|
صرت بالشام
مرحبا شبيبة شلونكم انشالله مناح ... عم احكي معكم هالمرة من الشام .. طبعاً الوضع متل ماهو والجو من اجمل مايكون ... خصوصي بعد ماطلعوا الباصات الخضرا الجديدة صديقة البيئة على حسب كلامهم :larg: المهم تمشيت بالبلد طبعاً فيه غلاء بس بالنسبة الي شيء طبيعي يعني مااثر عليي كتير قبل مبارح تغديت بعين الفيجة شي بياخد العقل بهالجو الرائع وبهالطبيعة الساحرة وبهالاكل الظريف عنجد ... شيء من اجمل مايكون الله يحفظك ياشام مع الاراكيل طبعاً والشاي والبطيخ وماهنالك من خدمات رائعة بتطلع الفاتورة 2100 ليرة الكل بيشتكي الا انا استرخصت كتير :shock::clap: ,, يمكن لأني مغترب ! المهم البلد بخير بس لو يزبطوا هالشوارع شوي وانارة الشوارع والازدحام اللي بيصير الضهريات وخدمات الانترنت سيئة جداً :jakoush:لو بتتزبط وبتصير ادي اس ال بدل ديال اب اللي مو متعودين عليه بنوب بيكون مية مية ,, النا رجعة ...:D |
يعني بشكل عام البلد ممتاز لولا هالستمية علة :p
بكل حال الحمدالله عسلامتك ماجد |
اي الحمد الله على سلامتك صديقي
:D |
ياما ألف الحمدلله على السلامة
أنشألله بتتهنى و بتنبصط و بنصحك ما تعمل متلي بدك أطنشششششششششششششششششششششش شششششششش أتمتع بلبلد وريحة البلد و أهل البلد كل شيئ حلو عنا و بوصيك الله يخليك أنك تروح على الحارات القديمة و تصورلي كم صورة لأبواب البيوت و شي كم صورة لناس لابسة اللباس العربي و كول عني من عند بكداش رز بحليب و من مابعرف وين كول فتة سئية و بطحينة و الله يجعل أيامك سعادة و سرور و سلملي على محارب و بوسو عني و ألو أني بحبو تحيات أخوك حلبي :D |
اي يا اهلا وسهلا نورت ..:D
|
هلا بالغالي ماجد
علوا تعملك تعريجة على حلب وتزور وتشوف صاحبك الداعي والله مشتقلك يا ماجد البلد معها معها بتتحسن شوي شوي على الله :D |
شكراً للجميع عالمرور والترحيب الحار :D
اقتباس:
اي والله ياصاحبي لولا هالعشرطعشر علة كانت البلد من اجمل مايكون ,, الله يبارك بعملتنا قول آمين:pos: عالهامش : كأن ماشفت لاطوابير خبز ولاهم يحزنون والخبز عم متوفر وعم يتوزع بأجمل مايكون ؟! اقتباس:
الله يسلمك ياصديقي شرف لعنا نقوم بواجبك ,, مية أهلا وسهلا انت والاصدقاء:D اقتباس:
والله كل ماروح مشوار ظريف بشتهيك معي ,, عنجد متل ماقلت بلدنا بأمان وخير الحمدلله ,, ومن أجمل مايكون ,, سوريا بلد سياحي من الطراز الأول خصوصاً الشام عنجد شهر مابيكفي بدنا اقل شي 3 شهور بس للشام من عدا المحافظات التانية :o على هالحالة بدنا ست شهور وبنك متنقل اقتباس:
الله يسلمك ياغالي شرف لعنا انت التاني نقوم بالواجب معك:oops: اقتباس:
النا الشرف والله وانشالله اذا سمحت الظروف والله راد بيصير بيني وبينك كونتكت ,, وانت اذا نزلت عالشام كمان بتشرفني بزيارتك ويااهلا وسهلا بالحبايب :D بالنسبة للبلد انا ملاحظ ان الوضع بدو شي عشرطعش سنة وانشالله الامور كلها تمام التمام :D والله يقدم لما فيه خير البلد وابناء البلد ,, على قلوبنا متل العسل والله :D بنشوفكم لاحقاً ولاتواخذوني اذا اتأخرت بالرد عليكم لأن ماشالله ماعم خلي ئرنة .. رايح جاية :adal::gem: استودعناكم جميع :ss: |
ياتولتميت حمدالله علسلامة .
|
الحمد لله عالسلامه
نيالك:cry: |
اقتباس:
|
ريمو ..ريمو .هانت .شبك...:sick:
الحمد الله ع سلامتك .. :D |
اهلا ماجد نورت
|
Have fun :yahoo:
|
لك ليش ماقلتلي انك نازل يازلمة ولو .؟
والف الحمدلله ع السلامة |
ولك اهلين ومية السلامة
عم قول الشام منورة اتاريك اجيت اهليييييييييييييين ماجد :D |
اقتباس:
شو مشان المتة ؟:larg: |
الله يسلمكم جميع ..
اشكركم فرداً فرداً عالترحيب الحار :D وبالنسبة لوسام انت هات عنوانك ببولندا وانا ببعتلك احلى معسل تفاحتين :dabeek: اقتباس:
اقتباس:
شو مشان تشرفينا بزيارة أهلا وسهلا .. أو يصير بيناتنا كونتكت :D سلام للجميع |
اقتباس:
وسيم ياعم :jakoush: ، هلق بيزعل :lol: |
حمد الله عالسلامة ماااااااااااااااااان,,,,,,:D
|
هيك يا خاي لهدرجة مستعجل
أنا متوقع منك تقرير جديد عن أخر التطورات أحكي أحكي كتير مشتائ أعرف وجهة نظر مغترب عن سوريا بالأنتظار و أنشألله بتتهنى دعواتي لك من القلب أخوك حلبي و مبروك عليك الشام و هوى الشام و أهل الشام الشريف |
ألف الحمدلله عسلامتك
بحسدك عن جد
أنا من الشام وإلي 3 سنين غايب عنها والله مشتاقلها كتير على كل حال هي نصيحه : ذور على الغداء مطعم الكاردن سيتي بالربوه وعلى العشاء الشاميات بأبورمانه وأدعيلي أنزل الشام |
آخر التطورات غير مصورة طبعاً لعدم توفر الوسائل التقنية الحدينة من سكانر ومن كاميرا انترنت وماهنالك ..
بشكل عام اعتباراً من بكرا رح بلش جدول مركز لزيارة الشام القديمة ... انشالله ياخد هالجدول معي اسبوع بأكملوا المهم رح بلش بسوق الحميدية .. ورح اشتري كم شغلة أثرية بالأضافة لهالشي رح اضرب نفس مرتب عند قهوة النوفرة ... يسعد الله :shisha: الأهم من هاد الشي العشا حيكون بمطعم الشاميات .. وانا رح أطلب تسقية ببدوة لأن صرلي 3 سنين محروم منها :eat: وهي صورة التسقية للي مابيعرف هالأكلة وهي أكلة شامية معتبرة من الطراز الأول  مدوا ايديكم لاتستحوا ياشباب مابدكم عزيمة :clap: هلق بدنا نحط بالحسبان الطلعة عجبل قاسيون اللي مابينشبع منها بنوب وهلق الساعة 1:42 الصبح بتوقيت دمشق .. الساعة 2:00 رح اكون على سفح جبل قاسيون واصور كم صورة ظريفة لمنظر الشام بالليل .. لهالسبب استودعناكم هلأ .. :D |
حمد الله ع السلامة وجد نيالك ..:cry:
:D...enjoy your time |
الحمد لله عالسلامة يا أخ ماجد.....:D
|
أحلى أبو مجيد
أجا القط هروب يافار :lol: |
ضربة معلم ;)بتعري إنو نزلتك هلأ وئتا حلو ؟؟
إيييييييييييههههههه زكرتني بهديك الايام تتهنى حبيب:D أبو المجد دخيل حريماتك سلملي عبوابها |
الحمد لله ع سلامتك مجود.
وانا لاحقك ازا الله راد عن قريب وبشوف بقا الوضع كيف . :gem: |
لحئني بشي كم كلمة حلوة عن برنامجك بالشام على أحر من الجمر عبستنى
أخوك حلبي :D |
| الساعة بإيدك هلق يا سيدي 07:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
