اسلم تسلم .....
 

وردتنا اخبار مؤكدة من بغداد ان جماعات مسلحة قامت بتهديد عوائل مسيحية في مناطق عديدة من حي الدورة. خاصة في حي المعلمين وقد انذرت هذه الجماعات المسلحة العوائل المسيحية بترك المسيحية و اعتناق الاسلام وخلال 24 ساعة فقط او مغادرة المنطقة والا تعرضوا للذبح... وقد اضافت مصادرنا في بغداد ان هذه الجماعات منعت عوائلنا المسيحية من الاحتفاظ باي من مقتنياتها اثناء المغادرة. كما اصدرت فتاوي بمصادرة جميع ممتلكات هذه العوائل.
وعلمنا ايضا من نفس المصدر بان اغلبية تلك العوائل المهددة قد هربت من منازلها تاركين كل شيء في بيوتهم الى مناطق اكثر آمنة في العراق.
الخبر اعلاه نشر على مواقع عديدة وهو خبر طازج، اي نتاج اليوم، انني اتوجه به الى الى كل مسلم ليقراءه ولكن رجاء بتأني وتفكير.
نحن في بداية القرن الواحد والعشرون، ولدينا كل وسائل التواصل والاطلاع، كل ما يحدث في العالم ينقل بسرعة البرق الى كل اصقاع العالم، فكلنا نعرف باي خبر يحدث في مناطق سكنى الاسكيمو او في ادغال اندونيسيا او هضاب منغوليا او حول الامازون، ولكن سؤالي هل سمعتم مثل هذه الاخبار فرض اعتناق دين بالقوة والارهاب؟
هل يمكن لاعداء الاسلام من ان يقترفوا شيئا مشينا بحق الاسلام اكثرمن مثل الخبر اعلاه؟
اعتناق الاسلام تحت نصل الحراب ماذا يعني؟ الا يعني ان الاسلام اذا كان في القرن الواحد والعشرون ينتشر بهذه الوسائل فكيف انتشر قبل ذلك؟
ماذا يستفاد الاسلام من انسان اعتنقه بالقوة، والى اين سيذهب هذا الانسان الذي اعتنق الاسلام تحت تهديد، هل سيكون مأواه الجنة ام الجحيم؟
المسيحيون العراقيون لا يمتلكون ميليشيات مسلحة، وهم يعتبرون انفسهم ابناء البلد الاصليين، ولم يخونوا وطنهم لا بل ارتضوا الظلم والاضطهاد والتنكيل من اجل ان لا يتركوا وطنهم، ولكن الى متى؟
بالله عليكم لا تقولوا لي ان من اصدر هذه الفتوى ليس مسلما ولا يمثل الاسلام، فنحن في وضع مرعب، ولن يفيدني اي تبرئة للذات وللاسلام، فما اراه وما اسمعه وما يفرض علي بقوة السلاح اصدق من كل تبريرات المبررين، انه الم وعجز لحد العي لحد الشلل، الشلل الفكري والشلل عن الاتيان بالجديد، فما ذنب انسان كذ وشقى لكي يكون له دارا ومسكنا له ولاطفاله وفجاءة يخير بين ان يترك كل شئ، او ان يغير عقيدته، وحتى لو ارتضى بتغيير عقيدته، فعلى اي مذهب، فمن الواضح ان تغيير الدين ليس بكافيا، فغد كل قوي سيفرض تغيير الناس لمذاهبها، كما عملت الدولة العثمانية والصفوية في العراق.
هل الحل في ان يتحول المسيحيين الى قنابل موقتة يفجرون انفسهم في تجمعات المسلمين؟ الا يخطر ببال احد ان توجيه مثل هذه الاهانة اي فرض اعتناق دين معين يجعل الاخر في الزاوية الضيقة وليس امامه خيار فيا قاتل او مقتول، نعم اخوتنا في الوطن تفرضون علينات الخيار الدامي والمؤلم والقاتل، واليد التي تحت الحجر تؤلم ان بقت وتؤلم ان سحبت كما يقول المثل الاشوري، فالوطن غال والحياة غالية ايهما نختار، انه الخيار الصعب!
هل من نشر مثل هذه الفتوى سني او شيعي، انا اعتقد الاثنان لاننا راينا الاضطهاد من كليهما، لقد راينا فرض العقيدة وقوانين الشريعة والملبس الاسلامي واللحية الاسلامية في الموصل وفي بغداد وفي البصرة، اننا كنا ننظر الى ابناء العراق كلهم كاخوة، ولا زلنا في المغتربات نفرح ونسر عندما نلتقي بعراقي ومهما كان دينه ومذهبه، ولكن بعد اليوم وانتم تفرضون ما تريدون علينا من حقنا ان نظر اليكم كاعداء، كل واحد مشروع اضطهاد لنا، والا الى متى هذا الفلتان والتقاتل والمذابح والقنابل الراجلة والمنتشرة في كل مكان، الى متى بالله عليكم؟
اليوم فتحت التلفاز واذا بخبر تفجيرات كربلاء تهز كياني وتعصرني الما وتملاني غما، ولكن لم تمض سويعات الاوخبر الفتوى المفروضة على مسيحي الدورة ينزل على راسي كالصاعقة، انه خبر من الاخبار التي يجعل الانسان يفقد توازنه، قد يقول اي شئ،ولكن قول اي شئ هل يوازي هذا التهديد هل يوازي التهديد بقتل بتصفية انسان؟.
اذا كنتم لا تريدون العالم فهذا شانكم، ولكننا نشعر باننا جزء من العالم، نحب ارضنا ونخاف عليها، فالله وهبها لبني البشر اليس هذا ايضا من تعليماتكم من كتبكم المقدسة؟
ليس بيدي اي اجابة، ولست مستعدا لترف التحليل والمناقشة، فهاهي البندقية مصوبة على رأسي، اسلم تسلم، وما اغلى الحياة، وما ارخص الاسلمة.

القوى سلاح الضعفاء .. وما يأخذ بالسيف .. يالسيف يسترد ..

16 افرحوا دائماً17 واظبوا على الصلاة 18 أحمدوا الله على كل حال . فهذه مشيءة الله لكم في المسيح يسوع ... 20 لاتستهينوا بالنبوات , 21 بل امتحنوا كل شيءٍ وتمسكوا بالحسن . 22 وتجنبوا كل شر .

تسالونيكي الأول 16:5-22

المسيحية لازم يصيروا مسلمين
والسنة لازم يصيروا شيعة


فيعني مو المسحية لحالن مظلومين
الحال من بعضو وكلو بالهوا سوى



وواحد كل

كمان انتو برجع بعدين بخبركن
وبحط الرد عالقصة

بس هناك فرق في اللي انت بتتكلم عنه
يعني لما المسيحين لازم يصيروا مسلمين فهذا اجبار علي دين اخر وتغيير ديانه باكملها
بينما لما السنه لازم يصيروا شيعه فهذا تغيير مذهب داخل نفس الديانه ولم يتم تغيير للديانه
فلا وجه للمقارنه...ولا يجب اخذ الكل في مفهوم واحد

ياعمري شو مستقل انو الواحد يغير مذهبو
يعني الشغلة مي بالسهولة اللي انت متصورا
انو مو سهلة هالسني يصير شيعي او العكس مابتفرق كتير انو عن المسيحي لما بصير مسلم او العكس


اوكي ماختلفنا انو بضل كلو مسلم

بس يعني السني لحال
والشيعي لحال ;-)


:D

هلئ فينا نعرف على مين الحق هون ؟؟؟

بتعرفو انا كرهان كل شي اسمو ديانات من الاسلام للمسيحية لليهودية لكل شي بيتسمى دين

وبيطلب بعبادة الله ...يلي بيأمر بالرحمة والعدل ومدري شو

انو معقول هاد هو الله ... معقول عم يلعب فينا يعني انو ليش منزل كل هالديانات

بشان شو ... بدك العالم تدبح بعضا ولا بتتسلى بمنظر الولاد المدبوحين

وبيغريك منظر العالم المشردين .... الله تبع شو هاد

طيب اذا الحق مو على الله لانو عطا كل واحد منا دماغ بشان يفكر فيه

بس شكلها عالعالم ماعم اتفكر غير كيف بدها تسيطر عالعالم

بأي وسيلة كانت لك حتى الله ما عم يخلص منن

برأيكن هاد هو الدين يلي نزلو الله انا شكلي مابقى آمن بالله

لانو إذا هيك منزل بكتبو السماوية فأكيد ما بيستاهل انو يكون رب وخالق للكون

وهيك بدو يكون كل الكتب السماوية هي من تأليف افلاطون ...:shock:

بس بالقرآن والانجيل ما قرأت اي شي بيطلب بقتل العالم يلي على غير الدين

لهيك إلا اذا في شي منزلو الله بدون ما يخبرنا وخص فيه هالعالم يلي عم تمارس القتل

بجوز هدول يكونو جنود الله يلي مو خبر حدا عنن وهنن يلي رح يدافعو عن عبادة الله

بس ليش بيقتل المسيحين شو هدول ما بيعبدو الله وليش بيقتلو المسلمين

بصراحه ومن الآخر احنا شعب متخلف وهمجي وغبي ورجعي

والله حاول يعملنا خلق وعالم بس حتى هو ماقدر

لكن معقول الله ينزل كتاب بيحلل القتل هيك

طولت عليكن كتير بس بدي وصل الفكرة يلي عندي انو الغلط مو بالدين ولا بالله

غلط فينا احنا البشر يلي بدنا نعمل الدنيا على كيفنا

وحنا العرب بشكل خاص لانو مين ما اجا وحكالنا قصة الدبانة بنصدقو وبنعمل يلي بدو ياه

بشان نستلم حكم او نعمل مال وسلطة

لك وسلطةةةةةةةةةة..

بتمنى ما يكون حدا انزعج من كلامي :D

وحش ياجدع ...

ممكن اللينك لها الخبر

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

معلم تايجر اسمحلي إلك إنك متناقض، على حساب إنك زلمي فهمان و معدل و مثقف، يعني كيف بتصدق هيك افتراءات عالدين؟؟؟؟؟؟ و بقلك يللي أصدر هيك فتوى يا أما مو مسلم أو مسلم فهمان الدين غلط و بالحالتين لا يمثل الإسلام أبدا. حبيبي و الله لو مافي إلي رفئة مسيحين و لو ما بعرف عالم مسيحين بيستاهلو كل خير و حب و احترام، ولو ما شفت تطور الغرب و النهضة العلمية يللي هوي فيها، لكنت إلت نفس حكيك بس عالمسيحيين، لأن كمان الدين المسيحي مر بمراحل تشويه و سوء فهم لما كانت الكنيسة حاكمة أوروبا بعصر الظلمات و الخرافة، بس الدين المسيحي تعدى هالأزمة و هلأ الدين الإسلامي عمبمر بنفس الأزمة، محدا أحسن من حدا. بعدين يا سيدي أنا بتحداك إنو تجبلي أي حادثة بتاريخ الرسول محمد صلى الله عيه و سلم أو عصر الخلفاء الراشدين أو حتى لما صلاح الدين حرر القدس، بتحداك تجبلي حادثة أجبر فيها أي شخص غير مسلم على اعتناق الإسلام. بس نحنا العرب متل ما قال المعلم أبو سليمان، العيب مو بالدين ولا بالله عز وجل، العيب فينا نحنا، أي حدا شو ما كان أصلو و فصلو بيزرع فتيشة للفتنة عالسريع بنركض متل الجدبان و بنصير نقتل ببعضنا و نتهم بعضنا، ولأ و آخر طب الكيل ما بدنا نسمع تبريرات و منسكر أدنينا بكل عنصرية و تعصب و منعمي بصرنا و بصيرتنا و بدون ما ندري منصير ناس متخلفين ورجعيين و ما منتحاور بأسلوب حضاري، و منحارب بعضنا بسبب اختلاف المعتقدات.
آسف لأني قسيت شوي بالكلام، بس صدقني من باب الموانة و الأهم من باب الحب و النصيحة. :D :D :D

تحياتي الك ابو طريق مارح زيد على ردك شي الا انو
من اروع القواعد التي جاء بها الدين الاسلامي
((لا اكـــــــــــــــــــــــ ــــــــــراه في الدين ))
هي قاعدة واساس من اساسيات الدين الاسلامي يلي كانت تطبق حرفيا في عصر الرسول الكريم وهاد سبب انتشار الدين الاسلامي ودخول الكثير من الناس فيه , لكن دائما هناك من يلعب على الوتر الطائفي في هذا الزمن باعتباره سياسه ممتازة لتحقيق الاهداف ,, بقى العيب مو بالدين العيب ع الناس يلي مافهمت هالدين و الناس يلي عم طبقوا بشكل مخالف لما جاء به هاد في حال كانت الحادثة صحيحه بدون مبالغات مع ان الغالب انو هي فتنه:pos: ..

ياعمو ياتايجر المسيحيه ع العين والراس ولا بدنا ناس تندبح ولاشي من هيك والله يسلمن يارب يعني مافي احلى من السلام .هالمدبحه صارت اي نعم بس نحنا من وين عرفنا؟؟؟ الا من كلام الجرايد وهي حط تحتها مية خط .
بقى المبالغة وين رح تكون ؟؟؟؟ لاح تكون بصياغة المواضيع يلي بتحاك حول هذه المذابح طالما انها رح تتصدر الصحف طائفه من المسلمين شاذة هاد ازا كانو مسلمين ماعم يتأمروا ع الاسلام وينفزوا جرائمهم تحت مسمى الاسلام ..... والغرض واضح مابيحتاج دليل وهو اثارت الفتنه بين المسلمين والمسيح . لحتى يصير العالم مجزرة . ياسيدي ازا كان المسيح عم يخيروا فالمسلمين بيندبحو بدون خيار ... انت كمسيحي وقت تقرأموضوع عن هيك مدبحة شو رد فعلك الطبيعي كمسيحي؟؟؟ تلقائيا بدون ماتشعر رح يكون عندك حقد على الاسلام والمسلمين وهيك الحال مع كل المسيح ....بقى لامتى رح نضل متقوقعين طائفيا ؟؟؟؟؟

تحياتي تايجر .

ما حدا يأيد أو يشجع هاي الحوادث بالعكس ، كل إنسان واعي و بيعرف دينه و بيفهمه بشكل صحيح عم يرفض هالمنطق و هالتعامل مع أيً كان و من أي ديانة .

مشكلة تايجر تنحصر في فهمنا و إدراكنا للعدو . المفهومخ عم يختلط على البعض نتيجة ظروف كتير متشابكة و مختلطة . و اهمها الوعي الصحيح .

تايجر كل يوم عم ينتهك عرضنا من الولايات المتحدة ما حدا عم يحمل المسيحي العربي مسؤلية مجازر امريكا بحق شعوبنا ، لا نو ببساطة هالمسيحي العربي جزء منا ، جزء من المعتدى عليهم ، عم بيموت معنا دفاعاً عن هالارض .
بنفس المنطق إحسبها ، و فكر أنو في ضحايا مسلمين ماتو قبل أيام بالجزائر و كزبلانكا ضحايا للتطرق و قلة الوعي و الفقر و كتير ظروف تشابكت و إختلطت لتصيغ أنسان بيحمل هاي المعتقدات الشاذة .
تأكد أنو إحنا و أنتو بخندق واحد و وقت تنفجر القنبلة يلي بيحملها هذا الشخص أو وقت الصاروخ بينزل على البيت العراقي ما بيفرق بين عراقي مسلم و عراقي مسيحي . كلنا بنموت سوا . و وقت القنبلة يلي بيحملها هالشب المُضلل و بيفجرها ما راح تفرق بين عربي مسلم و عربي مسيحي .

الخطر بيهددنا كلنا و كلنا لازم نتكاتف لنواجه هالخطر .
السؤال أنو كيف نواجه ؟؟