|
الصداع النصفي .. وثقب في القلب
 اكتشف باحثون ألمان صدفة علاقة مثيرة بين الصداع النصفي وثقبا صغيرا في القلب . ويعمل هذا الثقب - الذي أشار إليه البحث - بين غرفتي أعلى القلب لدى حديثي الولادة، على أن يتمكن الجزء الأكبر من الدم المتدفق من تجنب الرئة ، وعادة ما يغلق هذا الثقب من نفسه مع مرور الوقت ، فإذا لم يحدث ذلك فإنه قد يسبب الكثير من المشاكل الصحية الخطيرة لدى البالغين .. مثل الذبحة الصدرية . ووجد الباحثون علاقة بين هذا الثقب والإصابة بالصداع حيث وجدوا أن عدد حالات الإصابة بالصداع يزيد بين الأشخاص المصابين بهذا الثقب بنسبة الضعف عن غير المصابين بالثقب ، وأظهرت الدراسة أن هذه الآلام تراجعت بشكل واضح لدى الأشخاص الذين تم إغلاق هذا الثقب لديهم . وقال مدير (قسم الباطنية) بـ (مستشفى برلين للحوادث) فرانس إكسافير كليبر : " إن واحدا من كل أربعة بالغين بألمانيا مصاب بهذا الثقب " . غير أن الباحثين لم يحددوا كيفية تسبب هذا الثقب في آلام الصداع ولماذا تخف الآلام عند إغلاقه ؟ مما دعا كليبر - الذي سيعرض نتائج دراسته خلال (مؤتمر العاصمة) – للقول : " ما نزال في بداية البحث ، وليس هناك حتى الآن سوى تكهنات بهذا الشأن " يذكر أن هذا المؤتمر الصحي ينعقد في العاصمة الألمانية |
هلأ هالموضوع شفتوو
بس عندي شويه استفسارات ...:hart: بتمنى الي بيعرف شي عن الثقب في القلب.... يرد علي .. هلا شو سببوو ؟؟؟ وليش الي عندو ثقب كل فتره عندو تصوير .. للثقب ؟؟ ومعقول يسكر .. او بضل مفتوح طول العمر ؟؟ طيب ولو هالثقب ما سكر ممكن يسبب مشاكل لصاحبوو ؟؟ وليش اذا راح عند دكتور الاسنان .. لازم يعرف الدكتور انو عندو ثقب بقلبوو ؟؟ تحياااااتي:D |
لدي ابنة عمرها الآن 9 سنوات وبها ثقب بالقلب وهو خِلقي ويوجد بين البطيينين وحجمه 4مل، وهي بصحة جيدة ويبلغ وزنها حوالي 30 كيلو .. ماذا تنصحون به؟ هل العملية هي الحل الوحيد لمثل هذه الحالة؟ هل اذ ترك بدون عملية يؤثر على الإنجاب مستقبلاً؟
الاجابة : تنقسم الثقوب بين البطينين إلى ثلاثة أقسام رئيسية: 1ـ الثقوب الكبيرة: وهي الثقوب بأحجام معينة تؤثر على وظيفة القلب وتسبب ما يسمى بهبوط القلب. من أعراض هبوط القلب: بطء نمو الطفل، وعدم زيادة الوزن بشكل طبيعي، والهزال وعدم القدرة على ممارسة الرياضة فضلاً عن الأنشطة اليومية، كثرة التهابات الرئتين. ويكن معرفة هذا النوع من ثقوب القلب واحتقان الرئتين بالإجراءات التالية: * الأشعة السينية وبظهر فيها تضخم القلب واحتقان الرئتين. *الأشعة الصوتية للقلب ( ECHO ) تبين حجم الثقب ومكانه بالنسبة لجدار القلب، كما أنها توضح عيوب القلب المصاحبة للثقب، بالإضافة إلى استبعاد مضاعفات الثقب، وهي: أ- ضيق تحت الصمام الأورطي. ب- ارتجاع بالصمام الأورطي. ت- تَضَيُق في البطين الأيمن. في مثل هذا النوع من الفتحات يجب استخدام الأدوية المضادة لهبوط القلب بالإضافة إلى الإسراع في إجراء عملية القلب المفتوح لقفل الثقب. 2ـ الثقوب المتوسطة: هذه الثقوب أصغر من الكبيرة وتؤدي إلى أعراض أقل من السابقة بحيث لا يستطيع الطفل القيام بالمجهود الرياضي لكنه يستطيع القيام بالمجهود اليومي الاعتيادي ،أما بالنسبة للوزن فهو أقل من الطبيعي. يتم قفل هذه الفتحات بواسطة القسطرة القلبية العلاجية أو إجراء عميلة القلب المفتوح لقفل الثقب. 3ـ الثقوب الصغيرة: وهي لا تؤثر على نشاط الطفل أو وزنه، لكنها تكتشف بسهولة عند الكشف السريري على الطفل بواسطة سماعة الطبيب. ليس هناك أضرار جانبية لهذه الثقوب في المستقبل بالنسبة للحمل والولادة. يجب على الطبيب المعالج التأكد من خلو الطفل من المضاعفات للثقوب المذكورة في القسم الأول التي يمكن أن تحدث مع الثقوب الصغيرة أيضا،ً وذلك عن طريق الأشعة الصوتية للقلب بواسطة استشاري قلب الأطفال. في جميع الأحوال يجب أخذ مضاد حيوي للوقاية من التهابات أغشية القلب عند إجراء أي تدخل جراحي، وبخاصة الأسنان، حسب جدول معين معروف لدى الأطباء، وذلك مدى الحياة. هاد كمان مقال بس الي بدي افهمووو ليش خاااصه الاسنان ؟؟؟؟ |
صباحو
يا ستي .. الخوف وقت منقوم بتداخل سني " قلعنالو سن .. عالجناه معالجة لبية ( سحب عصب يعني ) " أنو نعملو شي أسمو " التهاب شغاف قلب " هالخطورة موجودة بشكل كبير لكل شي عندو أفات قلبية .. لهيك نحنا ما منقلعلن او منعملن أي شي إلا إذا عطيناه صادات حيوية ( ادوية مشان نعمل وقاية من التهاب شغاف القلب ) ليش بالذات الأسنان .. :lol: يا ستي لأنو الاسنان معرضة كتير للالتهابات ولأنو الفم كلو .. بشكل عام .. موعى كتير " يعني فيو كتير توعية دموية .. يعني بينتقل الالتهاب بسرعة لمناطق تانية " ولأنو الفم منطقة ما فيكي تحققي فيا عقامة تامة في جرثومات عايشين بشكل طبيعي بالفم .. وغير ممرضين بالحالة الطبيعية " بس هالملاعين وقت بتتغير الحالة الطبيعية .. بيصيرو ممرضين " مهما حاولنا ما فينا نحقق هالعقامة لهيك احتمالية الالتهاب اكبر حابة تعرفي شي كمان ؟؟ |
يعني انا عندي معلومة بتقول وجع الراس بتسبب تسرع في ضربات القلب واحيانا آفات قلبية
هلأ انا بيصير معي وجع راس قوي جدا ولما سألت الدكاترة قالو انو من تسرع قلبي اللي هو تسرع كتير بسيط لا يسبب كل هلوجع وخصوصي انو تقريبا وجع يومي ومابرتاح الا لنام مع العلم اني فحصت عيوني وقلبي و سألت كتير بس مافي خواص:cry: حدا بيقدر يفيدني وشكرا دلوعة وشكرا بترفلاي علمعلومات القيمة يعطيكم العافية:D |
اقتباس:
بدك تحددي وين عم يوجعك ؟ ايمتى بيوجعك ؟ نص الوجه ولا كلو ؟ بيوجعك وقت الدورة ؟؟ عندك مشاكل سنية ؟ عندك مشاكل بالمفصل ؟؟ " بتحسي قرقعة .. بتكزي عسنانك بالليل " بيستجيب للمسكنات أو لا ؟؟ |
اقتباس:
دخيلك هيلب مي اي نيد يور نصيحة :cry::D:D |
اقتباس:
هي قصه الاسنان ودخلت مخي ... طيب ليش الواحد بصير عندو ثقب ... وراثه ولا هيك ... من الله ؟؟؟ ومعقول تسكر بيوم من الايام ..؟ |
اقتباس:
بيتجمع الألم عندك قدام دانك تمام ؟؟ جربي تراقبي حالك على المراية وانتي عم تفتحي وتسكري تمك ؟ بينحرف شوي ؟؟ أو أسهل من هيك .. روحي عند دكتور أسنان .. وخلي يتأكد أنو سنانك تمام وانو مفصلك ما فيو شي .. :D |
اقتباس:
بتوجع لما بدو يرجعو واااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااااااااااع:cry::cry:؟؟؟؟؟؟ ؟؟؟؟ تقبري قلبي ويسلم ايديكي انتي دكتورة مو هيك؟؟؟؟؟؟؟؟؟؟:D:D:D الله يقصف عمر هلعيشة الله وكيلك هلحالة معي من صف التاسع وبعدها بسنة اشتريت مايسمى بالعضة اللي بتنحط وقت النوم مشان مايتكسرو سناني وبعد كام يوم رحت انا ونايمة ومن كتر مادايقت زتيتها من الشباك وان شالله ماتكون نزلت فوق راس احدهم:cry::cry: |
تقبري قلبي احلى دكتورة بالعالم
ان شاء الله من الاوائل كلك ابداع زوق وزكا:D |
اقتباس:
هلق هادا الثقب على حسب الشي الي فهمتو . انو ولادي . وما انو وراثي يعني ما دخل الاهل بالموضوع . وانو الماما عندا هادا الثقب ما يعني انو رح يكون عندي هيك شي وهاي الشغلة بتكون عند البنات بس .. او نادرا ما تكون عند الشباب .. لانو اذا الولد منصاب فيا بيموت قبل الولادة وعلى علمي انو ما بيتسكر لحالو .. واذا كانت الفتحة صغيري .. بيسكروة بمتل قطعة صغيري من الجلد . بعملية قصطرة واذا الفتحة كبيرة بيعملو عملية قلب وبيسكرو الثقب ملاحظة صغيري: مرة تاني انا ماني دكتور .. واذا في شي دكتور بيشوف انو حكيي غلط فيصلحلي وبكون ممنون بس هاي الشغلات سمعتة من الدكاترة الي حكمو الماما .. بس ما بحطا عمسؤليتي ميي بالمي لا يروح حدي يموت من ورايي ويطلع الحق عليي بعدين ويحللو دمي ويقتلوني:cry: |
اقتباس:
بس انو من لما كنت عم بحبش وانكش بهالموضوع قريت انو في احتمال كبير انو الفتحه تسكر لحالها وخصوصي اذا كانت صغيره .. وما سمعت بشي عن عمليات لتتسكر ... نورت ...:D |
انو الماما عملت هاي العملية وانا كنت معا بالمستشفى وقتا, معقول كانو عما يخدعوني:?
الحكي الجد هلق انو هاي المشكلة خلقية . يعني من الولادة بتكون مع الواحد الماما كانت تحس انو في شي غريب معا .. بس ما عرفو السبب بالاول بعدين من شي ست او سبع سنين اكتشفو انو في فتحة بالقلب وكانت نسبيا كبيري مع هيك ما كانت عما تساوي مشاكل مباشرة .. يعني اوقات كان يدق قلبة بسرعة .. وتتعب كتير بس بشكل عام كان كلو ماشي الحالو بعدين انو كان معد في غير مجال .. يعني رح يعملو العملية بوقتا او بعدين .. فقررت وقتة تعملة عبكير .. قبل ما تختير ( هيي اساتا صبية وست الصبايا , بس بتعرفي انتي شلون بيفكرو الاهل :p) ووقتا كان في خيارين .. يا اما القصطرة . يا اما العملية اول الشي جربو بالقصطرة . بس ما مشي الحال فعملو بعدا عملية هلق اذا من اول الشي كانت الفتحة صغيري اذا بتسكر لحالة .. ما بعرف مع الماما ضلت الفتحة ققل من 50 سنة بشوي .. وما سكرت لحالة عكل الاحوال متل ما قلتلك, انا ماني دكتور .. يعني مافيني غير احكيلك الشي الي صار مع الماما , اكتر من هيك مابعرف منورة بوجودك:D |
شكرا عالمعلومات ... ( وكل مالو هالموضوع عم يجذبني اكتر )
والله يحميلك الوالده ... ويعطيها طول العمر :D |
| الساعة بإيدك هلق يا سيدي 12:02 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون