أخوية - رونالدو:" ماعم افهم ليش هالإنتقادات ضد مدربنا,هوي من ال

تجنّب أبو الروند الحكي اللي عم ينحكى عن الحكام,على الرغم من أنو هوي يؤيد وقفة الفريق بهالشي..
أبو الشباب حب أنو يركّز على جهة لعب الفريق و أنو يبرزو الأخطاء اللي عم تمنع الفريق من الفوز بهالمباريات الأخيرة ..
بيوثق بلوكسمبورغو لأبعد الحدود و هوي واثق أنو النتائج رح ترجع لأنو "عم نلعب منيح"

| أبو الروند..سمعت شي الصفرة تبع الحكم قبل الجول الأحد الماضي.؟؟؟

|| من ناحيتي كنت بعيد كتير ,بس لعيبة الفريق قالو أنو سمعو الصفرة قبل الجول, بس ما عرفت ليش صفّر قبل الجول..؟و ما بدي
خوض بتفاصيل التحكيم لانو شي خلافي وجدلي ..أنا بحكي بس عن اللعب و شو عملت بالمباريات..

| هل الفريق الملكي عم يخسر بس بسبب التحكيم..؟؟

|| أنا واثق أنو نحنا عم نعمل شي غلط,ف لازم نحسّن أداءنا , ماننا عم نلعب لعبنا المزبوط و بطاقتنا الكلية,بس مانها هلأ فترة
حاسمة,عم نلعب منيح,قدام اسبانيول اتيح كتير فرص لألنا,أنا لحالي شطت 6 أو 7 مرّات عالمرمى ,بس الحارس كان أداءو كتير منيح.
و أوقف كل محاولاتنا عالجول.

|بتعتقد أنو الإنتقادات اللي عم تطال لوكسمبورغو مبررة...؟؟

||لأ,طبعاً لأ..عم يتطلّعو عالشي الخطأ,هوي شي كتير شائع بالفطبول الحديث,و ماني شايف أنو كتير فيه جدل الموضوع..
السنة الماضية ما لعبنا متل هلأ و خسرنا مبارة وحدة و كان كلشي منيح..هلأ الإنتقادات كتير مبالغ فيها و مضخّمة..و علينا هلأ أنو
نطلع من هالوضع اللي نحنا فيه ونتعلّم من أخطاءنا..

| شو المشكلة بالفريق عندكم حبيب..؟؟

|| بعض المشاكل الإعتيادية اللي عم نحاول نصلّحها و المدرب عم يناقش المشاكل معنا..أحياناً ما عم ننفذ التعليمات بشكل صحيح..
بس المشاكل شغلات صغيرة اذا صلّحناها بيمشي الحال و مننطلق من جديد و انشالله منصلّح كل شي..

|هل رح يكون قرار تغيير المدرب جدّي لتغيير المدرب أبو الروند..؟؟

|| ما بعرف اذا رح يكون كتير مهم ,بهالنادي ما بعرف بهالإشيا,بس اذا صار وغيّرو المدرّب رح يكون و بوضوح خطأ كبير..لأنو عنّا
واحد من أحسن المدربين و كل اللعيبة مرتاحين بالتعامل معو..و مانو شي جدّي لهل أد..لأنو عم نلعب منيح أبو السيم و أنتا بتعرف هالشي
"و هزّيت راسي عم وافقو ع حكيو" نحنا كنّا متحكّمين بكل المبارة الأحد الماضي و كنت حاضر حضرتك حبيب "و كمان هزّيت راسي عم وافقو ع حكيو"
بس ماكان معنا حظ إطلاقاً بالتهديف..لننطر ونشوف شو رح يصير الخميس الجاي.

|بركي الخسارة بالشامبينز ليغ هيي اللي أزت الفريق أكتر شي مو هيك رونالدو..؟؟

||كل الخسارات صعبة و بتأزي..هون الضغط علينا كتير كتير كبير..ما لازم تخسر أبداً..هيي صعبة تفهمها بأوربا شلون هون بالليغا..

|كان شي ما منيح أو سبّب أشكال وصول لعيبة مهمة و مؤثرة متل راموس و روبينيو متأخرين..؟؟

||صحيح أنو الموسم التحضيري مهم بس ما بعتقد أنو هالشي سبب أشكال حالياً..

مشكور أبو الروند عهاللقاء الحلو ..و انشالله نلتقي قريباً و بالتوفيق لمبارياتكم الجاي..

هلا أبو السيم و سلّم عالشباب حواليك..

هادا اللقاء اللي اُجري مع أبو الروند العظيم ..انشالله عجبكم ..

مراسلكم لنقل كل مباريات الريال و البرازيل :
SIMON