|
سؤال
انا بحاجة جواب
برأيكن ليش فرصة الشب انو يلاقي شغل اقل بكتير من البنت على سبيل المثال اذا شب راح يقدم على شي شغلة وكانت شي بنت مقدمة على نفس الشغلة ليش الشب ما رح ينقبل على الرغم من انو شهاداتوا احسن منها ليششششششششششش؟؟؟؟؟؟!!!!!!! |
اقتباس:
الا ازا الوظيفة الي بتقصدها بدها عرض سكرتيرة متلا او بدهم يحطوها واجهة محل ....الخ |
مافيي جاوبك على هالسؤال لأنو بالمحيط لي أنا عايشة فيو ما بيتم تفضيل النساء على الرجال إلا بالخبرة .. فـ بيصير إلاختيار للشغل حسب شهادات ومهارات وخبرة الشخص بالأضافة لمدى ملائمتو لهيك نوع من الشغل ..
هلأ بالنسبة للأسباب لي عم تودي لتفضيل النساء في سوق العمل .. فأنا بشوف إنو كتير مهم نفحصها وننتبهلا ، ما بظن انو تفضيل النساء رح يكون لسواد عيون المرأة .. أكيد في إشيا أعمق من هيك بكتير ، ممكن جدا يكون السوق هيك عم يطلب ، وممكن الهدف يكون إستخدام المرأة لجذب الزبائن من الرجال ، وممكن يكون لأنو في بعض الدول المرأة لسا بتاخد راتب أقل من راتب الرجل ، وممكن لأنو في وظائف بتكون أنسب للمرأة منها للرجال ، وممكن لعدة اسباب أخرى أنا شخصيا بجهلها ... بس في شغلة دارجه حاليا ، وهيي تسويق السلعة من خلال تسليع المرأة .. وبهيك حالات كتار بيشوفو انو الشغل أنسب للنساء لأنو أسهل انو يبيعو رجال من خلال مرأة وكمان اسهل انو يبيعو مرأة من خلال أخرى .. :D |
لأ مو هيك :?
|
اقتباس:
|
اقتباس:
مين المستهلك ؟ المجتمع ! ومين أصحاب الشغل ؟ المجتمع ! ومين المُحقر والمظلوم ؟ كمان المجتمع ! والرجل والمرأه تنيناتهن ممكن ينحطو بمواقف فيها يكون أصحاب الشغل ويمارسو بحق ناس تانية ذات القرف لي عم يتمارس بحقهن .. كلو بيستغل ذاتو ، ليرضي ذاتو .. |
اقتباس:
|
اني برأيي انو مافي تفرقة بين الشب والبنت بهيك شغلات
فهاد الشي على حسب الخبرة بالمجال وعلى حسب اذا كان الموظف شاغل بشركة تانية وعلى حسب شو تحصيلو العلمي فمثلا انا اذا كنت مديرة شركة معينة واجاني بنت وشب ليشتغلو وكان الشب عندو شهادة متوسطة والبنت شهادة عالية فأكيد حأختار البنت ونفس الشي اذا كان العكس فهي صارت شغلة امكانيات مو شغلة تفرقة ياللي بلاقي عندو كفاءات اكتر هو اللي بوظفو شكرا |
ازا هالشي فعلا عم يصير
ف لانو هي هي متطلبات العصر اقرب مثال مندوب المبيعات الكل بيفضل انو يشغل بنت بهالشغله حتى المستهلك يشتري هاد طبعا يعود لغباء المستهلك لانو اشتراها بس مشان يرضي البنت وهيك بيكون البائع كسبان هاد هو العصر يلي عم نعيشو بدك تتقبلو شو ماكان |
بدك جواب صريح وبلا لف و دوران ....ولا بنا نستحي لانو معنا صبايا و منخاف يزعلوا
شو :larg: |
اقتباس:
|
ليك ترى اذا مدير معك حق بس اذا مديرة بالعكس ..بقى مالك غير ستّات الاعمال روح اتوظف عندن
يااااااااااااااااااا أخي اللي بصرلو يتصبح بوشّ حلو بس يوصل عالشغل مو أحسن ما يتصبح بخلقتناااااااا؟؟شبك ولووووووو؟ اذا المدير مذكّر بتلاقي البنات متل النّحل واذا مؤنّث وهاد قليل للأسف بتلاقي نسبة ممتازة من الشباب!!ياسبحان الله يا زلمي؟؟؟ |
ليك يا صديقي
يعني بعد 4 سنين دوارةعلى شغل :frown: ويعد انو معظم اصدقائي الشباب بالكلية اتوظفو ولو بشكل مؤقت مع انو كان معدل شهادتي اعلى من معدلهون :pos: وبعتبار اكتر من واحد قلي انو الشغل بدو شباب مو بنات لانو ما بيتاسب طبيعة البنات:shock: وبعتبار انو لساتي عاطلة عن العمل :cry: فانا ضد فكرتك تماما:x |
لانو الوجوه الطيبة والجميلة بتجيب الشغل يعني بضل سكرتيرة عن السكرتير
انت حط حالك مكانو وعندك شركة بتجيب سكرتير ولا سكرتيرة كل يوم بتتصبح بالهوش البشوش صعي انو هي الشغلة كتير بدايئ بس هاد الواقع وفتاح الوسيط كل اسبوع شوف الفرص العمل لشباب وشوف فرص العمل للجنس الناعم ولاحظ الفرء |
اقتباس:
|
اقتباس:
هو أنا متل ما قلت قبل بمحيطي ، فرص العمل متكافئه تقريبا .. بس، ع طول بتلاقي أنو المناصب الرفيعة بيحتلوها لرجال شي من منطلق انو الرجال انسب للأدارة شي من منطلق ذكوري ما بيقبل تكون ع راسو مرا .. هاد غير انو في بعض الدول الغبية بيكون عندك احتمال تالت وهو حفظ المناصب الأعلى للرجال بحكم انهن فاتحين بيت وعندهن عيلة وكأنو المرأة لي رايحة تدور ع هالوظيفة بدها تستثمر الراتب في تجارة الحشيش !! وازا بدكو في موضوع تالت بيقرف .. وهو قصة الرواتب لي منتشره لحد اليوم .. ليش يعني منلاقي بالدول المتخلفة راتب المرأة اقل من راتب الرجال؟ انو ليش يعني؟ يا ترى لأنو ماركة الرجال عالمية والمرأه صناعه محلية؟ انو شو .. وقت الرجال اثمن من وقت المرا؟ بيستاهل اكتر؟ بيرجعو بيقولولك انو عندو مسؤوليات اكتر .. مسخرة! |
اقتباس:
وكان موسم انتخابات 2003 كان في شعار الشنب ب100 والمرا بعصملية يعني حتى لما الزلمة بيبيع صوتو بيدفعولو اكتر!! |
لانو حاليا اغلب الشركات اللي عم تطلب موظفين عم يدوّروا عالشكل اكتر من المضمون ... يعني صمدية :lol: ..انو طبعا مو الكل بس يعني ....
في بعض الشركات عم تقبل موظفين شباب بس الراتب تبعا بكون دوبو يكفي اكل وشرب ودخان ومواصلات .... هاي ازا كان كتير قريب ... اما ازا كان بعيد راحت عليه :lol:.... اجاني زبون برجع برجع ..... |
| الساعة بإيدك هلق يا سيدي 19:56 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون