|
العهدة العمرية بنصها الاصلي ...
العهدة العمرية كتب عمر بن الخطاب لبطريرك القدس العهدة العمرية على ورق من جلد عرضه شبر واحد وطولها ستة أشبار وهي لا تزال محفوظة إلى يومنا هذا في البطريركية اليونانية الأرثوذكسية في القدس وهذا نصها : بسم الله الرحمن الرحيم الحمد لله الذي شرفنا بالإسلام وأكرمنا بالإيمان ورحمنا بنبيه صلى الله عليه وسلم وهدانا من الضلال وأنقذنا به من التهلكة و وحد قلوبنا ونصرنا على الأعداء وثبت أيدينا وجعلنا إخوة متحابين فاحمدوا الله على هذه النعمة هذا عهد مني أنا عمر بن الخطاب أعطي الشيخ الوقور بطريرك الأمة الملكية صفرونيوس على جبل الزيتون بمقام القدس الشريف في الاشتمال على الرعايا والقسس والرهبان والراهبات حيث كانوا و أين وجدوا أن يكون عليهم الأمان لان الذمي إذا حفظ أحكام الذمة وجب له الأمان والصون منا نحن المؤمنين والى من يتولى بعدنا ولتقطع عنهم أسباب جوانحهم كحسب ما قد جرى منهم من الطاعة والخضوع وليكن الأمان عليهم وعلى كنائسهم وديانتهم وكافة ديارهم التي بيدهم داخلا وخارجا وهي القيامة وبيت لحم مولد سيدنا عيسى عليه السلام والكنيسة الكبرى والمغارة ذات الأبواب الثلاثة قبلي وشمالي وغربي وبقية أجناس النصارى الموجودين هناك وهم الكرج والحبش والذين يأتون من الإفرنج والقبط والسريان والأرمن والنساطرة واليعاقبة والموارنة تابعين للبطريرك المذكور ويكون متقدما عليهم لأنهم أعطوا من حضرة النبي الكريم والحبيب المرسل من الله وشرفوا بختم يده الكريم (1*) وأمر بالنظر إليهم والأمانة عليهم كذلك نحن المؤمنين نحسن إليهم ويكونون معافين من الجزية والغفر والمواجب وسالمين من كافة البلايا في البر والبحور وفي دخولهم للقيامة وبقية زياراتهم . لا يؤخذ منهم شيء وأما الذين يقبلون إلى زيارة القيامة يؤدي النصراني إلى البطريرك درهما وثلث من الفضة (2*) وكل مؤمن أو مؤمنة يحفظ ما أمرنا به سلطان كان أم واليا يجري حكمه على الأرض غني أو فقير من المؤمنين والمؤمنات . وقد أعطي مرسومنا هذا بحضور جم الصحابة الكرام عثمان بن عفان وسعد بن أبي زيد وعبد الرحمن بن عوف وبقية الإخوة الصحابة الكرام , فليعتمد على ما شرحناه في كتابنا هذا ويعمل به ويبقى في أيديهم وصلى الله على سيدنا محمد وعلى اله وأصحابه والحمد لله رب العالمين وحسبنا الله ونعم الوكيل وكل من قرأ مرسومنا هذا من المؤمنين وخالفه من الآن إلى يوم الدين فليكن لعهد الله ناكثا ولرسوله الحبيب باغضا تحرر في العشرين من شهر ربيع الأول سنة 15 هجرة / 638 ميلادية (1*) يشير عمر بن الخطاب بذلك إلى العهد الممنوح سابقا من النبي إلى رهبان دير طور سيناء ويسمى العهد الشريف (2*) ظل هذا الرسم يدخل إلى جيب البطاركة الأرثوذكس إلى أن اصدر السلطان العثماني سليمان القانوني أوامره بتحويله إلى التكية العثمانية المصدر : كتاب القدس عبر التاريخ |
مــــــــــــــــشكــــــ ــــــــــور
مـــــــــــــــشكـــــــ ــــــــور مــــــــــــــشكــــــــ ــــــور مـــــــــــــشكـــــــــ ــــور مــــــــــــشكــــــــــ ــور مـــــــــــشكـــــــــــ ور مــــــــــشكــــــــــور مـــــــــشكـــــــــور مــــــــشكــــــــور مـــــــشكـــــــور مــــــشكــــــور مـــــشكـــــور مــــشكــــور مـــشكـــور مــشكــور مـشكـور مشكور |
كانو في اختلاف بين هي العهدة و العهدة بالموضوع التاني .. ما ؟
|
اها ومشان هيك مكتوب انو هاي هي النص الاصلي
|
اقتباس:
اقتباس:
هاد النص الاصلي تبعها حرفيا .... طبعا هي ما زالت موجودة لحد هاد الوقت .... وتعتبر تحفة اثرية ولها قيمتها المقدسة نسبيا عند الطرفين الاسلام والمسيحية .... وهاد يدل على مدى التفاهم الراقي بين البطلين اذا فينا نسميهون ان كان الخليفة عمر بن الخطاب او البطريرك صفرونيوس لانو بهي الطريقة ضمنو عدم وجود خلاف بين الديانتين وحاجز لمنع اراقة الدماء باسم الدين ... بس لو بقدر جيب الها صورة حتى اثبت صحتها مع انو لفيت النت كلو وما لقيت صورة حقيقية لها مع العلم انو مرة شاهدتها على التلفزيون بس ما عم اذكر باي قناة كانت ...... والكتاب فيو صورة الها بس مشوهة الصورة من المصدر ( الطباعة ) ومن الصعب انو اقدر حطها مع اني حاولت كتير .. :D |
اقتباس:
طيب .. ليجي ابو الشوش بنشوف .. |
شكرا على جهودك كوستا ..والله يديم التآخي والمحبة :D
|
حبيب القلب كوستا ... اللي انا فهمتو من عي العهدة .. انو كانت للمسيحيين يلي كانو بـ فلسطين .. معقول يكون في وحدي تانية مثلاً لـ أهل الشام ؟
|
اقتباس:
في بعض المصادر اللي فيها هديك الوثيقة تحت اسم "العهدة العمرية" ..وقد تكون فعلا هالوثيقة انعملت وأبرمت ولكن اكيد اللي ابرمها واللي عملها مش أمير المؤمنين عمر بن الخطاب!! قد يكون عمر بن عبد العزيز..ما بعرف..ما كنت على وقتهن :lol:! :D |
اقتباس:
ونحن الكائنات الحالية يلي عم تمشي عل الارض مالا علاقة اذا حدا من المسلمين خالف العهدة المسيحيون الان في سوريا لهم كل الحقوق والواجبات المفروضة عل المسلم بقى وين الغبن يلي عم بيشعر فيه بعض الأخوة ماشاء الله كنايسكم عم بتزداد وبأجمل مناطق دمشق :D |
اقتباس:
اقتباس:
اقتباس:
هي العهدة اعطيت لبطريرك القدس ..... وطبعا البطريك كانت تحت سلطته الكنسية عدة مناطق وله نفوذ فيها .... يعني المناطق يللي بتشمل سلطة الكنيسة بهداك الوقت كانت خاضعة لمرسوم العهدة ... بس اذا بتلاحظ بنهاتيها واخر جملة فيها وهي اقتباس:
مع العلم انو بلاد الشام كان يتم فيها متل هي العهدة بس على غير نمط وكانت تتم طبعا بين القادة المسلمين ورجال الدين المسيحيين فمثلا عندما دخل خالد بن الوليد مدينة دمشق اخذ عليه تعهد شماس يعقوبي بس ما عم اذكر اسمه وبوعدك اني ارجع للمصدر وحط اسمو ..... واتاكد من المعلومة ..... واي شي تاني انا جاهز :D |
هلأ بشكل عام انا مرة قرات انو بطاركة فلسطين والمسيحيين في فلسطين كانوا يحظوا على كتير مميزات واكتر من سكان باقي المناطق..يمكن لقداسة المكان..ولانو سيدنا المسيح عليه السلام ولد هون :) فا كان الهن نوع من الاكسترا حقوق!
|
اقتباس:
اهلا وسهلا فيك شوف حبيب ..... هي الاتفاقيات كانت تتم حتى بالعهود الوثنية .... يعني مانها امر مستحدث بل مقتبس ... وكمان متل مافي ناس فهمانة وعقلها كبير كمان في ناس عقلها صغير .... وهي العهدة ليست الا حاجز بين الناس لمنع اراقة الدماء ...... تحت اسم الدين ... ........ و مشان الكنايس يا معلم ..... يعني ضحكتني بصراحة ...:lol: انت بتعرف عدد الكنايس بمدينة دمشق وحدها ؟؟؟ اكيد هاد العدد مارح يكون اكبر من عدد الجوامع بحي متل حي الميدان ولا تنسى اضف لمعلوماتك انو بجانب كل كنيسة يوجد جامع عدا كنيستين فقط وهم كنيسة الصليب والكيرلس بالقصاع .... فلا تحسد الاخوة المسيحيين على كنائسهم :larg: ومرة تانية اهلا وسهلا فيك |
اقتباس:
ولمعلوماتك انو حتى في قلب القسطنطينية يللي كانت مركز المسيحية بهداك القوت كان في جامع من القرن الثامن الميلادي ..... |
اقتباس:
يعني انا بتمنى لو كل واحد فينا كان يطبق مبادىء سامية متل اللي اجت فيها الاديان وتكون تصرفاتنا نابعة عنجد من قلبنا! بالنسبة للجوامع والكنايس..فاكيد انا مصدقيتك (بالرغم من اني مش سورية) بانو هيك الوضع وانو الجوامع اكتر من الكنايس..بس هاد الوضع "طبيعي" ..i mean كمان بالدول المسيحية بتلاقي كنايس اكتر من الجوامع..وباسرائيل بتلاقي اماكن كنيس (ما بعرف شو جمع كنيس) اكتر من الجوامع والكنايس..وهاد الشي ممكن نستحمله كاقلية..يعني انا في حياتي لم اعش في دولة عربية واسلامية لذلك تعودت على مسالة قلة اماكن العبادة وهيك وعلى مسالة كوني مسلمة في اقلية بالرغم من انو الشرق الاوسط فيو دول اكثرية اسلامية :) it seems a lil bit strange..بس اهم شي حسب رايي انو حتى لو كنت اقلية بدولة انو يكون في عندك حقوق متل البشر والناس ويكون في عندك مين يضمنلك حقوقك ومبادئك ودينك :) :D |
اقتباس:
وكمان موجود بمدينة دمشق القديمة عشرين كنيس بالعدد ومنها كنيس الافرنج وكنيس المنيان وهنن مشهورين كتير بالمنطقة حتى اسمو الحي يللي كان يسكن في اليهود السوريين حارة اليهود..... وما زال واحد منها فقط يصلو فيه وهو كنيس المنيان.... ما بدنا نخرج عن الموضوع ..... وكلامك بايدو وبشد كمان على ايدك انو نعمل لهاد الشي ولا ننسى كمان انو بالنهاية نحنا بشر وكلنا مناكل من نفس الارض وبدنا نموت عليها ..... ذكرتيني بقصة صارت بالحرب العالمية الاولى وبمدينة دمشق تحديدا .... بس رح ابعتلك اياها على الخاص حتى ما نخرج عن الموضوع منرجع للعهدة العمرية .... وطبعا انا بعتبرها متل شهادة على رجاحة عقل الخليفة والبطريرك .... وبيستاهلو عليها اكتر من جائزة نوبل لانو من النادر بهاد الوقت انو نشوف متل هي الاتفاقية بوقتنا الحالي ومع الاسف الاتفاقيات يللي عم تصير مبنية على المصالح |
أخونا العزيز كوستا, مشان الله شعّلوا الضو,
قرأت موضوعك العهدة العمرية بنصها الأصلي سيدي الكريم بالموضوع يللي أنا بدأته عن قصة كنيسة يوحنا المعمدان أنا متأكد انه مافي تخبيص, التخبيص حصل لمّا خلطت حضرتك بين غزو فلسطين وغزو دمشق, يا سيّدي العهدة يللي انت واضعها ومعتبرها النص الأصلي هي العهدة مع مسيحيي فلسطين, أمّا النص المذكور بهاد الموضوع فهوّعن دمشق. وغير الكلام هاد بيعني انّك بتنكر كل الوثائق الواردة بالوثائق يللي أنا أرفقتها, ويللي من مصادر متعددة ومعتمدة وبهيك حالة لازم تكون تأكّدت من الكتاب المذكور: نزهة الأنام...., وكمان تأكدت من بطلان ورود هالكلام بباقي المصادر. عزيزي.. أنا ما كتبت هالموضوع عن عبث, أو عن عدم تقصّي, كل حرف ذكرته أنا قرأته بنفسي من الكتب الواردة, وأرجو منك ومن الإخوة يللي شاركوا يتأكّدوا بنفسهن, لأنه الحل الأخير انه نكذّب كل أصحاب المصادر أعلاه. تحياتي سلف لجهودك  |
اقتباس:
هاد الشي يللي غاب عن ذهن الأحباء هون, و مابلوم حدا, لأننا بدون انتباه منحاول نوجد عذر للناس يللي منعتبرهن قدوة إلنا من البشر |
| الساعة بإيدك هلق يا سيدي 18:49 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون