|
مسابقة اخوية للتصوير / اضواء على ما يجري وراء الكواليس /
/./ مرحبا لجميع المهتمين بالفن و الفنون هون عنا بأخوية متل ما بتعرفو انو من فترة تم الاعلان عن مسابقة تصوير ضوئي عامة تزامناً مع حملة اخوية للعدالة و تم توضيح ذلك بموضوع شمل شروط المسابقة و تسهيلات و معلومات . وبعد انتهاء المدة المقررة لقبول مشاركات الاعضاء الكرام وصل عنا العدد الاجمالي للمشاركات لـ : 24 مشاركة وبعد تشكيل اللجنة الي بتعمل جاهدة بامكانياتها المتواضعة على اختيار 10 صور لدخول التصويت و رح اذكر شوية نقاط حول هالشغلة في سياق حديثي . اللجنة بتضم : The morning باشق مجروح boozy Nay Hashtnasht وراء الكواليس يا رفاق اللجنة عم تسهر ليل نهار مع علب الريد بول ( اعلان مدفوع ) لحتى تختار الصور الاجدر لدخول هالمسابقة . ملاحظات : 1 - حابب اتوجه بالشكر العميق لكل واحد فيكون شال كاميرتو و التقط صورة و شاركنا فيها . 2 - صوركون جميعاً هي محل اهتمامنا و صدقونا عم نواجه صعوبة بالاختيار نظراً لجمال هالصور و اللمسات الابداعية و الحسيه فيها . بس خيارنا بتقليص عدد الصور لـ 10 اضطرنا ليكون مستوى اختيار الصور المشاركة تفضيلي .. 3 - اختيارتنا بالبداية كانت على اساس استبعاد بعض الصور المخالفة لشروط المسابقة اساساً و من ثم ّ أختيار الأفضل. 4 - عند الوصول لنتيجة نهائية حول الصور رح يتم نشر الصور و اسماء اصحابها بموضوع مستقل و بعدها سـيتم فتح موضوع التصويت رح بيعتمد على بناء النقاط و ليس كسبها و سيتم توضيحه في حينه .. 5 - منعتذر شديد الاعتذار مسبقاً من الجميع لـ احتمال عدم كفائتنا الفنية الكافية كوننا لجنة غير متخصصة بالفن بمعنى التخصص و الاحتراف أولاً و اعتمادنا على معايير مختلفة ربما عن معاييركون ثانياً و أيـضا ً و كما تم الذكر بموضوع اعلان المسابقه فهي المسابقه "لتوثيق الأحساس و ليس الأشياء " و لذلك قد تختلف المعايير اللي حاولنا قدر المستطاع احاطتها و ايجاد احساس مشترك مع صاحب اللوحه التصويريه 6- ليس معنى استبعاد بعض الصور هو عدم صلاحيتها أو لأنها سيئة على الاطلاق ولكن هناك دائمـا ً هاوي و محترف و كل منهم بيعتقد أنـّو صورته هي الأفضل .. و كـذلك نحنا نحترم انو كل صوره هي الأفضل بالنسبه لصاحبها و لكن وقت يصير العدد كبير بين ايدينا نحتاج لبعض المراتب .. و بالاخير بشكر اللجنة و المشاركين و كل الاعضاء الي رح يجي وقتهون بالتصويت لـ الصور الـ 10 الي رح نختارها لاحقاً . تحية قلبية :D |
اقتباس:
متل ما سبق و ذكرت وقت بلـشت المسابقه كنت بتمنى و لكن ما بتوقع هالمشاركه الرائعه اللي صارت .. و بناء عليه ما كان بالحسبان كيف ممكن طريقه التصويت تكون في حال تعدى عدد المشاركين بالمسابقه الـ 12 .. عسبيل المثال لا الحصر .. و لكن نتيجه المشاركه الرائعه اللي حصلت و الجو المميز جدّا ً اللي مر فيه القسم بخلال هالشهر .. اكتشفت انـّو من الصعب جدّا ً ترشيح 24 مشـاركه للتصويت بآن معا ً .. لأنو بهالحاله حتـّى و ان تم ّ ترشيح الجميع ففي احتمال ما نحصل على فائز واحد و تنين وتصير الشغله بطاطا © :p.. الخ .. - في حال شارك بالتصويت عدد أعضاء أقل من اللي شاركو بالمسابقه - و بذلك كان لازم نلاقي طريقه ما نطلع فيها بالخجلة :lol: .. لذلك تمّ اقتراح ترشيح 10 مسـابقين بترشحهم اللجنه و بناء عليه بيتم الترشيح النهائي من قبل الأعضاء .. أيضا ً نقطه تانيه بشوف من الواجب انـّو يكون الجميع بصورتها هوّ أنـّو مراسلات لجنه التحكيم عم تتم على الخاص و مش بالأقسام الاداريه (( طبعا ً نظرا ً أيضا ً لأنو لجنه التحكيم مش كلها مؤلفه من مشرفين )) و لكن بكلّ الأحوال فليكون المتسابقين جميعا ً متساوين بقدر المعلومات اللي بتناول ايدهم عن مجرى سير الأمور و لتطمئن بعض القلوب وجب التنويه لهي النقطه .. شكـرا ً جمـيعا ً (( المتسابقين خاصه ً:p )) و أذا حدا عنده سـؤال عن آليه عمل اللجنه يتفضل |
حلو الكلام . . . ! ! 1-متى رح يتم اختيار الصور , ومتى رح ينزل موضوع بيجمع ال10 صور الي تم اختيارهم ؟ ؟ . . . 2-وكيف رح تتم عمليه التصويت , زي استفتاء يعني ؟ ؟ 3-وهل التصويت اله سقف معين ؟ ؟ 4-وهل بيقدر العضو المشارك يصوت لنفسه ؟ ؟ 5-وأكم صوت بيطلع للعضو ؟ ؟ 6- وهل ضروري للي بدو يصوت لصوره معينه يحط مشاركه انه يفسر ليش اختار هالصّوره ؟ ؟ شكرا :D |
اقتباس:
رح بينزل بظرف أسـبوع (( أو اقل )) موضوع خاص بالتصويت بيتم فيه شرح كلّ ما يتعلّق بالتصويت و طريقته و كيفيه التصويت و كل آلياته .. و لكن رح جاوبك بشكل مختصر هلأ و ياريت يتم تأجيل ما يتعلق باسئله التصويت لموضوع التصويت .. كونه هالموضوع لشرح آليه عمل اللجنه .. بس ما فهمت كيف يعني سقف معين :? ؟؟ و عمليه التصويت رح بتتم من خلال توزيع النقاط و مش عن طريق الاستفتاء .. و رح يتم شرح هالشي بوقته .. اقتباس:
|
سقف للأصوات , متل سقف الأئتمان يعني في عدد معين من الاصوات بتيجي للمشارك ولا قد ما يكون ؟ ؟ بس اذا ما بدكم تعملوها استفتاء لكن كيف بدكم تعملوها , على كل بالانتظار لنشوف . . وشكرا :D |
هلئ مبدئيا ..انا كوني مو من لجنة التحكيم..فتوقع بالحاسي السادسي شيتي:deal:..ترشح الوحات التالية:
فحسة أمل أبو ريتا ريح Cornholio Dndoshy Abu Toni The Light Yass شوط يا قمر Jimy :gem: قد تصيب الحاسي شيتي وقد لا تخطئ :lol:.. |
انا بحب التصوير
بس ما كان معي خبر بالمسابقه مش مشكله:D |
اقتباس:
خجلتني والله :oops: |
طيب , عندي اقتراح لا أكثر .. و إن شاء الله , اللجنه تاخذه بعين الاعتبار .. بما ان عدد المشاركين 24 .. فـ شو رأيكم يتم اختيار 12 صوره لـ تقدم للتصويت .. بحكم انو نص الـ 24 \ 12 .. يعني يصير في فرصه أكبر للمشاركين .. وبالنهايه القرار لـ اللجنه , و ناطرين يعطيكم الف عافيه .. :D |
اقتباس:
بالنسبه الي ما حبيته للأقتراح , يعني ما فرقت 10 من 12 , ولا تنسي في 24 عضو مشارك وهدول ما بصوتو فــ مش رح يضل حدن . . ! ! :D |
اقتباس:
اقتباس:
هاهاها .. و قد لا تخطئ قلتلي ما هيك :sly: اقتباس:
اقتباس:
|
هلأ كونه بكرا آخر يوم بالاسبوع (( الجمعه مافي دوام )) فحسيت أنـّو بركي بنحط الجميع بالصوره حول الآليه اللي عم يتم العمل فيها بأختيار العشر لوحات اللي رح تترشح للتصويت ..
بدايه ً لجنه التحكيم مؤلفه من خمس أعضاء (( عدد فردي )) كرمال ما يصير في تعادل و تمديد وقت و ضربات جزاء و قصص مالنا فيها .. و بذلك بيقوم كل شخص من أعضاء اللجنه باختيار 10 لوحات لتدخل على التصويت .. هالعشر لوحات مش بالضروره تكون كلها متشابهه يعني بمعنى آخر ممكن أنا رشح اللوحات التاليه : أ ب ت ث ج ح خ د ذ ر و يقوم أبو نهله بترشيح اللوحات أ ت خ د ز ر س ش م ي و تقوم boozy بترشيح التالي ت د م و س ع غ ر ف ي و تقوم Nay بترشيح ر س غ ع و ي م ن ص ك و باشق مجروح يرشح : أ ش س ر و ض ن ي ب ت و بذلك اعتمادا ً على هي الترشيحات فالمرشحين العشره اللي رح يدخلو التصويت بكونو : أ , ي , ر, .. الخ الخ من العشر مرشحين اللي حصلو على 3 أصوات فما فوق .. أمـّا ض و ص و ش و الخ الخ فتم ترشيحهم لكن مش بالعدد المطلوب ليتم تأهيلهم .. أغلب الصور المشاركه تمّ ترشيحها من قبل أحد أعضاء اللجنه تقريبا ً و لكن ما الجميع رح يترشح للتصويت متل ما ذكرنا سابقا ً فقط 10 .. و بنخبركم أيضا ً أنـّو لهلأ عنـّا 7 مرشحين و مفاجأه .. ليكملو عالعشره بينزل موضوع التصويت :yahoo:.. |
اقتباس:
ليكني من هلق مصدوم :o |
اقتباس:
|
ليش كل هلسادية هي بدك تقعيدنا على الجمر مافي مشكلة بس ليش أحرّ ما يمكن :frown:
معقول بنهاية المسابقة تقوللنا القصة كانت مزحة ومافي مسابقة بالأصل :o بشرفك ما تفاجئتي هلق من ذكائي :o شايفة كيف العالم بتفاجئ بعضا .. ولا بدا القصة جمر أحمر أو اخضر أو اصفر :larg: |
اقتباس:
|
شو الهدية للفائزين؟
:o |
شو صار معكون ؟؟؟؟؟؟؟؟؟؟ :frown: |
| الساعة بإيدك هلق يا سيدي 23:47 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
