|
| ثـق بـالله و عـلـيـه تـوكـّل |
مـَن مـنّـا لـم يجزع يوماً ويضطرب ؟ مـَن مـنّـا لـم يـكـن علـى وشـك فقـدان بوصـلة إيمانـه ومفتـاح حيـاتـه الأخـرى؟!... مـَن مـنّـا لـم يـشــكك يوماً فـي كـل شيء حتـى نفسـه؟! مـَن مـنـّا لـم يـعـتقد يوماً أن الإلـه خذلـه وإستغنى عنـه؟! إقـرأ مـعـي هـذه القـصة وتـدبـّر... هبت عاصفة شديدة على سفينة في عرض البحر فأغرقتها.. ونجا بعض الركاب . منهم رجل أخذت الأمواج تتلاعب به حتى ألقت به على شاطئ جزيرة مجهولة و مهجورة. ما كاد الرجل يفيق من إغمائه و يلتقط أنفاسه، حتى سقط على ركبتيه و طلب من الله المعونة و المساعدة و سأله أن ينقذه من هذا الوضع الأليم. مرت عدة أيام كان الرجل يقتات خلالها من ثمار الشجر و ما يصطاده من أرانب، و يشرب من جدول مياه قريب و ينام في كوخ صغير بناه من أعواد الشجر ليحتمي فيه من برد الليل و حر النهار. و ذات يوم، أخذ الرجل يتجول حول كوخه قليلا ريثما ينضج طعامه الموضوع على بعض أعواد الخشب المتقدة. و لكنه عندما عاد، فوجئ بأن النار التهمت كل ما حولها. حتى الكوخ احترق، لم يعد يتبقى لي شئ في هذه الدنيا فأخذ يصرخ: لماذا يا رب؟ و أنا غريب في هذا المكان، والآن أيضاً يحترق الكوخ الذي أنام فيه . لماذا يا رب كل هذه المصائب تأتى علىّ ؟!!" و نام الرجل من الحزن و هو جوعان، و لكن في الصباح كانت هناك مفاجأة في انتظاره. إذ وجد سفينة تقترب من الجزيرة و تنزل منها قارباً صغيرا لإنقاذه . أما الرجل فعندما صعد على سطح السفينة أخذ يسألهم كيف وجدوا مكانه . فأجابوه : " لقد رأينا دخاناً، فعرفنا إن شخصاً ما يطلب الإنقاذ " ! "مـا ودعـّك ربـك ومـا قـلـى"  ثـق بأن الله لن يخـذلك طـالما أنت مـسلمٌ لـه قلـبك ومتـوكلٌ عـلـيه فـي أمـرك ومـؤمـنٌ بـأنه يـحـبك :hart: |
في قصة ببالي ( للأسف رح صيغا بطريقتي ما بتذكرا حرفيا ً ) بتحكي عن الثقة ... بتقول القصة انو سفينة .. كانت كتير عم تعاني عواصف ورح تغرق وهيك ... وبديو الناس كلن يهربو منن ينط عالمي ومنن يروح بالقوارب الصغيرة والقبطان تبع السفينة يقول .. لاتخافوا ما رح تغرق والناس ما تثق .. إلا ولد صغير .. بتجي وحدة لعندو بتسألو ليش ما عم تهرب بيقلا .. " لأنو اللي عم يقود السفينة هو أبي .. وأنا أثق أنه سيبقيني بأمان " .. :mimo: |
وانا كمان في قصة ببالي
كان في واحد ماشي بمنطقة جليدية هبّت عاصفة قوية كتير فاضطر يربط حاله بحبل مع صديقة باعتبار عملية المشي مع بعض كتير صعبة ومشان ما يضيعوا بعض بالطريق فجأة بيوقع صديقه ونتيجه وقعته بجرّ معه رفيقه الصديق بموت وبيبقى صاحبنا متعلق برفيقه اللي علق بين الشجر بنص العاصفة بيطلب صاحبنا من الله يساعده ويعطيه حل حتى يتخلص من المحنة بيسمع صوت من السما بقول له " طالع السكين واقطع الحبل " صاحبنا بيندهش !!! شو هال صوت الغبي ؟! شو اقطع الحبل ؟! انا املي بالحياة اني معلق بالحبل ؟! شو اقطع الحبل !! بموت بلحظتها بقي صاحبنا متشبث على رأيه وتم متعلق بالحبل ومات بليلتها تاني يوم بعد ما هدية العاصفة بيطلع فريق انقاذ للبحث عن الشخصين وبيستغربوا وقت بشوفوا صاحبنا متعلق بحلبة ومرتفع على الأرض مسافة نص متر فلو كان قطع الحبلة كان بكل بساطة نزل على الأرض وتابع طريقه ... بعرف طولت عليكم بس صاير حكواتي على آخر عمري ... بحب احط ملاحظة : الحياة ابعد ما يمكن عن القصة اللي ذكرتها فنادرا ما الله يغيث الانسان في لحظات ضعفه ونادرا ما يتحنن على الضعيف في لحظات الحاجة ... رأي شخصي |
اقتباس:
اقتباس:
|
حلوة كتير هالقصة..بتعرفي ست مروى..انا من الناس يللي عنجد ما خابت ثقتي بـ الله
يعني بجد ولا مرة وقعت بمشكلة الا انقذني منها..ولما حس بخوف وادعي فجأة بحس بطمأنينة دخلت لجواتي فهون بحب استذكر هالقول او حكمة او نصيحة..انو : "واذا اصابك في زمانك شدّة واصابك الخطب الكريه الأصعبُ فـ ادعُ لربّك ، إنه ادنى لــمن يدعوه من حــبــل الوريد واقربُ " وفعلاً تأثبتلي انو الله قريب كتير منّا..ومني كتير قريب..بحس بوجودو معي عنجد وصدقــًا بحكيلك انو لما ادعي من كل قلبي مع ثقتي الكتير كبيرة انو الله ما رح يتركني .. فعلاً ما عم يتركني و عم يساعدني .. وعم يحميني كتير كمان حتى بدون ما ادعي..بس بكون واثقة انو الله ادا بيصرلي شي رح يساعدني اكيد وواثقة انو اصلاً ما رح يسمح يصرلي شي مو منيح..وفعلاً هيك عم يكون..عم يحميني كتير بشكرك مروى.. انتِ رائعة..الله يحميكِ |
هلأ هالشي حسب الشخص
يعني انا مثلا من كتر ذنوبي أشك انو الله رح يوقف معي لأنو ذنوبي طامرتني و مارح بيّن بالعجقة عرفتي كيف أما اذا واحد قمة بالاستقامة أكيد رح يكون وائق انو الله عم يساندو |
كتير حلو ان الانسان يحلم بوجود هالشي الي بيمدلوا ايدو
بس يعني لاتواخذوني كل هالقصص الي حكيتوها خياليه يعني لا كوخ احترق ولا حدا ادندل بالحبلة بوقت فيه الف والف قصة عن اشخاص قمة في الطيبة وقعو بمشاكل تركتهن مدمرين وبنفس الوقت اشخاص وسخات مابيسوا نقلة طلعلن هالرب ودفعن لقدام ليدمروا اكثر واكثر اتركوا لالله فوق وحاجة تنزلوه هون لان كل هاد وهم ....وهاد راي الشخصي:D |
اقتباس:
آي لاف يو ماتيا :kissyou: اقتباس:
اقتباس:
|
اقتباس:
|
| الساعة بإيدك هلق يا سيدي 02:43 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون