|
شباب صبايا , مساعده بعرض الله . . ! !
ياجماعه القصه وبأختصار شديد : عم أشتري سيديات فاضيه حتى انزّل عليها اغاني وأسمعها بالسيّاره , بس ما بيشتغلوا بالسيّاره , مع العلم انهم بيشتغلوا عاللابتوب , علماً اني ما بستخدم برامج بس بعمل SEND TO. علماّ انه نوعية السيديات الي بجيبهم CD-RW و CD-R . شوفولي حل بعرض الأنبياء (نقيلك واحد بعز عليك) . . . :p :D |
خيو جرب نزل النيرو من هالموقع
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و بعدين فقوش على Mirror 1 بس انا ماني مسؤول اذا طلع فيه فيروس:pos: |
اقتباس:
مشكور جورج على هالجهود الفتّاكه , لحل المواجهات الحاصله في قلب شيكاغو من ورا هالسيدي . . ! ! عفكره شباب وصبايا لسّه فكرة المساعده مطلوبه وبشدّه كمان لحل النزاعات السائده بين البلدين ! ! :p |
اول شي لا تحلفنا بعرض الله لانو ما منعرف طولو لنعرض عرضو :p (استغفر الله:sick: )
تاني شي يمكن انت مو مثبت الاغاني عالسيدي بيجوز وانت اكيد ادرى بالتثبيت وازا ما فهمت عليي بقلك مسنجر وشي بوشك :D |
اقتباس:
خبرني شو الصيغة تبع الاغاني عندك..واذا لازمك برنامج تحويل |
اقتباس:
هلأ الأغاني الي بنزلهم WMV + MP3 معقوله أنه مسجل السياره ما بيقرا WMV ؟ ؟ :? أنا رح جرب أنزل MP3 وبس وبكره بشوف . . ! ! وياريت تدعمنا ببرنامج تحويل. عراصي :D |
بظن قصدك wma+mp3.
WMA = Windows Media Audio WMV = Windows Media video هادا الفورمات عملتو مايكروسوفت بالاتفاق مع شركات صناعة الموسيقامتل سوني وهالشلة اول شي مشان المستخدم ينجبر يشتغل بالويندوز ميديا بلاير تاني شي لانو هالفورمات ممكن ينحمي عن طريق DRM = Digital Rights Management. هلاء ممكن يكون عندك 1. البلاير عندك بالسيارة ما بيشغل WMA. 2.اذا كنت منزل الاغاني من شي بورتال او عن طريق فايل شيرينغ ممكن يكونوا محميين ب DRM هاد البرنامج بسيط بيحول ل mp3 اذا كان مافي حماية.. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اذا محميين لازمنا غير برنامج... |
اقتباس:
يعني فوتتني بالحيط . . . :? أقلك ايش أعملت اليوم , نزّلت الاغاني بصيغة أم بي ثري وبس بدون اي صيغه تانيه بس لما شغلته ببلاير السياره طلعلي ايرور , طيب والحل , والله اخريتي لاكسره هوه والسياره وارميها بالواد او Marquette park ! ! ;) معقول يكون عدد الاغاني الي بنزله عالسيدي كبير , مع اني ما بنزّل غير 15 أغنيه , بس الي قاهرني انه معي سيدي قران بالسياره وبيشتغل , طيب ليش ياالله . . ! ! بدي حل ولا بنجن . . ! ! |
يعدمني سعدو سيدي ومولاي
يا معلم هيك ما بيمشي الحال شو ما كانت صيغة الأغاني وكيف ما عملتا اغاني السيديات الأدويو اذا حاولت تعملها كوبي باست مستحيل تشتغل عندك ، جربها على اي سيدي اوديو بتشوف انه الكوبي باست ما بيعطي نتيجة اجباري تعمله تنزيل من الميديا بليير او بقية برامج التشفير نفس الحكي بالنسبة للنسخ على السيدي كوبي باست ما بيشي الحال فوت على النيرو ( ايا نسخة من النيور تكون بتعطيك هلميزة لأنها اساسية بالبرنامج ) بنصحك تستعمل واجهة النيرو اكسبريس Express ومنها بتختار انك تعمل CD اوديو شوف الصورة هي :  وقت بتختار هلخيار بتعمل Add للأغاني او حتى بتقدر تسحبن سحب على مربع الشاشة نفس الشي والنيرو هوي اللي بيتكفل بتشفير الغنية علـسيدي لتشتغل كتراكات اغاني جربها وشوف كيف بدا تزبط |
اقتباس:
لك عراصي أبو طوني . . . :hashish: بجرّب وبشوف ايش بصير معي . . . :D |
ابو طوني صاير هاليومين حلال مشاكل بربي حللي مشكله كبيره :lol:
|
اقتباس:
طيّب هزلنا أكتافك , وهاتلنا حل . . . :frown: بدي جميع الحلول لهلمشكله . . ! ! :sick: نوّرت ساتو . . :D |
اقتباس:
بس جاوبني على هالسؤال اول انت مؤمن بالله؟ |
اقتباس:
الأجابه ببساطه لأ . . ! ! ما بأمن غير بأخوي . . ! ! :larg: |
معناها اخوك بحللك هالمشكله :lol:
|
اقتباس:
هلأ هاد الي طلع معك . . ! ! :frown: :D |
اقتباس:
يمكن كم ساعه وارجعلك بس اذا بتنفذ كلام ابوطوني حرفيا 100% بيمشي الحال :D انا هيك رأيي واذا مامشي الحال سكر الموضوع هون واشتريلك شي سياره تانيه :lol: |
احفضها
عن طريق النيورو |
| الساعة بإيدك هلق يا سيدي 15:42 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون