|
لماذا البقاء ... !
منذ نشأة الحياة على الأرض وحتى اللآن ..
تتكاثر الثدييات - ومنها الإنسان - حتى بلغت أعداد هائلة .. ولكن إذا تسائلنا ... ماسبب بقاء الإنسان على الأرض ... أو بالأحرى .. بم ينفع وجوده ..! بالتأكيد سؤال يتنافى مع معتقدات القاريء .. - ومنهم انت- إذ انه يتحدى تكوين العقل البشري الأناني .. والذي يرفض الجدال بالأمور التي تمس حياته ووجوده المادي ... بينما يحتال ليختبيء من الأشياء التي تمس بعده الروحي .. لمَ يبقى الإنسان على الأرض .. : 1- هل كي يأكل وينام ويتكاثر ... ؟ 2- ليستمتع بالحياة ؟! 3- كي يستمر بالتدمير البطيء للأرض !؟ ... باعتبار أن وجود الإنسان لايفيد باقي الكائنات ... فبرأيكم لو كان بيد بقية الكائنات حيلة ... هل من الصحة محاربة الإنسان ؟! باعتبار أن الإنسان يهدد وجودها ... ---------------- مارأيكم بالنظرية التي تقول أن الإنسان كان موجوداً على أرض اخرى غير الكرة الأرضية .. (والتي قد تكون المريخ) وتلك الأرض حل بها خراب عامر ... وانتهى وجود الانسان فيها .. فانتقل ليبحث عن كوكب آخر يلائم أنانية عيشه . . . . هل تظلمنا الكائنات الفضائية إن غزت الأرض وأبادت الجنس البشري .. !؟ (يرجى الإلتزام بالحيادية تجاه الموضوع .. باعتبارك من الجنس البشري ..) :D . . . THE,unforgiven ... " |
استطاع الانسان ان يطور نفسه تنظيميا من مرحلة القطيع لمرحلة الدول اليوم مرورا بمختلف التنظيمات عبرهما.
ولكن رغم النتاج الفكري المتنوع للانسان فهذا لا ينفي أن الانسان يتبع غرائزه اولا وأخيرا ولكن باسلوب أكثر تطورا وتدجينا وتقنينا. لو حكمت الكائنات الحية الأخرى الانسان لفعلت به أكث مما فعله بها لانها ستتبع غرائزها مجردة من أية قيم انسانية. |
بالنسبة الي عم عيش لافرح وانبسط
|
نحنا عشنا لنعبد الله . لنختار ديانة .. نمارسها ونعيش على هذا الاساس
هلأ ليش انا بلشت بالدين .. لانو دائما الدين هو يلي بيثبت شخصية الإنسان ان كان مسيحي او يهودي او مسلم ____ المسيحي الو نظام حياته المعين ... ممكن يكون هدفه بالحياة الاستمتاع ,, التعبد يعني كل انسان عنده هدفه المحدد .. يوم عن يوم بتتغير اهدافنا بالحياة وبتتعمق ومنورث هالأهداف لأطفالنا ومن ثم الى احفادنا .. الخ الإنسان طماع واناني .. بيحب الحياة وحقه ......... ____________ طبعا الإنسان خلق ليرفه عن نفسه .. ان كان بدو يدمر الكرة الأرضية .. او ان كان يدمر الشمس ههههههه لانو ما شاء الله كل مالنا عم نكثر .. وكل انسان هو وعقله اجباري هيك بدو يصير .... سنة الحياة.. انو كل انسان يعيش لطموحاته .. مهما كلف الثمن تحياتي |
لمَ يبقى الإنسان على الأرض .. :
اقتباس:
الافعال هي تبع الأكل - النوم - التكاثر كان ممكن الانسان يعملها بدون وجود العقل بشكل غريزي متله متل بقية الشبيبة الحيوانية والنباتية فاذا كان فعلا الانسان في اله وجود بهلحياة واذا كان فعلا هاد السبب لوجوده .. فبلاه لهاد العقل كان اريحلنا بكتير :lol: اقتباس:
فانه يعني شو ممكن تقله للطفل العراقي المهجر برا بيته ؟ شو ممكن تقله للطفل الفلسطيني ؟ استمتع بحياتك كل يوم !؟ يلعن رب هلحياة اللي بده يستمتع فيها :pos: اقتباس:
حتى نعرف شو الهدف من وجود الانسان خلينا نتفق هل ضروري يكون الانسان هدف للوجود يعني ؟ وهل ضروري يكون في شخص محدد هلأهداف ؟ بمعنى لازم يكون للإنسان غاية من وجوده بحد ذاته ؟ |
ليش الانسان موجوود
لانو هي الارض انخلقت لإلو هوي محور الحياة على هي الارض وكل الاشياء التانية اتسخرت لإلو والانسان إلو الافضلية على كل المخلوقات التانية ليش ؟؟ مابعرف ..بس هيك الحياة |
شكرا عالموضوع
اقتباس:
انا رح قول رأيي الشخصي ... هلأ انا وقت الاجيت على هالدني ما حدا خيرني كني حابب اجي ولا لأ. (ولو كان عندي خيار ما بجي:larg:) بس الشغلة غير هيك . انتا اجيت وشفت هالعالم حوليك وعجبك كم شغلة وما عجبك كم مليون شغلة اي شو بتعمل؟ انا قررت اتسلا وكمل هالحياة لنشوف شو رح يصير معي:pos: يعني بكتير مطارح بحياتي بصير قول... يعني خلينا نشوف (اخرتها) خلينا نمثلكن اياها : تخيل انك فتحت عيونك وشفت حالك بمباراة كرة قدم وانت لاعب هيك لابس بوط وزي رياضي هلأ انت بالشوط الاول ولسا 90 دقيقة يا اما بتكمل اللعبة يا اما بتطلع قصد وبتبطل ( بتنتحر) المهم ان كملت رح تشوف كتير عالم عم تعفس بفريقك و مع الخصم كمان في عالم عم تعفس هلأ فيك تكون انتا بالملعب بس مابدك تركل الكرة (مسؤولية وكزا) بتضل هيك زيادة عدد:? وازا الملعب صار فيه الحشيش يقل ممكن تزرع حشيش وممكن تقول خلي اللي شالو يزرعو و و .. المهم بس يخلص وقتك ان خسرت وان اربحت بهاللعبة انتا بتكون (اتسليت) والتسعين دقيقة مرقو عليك وبيصير التبديل والمباراة شغالة. وشباب انشا الله او سعدو بتحققو اهدافكن بهالحياة;) |
في كتير عالم (بعرف البعض منون) عاشو لغايات حلوة في سبيل انو يحققوها بس صارت هلق حساتون عبارة عن جوازة و ولاد بسبب ظروف معينة و من بيناتها ظروف سياسية
بالمدينة اللي عايش فيها (بانياس) كان في واحد حلم حياتو انو يصير عالم ذرة رح انحبس ظلم لسبب سياسي و هوي ما كان الو علاقة بالسياسة اقتباس:
|
بس ماحدا قلي ... لماذا البقاء ... !؟
|
انا كتبت رد بس .....
راح |
قبل الإجابة على هكذا سؤال كبير علينا أن نعلم من المسؤول عن الحياة إن كانت نعمة أو نقمة
|
خيارات الاستفتاء محدودة للغاية يكاد يكون الاستفتاء مغلق على نفسه
1- هل كي يأكل وينام ويتكاثر ... ؟ 2- ليستمتع بالحياة ؟! 3- كي يستمر بالتدمير البطيء للأرض !؟ ممكن يحيا الانسان لتحقيق بعض اهدافه ممكن لتحقيق ذاته (بغض النظر عن الاهداف العادية) ممكن يحيا الانسان لينتج |
هنالك دائما خلف كل شمس تغيب قصة جديدة تنسجها خيوط الشروق
هامش لك مولانا ميت وردة لطلتك ...بونسورنو |
| الساعة بإيدك هلق يا سيدي 08:54 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون