|
شو حلمت مبارح
بونجورنو:lol::lol:
شو حلمت أو حلمتي مبارح الموضوع أنو كل واحد أول ما يدخل عل أخوية يكتب الحلم اللي شافه و ممكن نتناقش فيه اذا بحب بلشو لنشوف:clap::clap::clap::clap: |
شي مليون حلم ونسيتن كلن :pos:
|
دخليك اللي بيطلع معك كتبيه
فشة خلق يعني:D |
انا حلمت بامي .
اي والله يا مارسيل احن الى خبز امي وقهوة امي و لمسة امي |
صدقني يا شريك ما بتحب تعرف بشو حلمت مبارح
بس رح حاول وضحلك ..... حلمت إنو قال الدنيا معجوقة وأمي عم تبكي وفي ناس برات البيت عم يخبطوا على الباب ويصرخوا بتذكر واحد منهن كان اقرع وشواربه كبار ولابس تياب غريبة خلينا نفترض مشان نخلي صورة الحلم احلى خلينا نفترض انه لابس متل بابا نويل بس بدون دقن المهم امي بكت كتير وفي عندي رفيق هون بطرطوس قال كان كمان متلي معجوق وانا وياه رايحين ع نفس المحل مدري ليش هيك حلمت المهم فقت وامي قرأت ع راسي خلينا نقول القران كله بخمس دقايق وأبي قرأ ع راسي الإنجيل كله قال اذا ما زبطت هيدي بتزبط هيدي بس ولا وحدة زبطت لهلأ خايف من الحلم تحياتي الحارة |
والله ياشريك موضوعي كلو فشة خلق وبظن فشيت خلقك
أنا لاني منجم ولا شي بس مرة من المرات سمعت انو خود عكس الحلم يعني أنت شفت امك عم تبكي فمعناه أنو في فرح الله أعلم على كل شو بحلم اذا حلمت اليوم بكرا بكتبه :D:D:D:D:D مية وردة ظل جيفارة |
siemka:o:o:o
ابو ريتا عرف عن نفسك و ماذا تفعل في بياوستوك ؟؟ |
اقتباس:
بما انو ما نفع ..ما ضل قدامك غير آيات السطل المقدس وسعدو يطمن بالك |
إلي شي خمسوتلاتين سنة ما حلمت .
هاي قصة الأحلام بدها واحد رايق و بينام 15 ساعة باليوم , أما أنا بس نمت ف ما بحس بشي أو قلك يمكن بحلم , بحلم ايمتا بدون يكسرو التلفون من المكتب مشان فيق و انزل ع شغلي .. :lol: |
اقتباس:
أنا كل يوم نفس الحلم :sick: .. بكون راكب بالطيّارة وبتتخلوع الطيّارة مدري شو بيصيرلها .. وتتشقق والعالم يطيروا منها إلا أنا بضلني قاوم .. وفجأة .. بشوف حالي بـ غير قصّة :? .. بس هاد حلم الطيّارة كل يوم بيواتيني .. مدري ليش علقان بـ ربّي :frown:.. |
يازلمة انا كا سنتين لاحلمي شي حلم او حلمين بالكتير
ووقت بحلم بتكون احلام مدرس شلون مكبوسة او حدا ميت او هيك .. بعدين في متل بقلك .. اللي بهادا وبنام مالو منام .. بتعرفوا ماهيك ؟ |
شفت بمانامي جني عم يرقص عم يغني :o
لا لا لا شفت بمنامي مبارح انو ابن جيرانا الصغير ضرسو ورمان وعاملو خراج وانو انا عطيتو مسكن ومضاد وذمة ونام الصبي بس بالليل امو فاقت ولقيت بعيد الشر مدري بعيد الاضحى خالص الصبي وبلشت الام تبكي وتصرخ وانا فقت من المنام على صراخها:shock: |
شفتك بالحلم تاكل كليجة :p
اللي بيعرفا بيكون فهم شو كتبت |
اقتباس:
|
اقتباس:
يعني معقولة ما عرفتو؟؟ :? :shock: طيب شوف ايميلو بلكي بتتذكرو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اي وهلق عرفتو مو هيك :lol::lol::lol: |
اقتباس:
والله العظيم انو اليوم الحلم تبعي كان انو بعطلة الاعياد ايفان اجا لعندنا على الاكاديميك بس انا ما شفتو مدري مين قلي انو ايفان هون عند احمد الاردني:o:o:o:o:o |
يا رجل سكوت مبارح حلمت حلم غريب عجيب يا اخي
مدري وين كنا انا و اخواتي واهلي وعم ناكل محاشي :o و كان معنا عالم ما بقى اتذكر مين هنن المهم كانت اختي ريما هنيك و متل ما بتعرف اختي ولدت بنت بس اللي كان معاها صبي اللهم صلي على سيدنا محمد ما احلاه ...المهم قعدنا انا و الصبي نلعب و صار الصبي يبوسني و يضحك صحكة ملائكية يا رجل بعدين كنا عالسطح هنا ايام ما كانت عريشة العنب لساها موجودة و هنيك ما عدت اتذكر شو صار بعدين.... :lol: |
اقتباس:
__________ والله بصراحة ما حلمت بشي امبارح...بس بشكل عام احلامي بتكون حلوة :sosweet:.. :D |
| الساعة بإيدك هلق يا سيدي 11:34 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون