|
سمير جبران... عازف عود فلسطيني يستحق المتابعة
2 ملف مرفق .
أول شي بحب سلم على الجميع لاني عضوة جديده بالمنتدى ، وبتمنى كون خفيفة ظل على الجميع مشاركتي عباره عن مقطوعه بعنوان " هوس " وهي من عزف الأخوة جبران وهني سمير وعدنان ووسام ، وهني اشقاء من عائله جبران المشهورة في الناصرة بصناعة العود ، حبيت شارك فيها لان كتير عالم ما بيعرفوا مين هني الاخوة جبران بالرغم من شهرتهم الطاغيه في اوروبا وأمريكا بتمنى تستمتعوا بهالأداء الراقي وفي حال حبيتوا عزفهم فيني ارفق مقطوعات تانيه متوفره عندي ، بتمنى تعجبكم وتحياتي للجميع |
اقتباس:
هلأ نحنا دائماً منقول أنو المنيحة ما بدا سؤال ( يعني الشغلة المنيحة :lol: ) بقى لا تحرمينا ..و نحنا منكون ممنوين لأنو بالفعل شي جميل . :D |
1 ملف مرفق .
اقتباس:
شكرا لك ، وواثقه ان المقطوعة التي سأضيفها الآن ستعجبك أيضا ، فهي عزف لاغنية جميله جدا وهي أغنيه أهواك لعبد الحليم قام سمير جبران باعاده غنائها بصوته وبمصاحبة العود فقط ... استمع الى هذا الجمال :D |
:D
بالفعل شي كتير حلو .... اذا عندك أكتر يا ريت تتكرمي علينا ;-) |
الحقيقة انا سمعت وحدة من اعماله عن طريق صديقة
وحفيت حتى الاقي سيدي وماقدرت اذا في مجال مقطوعات تانية او مكان توزيع لسيدي وشكرا على الهدية الحلوة |
2 ملف مرفق .
اقتباس:
عموما رح ضيف هلاء كمان مقطوعتين ... وكل المقطوعات المتوفره عندي رح ضيفها في اقرب وقت :D |
حضرتلهم حفله بالناصره روعه بصراحه
يسلموا اديكي فيروز :D |
زيدولنا من معزوفاتو ..:)
وشكرا لكاتب الموضوع |
انا لقيت سيدي واحد بس عند شادوز بحلب
اذا حدا بحلب لقا غيرو يخبرني |
أنا أعشق فنهم للتريو جبران
عن جد رائعين من فترة كان الهم حفلة برام الله ونقلوها مباشر على الجزيرة مباشر أكثر من رائعين يستحقوا التقدير |
شكرا
قلتيلي السيديات برام الله ؟؟ اي رح اشلف حالي لعندكن و جيب السيدي و اشرب مته عندك (اذا ابتعرفيها)
شغلة كم يوم و منكون رجعنا فلسطين و بس تهدا الاوضاع بزورك انطريني ما بطول يعني شي .........................يوم :cry: بس عجبوني المقاطع كتري مننننننن:D |
انا شفت للاخوان جبران حفلة من رام الله كانت بث مباشر على الجزيرة مباشر عن جد روعة عزف أكثر من رائع أنا بموت بمقطوعة اسمها شجن عن جد أشجان رائعة وموسيقى هادئة تنعش الفؤاد شكرا كتير الك fairoz على الموضوع الأخوان جبران فخر فلسطيني نعتز به |
الاخوين جبران
روعة من رب الكون بجد اسلوب بالعزف وفن مو طبيعي حضرت حفلتهم الي كانت برام الله من فترة بجد رائعين بشكرك ع المقطوعات بس ياريت ترفعوهم ع مواقع تحميل خارجية :D |
اقتباس:
لي رجاء إذا بتقدري تنزليهم بطريقة أخرى لأن الرابط في مشكلة وما بيفتح مع الكثير في الاخوية. تحياتي :D |
اي والله وانا كمان هاد رجائي
لأنه في مشكلة فكرتها عندي بس قرأت انها عند الكل ان شاء الله تنحل هالمشكلة لأنه صعب انه نحمّل كل المشاركات على روابط تانية |
والله صرلي فتره طويله ما صوبت ناح هالضيعه
لهيك اسفه يا جماعه ما كنت شفت طلبكن بخصوص التحميل على موقع خارجي عموما هلاء رح حطلكن رابط البومين للاخوه جبران على موقع deezer الالبوم هاد هو اخر انتاج الاخوة جبران وهوي بعنوان مجاز ، فعلا فيه ابداع بيخليك تعيد سماع هالالبوم شي عشر مرات دون ما تمل ، وبكل مره بيتغلغل بمسامات روحك اكتر ، وهاد عنوانه - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - والألبوم هاد هوي البوم قديم نسبيا والي ارفقت منه المقطوعات السابقه والي هوي بعنوان رندنه - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بيبقى في مقطوعات تانيه بوعدكن باقرب فرصه حملها على موقع خارجي يلا احكوا عني عاطله لشوف :p ملاحظة : ويحد سوري انا شربت المته مره بحياتي وما حبيتها ، لك ما الها طعم بس تيجي بتيجبلي كيلو بورما او حلو مشكل او حتى شي كيلو بوظة من بكداش ، ال مته ال ... طبعا هالحكي قريبا جدا بس تتحرر يعني شي كم مليون سنه ضوئيه :cry: |
اقتباس:
شكرا كتير الك على هالموقع بس انا المشكله عندي انه النت مو سريع فعشان أسمع شي معزوفة بدو شي ساعة تا يفتح سؤالي اذا في امكانية انو أنزّل هالمقطوعات وأحملهن ع جهازي وشكرا |
الثلاثي جبران .. عنجد رائعين.. يا ريت تكتروا من هالمقاطع :D
|
| الساعة بإيدك هلق يا سيدي 15:06 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون