|
ليش حمص أحلى من الشام ؟
1- أول ما بتوصل على كراج البولمان بالشام بيسلقوك شوفيرية التكاسي "و معظمهم من العواطلية اللي مو آخدين شهادة غير شهادة السواقة" و بيقولولك العبارة الشهيرة "تكسي عالمطار .. عالبرامكة .. عالمزة .. عأبو رمانة ..... " و بس تطلع بيبلش يستفسر بطرق لف دوران شو جاي تعمل بالشام بلكي بيكتشف إنك جديد و غشيم مشان يفتلك نص الشام قبل ما يوصلك لمطرحك .. و بيبلش يسألك إطلع من هون ولا من هون ؟؟ وأنا الحمدالله بعرف منيح وين روح بقى ما بنفعن كتير بس الله يعين الغشيم .
بينما بحمص بيوصلك و ما بيفتح تمو بكلمة و ما بيدورك و عطول بيوصلك عالمحل من أقرب طريق من دون أسئلة ... يمكن لساتن عالبساطة و بيجي يوم بيصيروا متل تبع الشام ... بيجوز !! 2- بتطلع بالسرفيس بالشام بيكون الشوفير في خضم حرب طاحنة و معركة مصيرية مع شوفير تاني ع نفس الخط ممكن يسبقو على راكب مشان هيك و إنت عم تطلع بيشفط و بيشلفك بأرض السرفيس من دون ما يسأل ... و بعد 10 ثواني إذا ما دفعت بيقول العبارة الشهيرة "اللي ما حاسب يا شباب ؟" ... و غالباً بيكون معلي صوت المسجلة عالآخر و غالباً بيكون عم يسمع قرآن بس هاد ما بيمنعو يقول لشوفير تاني طحش عليه " +س إختك يا أخو الشر++طة " . أما بحمص أنا ياما نسيان "والله العظيم نسوة":p إني إدفع و بتزكر إني ما دفعت يا أما و أنا نازل أو بعد ما إنزل و بحياتي ما سمعت بحمص العبارة الشهيرة "اللي ما حاسب يا شباب ؟" 3- بالشام بتسأل شي واحد بالشارع "بالله وين المحل الفلاني فبيجاوبك بأحد الردود التالية: * و الله بعيدة شوي ..ليك خود تكسي أحسنلك !!! مع إنو بتكون بتعرف إنو قريب و إنك بالمنطقة و على بعد كم شارع فقط لا غير ؟! * أو بيقلك بلا نفس "طووول و عاليمين" و بتتفاجأ إنك بتمشي و بتمشي و ما بتعرف إيمتا بيخلص الطوول لحتى يجي العاليمين !! * أو بيسألك إنت لوين رايح بالضبط و هاد بيكون واحد غليييييظ و كتير غلبة و أنا غالباً بقلو يسلمو عزبتك مشان إفتح سيرة مع واحد دايقة خلاقو من قلة الشغل .. بينما بحمص بتسأل بيقوم لولا شوي بدو يوصلك بإيدو أو عالأقل بيدلك متل الخلق و العالم . 4- بتروح على شؤون الطلاب المركزي بالبرامكة لحتى تطلع شهادة الجامعة -ريتك بلاها- بتلاقي كرتونة على باب غرفة تقديم الطلبات مكتوب عليها "يبدأ الدوام من الساعة 10.30 و حتى 1 " !!! و العالم بتكون صارت أمم عالباب و إنت و الله تخلين يفتحوا قبل 5 دقايق .. أبداً إلا عالنص تماماً ؟! و لما بيفتحوا بتلاقي شبين أشبه بالجحاش و كل واحد قالب خلقتو كأنو شامم خر+ة تحت إنفو أو كأنو عم نسرقو ؟؟ بتقدم الطلب و بتاكلك كم بهدلة و بيقولولك رجاع بعد شهرين !!! سوبر سبيد !!! بينما بحمص ما عنا شؤون طلاب مركزي من أساسو . 5- بتفوت على نقابة صيادلة سوريا تطلع شي ورقة بيستقبلوك كأنك شحاد مو صيدلي و بتتنرفز منك الآنسات و المدامات لكتر أسئلتك اللي بلا طعمة متل "من وين لو سمحتي بطلع هالورقة أو فيي قابل النقيب بعد إزنك ... " و بتخلين يدخنوا بزيادة و يطلبوا فنجان قهوة يروقن بعد قرفك و أسئلتك السئيلة ؟! بينما بحمص دخيل عينو أبو الخل سكرة و النقيبة أحلى و أحلى . 6- بتخلص شغلك و بدك ترجع بوقت الضهر عالكراج بتحفى على سرفيس أو تكسي فاضية ما بتلاقي و لما بتطلع بتعلق بالزحمة و بيجيك نوبة ربو عالإشارة من كتر دخنة السيارات و بيصيبك إنهيار عصبي لما بتفتح الإشارة و بتبلش السيارات من على بعد كيلومتر تزمر مشان أول سيارة تمشي بينما بحمص الزحمة أخف و الدخنة مقبولة و الزمامير أهدا . 7- بتفوت على الكراج بالشام بيستقبلوك الشباب بعبارة " عوين عحلب ؟ عحمص ؟ عاللادقية ؟ الباص ماشي هه .. و بتوصل لنص مكتب الأهلية و هاد الدب لاحقك مشان يطلعك بشركتو الجربانة بينما بحمص بيطلعلك عالباب كم واحد من هدول و بس ما رديت عليهن بيتركوك . 8- بتقلو للموظف بمكتب الحجز "بالله إيمتا في باص عالشام-زلة لسان يعني- قصدي عحمص " بيقوم بيفضحك و بيقلك "صحي إنك حمصي.. إي نحنا بالشام" بينما بحمص بتخربط و بتقلو " إيمتا في حجز عحمص .. قصدي عالشام " فيبتفهمك و بيجاوبك من تعليق لأنو أخوية :lol: |
ليش حمص احلى من الشام ؟
لانو حمص قبل الشام هههههههههه |
و الحكي عن حمص كاتبو بأزرق الكرامة!!!:gem:
فلتحيا حمص:adal: |
اقتباس:
|
:frown::frown::sly: |
مو أحلى بس الناس فيها أحلى ياحزرك ليش
لأنون حماصنة :o |
اقتباس:
بكرا بس تجي لعندي عحمص بفرجيك العالم الراقية |
بلا حلب بلا الشام حوومص يا دار السلام ....ع قولة يمون ..:gem:
وحومص يا امّ البلاد... حوبّك بقلبي وحاجي عااد ...:sosweet: |
الله حيووووو حوووومص والله
سوريا الله حاميها ع راصي |
حمص أحلى من الشام......؟؟ لأنو وين ماكان أحلى من الشام....
ولك عالقليلة بحمص فيه حماصنة.... بالشام ما بتلاقي غير الحلبية والديرية والصومالية والخليجية...ولك حتى حماصنة...لكن نادرا ما تلتقي بالشوام..(الله يعينن) |
والله ضحكتني من قلبي ومالي نفس
يعدمني الحماصنه وبالاخص الي بهاد المنتدى الي رجعه |
اقتباس:
بالله شو:o |
اقتباس:
حمص وبس والباقي خس :adal: |
أحلى شي إدلب :gem:
® |
اقتباس:
اسّا كترانة الكلمات تووع الإباحية يعني شر*** ؛ قح*** ؛ .... بحبشو بتلائو ® |
اقتباس:
اقتباس:
اخي كأنو وصل البل لدقنا .. :? يعني قريت الموضوع كزا مرة وماحبيت رد عليه .. قلت حماصنة وشوام التنين اجدب من بعض خلين ينتفوا بعض نحن مو جايينا شي من بعيد لبعيد منضحك عليهن :lol: بس انو وصل البلد لدقنا يعني :pos: اخي خليكن بين بعض ولادخلو لا الحلبية ولا الديرية ولا الحموية واستفردو ببعض (بلا معنى) خلينا بعاد نحن مشان مايصير فيكن متل ماصار بهداك الموضوع اللي نزل من شي شهر بالسقيفة .. والحلبية والشوام استلمو الحماصنة ع نكت وتقفيل والحماصنة ماعاد طلع صوتن ياحرام :p:p العبو بعيد عنا اخي .:sly: وازا بشوف الطابة تقلبت لعنا بربي لاشقلكن ياها شق :sly: |
شوف رح احكي الصراحة
كل كلمة حكيتها عن الشام يعني لو كاتبها وانت ماشي ما حتتذكرها هيك صحيحة 100% بس للاسف ما فيني اكد حكيك عن حمص لان زرتها مرة وحدة وخطفة بس المرة هي بتكفي لقول كلامك فيه وجه من الصحة يسلمو على الموضوع :D |
الموضوع عن حمص والشام ... ليش دخلتو حلب ...:pos:...
الغيرتوو وما ادراك ما الغيرتوووووو ...\\ سمايلي عم ينط \\:lol: |
| الساعة بإيدك هلق يا سيدي 17:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون