|
عطوني الحل
مرحبا يا جماعة ......
كيفكن ع هالصبحيات؟؟؟ المهم ما علينا مشكلتي يا حماعة إنو بحب :hart: والحب أخد مجدو عندي وضرب أطنابو بدماغي :o ما مشكلة لحد هون .... المشكلة باللي بحبها ... ما عم تفهم هالشي ... قمت صرت إعطيها إشارات وتلميحات :deal: ما مشي الحال ... و الواحد ما في يئوم بمجازفات ب هالمجال منشان ما يفوت بالحيط :cry: كيف بدي اعمل لتفهم عليي ....؟؟؟؟ |
للتلميحات والاشارات .. وقت محدد .. بعد هيك ... خلص ... فوت انتحاري ...
وصباحك خير !! |
ايه و الله هيي صعبة سأل مجرب و لاتسأل حكيم..
و عا فكرة هيي طريقة التلميح ما بتظبط .. |
الشغلة بدها قوة قلب
ومنشان هي شغلة انك خايف تفوت بالحيط حبيب ما رح يمشي حالك لحتى تفوت بالحيط وتخرقو وتطلع منو وكذا مرة يعني قبضاي:adal::hart: |
هيك قولكن؟؟؟؟
في شي حدا عندو أفكار تانية ؟؟؟؟؟؟؟؟ ولا بضرب هالطينة بالحيط ؟؟؟ صحيح الشغلة بدها قوة قلب بس إذا فشلت رح إقلب قلب يعني على كلنٍ شكرا لمروركم تاج راسي :ss: |
لك لساتنا عم نحكي بدك تفوت بالحيط اكتر من مرة لحتى تطلع منو
يعني غير ما تكون البنت مرتبطة او خاطبة ما لازم تيأس له يا زلمة شبك عبي مطرحك:adal::deal::larg: |
بتعرف أنا كانت قصتي متل قصتك..
|
بالبداية بقلك : روح شايفلك ... ما في أحلى من أنو الواحد يحب ... بيحس حياتو كلها تغيرت ... صار في هدف عم يعيش مشانو
1- "المشكلة باللي بحبها ... ما عم تفهم هالشي" لا تصدق أنو في بنت ما بتحس من أول نظرة ... بس هادا يلي بيسمو بلغتون تقل 2- "الواحد ما في يئوم بمجازفات ب هالمجال " مين قلك ... بالعكس بدون مجازفات ما فيك تعمل شي ... بدك تجرب ... بيجوز تضرب بالحيط مرة ... بس بعدين بتعرف كيف تلعبها صح بعدين صعب تطلب المساعدة من حدا ... لأنو الموضوع مو قاعدة أو خطة بتمشي عليها ... كل واحد بيحب بطريقة ... وكل وحدة بتنحب بطريقة ... بس بعدين (وللأسف) بيصير كلو متل بعضو |
شو بدك تحديدا ؟؟؟؟:?هي اللي بتحبا رفيقتك قريبتك بتدرس معك بنت جارك :?:shock:حدد اكتر و هيي شو معتبرتك:jakoush: يا خيي قد ما لمحت بتضل هيي عارفة انو واقع في حبهااا هيي العنصر الحكم الكرة بملعباااا اخي... ايوااه ...لازملك اكتر شجاعة و قوة و عزيمة و بتعرف اهم شي عترفلا و خلص مرسي بتمنى كون افدتك :D
|
أسئلها بالأول ايش رايها فيك ....شو انتا بالنسبه الها وهيك شي
اذا بكلامها لمحتلك بشي قول وما تخااف :larg: |
سئلها اذا جاي على بالها تشوف ئط رئبتو مئطوعة :clap:
|
في طريقة عربية أصيلة ..و مجربة اسمها دجّني ..... دجّتك العافية  |
ييييييي بق البحصة واخلص يا زلمه ليه هي رح تاكلك؟؟
بلكي هي كمان بتحبك أنت شو عرفك;-) :D:D |
لك يا خوفي هي بتكون عم تحبو و بس يسئلها تبطل تحبو لانو هي ما بتحب هي الطريئة و بتحب انو الكلام ما ينحكا:clap:
بتكون جنيت على حالك:clap: |
الاشارات والتلميحات ممكن توصلك لغايتك
بس بعد عمر طويل يعني بتاخد وقت على حسب استيعاب و جرءة الطرف التاني والاشارات بتختلف في اشارت من بعيد لبعيد يعني اذا مافي بيناتكون حكي بس نظرات وفي اشارات بين الكلام يعني كل يوم فيك تبادر مبادرة جديد او تعمل شي بيختلف عن يلي قبلو ونصيحتي الك خليك ملاحقها بعيونك مع ابتسامة دايما يعني خليك (مبحلق بحلقة) واهتم فيها باي طريقة واضحة تكون انك مهتم وخبرنا شوبيصير معك |
خليك هيك لا ترسي على بر ..
يمكن هي المشاعر اللي عم تمر فيّا حالياً أحلى من مشاعر الحب بذات نفسا ..!! لبين ما تتأكد من مشاعرا .. أو هيه تجي تقلك .. بكبك عفواً بحبك .. :D |
اقتباس:
يعدمني حالي بلالالالالاك كل ما حكيت شي انا بدي اول عم بمزح لانو باين عليك عصبي :sick: |
بدكن تخربوها على الشب انت وياه ولك
وتروحولوا مستقبلو :o خلص انا بقلك تعا روح على شي مطرح عالي واعمل حالك بدك تنتحر :o وقلاّ بتحسي فيني او بنتحررر واكيد هيي ما رح تكون ظالمة لهيدي الدرجة رح تشفئ عليك وتقلك حسيت وبحبك كمان:gem: شفت طريقة جديدة وسهلـــــــــــة :p |
| الساعة بإيدك هلق يا سيدي 00:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون