|
الشباب من عنا
مرحبا
هون بدنا نجمع اعمال الفرق السورية الشابة بكل اطيافا كل اسبوع رح نحكي عن فرقة ونحط اعمالا واهم الاشيا اللي قدمتا رح نبدا هالاسبوع مع فرقة كلنا سوا باعتبار هي الاقدم في عام 1992 تجمعت مجموعة من الموسيقيين وبدأت بتأدية أنماط من الأغاني التي تعتمد على الغناء الهارموني منطلقين من أرضية ثقافية وحس بالالتزام تجاه قضايا الجيل ،. فقامت بتأليف الكثير من الأغاني وتلحينها وتوزيعها وطرحت من خلالها بعض قضايا المجتمع وجيل الشباب، و أخذت بعض الأغاني التراثية وأعادت توزيعها وقدمتها للمستمعين لكي يبقى جيل الشباب على تواصل مع تراثه وماضيه ومع تزايد الشعور بجدية ما تقدمه الفرقة والمسؤولية تجاه تقديم خيارات جديدة ومتنوعة للمستمع، زادت المجموعة من تقديم الأغنيات الخاصة و البحث و العمل على أنماط تجريبية و ذلك بالاشتراك مع بعض الفرق الأوربية. كما قدم الفريق حفل فني لمدة ثلاثة أيام بالاشتراك مع فريق إنكليزي في أيلول 2000 ،قام كل فريق بتقديم أغانيه الخاصة كما اشترك الفريقان بتقديم أغانٍ مشتركة ، وقد لاقى الحفل نجاحاً كبيراً ،وكان هذا الحدث بطلب ورعاية المركز الثقافي البريطاني. كما قام الفريق بتقديم حفل رصد ريعه لدعم جرحى وأسر شهداء الإنتفاضة الفلسطينية بالتعاون مع منظمة الهلال الأحمر العربي السوري استمرت على مدى أربع أيام (يومين في مدينة حلب حضره حوالي2800 شخص،ويومين في مدينة دمشق حضره حوالي 3500 شخص ) قدمت خلاله أغان خاصة وبعض الأغاني الجديدة المناسبة للحدث. 13-17 تشرين الثاني 2000. في الشهر الخامس من عام 2001 قام الفريق بتوقيع عقد مع شركة EMI ARABIA لنشر البوم كلنا سوا الأول الذي يحوي 17 أغنية أهمها أغنية نزلن على البستان المصورة بفيديو كليب بأسلوب معاصر. أعضاء الفريق : - بشار موسى_ ديما اسكندر-سونيا بيطار (غناء) - أيهم العاني _ إياد الريماوي (غيتار _غناء) - مروان نخلة _ حازم العاني (أورغ) - رافل الحفار (غيتار باص) - سيمون مريش (درامز) - خلدون كوا (إيقاع) - كنان العظمة(فلوت) |
بكمل بعد ما ارجع من الشغل
|
متابع وبشغف
:D |
فرقة رائعة وانا بحبا كتير و متابع معكن .... :D
|
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - موضوع عن كلنا سوا باخوية |
من حفلات الفرقة
  |
  |
   |
 |
متابع وبشغف كبير كتير كتير .........
عالهامش : في الهن 3 اغاني بعشقن ......... سفينة نوح - كل ما بشتقلك - نزلن عالبستان :D |
البوم خاتم تنك
نزلن على البستان توزيع إياد الريماوي (تراث) نزلن على البستان يا عنيدي يا يابا و الله و حلن شعر هن كل البنات نجوم يا عنيدي يا يابا والله هي قمرهن عيني وضي عيني يا عنيدي يا يابا تسوى هلي و كل القرابى يا عنيدي يا يابا أنا لما شوف هواي يا عنيدي يا يابا والله و مقبل عليا قلبي يقع بالقاع يا عنيدي يا يابا والله و تموت إيديا لقعد بتال البيل يا عنيدي يا يابا والله و اذكر وليفي و بحجة الحلمان يا عنيدي يا يابا أنا لامشي ع كيفي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - قاعد حدك كلمات وألحان إياد الريماوي قاعد حدك تأنسى يومي تهرب من كل الآهات اهرب من حالي شوي الليلة اهرب من بين الكلمات خليكي حدي تأرجع طفل صغير و نام و أغفى ع إيديكي الليلة قاعد حدك تانسى غني انسى اسمع انسى شوف انسى الكلمة و يمضي يومي و اصحى ع صوتك و روح خليكي حدي تأرجع طفل صغير و نام و أغفى ع إيديكي الليلة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
برافووو طارق.. موضوع حلو بالفكرة والتنفيذ.
كمل.. تسجيل متابعة :D. |
بتمنى من ماد ماكس تحويل الروابط وبكشر حشت نشت وبكمل بعد شوي
|
شكرا موضوع رائع لكن ياريت تنزلوا اغانيهم علشان نسمعها ونسمع العزف وخصوصا الشغله فيها جيتار :D
|
ميرسي طارق كتيييري بحب الفرقة بس لو ما فرطت ....:D
|
ما فرطت مسيو امير
|
علمايا
توزيع إياد الريماوي (تراث) عالمايا عالمايا عالعين يا ملايا يا بنية بالله اسقيني عطشان اسقيني مايا يا ويل ويلي عيونها عيوي المهى يا عيونها و إن ذبلتلي جفونها تدغدغلي الحنايا يا ويل ويلي طولها رمح الرديني طولها و اللي يحاول يطولها لذوقه المنايا يا ويا ويلي منها هالشاغلتني بسرها و الله لاتبع أثرها مهما تكون النهاية - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - خاتم تنك كلمات وألحان أيهم العاني اذكري يوم اللي كنا صغار جبتلك خاتم تنك يومها قلتيلي لا تغار مارح كون الا الك و سنين مرت تجر سنين هينا التقينا من جديد ضاع الهوى و ضاع الحنين و قلتيلي ما بذكرك لا تتناسي يا عنيدة انا مو راجع الك راجع لاني ع الحديدة بدي حق خاتمي و بعتقلك بلا حب بلا تخريف بيع القلب و اشتري رغيف ايامنا صارت صعبة والدنيا منا لعبة انت و انا شو كنا صحاب وقت الشدة بساعدك بقينا سوا و الباب ع الباب و اللي الي كان الك كل واحد فينا راح بطريق و انت اله وفقك ونسيت انو كان لك صديق و قتلي الله يرزقق بس انا ما رح انساك بضل برحي بخدمك لا تفكر كرمال عيونك كرمال الملايين المعك مافي صداقة للدراويش كل واحد يادوب يعيش ايامنا صارت صعبة و الدنيا منا لعبة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
دعوة عشاء
كلمات وألحان إياد الريماوي بيسعدني وبيشرفني تقبلي دعوتي ع العشا على سندويشة فلافل وكاسة لبن عيران واذا جاية ع بالك شاورما هالاكلة و الله بحترما لو كانت دجاجا او لحما وانشا الله عمرينا المصاري و عمرينا المصاري واذا بدك شي اكلة منيحة قوليها و كوني صريحة لعيونك احلى قرص صفيحة وانشا الله عمرينا المصاري و عمرينا المصاري واذا لابد من التحلاية باعوامة المنقاية منكون وصلنا للنهاية وانشا الله عمرينا المصاري ما ضل اصلا مصاري اخر شغلة رح قولها يلعن ابو المصاري - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - دوّر دبّر كلمات وألحان أيهم العاني بكل هادنية مهما تلف و تدور و مهما تقطع مسافات و بحور بتضل تدور وتدور عن حب جديد رح يبقى سحري المصيربالتاكيد وقت بتتعب يا ابني اتذكر بانك ترجع يمكن اغفر لاني ما بحبك انك تركع ما في غيري بها الدنية بفهم فيك منيح دور دبر فكر قرر تتهرب لبعيد اندم افهم اعلم احلم ترجعلي من جديد احكيلك قصة يمكن صار لها كتير زمان رح تفهم شو بقصد كونك يبدو فهمان حوا بتفاحة وحدة جابتنا لهون و دليلة وقت اللي بدا بتحلق لشمشون وقت اللرم ظهري لاتفكر انك تلعب انت بتعرف يا عمري اني الاقوى بها الملعب ما في غيري بها الدنية بفهم فيك منيح دور دبر فكر قرر تتهرب لبعيد اندم افهم اعلم احلم ترجعلي من جديد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
| الساعة بإيدك هلق يا سيدي 15:38 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون