|
أسس المشاركة بالمكتبة ..
كتعريف بمكتبتنا ...
المكتبة : هي المكان اللي بنتبادل الكتب على أنواعها وحياة الكتاب والأدباء والشعراء .... ويفضل أن يكون الكتاب مرفق ونقبل استثناءاً وضع رابط لموقع مختص في تحميل الملفات . في حال تجاوزحجم الملف الحد المسموح فيه بأخوية قرأت لك : قسم من المكتبة بينزل فيو مقتطفات من كتب .. لمحات عن كتب ... مقالات لأدباء ... ( سئل فولتير من يقود الأمم .. أجاب من يعرفون كيف يقرأوون ويكتبون ) لهيك بدنا نتفق على شوية أسس كيف بدنا نكتب ونقرا بالمكتبة : 1. تعلمنا من الأسلاف " لكل مقام مقال " مهم كتير كتير يكون مقالنا بمقامو قصدي بمكانو ...إذا الموضوع مكانو بالمكتبة ... الشعر والقصة والأدب الساخر و الأبداعات الشخصية ومواضيع النقاش .. ألون أقسامون المميزة بأخوية .. ومكانون للأسف مو بالمكتبة ... المواضيع الدينية والكتب الدينية ما منحبذا بالمكتبة . 2. كتب نيتشه ( عندما تعبت من البحث .... تعلمت أن أقوم بالاكتشافات ) لازم نتساعد شوي بالبحث :???: ... يعني بالمكتبة في - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وبأخوية في- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - .... لهيك قبل ماننزل كتاب .. مقالة .. أو أيا شي نتأكد إذا الموضوع مكرر ( كتاب نازل قبل بمرة ... هالمقالة مكتوبة ..حياة هالكاتب محكي عنا ) ... بتقول غادة السمان ( الحب الذي يستعصي على النسيان .. يستعصي أيضاً على التكرار ) ونحنا منقول أنو المواضيع المميزة اللي عنا بستعصي على النسيان وعلى التكرار كمان :lol: وإن كان عنا إضافة على موضوع موجود منتمنى ينزل مع الموضوع الأساسي ما نفتتح موضوع جديد .3. سمعنا المثل الشعبي : “المكتوب نقرأه من عنوانه”. ومواضيع المكتبة لازم حتما تقرأ من عنوانا ... يعني ( كتاب روعة ... مقالة ولا أحلى من هيك ... كرمال الله فوتو عموضوعي ) ... بدنا نحزفا ... حتى لو كان المقال روعة والكتاب بيجنن .. .. بدكون تعذرونا ... 4. قرينا بشعر نزار قباني : ( شعري أنا قلبي.. و يظلمني من لا يرى قلبي على الورق ) ولأنو نحنا ما منحب نظلم حدا ... وحفاظاً عحقوق الكاتب ، كل كتاب أو مقالة ما بينذكر كاتبا رح نضطر نحذفا ... :سوريا: 5. بيقول أندريه جيد (إن أجمل الأشياء هي التي يقترحها الجنون ويكتبها العقل .) وسعياً أنو كتابة ردودنا بالمكتبة تحافظ على الأبداع والمنطق منذكر أنو ممنوعة الحوارات الجانبية والدردشات .. ممنوعة إعلانات لمكتبات تانية .. أو لمواقع تانية ( عدا المواقع المختصة في التحميل ) ممنوع تغيير مسار النقاشات ( في حال وجود نقاش حول كتاب أو مقالة .. ) .. وبالنهاية ومتل ما قال جبران ( يحتاج الحق رجلين . ... رجل ينطق به ورجل يفهمه .. :wink: ) ونحنا عملنا اللي علينا .. يسلمو :mimo: |
للحفاظ على الترتيب و سهولة تصفح المكتبة يجب ان تلتزم المواضيع في المكتبة بهذه الشروط :
:mimo: |
منشان يكون عند الكل فكرة واضحة عن المكتبة ويكونوا قادرين على إنهن ياخدوا حريتهن بالتحميل والتنقل بين الكتب على راحتهن.. رح نقدم هون على السريع ملخص تقني عن كل ما يلزم معرفته في المكتبة.
الكتب الموجودة في المكتبة هي كتب أكروبات... يعني بلغة الخبراء تحمل اللاحقة pdf أو Portable Document Format (وهو النوع الموحد للكتب اللي عم ينتشر بالعالم)... وكل اللي إنتو بحاجة إلو هو قارئ لهالنوع من الملفات... هالقارئ مجاني من شركة أدوبي Adobe (منشان الثقافة العامة ... هي ذاتها الشركة اللي أنتجت الفوتوشوب:p) واسمو Adobe Reader 8 وممكن أي حدا يحملو من الرابط التالي وحجمه حوالي 20 ميغا بايت (فوتوا واختاروا Download Now للتحميل:lol:) - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - واللي بيشوفه كتير كبير وضخم:o ممكن يستعيض عنه بهالبرنامج الحلو والخفيف:gem: (اسمو Foxit PDF Reader وحجمه 1.7 ميغا بس) وفينا نقول إنو بديل مناسب تماماً، نزلوه من الرابط التالي: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - لكن ما كل ما يتمنى المرء يدركه... وللأسف فيه بعض الأنواع النادرة اللي ممكن الواحد يستغرب من وين إجت.... ومن هالأنواع نوع إسمو DJV فإذا صدف ولقيتوا هيك شي... (وللأسف حتلاقو) فما عليكون إلا الاستعانة بقارئ DJV من هالرابط : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بتبقى نقطة هامة هي إنو هالكتب عم تنضغط :shock:(حتى نوفر عليكون كام دقيقة تحميل) وعم تلاقوها بالمكتبة على شكل مجلدات مضغوطة (أو اللي بيسموها ملفات ZIP) وهالنوع من الملفات ما بدو أي برنامج حتى يفتحه ويستخرج الملفات اللي جواه إذا كان عندك Windows XP :ss:... لأنو بهالحالة رح تلاقي مجلد مضغوط متل أي مجلد وفيك تشوف الملفات اللي جواه بشكل طبيعي أما إذا كانت النسخة اللي موجودة عندك من Windows أقدم من هيك :cry: أو كان الملف من نوع rar بدل zip :jakoush: فإنت بحاجة لبرنامج يتعامل مع هالملف المضغوط ... متل برنامج Winrar اللي موجود بالرابط التالي: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - نعاني للأسف من مشكلة تقنية تجعل التحميل متعذرا من الموقع .. لتحميل الكتب استخدم روابط ال 4shared الموجودة ضمن كل موضوع هادا كل شي لهلأ.. يسلمو :mimo: |
| الساعة بإيدك هلق يا سيدي 20:41 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون