات .. والأيام اللي بكون فيها مشغولة بعد المغرب بخليها لبعد صلاة التراويح يعني 10صفحااات وهيك بخلص القرآآآن كلووو ولاتنسوا حبايبي انو في رمضان الأجر بيكون مضاااعف يعني الدبل حدا بيحب يدخل في منافسة معي في ختم القرآن؟؟ يعني نشجع بعضنا البعض ونتسابق في الخير؟:clap: مين بيتحداني ؟؟:larg: |
كل سنة وأنت سالمين ينعاد عليكن بالخير انشالله.
إذا بدكن نصيحة مشان العطش، كلو فواكه كتير على السحور ، لأنه المي اللي بياخدا الجسم من الفواكه بتبقى لفترة أطول بالجسم وبتمنع الجفاف، وفي دراسة طلعت من فترة بيقولو فيها أنو في أنواع من الفواكه بتروي العطش أكثر من المي متل البطيخ، لأنو الأملاح الموجودة فيها بتخلي الجسم يحتفظ بالمي لفترة أطول. أنا كنت حب أشرب عصير رمان برمضان، خصوصاً ببيت جبري، مع صحن فول نابت، يم يم |
انو مرحبا .. خود واسع عليك انت وياه لشوط ..
لك اخ .. من مبارح بطني عم يوجعني وجع .. وفيقوني عالسحور ما بدي اشرب غير مي .. بس الحجي والحجة .. خلوني اكلي كعكة وكاسة شاي .. منشا تمسك المعدة يعني .. شربتلي شي .. 3 لتر مي يمكن .. لعلّ وعسى نمرق يعني .. وهيكه .. رمضان مبارك علينا وعليكم ... وجو رمضان اللي ما دايقو بالشام ما حس فيه بحياتو كلا .. :D |
عاملين شوي اليوم......:gem:
شي ناهي ها..... تفضلو...... |
والله اليوم .. الوضع عنا لسا ما مبين ..
شنشو بكرا في عزيمة وشغال التجهيز والمابعرف شو .. بقا بس ليصل الاخبار منلحشا .. يعنوي بس اكيد حيكون في تمر هندي وعرق سوس .. ومي ولبن وتمر اولا .. وبعدين يا دوب زبدية شوربة .. ولقمتين فتوش .. ولقمة من الطبخة ومنطلع خلاص ..:p |
إنو عالعافية يا شبيبة
كيف الصيامات لهلأ والعطش والله أنا طرئت سحور مرتب بس أكلت كم بالجبنة طلعت مالحة طئطئ حلئي من العطش |
ماني فاضيلكون.............تركوني بهمي
مرشح (و بتعرفو الرشحة بالصيف كيف) و ميت من العطش و نعسان و مو جاييني نوم و ما دخنت من يومين بس صامدون انشالله :gem: |
| الساعة بإيدك هلق يا سيدي 04:34 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون