تحياتي الحارة صديقي
اود ان اشكرك بعد الشكر على الجهد في الموضوع والذي اتعارض مع الكثير من افكاره ولكن اقدر موقفك عندما اعلم ان اعلان دمشق هو من اوحى لك بالموضوع لإن هناك اشكال اخرى من المعارضات تتخذ طابعا وطنيا قوي الملامح
واشد على ايديك في ما قلت وخصوصا ما قد صبغته بالاحمر .... عنجد لما نشوف الإعلان من الخارج بالوقت اللي إجا فيه وبالطريقة اللي عم يتصرف فيها والإنشقاق اللي حصل لبعض من كان فيه وانضمامهم لجبهة الخلاص ومنهم من اعتزله نهائيا نرى ان هناك اجندة اميركية وهناك من يحملها في الداخل
ولكن لنا الحذر كل الحذر فمن يحمله ليس فقط في المعارضة هناك أناس داخل توليفة النظام تملك نفس الأحندة بشكل اخر ..
تحياتي الحارة
ظل جيفارا

كلامي كان للموسيقار
بدي أعرف وجهة نظرو :larg:

وجهة نظري مهاجمة سلفا ً .. ما تعودت فرق أفكاري ع روح أمواتي ..



سلااام .

يعني أنا جد مستغرب من موضوع أنو ما حدا شايف الهوة بين الحكي عن الأمنيات .. وامكانية تحقيقها ..

الشغلة مو سوق خضرة .. كل واحد قال عن حالو معارض صار بدو يصلح ركبة السما عالأرض ..
السما راكبة عالأرض من فوق ... وخط الأفق ما رح ينقلب ..





وبرجع بقول سلام !!

:cry::cry: طلعت الضحيّة يا أبو حميد ..

كان لازم الشباب يطلعو كل شي معارض خاين و يدافعو عن السلطة الأمنية في البلد

و لا للواقعيّة ..

سلامات ابو حميد سلامات .. :cry:

برافو عبودة ..

أنا شايف فيكـ وباللي بيأيدكـ .. رائحة التغيير ,..

شايف .. ؟ عم شوف الروايح ... خربطتلي حواسي يا زلمة . :p

انهض أيها الفارس .. وبواقعيتكـ ورجي العالم عمايلكـ .. يا بو عمايل . :yahoo:

في واحد صاحبي ليك شو بقول .. !



:p

العمل السياسي المعارض في العالم العربي،هو عمل محفوف بالإخطار والتضحية بالنفس ودفع الثمن الغالي الذي قد يكون الحرية أو حتى الحياة أتحدث هنا عن سوريا بشكل خاص بكونك تقصدها أو عن إعلان دمشق بشكل أخص

ياصديقي لو أردات المعارضة السورية السلطة لحصلت عليها،انا أعرف هذا عن طريق علاقات شخصية ببعضهم حيث تقدم لهم السلطة الإمتيازات فيما لو تركوا العمل المعارض وأنضموا تحت لوائها
أعتقد أيضاً بأن المعارضين السوريين ليسوا بسذج ليعتقدون بان النظام زائل غدا اوبعد شهر لينضموا للمعارضة وبعدها للسلطة الجميع يعرف بان هذا العمل هو قد يتسبب بالقتل للشخص المعارض مثال قريب مثلأ الشيخ الخزنوي أو الإعتقالات والتي أمثلتها كثيرة جداً
لذا لأظن بان احدهم لديه هدف في السلطة،لأن طالب السلطة لا يهمه المبادئ أو نوعية السلطة مايهمه هو السلطة وفقط لكن المعارضين السوريين تجدهم وقد منحت لهم السلطة من قبل النظام فيما لو صاروا موالين
يعني لو هنن هيك ليش ليعرضوا حياتن للخطر يعني تعريف ليس بواقعي أو حتى ليس بواقعي بشكل خاص على الوضع السوري

أما موضوع المعارضة الدينية فأيضاً ليس لديه أي صحة أبداً،مثلاً حركة كفاية في مصر،حركة 18 أكتوبر في تونس وإعلان دمشق مثلاً في سوريا

فإعلان دمشق لا يقوم على عمود فقري هو الإسلام السياسي رغم وجود بعض الإسلاميين فيه بل تسيطر عليه الحركات القومية اليسارية والليبرالية

كذلك كفاية بمصر مثلاً


برجع لموضوعك على انو مجتمعاتنا ما بيلبقلى الديمقراطية،خليني خبرك اول شي ما في مجتمع بيبلقلوا ومجتمع ما بيلبقلوا فينا أنقول مجتمعنا غير مثقف أو غير نخبوي بشكل عام وهذا شيء طبيعي لسننين الديكتاتورية الطويلة التي عاش تحتها والنتيجة الوحدية لان يكون الشعب واعي هي الديمقراطية وقدرته على تحديد مايريد طبعاً هادا الشي بيصير بشكل تدريحي للامام أي تطبيق الديمقراطي بسوريا للأسف التغيير عم يصير للوراء وبشكل كبير أي زيادة القمع والتضييق على الحريات
وفيما لو ضل الوضع هيك صدقيني التطرف رح يزيد بشكل أكبر وأكبر ويصير غير مسيطر عليه أبداً وتروح على سوريا ساعتها كوطن وكنظام
النظام الحالي بسياسته المباشرة وغير المباشرة يقوم بدعم الحركات الأصولية عن طريق رفضه للحوار الديمقراطي مع اطياف المجتمع السوري ممايعزز حوار العبوات الناسفة او عن طريق دعمه المباشر للحركات الاصولية القبيسات مثلاً

أخر شي بقلك مو انت يلي بتحدد إذا هذا المجتمع هو صالح للديمقراطية ام لأ وما حدا عينك لتكون من النخبة يلي بتقرر من تليق به الديمقراطية ومن لا

ليش التهرب
أنا بقلك لأنو مابيطلع معك أسماء 3 معارضين وطنيين
تخيل أنو حوالي 30مليون سوري بين الداخل والمهجر
وحوالي 30 مليون مجنسين بالخارج
مافيهم 3 معارضين وطنيين نضاف

أنا ما عم بتعالى على حدا .. والشعب اللي عم بحكي عنو بالنهاية أنا مصبوغ بكتير من أخطاؤه ..

بس كمان أنا ما عم بيض على حدا ..

بالنسبة الكـ ولولادكـ أنا بقللكـ ياها بالتم المليان بتستاهلو الدمقراطية .. (كريم أنا )

بس بدكـ تتزكري أنو مو كل الناس ساكنين بالعزيزية ..

في أكتر من 13 مليون سوري ما معهون بكلورية .. واللي معهون راكدين ورا الموبايلات .. والدش ... ونانسي عجرم .

لا تتطلعي ع حالكـ عيوني .. بس تعيشي يومين ورا بعض بالصاخور أو الأنصاري الشرقي .. وتشوفي العشاير الطيبة ... والكرم العربي الأصيل .. والرشاشات اللي قدام بيت أبو منصور حميدة .. ابقي عمليلي تلفون .



للأسف قصة الديمقراطية هي أكتر فلم رومنسي بيبكي .









ملاحظات لابد منها .
ميرسي عالثناء والعقاب الللي كان بأول مداخلتكـ ..

والحوار المشخصن مو أنا اللي بلشت فيه يا انسة اقرئي منيح . .أوكـ؟

والعودة للموضوع شي بيتبع ... مرااقي .. ومراقي بس ..

اي صح هيكـ بقول ..

:lol:

مستغرب انكـ متذكرهاا .

أنا إبن الميرديان , برأيك بتنفع الديمقراطية لإلنا.. :lol:

هلأ أنا شايف فينا نقسم الناس المستعدين لتقبل الديمقراطية لمناطق ,

ابن العزيزية/ السليمانية / الموكامبو / الشهباء , إلخ .. بتنفع الديمقراطية

ابن الصاخور / باب النيرب / ,, إلخ ما بتلبقلو الديمقراطية

شو هالحكي ...

حتى تلبق لشعبنا الديمقراطية بيلزم تحضير و تجهيز إذا من الطفل بيفوت ع منظمة الطلائع من دون ما يعرف شو هاي ,, و طالب صف العاشر لو ما اتنسب للحزب بيقلو الموجه ما بيطلعلك أسم ع لائحة أسماء البكالوريا و بتقدم حر ..

طبعا ً ما رح تلبقلنا الديمقراطية .. طبعا ً البسطار العسكري هوي أفضل حل ..

إذا بتذكر أول مرة شفتك فيها بإعتبار أجت سيرتا اليوم , قلت انت و حكيت أنو شكري بيك القوتلي لما سلم جمال عبد الناصر شو قلو عن الشعب السوري , أنو شعب عبارة عن زعماء و آلهة , برأيك اسـاتو شعبنا متل ما قال عنو القوتلي أو تغيّر , ولو متغيّر شو سبب التغيير ؟

كل هذه الإسئلة و أكتر عم تنتظر إجابتك ما عم تنتظر إجابات متل " تتهنوا بمنبركم " أو " سلام " لإني معد أعرف أرد أو لأا , بحكم كونك صار تلات مرات بطلت ترجع عالموضوع و رجعت ..!

أمـّا عن الشخصنة في الحوار ف بس تلاقي حدا شخصن الحوار قبل ردك , قبل ما انت تشخصنو بردك عليي , فينك تقول "يا آنسة إقرئي منيح .. "

من خلال قراءتي لما كتبه العزيز موسيقار .. لاحظت هجوماً على المصطلح المسمّى "ديمقراطيّة" بشكلها العام .. وكأنني أحسست أنّه لا يعترف بها على أنّها أداه تقدّمية في إدارة الدولة .. ولمست سخرية من "مبدأ الديمقراطيّة" كمبدأ فلسفي في إدارة الدولة وما له من انعكاسات تتعلّق بحقوق الإنسان والمواطنة وما إلى هنالك .. مع إنني توقّعت "وله الحريّة إن فعل" أن يسخر مثلاً من آليّات تطبيقها في حالات خاصّة ..
فهناك فرق في أن نتناول "الديمقراطية" كمصطلح فلسفي .. أراه مقدّساً .. (1)
وأن نتناول "التطبيقات الديمقراطية" سياسياً .. وهنا مجال الكلام واسع .. ومفتوح .. (2)

لذا احترت في الحقيقة كيف أبدأ بكلامي .. فأنا لم أفهم ماذا يريد "الموسيقار" فعلاً .. فهل يقصد أن يتناول الأولى مثلاً .. أم الثانية .. !!
وما زادني حيرة .. هو استشهاده الدائم بـ"أفلاطون" -العظيم طبعاً- .. هذا الفيلسوف الذي كان يطالب بأرستقراطية يحكمها الفلاسفة .. وكان يمقت "الديمقراطية" بكل ما تعنيه كلمة "مقت" من معنى .. وبالطبع فله في ذلك أسبابه ووجهة نظره التي تعبّر عن مرحلة تاريحية وفلسفية ما .. تمّ تجاوزها الآن بخطوات كثيرة .. ولو عاش "أفلطون اليوم" لأحبّ ديمقراطية اليوم (المؤسّساتيّة) ربّما والتي تختلف عن ديمقراطية "أثينا" التي عرفها بأشواط .. وربّما لما مارس أيضاً الجنس مع الغلمان كما كان يفعل .. لأن هذا النوع من الجنس .. يعتبر اليوم انتهاكاً لحقوق الإنسان وتهجّما على الطفولة ..


وأما حصر مصطلح "المعارض" بالسياسي خارج السلطة (المعارض للاستبداد .. للبنية الثقافية السائدة .. الحداثي .. إلخ) .. فذاك فيه تجنّ كبير يحرم "المفكّر" و"المثقّف" و"الإعلامي" دوره في عملية التوعية الاجتماعيّة والنهضة الفكرية .. ويحصر عمليّة "التغيير" و"المعارضة" بأيدي السياسي الذي لولا "المفكّر" من خلفه سيسير معمياً في الظلام .. وقد طرحت من فترة موضوعاً في أحد المنتديات حاولت فيه أن أؤكد على "دور المفكّر" .. وحتّى "مؤلّف الأغاني" و"كاتب المسرحيّات" .. أقول أن أؤكد على دوره الأقوى في عمليّة التغيير الاجتماعي .. والذي قد يتفوّق على السياسي .. مع أنّ "وجود" السياسي له أهمية كبيرة .. فمجرّد وجوده هو أمر له "أهميّته الثقافية" ..
أوروبا لم تصل "لعلمنتها" بالساسة .. وإنما بعصور من النهضة الفلسفية والأدبية والفكرية .. والساسة "قناع" التغيير .. لا وجهه ..


الشعوب لن تتعلّم الديمقراطيّة إلا إن مارستها .. ولن تمارسها بحرفيّة إلا لو تعلّمتها .. وأنا لست بالتفاؤل الذي أقول فيه بأنّها لن تدفع مقابل تعلّمها للديقمراطيّة أتاو وأثمان .. وهل في التجربة الغربية ما يوحي بذلك .. !!
وبأيدي أي سلطة مستبدّة "إن أرادت" .. أن تجنّب شعوبها أتاو كثيرة في طريقها للديمقراطيّة .. أقول هذا إن أرادت .. خصوصاً وأنّها تملك تجربة "غربية" أمامها .. تستطيع أن تدرسها و تطبّقها متجنّبة ثورات الشعب الدموية للحصول على حقوقها .. وتستطيع أن تضع البلاد في مسار يجنّبها الكثير من "الثمن" الذي دفعته أوروبا في مسارها .. *

لذلك .. فحجّة "الثمن" الذي سندفعة لهذه الديمقراطيّة .. وجهل الشعوب التي لن تتعلّم ممارسة الديمقراطيّة إلا متأخرة .. هذه الحجّة لا تكفي لتبرئة المستبد .. ولا تكفي لمحاربة المنادي بالديمقراطية وتخوينه لمجرّد التخوين .. وليس من دليل طُرح في هذا الموضوع ..
وإلا .. لكان الصمت هو أبلغ الكلام ..


المعارضة العربية برنامج إسلامي على الغالب كما قيل .. وكل الأمثلة التي طُرقت في هذا الموضوع لم تكن "إسلاميّة" .. ألا يكفي هذا لنقض هذا الفرض .. وللافتراض أيضاً أنّ تهويل الشبح الإسلامي غير مبرر أيضاً .. !!
الشعب بأغلبه "جاهل" .. "يصلّي في الجامع" .. حسناً .. أؤيد .. لكن كم من هذا الشعب يعلم ما هي "الدولة الإسلامية" .. وإن سألته هل سوريا محكومة إسلامياً كم منهم سيجيبك بـ"لا" .. !! وكم منهم يطالب بخليفة "إسلامي" .. !! .. وبـ"جزية" من أهل الذمّة .. !!
يكفي تهويلاً للأمور .. إن كان العامّة ميّالون للدين .. هذا لا يعني أنّهم يتبنّون "الإسلام السياسي" .. أو يعرفون عنه شيئاً .. ولك يا أخي حتّى "الأخوان المسلمون" ما عادوا يتبنّونه ..


وأخيراً أودّ أن أسأل صاحب الموضوع ..
هل هو مقتنع فعلاً بما أقرأ الآن :

اقتباس:

صديقي ترتيبة الوصول للحكم بأي دولة معروفة .. دفع مصاري بالهبل لحملات انتخابية بتطبل وبتزمر للمرشح لأي منصب........ بينجح الأخ وماعاد حدا يشوف من برنامجو جراب بليرتين .. حاشا السامعين يعني الديمقراطية لعبة .. ومكلفة .. وكاذبة ونهايتها هي السلطة لأصحاب النفوذ والمدعومين برؤوس أموال .. فيكـ تقللي عن مرشح بأي دولة كبرى .. ما كلفت حملتو الانتخابية ملايين ؟ بوش اللي هو بوش .. طلع بالمصاري .. ساركوزي . نفس الحكي بالزبط .. لكـ حتى ميركل ما بتملكـ شي غير شركة براون الألمانية .. اللي بتصدر أجهزة كهربائية لكل دول العالم ..

تحيّة للجميع
خوليو


هامش
* مع العلم أن : المجتمع الأوروبي لازال حتّى اليوم يدفع ثمن علمنته .. وتواجهه دوماً مشاكل اجتماعية واقتصادية جديدة .. ويكتشف في كلّ مرّة أنّ تجربته لم تنضج بعد .. وهنا مثلاً نجد أنّه بدأ يتحدّث عن "ما بعد الحداثة" في عمليّة نحب وبكاء على ما جلبته "الحداثة" من مصائب .. لكن قلّما نجد (حتّى من ما بعد الحداثيين) من يطالب بالعودة للتاريخ ..

كما توقعت منك ياسيد موسيقار تهربت من الجواب مرتين
لماذا ندخل في امور فلسفية عن مبدأ الديمقراطية والتغيير ... أن كانت مجرد الفكرة مرفوضة
لا يوجد بنظر النظام أي معارض وطني لأني لم أرى أي معارض ألا وأعتقل
بالنتيجة الشعب كله عملاء .... فعندها نحن بحاجة لحكومة عملاء ولسنا بحاجة لحكومة وطنية على هذا المقياس

هلأ خلينا نمشي بهالقصة خطوة خطوة ..

أنا صديقي مالي ضد الديمقراطية .. كـ مبدأ .. على العكس تمام .. أنا بتمنا أكتر من أي شخص أنو تكون الديمقراطية هي اللاعب الأساسي .. بتركيبة الممارسة السلطوية .. بس القصة وما فيها أنو كيف بدكـ تستنا ديمقراطية .. ما الها حامل أساسي .. اللي هو الشعب . .

هلأ فيكـ تقللي ليش فرنسا ما بيقدر يحكمها دكتاتور ؟

لأنو _وهاد مو حكيي_ الشعب الفرنسي مر بمراحل طويلة .. نضجت الديمقراطية كـ طبخة اجتماعية قبل أي شي ..
صار عند المواطن الفرنسي قناعة بانو لو كان الصالح العام .. بخير . فـ هو بالتاكيد بخير ..
وبيعرف أنو مساهمتو المباشرة بالحكم هي قضية كبيرة ... بتعود عليه قبل غيرو .. بالنفع .. يعني مبدأ (أزا وطني بخير أنا بخير) مهضوم ومتبلور عندو تمام ..

هلأ أزا بتجي عند مجتمعنا .. فـ هو بسواده الأعظم (متلو متل أي مجتمع عربي) مجزأ الى تلت تبعيات ..

1_ التبعية الدينية العمياء _بحيث بيسيطر رجال الدين (ومبدأ الحلال والحرام) على توجه الغالبية الساحقة بحيث أذا اعتبرنا مقولة (الدين أفيون الشعوب ) مقولة صحيحة .. بتكون اصح ما يمكن في المجتمعات العربية ..

2_ التبعية العشائرية .. وهاد كمان قوي والعشيرة بتحتل الترتيب التاني .. بفكر المواطن العربي .. بعد الدين .

3_ التبعية الهرمونية .. أنو عقلية الانسان العربي (وبالطبع التخلف أثر كتير ) هي عقلية زير سالمية .. عندو غريزة الغاء الآخر كتير قوية .. بالاضافة لأي هرمونات أخرى بتتحكم بقرارات الانسان العربي.. متل الجنس والكسل ..

أنا ما قلت عزيزية وصاخور .. لفرق بين المناطق .. بس عملت مقاربة لطريقة تفكير كل منطقة ..


دور عالزبدة بتلاقيها .