|
حياة الشباب/نحو تربية جنسية سليمة...
الموضوع الثاني ضمن السلسلة حياة الشباب... نحو تربية جنسية سليمة... عادة ما يضطرب الاهل حينما يكتشفون ان عليهم الاجابة عن اسئلة الاولاد "المحرجة"... بعضهم يصف مواجهة هذة الاسئلة بالورطة… والبعض الآخر يعتمد الكذب لمحاولة التخلص من الحرج الذي تسببة لة… اما على الجانب الآخر، فالابناء لديهم ميل طبيعي وفطري للمعرفة وفي مرحلة البلوغ وسن الشباب يتمحور فضولهم حول معرفة اجسادهم ويبدأون بالبحث عن المعلومات وعن الاجابات لكل تساؤلاتهم المتعلقة بالجنس والجنس الآخر…في البداية ولمنع الالتباس لا بد من تحديد الفرق بين المصطلحين التاليين: "الاعلام الجنسي" وهو اكساب الابناء او الشباب معلومات معينة عن موضوع الجنس…"التربية الجنسية" والتي تشمل بالاضافة الى المعلومات الجنسية، ذلك الاطار القيمي والاخلاقي والاجتماعي المحيط بموضوع الجنس باعتبارة المسؤول عن تحديد موقف الشباب من هذا الموضوع… المحاور التي ستفتح للنقاش: 4) علاقة التربية الجنسية بنجاح او فشل العلاقات الجنسية لدى الشباب…1) الهروب، تأثيرة وعواقبة… 2) البدائل التي يلجأ اليها الشباب وتصويرها للجنس… 3) التوعية الجنسية وتأثيرها على علاقة الآباء والابناء… الموضوع مفتوح للمشاركة... |
اقتباس:
عن أي هروب قصدك أنا فهمت أنو هروب الأهل من الخوض بهيك مواضيع أو الحديث عنها و هالهروب أكيد ألو آثار سلبية كبيرة ... لأنو بيدفع الأولاد إلى مصادر معرفة أخرى رح تكون عالأغلب مصادر غير موثوقة أو غير صحية .... اقتباس:
بظن أنو أول مصدر للمعلومات الجنسية عند الأولاد هو الرفاق بالمدرسة أو بالناد .. أو بأمكنة أخرى بعدين بتجي مصادر تانية متل الانترنت و الفضائيات و إلى غير ذلك من وسائل الاعلام اقتباس:
التوعية الجنسية كتير مهم إنها تبدأ من عند الأهل ..و هالشي بساعد كتير على كسر الحواجز بين الأهل و الأبناء و بمجتمع متل مجتمعنا المفروض يتم كسر بعض المحرمات .. و يكون في جو من الصراحة و الشفافية بالتعامل بين الاهل و الأبناء لأنو المشكلة موجودة ... سواء اعترفنا فيها أو لا اقتباس:
مهمة التربية و التوعية الجنسية و لازم تبدأ من الأسرة ثم من المدرسة .. كتير مهم تندرج مادة التربية الجنسية بالمناهج الدراسية لأنو غالباً المصادر يللي عم يلجألها المراهقين هي مصادر غير علمية و عالأغلب ما بتهتم إلا بالجنس كغريزة لذلك ضروري نوفر البديل الامثل للمعلومات بالنسبة للشباب أو المراهقين |
المحاور التي ستفتح للنقاش: 1) الهروب، تأثيرة وعواقبة… 2) البدائل التي يلجأ اليها الشباب وتصويرها للجنس… 3) التوعية الجنسية وتأثيرها على علاقة الآباء والابناء… 4) علاقة التربية الجنسية بنجاح او فشل العلاقات الجنسية لدى الشباب… الموضوع مفتوح للمشاركة...[/quote] اجمالا ...99,99 من الاهل يهربون من اي حديث او تفاصيل تؤدي الى الوضوح والصراحه بهل الموضوع ....وما بينلامو كون التربيه نفسها من اجيال واجيال والعواقب كبيره بس انا بعتبر انه العواقب ع الفتاه اكتر من الشاب في مجتمعنا ...بعدين الخوف الي بيولد من هد الموضوع والي سببه السريه وعدم الحديث به ...واللجوء الى طرق اخرى قد تكون مسيئه ...والاصرار على الخوض لمعرفه الموضوع بكافه الوسائل اما البدائل ...قد يسعى الشباب الى معرفه الموضوع من عده طرق ..الاصدقاء ...المجلات ...الافلام الاباحيه والتي هي الخطاء الاكبر في تعريف العلاقه الجنسيه .. والامكان الخطىء... اما التوعيه فا انا بعتبر انه مجتمعنا كله بدو توعيه ...من الاهل ونازلين ..وانا اعتبر ان احد اسباب عدم التوعيه هي ربط الموضوع ربطا تاما بالدين...والخوف ...والهروب منه ....والطريق الخاطىء للنظره للمشكله والنظره له ........ اما التربيه ...فا كان المفروض نتربى عالصراحه بهل الموضوع متلو متل اي موضوع تاني ....ان كان بالمجتمع ...مع الاهل ..بالمدرسه ...بس للاسف ..كان الكبت ...فا النتائج سلبيه ...ع الجميع .. ومع احترامي للجميع .. الموضوع تأثيره ع الفتاه اكثر من الشاب بكافه النواحي ....... لهيك لو كان عن طريق سليمه وصراحه وتربيه صحيحه لما كان الخوف من التعامل حتى مع المشكله التي نواجهها لان اغلب المشاكل بين الطرفين تعتمد على الموضوع الجنسي .................. وبتصور ..انه الظلم الاكبر كان على الفتاه في مجتمعنا بهل الموضوع |
اقتباس:
المصادر البديلة يلي عم يلجأ اليها الشباب انو اي فينا نسميها مش موثوقة... ومتل ما انت ذكرت بالاخر انها ما بتهتم بالجنس الا كغريزة... بس ما فينا ننكر انو هلمصادر كتير مريحة للشباب... لانو سهل التعامل معها ولانو ما بتقلهن عيب عليكون او استحو على حالكون.... ولهيك عند هروب الاهل من الاجابة على اسئلة اولادهن (وهي هيي بداية المشكلة بس) الاولاد بيلجأوا لالها... طيب شو تأثير هروب الاهل على الجوانب الاخرى؟؟؟ مثلا الجانب النفسي او الاجتماعي عند الشباب... يعني هون في عنا عدة عوامل بتتأثر... قسم انت ذكرتو وقسم حابة انا القاء الضوء علية... ويلي هو تأثير هروب الاهل واللجوء الى البدائل على: صقل شخصية الشباب حياتهن الجنسية كيف رح تكون تعاملهن مع الشريك والاولاد في المستقبل كيفية نظرتهم للجنس وتصويرهم الو وكيف هشي بيأثر عليهم انو في شي كتير مهم برأيي وحابة انو ناقشو وهو الحياة الجنسية السليمة وكيفية الوصول الها؟؟؟ |
اقتباس:
يلي اقتبستو هون هو الشق يلي ما كتير فهمتو من حديثك... شو يعني العواقب ع الفتاة اكبر من على الشاب؟؟؟ هون انت بتقصدي انو مثلا الفتاة دائما ما بتحظى بأي معلومات جنسية لا من الاهل ولا من غيرهم.... او بتقصدي انو العواقب يلي بترافق هروب الاهل اكبر على الفتاة... بدي اسألك شو هيي هاي العواقب برأيك؟؟ كيف رح تأثر على نظرة الفتاة للجنس ونظرة الشب للجنس... وكيف رح تأثر على نظرة تنيناتون للجنس الأخر؟؟؟ كيف رح تأثر على حياتهن الجنسية ومدى رضاهم عليها؟؟؟ برأيك هشي ممكن يحد من الخيانات الزوجية مثلا؟؟؟ بما انو الجنس يعتبر من الاشيا الحياتية للانسان، وللرجال وللمرأة بنفس المستوى... كيف ممكن يكون عند مجتمعنا وعند شبابنا حياة جنسية سليمة... |
اقتباس:
لتوضيح الفكره تمام بماذا اعني بكل كلمه قلتها ..... اكيد الفتاه بتحظى بمعلومات ...ان كان عن طريق الكلام او الطرق الاخرى .... اما بالنسبه لهروب الاهل واناماعم قول انه الكل في حالات مستثنيه ..بس الاغلبيه يتهربون من الاجوبه او حتى فتح الموضوع فهو شي بمجتمعنا واحد الاسباب التي تأثر بنظره الفتاه والشاب لموضوع العلاقه الجنسيه اما العواقب الي عم احكي عليها والي لح تجاوب على كل الاسئله تبعك .... اجل هناك عواقب كبيره ....سببها الجهل بهذا الموضوع وعدم الصراحه .....ان كان من الفتاه او من الشاب .. اجمالا الفتاه عنا بتتربى ع كبت المشاعر الجنسيه ..وعدم الخوض بالشعور فيها ...وتحاول انكار وجودها لتفادي االكثير من الامور ....والتاثير السلبي بيكون عليها اول شي لانها تصل الى مرحله الخجل و الخوف من التعامل مع هل المشاعر ...او اطلاق العنان والتعامل بالشكل الصحيح ...وهدا شي بجيب عواقب بالعلاقه بين الطرفين ...قد تتهم بعده امور .. ويصبح هناك نوع من الجفاء وعدم الاكتفاء بهل الموضوع من الطرفين .ويؤدي الى شرخ بالعلاقه .اما بالنسبه للشاب يشعر بالخوف من الموضوع ورغم تفاوت نسبه بين الشباب وتأثيره حتى على طريقه تعامله مع الفتاه من الناحيه ..وانا قلت انه البنت مظلومه اكتر منه لان بالاخير الشاب عنا ...بمجتمعنا حتى لو كان عم يتعاطى بهل الموضوع بعده طرق قد تكون صحيحه او لأ بس على الاقل عم يكتشف هل الشي بداخلو ويحاول يتعطى بطريقه معينه مع اختلاف وجهات النظر بهل الموضوع . ان كانت صحيحه او لا ...... ...بس للاسف نحتاج الكثير من التعلم والثقافه للوصول الى وضوح وصراحه في العلاقه وبشكل سليم ....... ولك ودي ......... |
اقتباس:
اقتباس:
اقتباس:
اقتباس:
|
ما لها تأثير بالعلاقات المستقبلية برأيي و انا مع سامر انو لازم تندرج بالمناهج الدراسية[/quote]
انا بأيدك بالي حيكتو ... بس هل الاقتباس الي اخدتو ما بايدك في لان .لها تأثير بالعلاقات المستقبيله بشكل كبير ... وحتى لو اندرجت بالمدارس مو كافيه لازم يكون في حريه بالحديث بالموضوع ...وليكها موجوده بالمناهج ولو بشكل مبسط .بس حتى المدرسين متلون متل اي حدا تاني .......لا جرأه بالحديث... ليكون طبيعي متلو متل غيرو ...وتاثيرها كبير ..بالعلاقات ........ويسعد مساك |
اقتباس:
|
المحاور التي ستفتح للنقاش: 1) الهروب، تأثيرة وعواقبة… بالنسبة للمحور الاول اولا المبدا الاساسى للتربية قائم على التوعية اللى بتفرض عدم الهروب من الاجابة عن اى سؤال مهما كان حتى ولو بسؤال يستفز فى عقل الطفل التفكير فى شى اجابة اما بالنسبة للتوعية الجنسية بفتكر يبدأ من مرحلة المراهقة او قبل الدخول فى البلوغ بقليل _يعنى مو بالطفولة ابدا اسئلة الاطفال يتجاوب عنها بطفولية ايضا _ التوعية بالامور الجنسية طبعا يقوم بيها العضو العائلى اللى من نفس النوع يعنى الاب بيوعى الشاب والام بتوعى البنت ولابد تكون التوعية مدروسة وصحيحة لان كثير من الاهل احيانا بيضخموا الامور ويهولوها ودة اما بيخوف البنت او الشاب واما بيستثير فضولهم بتوحش 2) البدائل التي يلجأ اليها الشباب وتصويرها للجنس… البدائل بالاول بتكون الاصحاب وبعدين الكتب او المجلات او الافلام اللى عادة بتقوم بوظيفة عكسية يعنى بدل التوعية للتهذيب بيكون التشتت الذى يدفع احيانا للسعى فى تجربة ليعلم اليقين 3) التوعية الجنسية وتأثيرها على علاقة الآباء والابناء… اكيد بتزيد الثقة بين الاباء والابناء لان الابناء بيكونوا واثقين ان اهلهم بيقولولهم الصح والاباء بيكونوا واثقين فى الابناء لانهم بيعرفوا انهم ما راح يلجاوا للاخر لمعرفة شئ هم عرفوه بالفعل وكمان دة هيجعل الاهل هم المرجعية الاولى للابناء ودة اكيد هيحميهم من اخطاء كثير 4) علاقة التربية الجنسية بنجاح او فشل العلاقات الجنسية لدى الشباب… اذا التربية مبنية على اساس صحيح يعنى الشاب اذا واعى مظبوط اعيد بتكون العلاقة ناجحة والعكس بالعكس |
اقتباس:
العلاقه الجنسيه صحي عباره عن رغبات ...بس بنفس الوقت هي كتله من مشاعر الحب والسعاده وملامسه روح الطرف الاخر .......ولما ما بينوجد هل الشي عم تتاثر علاقه بكل مناحيها ..من الطرفين .... وما تصدق الي بقلك انو لا مابأثر ...لان بالاخير هي الاساس بالعلاقه ...... :D |
الموضوع مشوق جدا للنقاش .... :akh:
اقتباس:
و لذلك لازم الاهل .. يعتمدوا طريقة تدريجية لتعريف الاولاد و البنات بالحياة الجنسية ... طبعا البنت تعرف ابكر كثير ... بحكم طبيعة جسمها ... و لذلك اذا كانت مهيأة بالشكل الصحيح .. رح تنصدم و ممكن كثير مشاكل تواجه ... يعني كثير بنات بعمر 11 .. ما زالوا يعاملون كأطفال بالبيت و هذا غلط كبير اقتباس:
اقتباس:
و غالبا ما يكون المراهق شخصية متمردة .. و بحاول يبتعد عن الاهل اكثر و هذا مجرد دافع اضافي ! اقتباس:
لكن احيانا .. يتفاجئ الشاب او الشابة بامور ما يعرفوها وقت الزواج ..... لي رجعة للتعقيب ! |
اقتباس:
يلي حكيتية ما في علية غبار... هي النقطة يلي اقتبستها بشوفها كتير مهمة مع انك ذكرتيها بالاختصار الشديد بس هيي بتختصر بداخلها كتير معاني وكتير اشيا، كنت بتمنى لو انك وضحتيلي ياهن... يعني ازا الشاب ما كان عندو توعية او تربية جنسية سليمة... كيق هشي بدو ينعكس على حياتو الجنسية... انو انت قلتي انو رح تكون فاشلة... بس كيف وليش؟؟؟ وازا كان عند الشاب او الصبية تربية جنسية صحيحو وصريحة وسليمة... كيف رح يقود هشي حياتهن الجنسية... بتشوفي انو العلاقة طردية... او بتشوفي انو ممكن البدائل احيانا تغطي... يعني ممكن الشاب او الصبية يتلقو توعية جنسية صحيحة من المدرسة مثلا او من شي عنوان مختص... بس كيف هشي بالمستقبل رح يأثر على علاقتهن هني باولادهن... كيف رح يربو اولادهم... وكيف بالتالي الاولاد رح يتأثرو بهشي... اسبيرانزا :D |
suryoyo ...
اول شي بتشكرك صديقي لانو لولاك اصلا الموضوع ما كان انطرح... وتاني شي... انا بوافقك تقريبا على كل الي حكيتو... ما عدا اجابتك على هاد المحور يلي ما كانت كتير واضحة بالنسبة لئلي... علاقة التربية الجنسية بنجاح او فشل العلاقات الجنسية لدى الشباب… اقتباس:
انا ذكرت بالبداية الفرق بين التربية الجنسية والاعلام الجنسي... انهن يعرفو المعلومات مع الوقت ما بيكفي... لانو هشي بيمحي دور الاهل بصقل شخصية الابناء وبيأثر من دون اي شك على علاقاتهم المستقبلية... يعني تصور مثلا شاب بيعرف كلشي عن الجنس... بس تعرف على هل "كلشي" من خلال مصادر مش موثوقة، من خلال افلام بورنو مثلا... تصور كيف ممكن نظرتو تكون لمرتو او لصديقتو... كيف رح يعاملها وباي طريقة رح يصورها خلال ممارستهم للجنس... وتصور مثلا صبية تعلمت كل حياتها انو الجنس حرام وعيب وعيب وحرام ولا اخلاقي وكل شي عاطل واهلها لما كانت تسألهن بالبداية كانو يتهربو وبعدين صارو يقولولها عيب عليكي... كيف يا ترى رح تكون حياتها الجنسية؟؟؟ كيف رح تكون نظرتها للجنس... للحياة الالجنسية واهميتها... للجنس الاخر وتعاملها معو... ولبعد كتير اشيا... كيف هشي رح ينعكس على الجانب النفسي تبع الشباب؟؟؟ وشو عواقبو؟؟؟ |
اقتباس:
اقتباس:
فعلا كلماتك بالعظم ...... انا غفل عني هذا الجانب ... طريقة و نوعية المعلومات رح تؤثر على شخصية المراهق ... المستقبلية و بالحالتين اللي ذكرتيها و في حالات اخرى بنفس العمق ...... ممكن تحدث مأساة على صعيد العلاقات العائلية و المشكلة اذا كان الاهل متعلمين بطريقة خاطئة .. فكيف رح يكون تصرف الابناء ! |
اقتباس:
المثال الاول شاب عاش مع امو بلا اب وكانت علاقتهم ببعض كثير وثيقة ووطيدة وها الشاب ظل ينام مع امو بسرير واحد لحد يوم زفافو تزوج ولمدة شهرين كاملين كان بينام مع زوجتو وبيتعامل معها مثل امو حتى هجرت الزوجة البيت وعرضت مشكلتها على هذا البرنامج يمكن القصة ليها صلة بالجانب النفسى فى تسامى الغريزة الجنسية عند هذا الشاب نتيجة نومو الدائم مع امو اللى ما سمحلو بتطور جنسى لكن ليه علاقة بالثقافة الجنسية برضو يعنى هذه الام كان المفروض تعى ان الولد بسن المراهقة بتداعبو خيالات جنسية طبيعية بتسمح للغريزة جواه تتطور بالضرورة لكن لما حبستو بغرفتها وبسريرها ها الخيالات ما صادفتو وبالتالى ما تتطور جواتو الغريزة يعنى الدرس الاول لابد من ترك الشاب مساحة مع نفسو غرفة مستقلة على الاقل ويا ريت بتجلب كتب ثقافة جنسية موثوق فيها لتضعها فى مكتبة البيت ,,,, (الكتب ليها الاولوية من الكلام المباشر فى هذه الحالة تحديدا لان الوضع حساس شوى ع اعتبار انى لفت نظر ان الاب هو اللى المفروض يقوم بالمهمة دى من الام وباعتباروا غايب فراح تساعدوا بكتب ) المثال التانى ( من البرنامج بردوا ) سيدة فى الثلاثينيات مشهود لها بالوقار والتدين تخون زوجها مع رئيسها بالعمل لان زوجها بيهينها فى العلاقة ووصفتو بالثور الهائج اللى ما بيعطى لا اعتبار لا لعاطفة ولا وقت ولا ضوابط اخلاقية وامثلة كثير لسيدات قتلوا ازواجهم لانهم ما بيقيموا علاقة بشكل ادمى يحترمهم يعنى من المثال دة برضو لو هذا الزوج تربى على اية واحدة فقط من القران ما كانت حصلت هكذا كوارث ( نسائكم حرث لكم فاتوا حرثكم انى شئتم وقدموا لانفسكم )) يعنى بيراعى مشاعر الطرف الاخر ودى اهم مبدا فى التثقيف الجنسى وبلفت النظر كمان ان السيرة النبوية مليئة باشياء رهيبة فى جانب التثقيف هذا عندك حديث الرسول لجابر ( هلا تزوجت بكرا تلاعبها وتلاعبك وتداعبها وتداعبك ) هذين مثالين بيوضحو كيف المثقف جنسيا بيحافظ على حياتو بامان وان اللى ما بيتثقف بيعرض نفسو لكوارث |
اقتباس:
اولا لان دة بيبنى القاعدة الصحيحة من المعلومات ,,فما ان القاعدة مبنية على معلومات صحيحة وموثوق فيها من الوالدين دة هيحمى الاولاد من الالتجاء الى مصادر اخرى قد تكون مغلوطة ثانيا بيكسر حاجر الرهبة والخوف بين الاباء والابناء وبيبنى جدار ثقة وصداقة بينهم ,,,ودة هيفيد جدا فى كل نواحى العلاقة لان لو البنت او الولد حبو يستفسروا عن شئ او حدث شئ محرج اكيد ما راح يترددوا انهم يسالوا الاهل المصدر التانى المدرسة اللى المفروض تتبنى مادة او منهج يحمل عنوان الثقافة الجنسية المصدر الثالث الجمعيات الاهلية مثل حضرتكم مرمورة العزيزة اللى بيوعوا الشباب فى هذا الجانب |
اقتباس:
|
| الساعة بإيدك هلق يا سيدي 07:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون