شبووووش واحلى خمسمية محروقة!!
 

حاليا بنشوف بمعظم المنتديات الموجودي (إذا مو كلها :jakoush:) متل إعلانات أو بتواقيع المشرفين عبارات متل:

"لا تقرأ وتمشي.. شارك .. شارك بكلمي.. شارك ولو بابتسامي...يا اخي شارك برد فاضي :lol:.. ميشان الله شارك:tears:"

والاعضاء بس يجو عالأخوية بكون عندهن هالمفهوم عن الردود :-/ ...

وبنصير بنشوف ردود متل :na3san:
أو
وطبعاً كل ما زادو الواوات بيزيد الشكر:shock:

واحيانا بطريقة مجلطة أكتر :mrgreen:
يعني شي مزعج كتير بس تشوف كذا رد ورا بعض تشكرات :sad:
أو انك تكون حاطط اشتراك بموضوع ويقلك في رد جديد ..ويعدين بيطلع "شكرا":aah:


يعني مثلاً بالمكتبي واحد حاطط كتاب.. فالمفروض أنو الردود يكونو تعليق عالكتاب ..
إما اذا ما عندك وقت لتقرأ الكتاب:melody: .. فإذاً ما عندك شي لتشكر صاحب الموضوع عليه.. وعدم الرد افضل :shurup: ..

وفي كتير مواضيع فيها صفحات من 50 لل100 صفحة واكتر ... وممكن تمرق صفحة كاملة فيها رد واحد والباقي تشكرات :sick:..

:humm: فليش ما في بقوانين اخوية قانون بيمنع هالشي..أو قانون بقول أنو هالتشكرات والتحيات ممكن تنحذف.. وطبعاً الأعضاء الجدد بيتعودوا عهالشي مع الوقت... :D

هاموشيات:

*هاموش رقم 1 : لاحظت بالفترة الأخير أنو السيرفر كتير ميعمل كراش أو database error (يمكن مو بس بالفترة الأخير بس أنا هلئ للاحظت:lol:)

هل أخوية بحاجي لدعم تقني أو مادي؟؟

*هاموش رقم 2 : الردود بأخوية بس تنحذف.. هيي بتنحذف ولا بس بتنخفى عن الاعضاء :?: ؟؟
يعني إذا شغلة حياة وموت :lol: في احتمال انو يتلاقى ؟ (هاد الهاموش مو ضروري كتير يعني :oops:)

ودمتم

Bay :bye:

صـحيح متل ما قلت بالنسبه للتشكرات و صراحه من فتره تم الاعلان عن ميثاق اخويه للجوده اللي بتقدر تطلع عليه من الرابط التالي :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

انت مو عندك بكالوريا؟ ما تلتفت لدروسك :pos:

إي والله ترى مانكن غفلانين عن شي :o
حتى بالعنوان ما جبت شي جديد

حاضر ماما :lol:..

بس انو صار معي عكس ما كنت مفكر ... :i7raj:

كنت مفكر أنو مع بداية السكول >> باي باي أخوية..

بس اتضح أنو اخوية كتسلية داخلية عليها جمرك اقل.. وضريبة الرافهية تبعيتها كمان اقل :clap:...

بحيث أنو اذا ظبطت ولقيت انا ورفقاتي وقت نكون كلنا ما عنا فيه اساتذي خصوصي وطلعنا ساعة فبدي اسمع مقابلهن محاضرات لمدة ساعتين أو اكتر :sick:..(اسطوانات مكررة عن شي بيسموه "المستقبل":lol:)
عكس أخوية :larg:وبعدين معدل مشاركاتي 0.12 باليوم... كتير؟

:bye:

بالنسبه للهامش # 1:
أخويه مجتـمع كـبير و كل ما كبرنا السرفر عم تكبر هيّ الشغله دائمه يعني من اوّل يوم فتت فيه على اخويه و هالمشكله قائمه :lol: ..

الهامش # 2: يعني كيف هي حياه او موت اذا الهامش كلو عبعضو ما كتير ضروري :sly: ؟

يا اخي عنوان الموضوع حرك فيني مشاعر زلغوطية كبيرة ما قدرت اكبتها بس قلت لحالي انو بدال ما اطرقها زلغوطة لحالي بجي بفش خلقي هون وهاي زلغوطة
للللللللللللللللللللللليي ييييييييييييييييييييييييي ييييييييييييييييييييششششش ششششش
سمايلي زلغوطة × 100

هلئ يعني هيك سؤال يمكن يكون فيه تعدي عـ خصوصيات ادارية باخوية :oops:... بما يعني انو اخوية مو مطضرة تعطي لكل عضو تصريح هيي كيف بشتغل أو كيف بتتصرف :adal:..فاذا كان فيه تعدي ..فبلاه :angel:

أوكي مشكلي ولازمها حل...أنا بس البدي اوصلو هوي الاعلانات :humm: ..

هلئ أنو اخوية مو ربحية ... هيدا شي كتير بحترمو ...كتير مو شوي.. بس وقت تحتاج لشوية دعم .. فوين المانع:D؟؟

طيب رح تقلولي اخوية محجوبة بسوريا وماحدا من الصين رح يحجي يحط اعلاناتو عنا..:sick:

بس مو مشكلي هاي :gem:.. في شي اسمو وسيط اعلاني متل Google Ads
يعني اخوية بتقول لـ Google أنو موقعها موجهة للسوريين :adal:.

وانا تجار مثلاً بحط اعلاني بـ Google وبقلو أنو انا شركتي متوزعة بسوريا ولبنان والامارات مثلا..

فيطلع اعلاني بأخوية ..

واعلانات Google كتير انيقة وهادية.. وما فيها صور وشغلات بتضوي وبتطفي متل شجرة العيد :lol:...

هلئ أنا ما بعرف تقنية الموضوع كيف بالظبط بس اذا هيك فكرة ممكنة بسأل;)

زلغط خيي هاني زلغط:lol:
مع انو كل عمري بفكر أنو الزلغوطة عادي جايبينها من الهنود الحمر :o

بس اسقالي هالسمايلي :

الشرح: للللييشش سمايلي زلغوطة × 100



:bye:

شكرا لاهتمامك , الّا انّو موضوع وضع اعلانات غير وارد حاليا ..
:D

اوكي.. شكرا لاستماعك ‎:)‎