|
إستكمالا لموضوع بخصوص الإرادة بربكن سمعوني شوي
مرحبا شباب من فترة كنت قاعد عم نكوش مواضيعي القديمة ولقيت الموضوع الحالي
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - قديم نسبيا وما بعرف ليش ما كتير لقى تجاوب من الأعضاء بس حاليا صار في عندي قدرة إنو كمل بهالمشوار .. اول شي بالموضوع المذكور والوارد رابطه اعلاه بحكي عن النظرية الأم وبكمل بعدها ... بربط المطالب الوطنية بالمطالب الديمقراطية .. هلأ برجع اليوم بفكر شوي بالموضوع بيطلع معي انو مستحيل يكون عندي ارادة وانا عم دور على رغيف الخبز ؟ ومستحيل يكون عندي انتماء وارادة وصمود لاتحدى اعداء الوطن وانا حاسس حالي معزول طبقيا واجتماعيا . لذا بيطلع معي بالنهاية انو لا بد من ربط المطالب الوطنية بالديمقراطية بالإقتصادية بالإجتماعية ولا يمكن فصل أي مطلب عن الأخر لا من طرف السلطة ولا من طرف " المعارضة " تحياتي الحارة ظل جيفارا |
ليش حاسس انو حكينا عن هالموضوع او شي مشابه الو؟ :humm:
اقتباس:
لي عودة ليلية و بتوسّع شوي :D |
اقتباس:
انا برأيي المسارات المرتبطة مع بعضها هي الديمقراطية والوطنية والإقتصادية والإجتماعية ... اذا حدا حابب توضيح مشان وضحله واذا حدا عنده شي مسار اضافي كمان :D تحياتي الحارة ظل جيفارا |
موضوع مهم جدا على فكرة
بالمرحلة الراهنة وباي مرحلة في النضال لا يمكن الفصل بين الوطني والاجتماعي والاقتصادي هناك ربط ديالكتيكي بين تلك المهام ويجب العمل على اساسه موضوع رائع رفيق ظل جيفارا لي عودة بعد احتدام النقاش يلعن ابو الامتحانات الي عم تفوت علينا هيك نقاشات كنت اجلو يا زلمة شوي تحياتي |
اقتباس:
نورت الموضوع يا رفيق ........ بتوقع بالمرحلة الراهنية قد يغيب على بعضهم المطالبة بالشق الإقتصادي او الإجتماعي مثلا لأن ما يتضح لهم ان الشق الديمقراطي هو الأساس ولكني ارى ان المطالب كلها لا تفصل عن بعضها البعض ابدا .... اقتربت نهاية الإمتحانات يا صديقي .... تحياتي الحارة ظل جيفارا |
أنا أعتقد انو الديمقراطية هي كلمة شاملة لكل شي ... يعني هي حقك بالرغيف و بالكلمة على حد سواء
الديمقراطية مع جوع ليست ديمقراطية... لذلك الاصلاح الديمقراطي يشمل الاصلاح الاقتصادي الاجتماعي. المواطن في بلد ديمقراطي يمتلك مقومات الحياة الكريمة أجمعها و ليس فقط حق الاقتراع أو ابداء الرأي... هذان عاملان من ضمن عوامل اخرى كثيرة تصب كلها في خانة الديمقراطية |
اقتباس:
تحياتي الحارة ظل جيفارا |
بالعكس انا رأيي انو الحل واحد و شامل... الديمقراطية ليست فقط الكلام... الجائع لا يتكلم... الديمقراطية هي مجموعة العوامل التي تضمن الحياة الحرة الكريمة لمواطني الدولة و على جميع الأصعدة و أعتقد أن تجزئة المشكلة بشكل كامل هو الخطأ... نعم الحل يجب أن يكون تدريجيا و بخطوات متتالية.. لكن الحل رغم التدريج هو حل وحيد
تحياتي |
مو بس الجائع لا يتكلم........... المتخم كمان لا يتكلم
يعني نحنا عم نحكي من منطلق وضع اقتصادي سيء, بس فينا نشوف بغير بلاد غنية كتير و المواطن فيها متخم بالرفاهية, بس المطالب الديمقراطية مساوية للكفر تقريبا. برأيي الديمقراطية أولا, لأنو عبر الديمقراطية رح تكون عملية الإصلاح الاقتصادي و الاجتماعي شفافة مراقبة و قابلة للمحاسبة, و بتخيل هي مقومات نجاح أي عملية إصلاح. |
اقتباس:
بتوقع جمع كل هالمطالب تحت بند عريض واحد رح يضر بالمطالب اكتر ما رح يفيدها لإنو عنا اربع مسارات طبعا لا يمكن الفصل بينها لإنو هيي طريق الحياة الكريمة لكل مواطن في اي وطن وخليني احكي بحالة خاصة اللي هي بلادنا المطالبة بالتحسين الإجتماعي الإقتصادي والديمقراطي هو السبيل الوحيد لنيل تلك المكاسب ولكن حصرها جميعا تحت عنوان الديمقراطية سوف يزيد من رغبة الطرف الاخر برفض تلك المطالب تحت عناوين ومسميات واهية برجع هون لأتذكر الحالة اللي صارت من فترة بعد الإشاعات عن رفع الدعم واللي قطعت حاجز الإشاعات لتصير واقع عم يتداولوه الناس وحكي فيها النائب الإقتصادي لرئيس الوزراء على انها السبيل الوحيد لتحقيق نمو طبعا كلام السيد الدردري يرد عليه ولكن ما يهمنا ان النقابات والقوى الوطنية الشريفة سواء في المعارضة او في داخل النظام رفضت وحصل اكثر من اعتصام في اكثر من منطقة في الوطن مما اضطرهم إلى الإعتراف بخسارة الجولة ولكن ومن ورائها جولات برأيي كمان كم قصة متل هيدي رح بتدعم الموقف الديمقراطي بالوطن بينما كانت تحت مسمى هو الإصلاح الإقتصادي بتوقع فكرتي وصلت ما هيك صديقي :D تحياتي الحارة اقتباس:
تحياتي الحارة ظل جيفارا |
اقتباس:
وانا معك 100% بهاد الكلام :larg::larg: |
والله أنا بتوقع هيدا الحكي بيدخل جوا نقاش هل هناك ؟أمن قومي سوري؟
أم لاااااااا أنا لا أعرف الجواب ولكن فيني قلك أنو سوريا عندها تقريبا أمن غذائي وهيد بسبب سياسة القائد الخالد منذ الثمانينيات لما فرضو علينا الحظر الاقتصادي فيني قلك من مصادر موثوقة انو عنا احتياطي قمح بكفينا لمدة عشر سنين وأنا هيدا كل شي بعرفوا عن الموضوع.... بســــــــــــــام |
اقتباس:
اللي عم نحكي فيه اكبر من قصة احتياط قمح وامن غذائي رغم انو بشك ... بس مع ذلك لحنا عم نحكي بالمطالب الديمقراطية والإجتماعية والإقتصادية والوطنية وهيدي ما إلها علاقة بقديش عنا قمح بتمس مسا شفافا كيفية توزيع القمح .. تحياتي الحارة ظل جيفارا |
اقتباس:
يسلمو لمرورك وحشش لنشوف :larg::larg: تحياتي الحارة ظل جيفارا |
| الساعة بإيدك هلق يا سيدي 19:33 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون