|
أيها الملحد اجبني واقنعني عن هذا السؤال
طريقة بسيطة جدا...وسريعة....لإقناعي أن خالقنا وخالق الكون غير موجود...
تقنعني أن سيارة واحدة من السيارات الموجودة في الشارع لاصانع لها -...وابدأ علي بركة الله فإن نجحت في ذلك صدقتك ..وإلا فاقطع طمعك منا جميعا ...واختصر عليك الوقت قبل أن ينفد.... هذا فقط باختصار كيف نشأة هذا الكون صدفة ياصديقى الملحد ؟ ولماذا لاتعبد الصدفة ؟ |
ما في مجال تقتنع بعدين بتصير مشرك :o
|
اقتباس:
لانه ربنا هيك وصفكوا بالقران جهلة ومفلسين وكل يوم ببتضح الي الصورة |
اقتباس:
اقتباس:
مع اني ماني ملحد بس ولآني ما بحب النقاش السفسطائي ولا النقاش البيزنطي حابب اسألك سؤال كمان بسيط وسريع .... بتقدر تثبت لي ( بطريقة عملية ) انو هالكون هو من صنع ( اله ) اليهودية او المسيحية او الاسلام ؟؟ عطيني اجابة شافية بس تذكر انو بطريقة عملية و يا ريت تحط تحت هالكلمتين الف خط .... ووقتها انا بضمنلك انو كل الملحدين رح يصيروا من اتباع الديانات السماوية .... :D |
اقتباس:
للأسف .. أنا كنت حابب أناقشك .. بس أثبتت بموضوعك اللي قبل هاد إنك مالك على مستوى النقاش يعني ما عندي استعداد أنزل مستواي لأناقشك |
اقتباس:
انا اللي بسأل مو انت ترد علي بنفس السؤال يا ذكي طيب انت قلي اذا ما في اله للكون كيف اجى الكون ومين بيمشيه وبرجع بقول انا صاحب السؤال بالاول مو انت ترد علي بسؤال لا ذكي |
اقتباس:
اول شي حبيب انا ماني ملحد لا عالخفيف ولا عالتقيل و اذا انت جديد فكل المنتدى بيعرف هالشي ..... هاللا تاني شي بلا هدول كلمات من نوع ( ذكي ) ما بحبهم , ما بيواتو صحتي يعني ...... تالت شي انا قلتلك انو ما بحب النقاشات الفارغة و منشان هيك تدخلت بس منشان انو ما ضيع النقاش رح جاوبك جواب منطقي ( مو ديني ) ...... الكون مثبت انو في قوة هائلة قامت بخلقه , او اطلقت الشرارة الاولى لخلقه , بس هالقوة هاي مو بالضرورة تكون ( الله ) تبع الديانات السماوية !!!! يعني ممكن تكون اي قوة تانية واردة بأي كناب مقدس او غير مقدس موجود على الارض !!! ... و الاغلب انو ما حدا بيعرف الجواب ( برجع بقول بطريقة عملية غير ايمانية ) ..... على اي حال تهربك من الجواب بيبين انك ما بتقدر انت نفسك تجاوب على السؤال ياللي سألته انت , و مع كل الاحترام هادا بيكون نقاش فاضي ......... يعني فالنفرض انو الملحد ما عندو المعلومة و انت عم تعمل عليه معلميات و تسأله ( سؤالك السابق ) ..... طيب افرض انو الزلمة اجا معك و قلك خيو انا آمنت شوي انو الكون له خالق بس انو انتي لازم تقنعني كمان شوي ( بحكم انك بتعرف و هو ما بيعرف ) ...... شو بتجاوبو حضرتك ؟؟؟ ما بيصير تسأل يا ملحد ؟؟!!! :? :shock: او مثلا لازم انت ( كملحد ) تكتشف الجواب ؟؟؟ :? :shock: او انا صاحب السؤال و انت ما بيصير تسأل ؟؟!!! :? :shock: طيب انا بدي اسألك السؤال كمان مرة بس بغير طريقة ..... انا جيت معك انو الله هو الخالق لهذا اكون , طيب اثبت هذا بطريقة عملية .... بظن انو سهلتلك السؤال هالمرة .....:D |
اقتباس:
لكن اذا بدك الجواب وانت مصر انا كمان وفرتلك الاجابة واخر ماتوصل اليه العلم الحديث وخصوصا الاوربي من ان الله هو خالق الكون وبطريقة علمية جدا جدا بس وين المشكلة انه اللي زي امثالك يقرأ هالحقائق والأدله العلمية بعرف ما رح تقرا ولا شي بس بدك تطق حنك وتخبص وتهبل عالعموم انت حر هي الموقع وهي الأجابة فيك تقرا كل الأدلة والحقائق العلمية مع اني متأكد ما رح تطلع ولا تقرا بس انا اللي علي عملته وريت على جوابك وطلبك والباقي عليك انت تقرا الجواب وتفهمه مع اني اشك في ذلك لانه ربنا وصقكوا انكو على قلوبكم اقفال ولا تفقهون شئ وهي الموقع والاجابة والحقائق العلمية اللي طلبتها لشوف انا ولا انت - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
يعني برجع وبقلك ياريت تخلي النقاش حلو و متناسق و بلا هالالفاظ البايخة ياللي هي اقل ما بقال عنها انو قلة ادب ..... على اي حال هاي تعتبر طريقة للتهرب بتمييع النقاش , و انت المفروض انو موقفك قوي و ما بدك اكيد تهرب ولا كيف ؟؟!!...... المفروض انك عم تدعي لايمان معين , و بنفس الوقت عم تحاول تحكي بسخرية و بطريقة غير مؤدبة ( علما انو ما حدا غلط عليك ) , فبالنتيجة بترضى حدا يقلك انو ايمانك هو ياللي معلمك هالشي ؟؟!!! على اي حال ما علينا انا قريت المقال ( قراءة مبدئية ) بس مبين انك انت ياللي ما قريت المقال ..... :sick: انت عم تقول انو آخر ما توصل له العلم الحديث و خصوصا الاوروبي من ان الله هو خالق الكون و بطريقة علمية جدا جدا !!!! اي هالشي مو موجود ابدا بالمقال .... :sick: :sick: يعني اصحاب البحث عم يطرحوا نظرية ( ممكن تكون مقنعة و ممكن ما تكون ) معينة لنشوء الحياة على الارض وانو الحياة مو وليدة الصدفة بس انا ما بعرف شلون انت ربطتها بـ ( الله ) , خصوصا انو هم نفسهم ما ذكروه ببحثهم !!!! ......:? :shock: يعني مافي اي شي بالبحث بيجيب سيرة ( الله ) تبع الديانات السماوية الثلاث .... :humm: طيب معقول تتركني هيك القطك بهالطريقة , له يا زلمة شغل مخك شوي اكتر please ...... :nono: على اي حال انا رح اقرا الموضوع بالانكليزي و دقق فيه اكتر و اكيد للحديث بقية .... حضر حالك و ادرس احسن من هيك ... ;-) |
اقتباس:
برجع وبقول يابني اقرا الموضوع بعقلك فاهم علي بعقلك رح تعرف انه الله وربنا شو دخله بالموضع جل جلاله تعالى الله عما يشركون وماتقلي الصدفة لانه يا محاسن الصدف دخيلها هالصدفة اللي عم تعبدوها مين اللي خلقها دخلك ؟ |
اقتباس:
لك انت كني ما بتعرف تقرأ عربي ؟؟؟!!!! انا من اول مرة قلتلك اني ماني ملحد و خلق الكون مو صدفة .... رح كبرلك ياها و باللون الاحمر لتشوفها ( مو صدفة ) يعني بتمنى انك تكون شفتها للكلمة .... بس انو اثبتلي انو ( الله ) تبع الديانات السماوية الثلاث هو نفسه القوة الخفية الخالقة للكون و بطريقة غير ايمانية .... سؤال كتير بسيط و سريع ( متل ما قلت ) .... المفروض يكون الجواب كمان بسيط وسريع .... |
فيني قدّملك إجابة "إلحاديّة" :) ..
هي الورود والنباتات والأشجار والحيوانات والجبال والكواكب إلخ إلخ موجودة .. ومالا خالق .. فنسبة الشي يلي "نحن متيقّنين" أنو ألو موجد بهالحياة .. قليل كتير .. بالنسبة للأمور يلي ما إلها موجد .. لذلك .. إحصائياً .. فرضية عدم وجود خالق .. أقوى .. بالاستناد للمنطق يلي عبيستند ألو كاتب الموضوع .. تحياتي خوليو |
اقتباس:
- هل تريد فعلا النقاش و الإفادة و الاستفادة؟ ام تعتبر نفسك تملك الجواب أو بغنى عنه أصلا و إنما تتسلى و تتمسخر على ناس "مش من مقامك فكريا و عقائدياً"؟ - هل تعتقد أن اللاجواب هو جواب؟ - يعني اللي لاحظته من مشاركتك هون و بمواضيع تانية و انت أهلين فيك عضو جديد بتعتبر الملحدين ناس ما بيفكروا و بيعارضوا الله و متبعيه هيك من الباب للطاقة و حاطط كل العالم بسلة وحدة؟ طيب انت هل فكرت انو العالم في مئات آلاف الديانات؟ سماوية و غير سماوية: فهل برأيك التعامل بازدراء مع مليارات البشر هوي الطريقة للعيش في هذا الكون؟ ؟؟ هل الازدراء دليل على القوة ؟ جواب سؤالك: السيارة لها صانع طبعا لانها مصنّعة أي مشكلة من بطريقة صناعية أم الحياة الطبيعية (نبات حيوان إنسان .. ) فهي لا يتم إنشائها بعملية صناعية بل بعمليات حيوية ذاتية بتوافر شروط طبيعية معينة يعني لما بتزيد الحرارة ما في فقسة على كتف الواحد منشان يزيد معدلات الاستقلاب الخلايا لما بتركد و بتشوب ما في لوحة تحكم بوحدة التبريد الداخلي هلق ما بيمنع انو صار في تدخل صناعي يعني الناس بيعملولها عمليات و بيعطوها ادوية و حتى صار في عمليات تجميل و تغيير شكل الملخص: مافي تجانس بالمقارنة بين السيارة و الصانع من جهة و الكائنات الحية و الخالق من جهة تانية: السؤال الصعب هو طبيعة الروح : و الروح هي شيء غامض حتى في الديانات و تفسير الخالق أو الإله أو القوى العظمى أو الله مرتبط بالنهاية في تفسير هذه النقطة بالذات يلي ما حدا عندو تفسير واضح لألها بما فيها عباد الرحمن و إذا عندك تفسير تفضل، مع العلم انو بالقرآن : يسألونك عن الروح قل علمها عند ربي .. |
خلينا نجي لحيثية سؤالك .. انت وجهت السؤال للملحدين
رح نصنف البشر جميع لفئتين الملحدين و المؤمنين ..!! - المؤمنون يدّعون و يؤمنون بوجود الله الخالق. - الملحدون يرفضون القبول بهذا الخالق ويحاولون وضع النظريات وإثباتها، وفي كل مرة يظهر فيها التناقض يحاولون تحسينها أو استبدالها بنظرية أخرى فهل من واجب المؤمنين إثبات وجود الله أم من واجب الملحدين إثبات عدم وجود الله ..؟؟!! وبعبارة أخرى: إن الملحدين يضعون النظريات ويحاولون إثباتها ( التي قمت بتسميتها الصدفة )... إلا أن المؤمنون ويا عجبي منهم يبتكرون فكرة الله ويريدون من الملحدين إثبات أن الله غير موجود بدل أن يقوموا هم بإثبات وجوده وبطريقة علمية!!!! فلا يكفينا أنهم قبلوا بعجزهم وقالوا أن كل شيء مصدره الله الذي لا نعرف عنه شيء، سوى أنه السوبر مان العظيم مكون الأكوان و خالق المخلوقات , بل يتمادون في كسلهم ويريدون من الملحدين إثبات عدم وجود الله، فإذا لم يستطع الملحد القيام بذلك، قالوا "نستنتج أن الله موجود" يالهذا العقل المنطقي!!!!!! فإن أردتم أيها المؤمنون نقد نظريات (الملحدين) ، فعليكم بالنظريات بحد ذاتها، ولتعلموا أن نفي النظرية لا يثبت نظرية أخرى، أي أن نفي أي نظرية للملحدين حول الوجود لا يثبت وجود الله.... ليس من مهام الملحد إثبات وجود شيء كان قد نفاه مسبقاً .. لذلك عزيزي .. أدعوك لإثبات وجود إلهك بطريقة علمية و كن واثقاً و متأكداً .. أن إقناع أمثالي من الملحدين و الكفرة .. سيكتب في سجل حسناتك و سوف تكون سعيداً في دنياك و آخرتك .. و سوف يكافئك إلاهك بالحوريات الحسان و الحياة الأبدية .. لن يكلفك الأمر كثيراً من الوقت .. دليل علمي واحد ( عن الوجود الإلهي ) .. و سوف أخر ساجداً لهذا الإله ..!! لذا تفضل و أثبت وجود هذا الإله .. !!! |
Up
بانتظار الجواب أنا |
بكل بساطة عندما تقول إله فعليك أن تتحدث بالروحانيات وليس بالعلمانيات
وأقول مع أحد الفلاسفة قليل من العلم بجلب الالحاد و كثيره يؤدي إلى الايمان |
اقتباس:
علمياً ما في شي ثابت عن وجود الله و عدمه, اللهم بعض الفرضيات التي لم يتم التأكد منها بأي حال من الأحوال, هذا في ما يخص العلم التجريبي, أما منطقيا(والمنطق هو علم أيضا يمكن إدراجه ضمن الرياضيات أو الفلسفة إللي هي أم العلوم) فالله موجود إذا إتبعنا مبدأ السببية يعني لكل حدث أو فعل سبب أي فاعل أدى إلى حدوثه متل قوانين الفزياء تماماً, متلا القانون الأساسي للديناميك: مجموع القوى الخارجية يساوي الكتلة ضرب التسارع بتعبير أخر القوى الخارجية(الفاعل) تؤدي إلى تسارع الجسم (الفعل) حسب الكتلة, يعني من هذا كله يتضح أنه داءما لكل فعل فاعل, حسنا فلنرجع الآن إلى الوراء في تاريخ هذا الكون , نقطة الصفر في هذا التاريخ هي ما يسميه العلماء الإنفجار الكبير :بيغ بن (مجرد فرضية) ,العقل البشري إستطاع أن يصل تريليون جزء من الثانية بعد الإنفجار الكبير حيث كانت المادة كلها مكثفة في نقطة واحدة .السؤال المطروح هو ماذا كان هناك قبل نقطة الصفر? فرضيتان لا غير :كان هناك شيء(كون, مادة, حياة....) أو لم يكن هناك شيء. الفرضية الأولى تؤدي إلى طرح نفس السؤال: قبل هذا الشيء ماذا كان هناك? وهكذا دواليك إلى أن نصل ألى نقطة لم قبلها شيء, لا يكمن أن نستمر إلى مالا نهاية لأن هذا هذا يناقض مبدأ الفعل و الفاعل, الفرضية الثانية (إللي هي نتيجة الأولى) تؤدي إلى النتيجة الحتمية التالية :هذا الكون خُلِق من عدم أي من لاشيء, من الذي أخرجه من العدم إلى الوجود? إنَّه الله, سبحانه و تعالى عما يشركون. انظر لتلك الشجرة .. ذات الغصون النضرة .. كيف نمت من حبة .. وكيف صارت شجرة .. فانظر وقل من ذا الذي يخرج منها الثمرة .. ذاك هو الله .. الله الذي أنعمه منهمرة .. ذو حكمة بالغة وقدرة مقتدرة .. انظر إلى الشمس التي جذوتها مستعرة .. فيها ضياء وبها حرارة منتشرة .. من ذا الذي أوجدها في الجو مثل الشررة .. ذاك هو الله الذي أنعمه منهمرة .. ذو حكمة بالغة وقدرة مقتدرة .. انظر إلى الليل فمن أوجد فيه قمره .. وزانه بأنجم كالدر المنتثرة .. ذاك هو الله الذي أنعمه منهمرة .. ذو حكمة بالغة وقدرة مقتدرة .. انظر إلى المرء وقل من شق فيه بصره .. من ذا الذي جهزه بقدرة مبتكرة .. ذاك هو الله الذي أنعمه منهمرة .. ذو حكمة بالغة وقدرة مقتدرة |
اقتباس:
اقتباس:
أول شغلة حلو ..توصلنا لمبدأ أنو لكل سبب مسبب ..يعني بلشنا نحصر النقاش نأتي للمثال الذي قمت بذكره .. ما لقيت ربط بين المثال و صحة مبدأ السببّية ...!! يعني القوى الخارجية هي الفاعل .. بس لاحظ هالفاعل هو فعل بنفس الوقت .. لأنه ناتج عن فاعل آخر .. نتابع فأجدك تتطرح فرضتين الأولى .. للأسف أقول لك يوجد نقطة قبل نقطة الصفر .. أما الفرضية الثانية ما لاقيت دليل علمي عن إثبات الوجود .. مجرد إيمان بقوة عظمى و تسليم نهايةً أطلقت عليها التسمية الشائعة عليها فيما يدعى " الله " مين هوي اللي أخرج ه " الله " مين كلفو و ووكلو يخرج الوجود من العدم إلى الوجود لاحظ ما ذكرته مسبقّا ..الملحدين في حالة تطوير نظرياتهم عن أصل الوجود .. مالي مطالب حالياً أنا أثبتلك أصل الوجود ...!! طلبت منك دليل علمي عملي على وجود الإله .. لم أطلب دليلاً علمياً منطقياً ..!!! و مع ذلك دليلك المنطقي واهٍ جداً .. لدرجة أن أخي الصغير يستطيع ضحد هذه الفرضيات ..!! ما تبقى من ردك عبارة عن تمسيح جوخ و كولكة .. و اعذرني على هالكلمة مالي مطالب إني رد عليه همسة ..يبدو إنك فهمان مبدأ السببية غلط .. " لكل سبب مسبب " لازم تحط بين عيونك .. المسبب أحياناً بكون سبب و العكس صحيح .. يعني بالأخير دورة متكاملة رح تلف و تدور مشان ما تنسا هالفكرة :D |
اقتباس:
المثال الذي أعطيته يعبر تماما عن مبدأ السببية قوى خارجية إللي هي فاعل مباشر تؤدي إلى تسارع إللي هو الفعل. بتقول أنو يوجد نقطة قبل نقطة الصفر, طيب قبل هالنقطة شو كان موجود?سؤال يحيلك للفرضيات إللي أنا حطيتهم أنا سميت خالق الكون الله لأني مسلم, إنت فيك تسميه القوة العظمى أو القوة الخارجية متل مابدك, وهذا ليس تسليم كماقلت بل نتيجة حتمية للفرضيات إللي طرحتها,أما عن سؤالك مين كلفو فما حدا كلفو لأنو هو الفاعل و الخالق الأول و إليه تنتهي الأسباب. أما عن قولك عن كلامي تمسيح جوخ فصراحة مالقيت غير هالسمايلي:?, ياريت تقلي لمين بمسح جوخ:p مشان الموضوع رد أو لا ترد متل ما بدك بس إذا قررت ترد بطلب منك تجيب فقط دليل علمي منطقي وليس عملي عن عدم وجود الله :D |
اقتباس:
لك ادا بالمنطق ما في مجال للاقناع كيف بسيارة :o تعى لقلك ما في ملحد عربي ابدا ابدا ليش لانو لازم العربي يرتبط بمنشاء بشي خلقو بامل يعن ما فيه يتنتر من جدورو بينما الغربي فياما عندو ادلة هلا ثابتة صحيحة ولا لا هو مقتنع فيها :pos: بس سيارة يحرء حريشك ضحكتني سلام عليك:lol: |
اقتباس:
الانسان صنع السيارة من خلال استخدام عقله هل لدي الله عقل استخدمه في خلق الكون ؟ اذا اثبت انو الله عنده عقل هناك الكثير من التناقضات ... اوكي نبدأ الاول في الاثبات بتاعك وبعدين ندخل في التناقضات. |
رح قلك شغلة .:pos:...القصة مو انو الله موجود ولا لا....القصة انو خلص يعني اذا انتا بتعرف انو موجود وحابب تكسب الجنة تروك جهنم للملحد...هو مبسوط يا اخي بجهنم ومو حابب يروح معك عالجنة....خلص روح انتا وتروك الزلمة بحالو....أف.......خلص طيب روح انتا وهو بعدين بيلحقك...وانتا اذا ما عجبك الوضع هونيك تبقى تعا لعنى ومنستقبلك بكل رحابة صدر....وأهلا وسهلا..:hart:...جهنم ترحب بكم...."ملاحظة :نقدم المشروبات الروحية بجميع انواعها "
|
اقتباس:
مع احترامي الك ولعقلك الصغير انا اللي بديت بالسؤال وما تتهرب واحكي واذا ما لتعرف قول ما بعرف وخلص انهي ولا تتفلسف انا حطيت سؤال ما طلبت منك تسألني يا بتجاوب يا بتسكت وبتنهي وبعدين انا اعرفك واشك في امرك الصهيوني |
لساتكون عم تدورو عللى الله
|
اقتباس:
اللي عاوز يتحاور او يناقش او يسأل او يستفسر لازم يكون محترم ومايطلعش كلام غلط لكن اسلوبك بيحتم انو ما نحترمكش فياريت تحسن اسلوبك شوية لانو صدقني بنعرف نقول كل الكلام اللي مش هيعجبك انا اثبتلك انو الانسان هو صانع السيارة وده كان جزئية من سؤالك اثبتلي انت بقي انو الله لديه عقل واستخدمه في خلق الكون. |
باختصار ماهو المسوغ ................... من وجود العالم كما أن الكمبيوتر صنعه الانسان ووضع قوانينه وثوابته وقطعه فيجب أن يكون هناك أحد قد أوجد هذا الكون ووضع قوانينه ومواده فمن ذا الذي خلق الانسان وجعله من لحم ودم وجزئيات وخلايا لا تقنعني وتقول لي .... أن الانسان اوجد نفسه ... او خلق بالصدفة والصدفة مقدرة من الله ... اي انها مكتوبة عنده فالله هو الخالق والانسان المخلوق |
ما الحكمة من عدم رؤية لله .؟؟؟ سؤال يطرحه الكثيرون والرد هو إن الله عزوجل له حكمته في كل أمر يأمره ويعمله ................. فالله عز وجل .... خلقنا لنعبده ((وماخلقت الانس والجن الا ليعبدون)) فإن رأينا الله تعالى فلن يصبح الانسان مخير لان الله أصبح أمامه وانتا تعلم أن موسى عليه السلام حاول أن يرى الله لكنه خر صعقا من خشية الله ياأخي لو نظرت في نفسك فقط أتحداك أن تحصيا النعم لكل أعضاءوجزيئات بدنك |
اقتباس:
ولا يمكن شريته من السوبر ماركت اللي اعطاك العقل وخلاك تعرف تحكي وفكر وتكتب ما بدك يكون عنده عقل صحيح اكالين نكاريين اللي خلى تعاقب الليل والنهار اللي طلع الشمس من مشرقها طيب اسمع فيك تخلي علمك وعلمائك يطلعوا الشمس من الغرب طيب بلاش فيك تجيبلي اية او حكمة متل القران كلام حقيقي بلاش اللي خلاه هالكره الائضية معلقه في الهوا ما عنده عقل ؟ اللي نصب الجبال والسما من غير أعمده ما عنده عقل ؟ اللي اعطاك البصر والسمع والقلب انظر الى قلبك ستعرف انه اللي خلقلك اياه عنده عقل ولا لا ؟ لك ربنا وصفكوا انتو بالقرآن ( ختم الله على قلوبهم وعلى سمعهم وعلى أبصارهم غشاوة ولهم عذاب عظيم يعني ربنا خلص ختم عليكوا قد ما انشرح ما رح تفهموا ولا تقتنعوا حتى لو جبنا ادلة علمية ومنطقية وكل شي لانه خلص هذا وعد الله منه انكم على قلوبكم وسمعكم وبصركم غشاوة ان تفقهوا شيئا لو اتينا لكم بكل الحقائق والمعجزات العلمية والعملية لن تفقهوا يعني انسى امركم محسوم حتى لو تناقشنا من هون ليوم القيامة والله لن تفقهوا شيئا لانه وعد الله لكم في الدنيا ولسه ما شفتوا شي فيعني تأكد تمام انه احنا عارفين اللي امثالكم مارح يقتنع ولا رح يفهم الا اذا راد رب العالمين فاحنا بنحكي معكم من واجب علينا من ربنا انه اشرحلكو ونفهمكوا حتى ما يكون الكو حجة عنده انه ما حد قلكوا ولا حد فمكوا وكمان مشان نبري ذمتنا منكو يوم القيامة وربنا يهديك يا حبيبي اطمن |
اقتباس:
رح جاوبك أنا:D السيارة يلي اتكلم عليها في شخص عم ييقول انا صنعتها وهي المعمل وهي الشغيلة ونفس الشي رب العالمين عم يقول سبحانه أنا خلقت الكون والبشر والخ الخ في حدا تاني غير الله قال انا الرب؟؟؟ لكل عمل عامل طيب مثلا قصص الأنبياء لو ما انوجدت بحق وحقيق ماكانت ضلت عم تنسرد ليومنا هاد انت مثلا صار معك ذكرى حلوة بصغرك رح ضل مذكرها ورح تحكيها لرفقاتك لأهلك لولادك بكرى وولادك رح يحكوها لولادهم وجر المسبحة معناها قصص الأنبياء صحيحة ونحنا كبشر من الطبيعي نسأل مين خلق ها لكون ومين خلقنا في رب قال انا سبحان الله وكمان من الطبيعي نصدق لأنو عظمة الكون وعظمة تركيبتنا نحن البشر بدها أله وتحية:D |
اقتباس:
من خلال الامثلة زي تعاقب الليل والنهار والكرة الارضية والجبال والسماء اللي من غير اعمدة. هل عقل الانسان افضل من عقل الله؟ احنا عارفين انو العقل هو مصدر الفكر والفكر هو جوهر العقل وانو الله صاحب السلطان المطلق و حامل كل الأشياء بكلمة وسلطانه على الطبيعة والمرض والموت. في يده الخير وفي يده الشر.و في يده السلام وفي يده الحرب. هو يجمع ويفرّق، يخلّص ويُهلك. هل من العقل انو مايكونش فيه عداله الهية في توزيع الاشياء اللي انا ذكرتها هاتلي مثال واحد عن عدالة الله من خلال سلطانه علي الطبيعة. |
اقتباس:
إن الله ليس كمثله شئ ......... فكيفك تقارن كمال بذاته (وشيء ليس له مثيل)............بانسان يمرض ويتعب وناقص بحد ذاته الذي أوجد لك العقل .... ورفع السماء بغير عمد ... ماذا تعتقد أن يكون فعله وخلقه أو كما تدعي (عقله وماينبغى ان يكون له عقل جل جلاله) أنتم تخاطبون ربكم كأنكم تخاطبون أناس مثلكم ......... عليك احترام الذات الالهية أما أن الله عزوجل قد كلف المؤمنين بواجب الدعوة وارشاد الناس الى طريقه ليس لآنه لايستطيع أن يجعل جميع البشر مسلمين ولكن حكمته أكبر من ذلك فلا تسألوا عن أشياء إن تبدى لكم تسؤوكم |
تخيلوا هالعالم بدون رب (والعياذ بالله) شوبدو يصير بها العباد لحنا في عنا وازع ديني ومالنا مخلصين مع الفرق الكبير بالتشبيه ويمكن مابيجوز بس خلينا نبسط الفكرة متل عائلة بدون رب هذه العائلة أو عمل بدون رب عمل شو حيصير ؟؟؟؟؟؟؟؟؟؟؟؟؟؟؟؟
|
اتمنى لك(م) قراءة ممتعة
http://ladeeni.net/pn/Article39.html |
ياشباب والله مرة قاعد إقرأ بكتاب (بعيد من هون)
عن الإلحاد المهم إن الكاتب شارح وكاتب عن الإلحاد ومبرراتوا وبالنهاية كاتب ومن كل ذلك الشرح نستج وجود رب خالق لهذه الدنيا فننكر وجوده !!!! والكاتب زعيم من زعماء الإلحاد شــــو رأيكن |
اقتباس:
هلا اخت وايت روز ...... كلامك اختي العزيزة غير دقيق ابدا , يعني انتي اغقلتي كتير شغلات من جوابك الي ...... انا باعتباري غير ملحد متفق معك تماما انو في مسبب لخلق الكون , و هو هالقوة اللي حكينا عليها من قبل و ياللي نحنا اتباع الديانات السماوية بنسميه ( الله ) ...... لكن هالقوة تجلت بهالاسم فقط و فقط في الشرق الاوسط , يعني كل حضارة قديمة كان في عندها تصور معين لهالقوة و في اديان موجودة قبل الديانات السماوية فسرت هالخلق بطرق مختلفة ( مبنية على ايمان ) و سمت هذا الخالق باسماء مختلفة , فهل هي صحيحة ؟؟؟!!! ..... و لماذا لا تكون هي الصحيحة ؟؟!!..... بالنسبة للتواتر او توارث قصص الانبياء فهادا مو سبب مقنع ابدا ابدا لانو كمان الديانات التانية عندها ارث الديني ايضا ضخم و من ازمان غابرة فهل بتقدري انو تعتبريها صح ؟؟؟!!!!! اليست الاقدم و المفروض ان تكون الاقرب للنبع ؟؟!!!! ...... حتى الالحاد عنده من الارث الثقافي و الفلسفي ما يجعل صاحبه يفخر به .... و ملاحظة مهمة انو حتى الديانات السماوية الثلاث ياللي ( المفروض ) انو تكون متشابهة في ما بينها بنشوف فيها شخصيات مختلفة لهالقوة المسماة ( الله ) ..... و ان كانت هناك الكثير من الصفات المشتركة لكن الاختلافات ايضا كبيرة , ففي احداها يكون مثال للعنف و القسوة و في الاخرى قمة في التسامح , و في اخرى يكون لا حول و لا قوة , مهدد , عطوف , يندم !!!! و هي كلها صفات بشرية اطلقت على هذا ( الله ) , و من هنا يتضح ان الايمان في الديانات السماوية يرتكز على ايمانيات اكثر مما يرتكز على حقائق , فكل الموجود هو ارث لا اكثر ولا اقل , و على ذمة الراوي ..... و هنا دور يأتي دور المؤمن و حاجاته الروحية و ما يلبي هذا الدين من الحاجات ...... انا ردي كان على صاحب الموضوع ليس لانني ملحد كما هو ظن , بل كان لعدم اقتناعي من جدوى موضوعه , فهو مبني على اسس ضعيفة يسهل هدمها مع اول جواب ( و هو ما فعلته انا ) فسؤاله كان مبرمج للملحدين المؤمنين بالصدفة مع اغفاله لوجود مؤمنين من نوعي , لا احد يقدر ان يثبت ما طلبته انا من صاحب الموضوع وهو الاثبات و بطريقة عملية بأن ( الله ) اله الديانات السماوية هو نفسه القوة الخفية المسببة لخلق هذا الكون و ما فيه ..... و ان كنت انا نفسي مؤمن بهذا الشيء , فهذا لا يعطيني الحق ابدا بالاستعلاء على من لا يؤمنون بهذه النظرية , لاني بكل بساطة انا نفسي غير قادر على اثباتها , و بكل الاحوال و حتى ان كنت قادرا على ذلك فأنا ارى ان للانسان كل الحق في الاعتقاد بما يريد دون التدخل مني او من غيري , لان هذه الحرية مكفولة من الخالق ( من كان فليكن ) ...... و الحل بالتأكيد هو احترام جميع وجهات النظر الموجودة ( بالنسبة للايمانيات ) و العيش بسلام مع بعضنا البعض , على ارض ( خلقت ) او وجدت لنا كلنا دون تفرقة ..... تحياتي ...... |
اقتباس:
شرحتلك مبدأ السببية .. و ما مشي الحال .. هي القوى الخارجية ما ممكن تشهبا لله .. لأني القوى الخارجية هي سبب لغير مسبب .. حكيي ما واضح مثلاً يعني إذا كانت القوى حركية فهي ناتجة عن محرّك .. الله هوي سبب لأي مسبب .. يعني منرجع لنفس النقطة ..!! و تلقائياً حضرتك عدت للتسليم بوجوده مسبقاً بجملتك أنو هوي كلف حالو منجي لموضوع تمسيح الجوخ قصدت هالكلام اقتباس:
و آخر شي حضرتك طلبت مني دليل علمي عن عدم وجود الله .. يا أخي ألفين مرة قلناها ما شغلتي أثبتلك عدم وجود الله .. شغلتك انت تثبت وجوده يعني مثلاً لما كريستوف كولومبوس كان عبيفكر باستكشاف أمريكا لما كان يعرض المشروع على ملوك أوروبا مشان تمويل حملة الاستكشاف .. ما كانو هالملوك يطلبو منو إثبات وجود عدم أمريكا كان الطلب واضح إثبات وجود أمريكا بأدلة جغرافية و سيتم تمويل الحملة و طلبي واضح إثبات وجود الله بطرق علمية بتمنا تكون وضحت الفكرة |
اقتباس:
مشان تمسيح جوخ, والله كنت مفكرك فهيم و تفهمها وهي طايرة, هدول أبيات شعر يا فهيم عجبوني وإلهم علاقة بالموضوع فحطيتهم مو لترد عليهم:o أنا ما بمسح جواخ خيو لمين ما كان:frown: أخر شي نحنا عم نتكلم بالمنطق, أللي عندو شي نظرية يثبتها أنا بقولك أنو الله موجود وقدمتلك الأدلة العقلية على ذلك, إنت بتقول أنو مو موجود هات برهناك أو على الأقل إضحض ما قلته بطريقة عقلية و منطقية ,بلا لف ودوران يلا ناطر لشوف:D |
اقتباس:
الصانع في مين علمو .. يعني بالأخير عبتدور بحلقة مفرغة .. النا بالمهم و المختصر المفيد .. ما شغلة الملحد يقدملك أدلة عن عدم وجود الله للمرة المليون عبكرر هالجملة بدك تثبت وجود الله للمرة البليون هات دليل علمي واحد و أنا يا أخي جاهز رح تكسب فيني ثواب و بس هيك .. |
اقتباس:
اقتباس:
هلق أنا بدي ادعي انو في مشكلة عند الأخوة المؤمنين و هي أن كثير منهم لا يدركون أنهم ليسوا مؤمنيين (و حسب الدعوة الإسلامية الحكي هون) أكيد بتعرف آية قالت الأعراب آمنا قل لم تؤمنوا ولكن قولوا أسلمنا ولما يدخل الإيمان في قلوبكم .. يعني و بالنظر إلى الأخ مطارد 1 و لغته التهكمية و الأخ عمار المالكي كذلك الأمر، يعني بينطلقوا من مسلمة أنو مجرد إيامنهم بالله و تبعيتهم للديانة الإسلامية هو حسم لأي نقاش و جواب لأي سؤال.. يعني بكلام آخر و بحسب الدعوة الإسلامية نفسها هم مسلمون (أي مقتنعين بمسلمة وجود الله)وليسوا مؤمنيين و من خلال مداخلاتهم المختلفة و التي تحوي تهكم و إجابات ما الها علاقة بالأسئلة بتاكد حقيقة موضوعية : ان أيامنهم لا يتعدى القناعة بمسملة وجود الله و حتى هذه المسلمة ليس لديهم القدرة عن الدفاع أو التوضيح أو النقاش فيها و لا حتى أمام انفسهم ليس الهدف التهجم الشخصي و لكن التهكم هو ليس دليل معرفة و النقد ليس دليل انتقاص و العقل الذي يسائل و يبحث قناعاته أرسخ و أكثر عمقا (سواء إلحادا أو إيمان) أما ترداد أجوبة معينة كالببغاء و اعتبار أي تسائل أو نقاش محرم فهو وضع حد للتفكير |
اقتباس:
لا عرفان منيح شو عم بحكي يا صديقي الملحد: الصانع في مين علمو وإللي علمو في مين علمو...وهكذا دواليك, بظن أنك تقصد هيك, طيب يا صديقي نحن لا نبحث عن إللي علمو, نحن نبحث عن خالق هذا الكون, الخالق المباشر لهذا الكون, يعني أعطيك مثال: مرة و إنت ماشي في الصحراء يا ملحد وجدت كرسي خشبي, قعدت عليه وبدأت تفكر : شو جاب هالكرسي لهون?وبعد قليل إستنتجت أنو لا بد أنو يكون في واحد نجار هو إللي صنع الكرسي ,يمكن في واحد علمو بس النجار هو إللي صنع الكرسي, إحنا نفس الشي فتحنا عيوننا في هذا الكون, ووجدنا هذه المخلوقات أمامنا, فيحق لنا إذن أن نتساءل عن خالقها , لا بد من وجود خالق لهذه المخلوقات ,هذا إللي بدنا الملحدين يفهموه أما مين إللي علمو فهذا ندور عليه بعدين.... أما أخر كلامك فهو تهرب من النقاش,لأنك وككل الملحدين ما عندكم حجة, ولا عمرو حيكون عندكم حجة, لأنو و بكل بساطة من المستحيل أن تثبت عدم وجود الله! وكنت متوقع جوابك الإلتفافي هاد, لأني صار معي هيك من قبل مع واحد ملحد في هاد المنتدى, طرحت عليه نفس السؤال و جاوب متل جوابك, لك عمو ما بدي أربح ثواب أذا بدك تآمن آمِن إذا ما بدك تسطفل مش أنا إللي حتحاسب بدالك!أنا بناقشك مشان تبطلو تصرعونا بمواضيعكم الإلحادية إللي عفا عليها الزمن ,وسخريتكم من الأخرين. سلام |
| الساعة بإيدك هلق يا سيدي 05:44 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون