هل ترغب / ترغبين بالزواج من معاقة/ معاق
 

للصراحة انا ما بعرف ما بتصور فيني قول اي وهي بكل صراحة
بس ممكن شوف بشخص عندو اعاقة شغلات تخليني غض النظر عن اعاقتو وحبو عما قول يمكن يعني وقت طلعت غنية نانسي احساس جديد انا ورفقاتي صرنا نفكر انو بعد ما عجبنا الممثل اللي معها انو يا ترى ممكن نرتبط بشخص اخرس او عندو اعاقة طلعت كل الاجوبة لا !!!!! انا عم احكي هالحكي وخجلانة
بس عم قول الصراحة ........

حقيقة و من كدب انا كدا مرة فكرت بها الشي و طلع معى انو ما بقدر مع انو بعرف تنين معاقين و زوجاتهم كاملين و فغاية من الجمال.......بس انا ما بظن انو اقبل.......مع انو خجلانة من حالى انو قول هالحكى بس هاى الحقيقة

ببببببببببصراحة............لأ

سؤال صعب بصراحة
عجزت عن الاجابة عنو
او بالاحرى ما استرجيت

هو سؤال حلو .. ليك شريك في عالم بتحب من قلبها وما بهمها لا إعاقة ولا هالحكي الفاضي .. في عالم الله بلاها بعاهة جسدية أو هيك شي والله يصبرهم .. خود أنا على سبيل المثال عملت حادث وقت كنت صغير ورجلي اليمين انقطعت وراحت هرس .. لذا صرت عايش على رجل إصطناعية شكلا متل العضمة وشكلي بحسو صار متل الرجل الآلي بسبب رجلي .. ومتأكد أنو ماحدا رح يقبل فيني بسبب منظر رجلي ..

بظن أنو ماحدا رح يقبل يتجوز حدا ناقص شي بجسمو .. أنا شخصياً ما بقبل .. ومتأكد انو ماحد رح يقبل كمان يتقرب من واحد عايش على أرجل إصطناعية ..

لا حبيبي محمد انت غلطان ... احمد ربك انو راحت عهيك ... الحمد لله صت تشمي ... وتركد عادي


الحمد له مانك ناقصك شي ... شب وشخصيتك روعة ... مزوحي ... بس انت قالبا شوي سواد ...

خلص انو اسمحلي قلك .. عم تنكد عحالك شريكي


ابو حميد انت من زينة الشباب,,, والحمد لله احمد ربك انو قدرت ترجع تمشي بعد سنة من التسطيح وعدم الحركة

شرريك .. بتمنا يرجع ابو حميد ... اللي عرفتو اول مرة ...

وم يضل هيك ... لانو عنجد ... بيجنن ...:D



اسف عالخروج عن الموضوع .. بس عنجد زعجني:cry:

كنت بسال حالى دايما السؤال دة وبصراحة كنت بحتار يعنى اذا قولت لا ومثلا اتزوجت انسان سليم وبعدين حصلت حادثة وبقى عندوا اعاقة اكيد راح ضل معوا
بس ببصراحة يعنى على حسب فى شخصيات والله بتجبرك انك تحبها وتحترمها
وقت ماكنت باولى ثانوى كنت بحب مدرس الجغرافيا جدا كانت عاجبنى شخصيته وثقافته واحترامه واتمنيت اتزوج واحد يشبهوا بكل شى رغم انه تقريبا كان عندوا اعاقة برجلوا على ما اعتقد يعنى كان بيمشى يسند على عصايه اوعكاز حاجة زى كدة
يعنى اعاقته كانت واضحة بس ماكنتش كبيرة اوى يعنى بس فعلا لسه عند رايى انه ياريت بلاقى زيه فى كل شى حتى فى اعاقته ومش عارفة بصراحة لو كانت اعاقته اكتر من كدة كان ممكن تفكيرى يتغير ولا لا

شكرا الك عمي ابو حميد على كلامك وتعليقك عالموضوع .:D.. بعتزر لانو يمكن زكرتك بوجعك والمك ... على فكرة انا عندي اخ بدك تقول معاق لانو تعرض لحرق بالزيت لما كان زغير اجا على رقبتو وصدرو بس الحمدلله اجت سليمة .. مع الشي هاد اخي هلا مخلص تعليمو وعم يشتغل واخد حزام اسود بالكارتيه دان 2 وعايش حياتو وصار حابب وعشقان نص بنات الحارة :p يعني يلي بدي قولو انو عايش حياتو متل ما ظروفو بتسمحلو والي حكيت عنو انت بالنسبة للمضايقات والضحك وهالحركات هاي تعرضلا اخي كتير .. بس الحمدلله ايمانو بالله وبنفسو خلاه يتغلب عكل هالشغلات ويكون حالو ويعمل شي بحياتو ... الشغله بدا ايمان وثقة بالنفس ....:yahoo:
يالله رجعلنا هالضحكة وفرجينا المزوحية تبعك هون :p بتتحدا مين مزوحي اكتر من التاني :larg:

هلا السؤال كان هل ترغب..........يعني انو اي حد بالاول بيقول لا ارغب

بس السوال ما تطرق ل كوننا منعرف الشخص و شو جواتو و شو بحس و كيف بفكر

ما حدا كامل.......و الي سليم بجسمو مريض بنفسيتو و عقليتو

نفسيتك رومانيستا و ثقتك انك اكبر من انو اعاقة جسدية الكل معرضلها......و ما حدا بيعرف
بجوز انا هلا سليمة...و بعدين لأ

بحس انك اكبر من انو توقف حياتك و تكتئب و تضيع احلى سنين عمرك بالحزن و محاولة الهرب

انا جاوبت فوق انو لأ.........لانو نحنا بشر و هي طبيعتنا

بس اذا عرفنا شو و مين هالانسان .....بنصير نترفع او نخجل حتى انو تطلع معنا كلمة معاق.

تيفت انتي تيفت وين ما عم تبيني ستأنالت والله :o

بشكل عام : لأ


ممكن يكون في استثناءات .. بس غالبا برفض

:clap::clap:و انا كمان راي هيك
انا عندى خالى معاق يعنى رجلو اليمين ما بيمشي عليها و يستعمل عكاز بس هو كتير مزوحى خطب شي
3 و رفضو و بعدين صدفة حب و حدة معاه بالشغل و هى كمان حبتو مع العلم انو كتير حلوة و بكامل صحتها الجسدية و تجوزو و هلا صرلن شي5 سنين متجوزين و متل السمنة عالعسل
و كمان رفيقى رجليه لتنين يعنى بيمشى على عكازتين و الله العظيم انو تجوز اول وحدة خطبها بتشتغل معو و هلا عندو بنت و ما فيها شي
يعنى انا قلت لا فوق و ما زلت عند راي مع انو سطحى بس بظن انو ادا حبيت حدا او عجبتنى شخيصتو ممكن ممكن يتغير راى يعنى ما بقدر اجزم:D

نحنا ما عمرنا بنقدر نحكم على تصرفنا من مجرد السؤال بمعنى نحنا بنخمن وبس
اما بالنسبة للسؤال اذا كان هالشخص صاحب شخصية جذابة وحبيته ما بتخيل اني رح اتذكر اعاقتو

وعلى فكرة وانا بالصف الخامس عجبني جار النا كان ما بيمشي منيح بس الغريب انه مشيتو كانت اكتر شي بحبو
الحب هو اللي بيحكم هاد رأيي:ss:

بصراحة السؤال صعب كتير لانو ببلدنا ما في مجال للمعاق جسديا ليعبر عن حالو
يعني خارج اطار المدارس الخاصة بذوي الحاجات الخاصة أو المعاقين جسديا و خارج اطار المشافي ما شفت الا نادرا هالأشخاص بالشارع مع أنو عددن أكيد منيح بس ما عندن مجال يعبرو عن حالون و لا الطرقات و الأماكن العامة محترمة اعاقتن الجسدية ومن جديد بس صار في بنظام السير احترام للمعاق جسديا
يعني النتيجة أنو ما عندي احتكاك اجتماعي مع هالأشخاص لأنو مغيبين
بس أنا بسأل حالي لو يوم صار عندي إعاقة جسدية رح أخلي شخص يتجوزني و يتحمل إعاقتي؟؟ يعني هاد السؤال الأصعب و لما بكون المعاق متقبل إعاقتو بقدر يتجاوز هالأسئلة بس الشغلة لازما دعم كتير كبير من كل شخص بقدر يساعد و لو بإعطاء طريق أو احترام الآخر من دون شفقة أو أنو يشعرو أنو هوي أنقص
بالأخير ياما في عالم و لو كانوا طالعين من الجورنال جهلن بكون إعاقة مستفحلة من الصعب تقبلا :sick: