رسالة إلى روح صديقي
 

فداءً للفن
كان إلي صديق بيحب الفن كتير و عندو جملة ع طول كان يرددها (أنا بموت بالموسيقى ) و يتهجم ع الفن الحالي و بكافة أنواعه يعني نادرا لحتى شي يعجبوا و للحق كان سميع (يعني عندو أذن موسيقية ) المهم , عزمني مرة لعندو باعتبار أنا كنت افهم عليه و ع مزاجو و طبيعتوا و قلي : لك يا صديقي اليوم رح سمعك غنية بحياتك ما اسمعتها , و للمطربة الكبيرة و هالغنية لمعلوماتك ما نزلت ع السوق ومن شي 25 سنة , طبعا أنا اسألتوا عن السبب و خصوصا إنو هالغنية للمطربة الكبيرة ؟ فكان الجواب إنو يا صديقي بهديك الفترة كانت الغنية طقطوقة كتير يعني شغل رقص و يمكن تضرب اسم المطربة ,هون أنا صار عندي فضول لاسمعها و قلتلوا و الله انت تحفة نادرة قلي من وين عم تجيب هالشغلات ؟
ابتسم صديقي و قلي : لي بيدور بيلاقي و أنا طموحي اعمل مكتبة موسيقية إلي ولولادي من بعدي بدي ابني يسمع موسيقى نضيفة و خصوصا إنو ع جيلوا يمكن ما حدا يعرف ب مطربتنا الكبيرة لي ربينا ع صوتا , أنا هون أكدت حكيوا تماما , وقلتوا : مظبوط و هلق سمعني الغنية , ابتسم و قلي فورا و يمكن نرقص عليها و راح ليشغل المسجلة , بهل اللحظة أنا درت ضهري و بلشت اتفرج عالاشرطة لي عندوا وعم استعد لمساع الموسيقى , التفت عليه و اذ صديقي عم يهز و يرقص , قلتلوا قوي الصوت ما ني سمعان ع شو عم ترقص , بس ما رد و ضل يرقص و صار يهز كل جسموا مع بعضوا و يعمل حركات كأنوا عم يسمع (هارد روك ) عصبت منوا و قربت لشوف ليش ما عم يرد و اذ: وجهوا صار أحمر و بلش يزرق و عاضد ع لسانوا و آخر شغلة شفتوا عملها إنو أشر بايدوا ع كبل الكهربا لي للمسجلة . هون أنا اعرفت انو صديقي حاطط اصبعتوا ب مأخذ الكهربا , أما شو صار بعدين , فبأكدلكن انو طول فترة التعزاية و أنا و عم اسمع الغنية لي مات من وراها و صارت عندي الغنية بتبكي مو بترقص , و الله يرحموا يعني بتقول كان عرفان إنو رح يموت فداء للفن
و يمكن إنو لي بيكون ملتزم بشي قضية مهمة بيموت بطريقة عجيبة !! اخ يا صديقي شو عم افقدلك و خصوصا بعد ما انتشر هالفن الهابط , يعني الله ريحك ومت بسرعة لأنو لو ضليت عايش تسمع هالاغاني كنت متت ع البطئ , ف اشكور ربك إنت و ميت ع هالموته ....و كون واثق انو أنا كل ما اسمعت الغنية رح ادعيلك انو الله يرحمك ......., يعني بضل صديقي العزيز ولو متت !!؟
:D

عنجد ولو مات بالكهرباء وقدامك ؟:larg:

شي كتير عظيم لما الانسان يكون عندو فكرة ويؤمن فيها متل ايمانو بانو عم يتنفس ....
للاسف هالشي ما عاد موجود حتى الاحساس ما عاد موجود
وجد لو ضل عايش كان مات مع كل غنية الف موتة ...
ويحد سوري مشكور كتير عالروعة هاي:D

شكرا
 

لك من قراء
شكرا و اتمنى نقد اذا امكن لاتمكن من تحسين ما اكتبة
لمزيد من التواصل الرجاء الزيارة على الهوم بيج
kingjbr.page.tl

:D