احجية منطقية بحاجة الى حل سريع
 

جان رجل من فرنسا
جان يقول كل الفرنسيين كذبة
فهل هو فيما يقول صادق ام كاذب؟؟؟؟

بدنا رد يا شباب

كيف يعني مافهمت:?:?:?

:?: :?: :?: :?:

هو كاذب لانو هوي قال كل الفرنسيين كذبة :?
بعرف مو كتير ظابطة بس هيك طلع معي هلأ

جان فرنسي ( الفرض آ)
جان بيقول كل الفرنسيين كزابين ( الفرض ب)

=> جان كزاب (1)
=> مو كل الفرنسيين كزابين ( لأنو جان كزاب حسب 1) (2)
=> جان ممكن يكون مو كزاب ( لأنو طلع معنا بـ 2 انو مو كل فرنسي كزاب و جان فرنسي) (3)
=> ممكن يكون كل الفرنسييين كزابين (لأنو جان ممكن يكون مو كزاب حسب 3) (4)
=> جان كزاب :shock:

منرجع لـ (1) و هيك ...
بهالحالة بتتشكل عنا حلقة ( loop ) بيسموها حلقة الجدل البيزنطي
منلف و مندور و منبقى بذات المحلات

بيقول برنارد شو : تعلمنا الخبرة اننا لا نتعلم شيئا منها .... جدل بيزنطي
بيقول اينشتاين : لا شيء مؤكد حتى هذا القول .... جدل بيزنطي
عنا بالاخوية بحوار الاديان كل المواضيع فيه بتندرج تحت بند الجدل بيزنطي

شرط الجدل البيزنطي انو نتحدث عن امور مطلقة ... سواء كان نفي المطلق (متل: لا شيء مؤكد ) او تأكيد مطلق ( متل: كل الفرنسيين كزابين )

غالبا الجدل البيزنطي بيرافق الحوارات عن وجود او عدم وجود الله ... لأنو الطبيعة الالهية بتفترض امور مطلقة، يا بتآمن بشكل مطلق يا بتنكر بشكل مطلق

مشكلة المطلق انو قريب جدا من عقولنا، منشعر فيه كأنو منطقي جدا و حتى بديهي ... بنفس الوقت، ما في اي دليل مادي او حسي على وجود الامور المطلقة، و لهيك بينشأ عن الحوار بالمطلق جدل بيزنطي

غالبا المطلق بيرافق الغموض، للحظة منشعر انو المطلق بيفسر الغموض ... بس الواقع انو كل ما ازدادت المعلومات عن الموضوع المطلق يللي منفكر فيه كل ما ابتعدنا عن المطلق
لهيك المطلق بيتناسب طردا مع الجهل بالامر، و عكسا مع المعرفة فيه

بمحاولة يائسة من قبل بعض الفلاسفة لكسر حلقة الجدل البيزنطي بالمواضيع المطلقة الغير الهية وضعوا القاعدة التالية: لكل قاعدة استثناء (شواذ ) بيأكدها و بيثبتها للقاعدة ...... حتى هذه القاعدة لها استثناء

:frown: بس ما بتخيل انو وصلوا لنتيجة

:( انتوا شو رأيكم ؟؟؟

و دمتم :7asheesh:

كيف الشباب....
 

:D :D جان ممكن عندو حالتين :
*جان مخطىء بغير قصد يعني وصلتو المعلومة خطأ ..فهو صادق بالنسبة لنفسه ..وكاذب غير ملوم من غيره
* جان يكذب وهو يعرف أنه كذاب ..إي فهو كذاب بنص قرعتو
..وسلامي للجميع
وأرجو أن تتقبلو كلامي ..كوني جديد على هذا القسم ..وأرجو منكم التصويت في قسم قرأت لك للمسابقة بعنوان (قرأت لك ) لو سمحتو هيك رح تساهمو بتقدم المنتدى ..
وإذا بدكم بعطيكم سؤال تضلوا سنين ما رح توصلو لجواب إلو
شو رأيكم ؟؟؟؟
والسلام:D :D

ممكن تعريف لـ الجدل البيزنطي؟

لاني شفته برد الأستاذ krimbow

تحياتي

يعني قصدك تقول
اجى رجل من فرنسا
اجى يقول اكل الفرنسيين كبه
اعتقد انه صادق ليش مادري

طلع معي انو كاذب
لأنو اذا فرضنا انو صادق
هادا بيقتضي انو كل الفرنسيين كذبة
وهيك بيصير عنا تناقض(لأنو اعتبرنا كلامو صدق)
بس اذا عتبرناه كاذب
هادا ما بيقتضي انو كل الفرنسيين كذبة
يعني كل الفرنسيين كذبة- كذب
هيك بتزبط
بس حاسس حالي تفلسفت كتير:pos:
يعني الخلاصة كذاااااااااب

اذا اخدنا اول فرضية انو جان صادق يعني كل الفرنسيين كذابين
وبما انو هوي فرنسي يعني هوي كذاب وفرضنا خاطئ
بس كمان انو جان كذاب مانو الحل الصح ليش؟(خليكن معي لا تصفنو)
اذا كان جان كذاب يعني الفرنسيين مانن كذابين يعني صادقين
وهوي فرنسي فرجعنا لنفس الحالة الاولى انو جان صادق
وهيك بدنا نضل نلف وندور حوالين بعضنا وما نوصل لحل نهائي
وهادا متل ما قلو krimbow الجدل البيزنطي يعني الجدل اللي ما بيوصلك لنتيجة نهائية

حل الاحجية
 

ان ما نطرحه في هذه القضية يسمى بمنطق الصفصطى وهو قريب من الجدل البيزنطي الذي تحدث عنه بعض الاخوة
والحال ان الكثير من العلوم التجريبية تتفنن في سفطائيتها وتبدو فيما تقول انها تقول الحق ولكن الباطن فارغ ونحن اذ نكتب عن هذه المسالة نوضح فنقول ان سقراط قد سخر قبلا من هذه القضايا اذ انه اوضح مدى كذبها وعدم موضوعيتها والنتيجة ان هذا السؤال لاجواب له اذ اننا لوقلنا ان جان هو صادق وهو يدعي ان كل الفرنسين كذبة وهو اصلا فرنسي فانه بهذا يكذبوهذا يكون خاطئا ونبرهن فرضية الخطا بنفس التدرج المنطقي وهذا يؤدي الى استحالة الجواب
وان كثيرا من الكتاب والمفكرين والمناطقة يستخدمون هذه القضايا لوهم القارء بان ما يكتبون يتبع المنطق المعروف لكن الحقيقة انه لا يكتب شيئا فيجب علينا التدقيق في ما يكتب وما يسجل خاصة في هذا الموقع اذ ان كثيرين يكتبون ولكن كثيريين لا يقولون الحق ويعدون نفسهم اكابر القوم
رد الاخ كريمبو فيه كثير من الابداع والتفكير لكن يجب في رأيي ضبط بعض هذه الافكار لان هنالك خلط بين منهجين اظن انك ستتفهم اخ كريمبو
ختاما اشكر مشاركتكم وارجو ان تبدوا آرائكم فيما اكتب وما اقدم الى هذا الموقع الرائع لكي نعمق ثقافتنا الفلسفية ولا نبقى على المستوى السطحي للامور
وشكرا

ثواني

انت كاتب انو هوي من فرنسا
بس ما قلت انو هوي فرنسي

يعني ممكن يكون الماني (مثلا) عم يحكي من فرنسا

اذا كان جان كذاب يعني قولو انو/كل الفرنسيين كذبة / مو صحيح
بس ما بيعني انو كل الفرنسيين صادقين
يعني ما بيعني انو جان صادق وما منرجع لنفس الحالة
وهيك منكون وصلنا لنتيجة نهائية انو جان كاذب

انا برئيي انو جان كذاب والفرنسين كذابين وكل واحد بينسب حالوا لبلد كذاب
يعني الفرنسيين سو اصلون ارجعوا لاول واحد
يعني فرنسا
اسم اطلق على قطعة ارض سكنها مجموعة ناس
يعني مافي شي اسمو فرنسا او فرنسي
هاد صفة للتميز بس
يعني جان كذاب والفرنسين كذابيين
وكمان هالنظرية بتتطبق على كل البشر
مثلا بدل ما يقول واحد انا من سوريا
يقول انا من الارض
والانسان من الارض والي الارض
وهو نقطة بالمحيط
:D :D :D :D :D :D :D :D :D :D

له يا خيي انا معك انو مو كل الفرنسيين صادقيين بس بما انو جان فرنسي بس مو معروف من اي جماعة هوي فمنرجع لنفس الاحتمالين بالاول وما منوصل لنتيجة انو كاذب متل ما تفضلت حضرتك

آخر رد الي بالموضوع لأنو ما بيستاهل كل هالشي

انت مو منتبه لـ كلمة كل
يعني لو اعتبرنا (كل) مو موجودة ،ممكن يكون كلامكون مزبوط
لكن للأسف موجودة

بس اللي صدمني
:shock:
:shock:
:shock:
انو اللي حاطط الأحجية ما بيعرف الحل
:nono:

بالأخير ان كان كذاب ولا صادق: *******

تاكيد الحل
 

لك يا شباب وحياتكون الحل حطيتو بس ليش مصممين على حل هل القضية
برجع بقول هيدي القضية مالا حل يعني سواء قلتو صح رح يطلع غلط وسواء التو غلط رح يطلع صح يعني النتيجة سلبية على الجهتين
هيدا كان منطق السفسطائيين وهني مدرسة انتشؤت بالقرن الرابع قبل المسيح في اثينا بس سقراط عرف كيف يوقفون عند حدون لانو اخد يطرح عليون اسئلة بتختص بالمفاهيم يعني يسألون شو هوي الجمال شو هوي الخير ......الخ وهيك بلشت الفلسفة او اول تفكير فلسفي جدي اوكي برجع بقول هيدي القصة ما الا حل الغرض منا تحريض الخصم فكريا وعقليا دون الحاجة الى الوصول الى نتيجة اوكي .......