|
زيادة الأجور 25 % للموظفين والمتقاعدين.
ذوو الدخل المحدود يشكلون 75% من الشعب وهم الأكثر تضررا.
الأسد يوعز بزيادة رواتب السوريين.. والمواد الأساسية تقفز للضعف.   وعود بالمحافظة على أسعار الخبزدمشق - وكالات: اصدر الرئيس السوري بشار الاسد السبت 3-5-2008 مرسومين قضائيين بزيادة الرواتب والاجور للعاملين بالقطاع العام بنسبة 25% في ظل ارتفاع اسعار غير معلن للعديد من المواد الغذائية الأساسية التي تجاوز سعر بعضها (كالأرز) الضعف وكذلك الارتفاع الكبير بسعر ليتر المازوت في اطار تحرير الاسعار في سوريا. وقالت وكالة الانباء السورية "سانا" ان الرئيس الاسد "اصدر مرسوما تشريعيا يحمل الرقم 24 لعام 2008 قضى بزيادة الرواتب والاجور للعاملين المدنيين والعسكريين في الوزارات والإدارات والمؤسسات العامة وشركات ومنشآت القطاع العام والبلديات ووحدات الإدارة المحلية والعمل الشعبي بنسبة 25 %". كما اصدر مرسوما ثانيا قضى "بمنح اصحاب المعاشات التقاعدية من العسكريين والمدنيين زيادة قدرها 25 %". وواضحت الوكالة انه "سيعمل بالمرسومين اعتبارا من بداية شهر مايو/ايار الحالي". كما اوعز الرئيس الاسد "بزيادة الرواتب والاجور بنسبة 25% لعمال القطاع الخاص والتعاوني والمشترك غير المشمولين باحكام القانون الاساسي للعاملين بالدولة". واوضح وزير المال السوري محمد الحسين ان المرسومين يشملان "اكثر من مليوني شخص". ويبلغ متوسط الراتب الشهري في القطاع العام في سوريا 175 دولارا, فيما ناهزت نسبة التضخم خلال العام الفائت 14 في المئة بحسب ارقام رسمية. وجاء قرار زيادة الرواتب في وقت لاحظ فيه المستهلكون السبت ارتفاعا غير معلن في سعر مادة المازوت يندرج في اطار تحرير الاسعار في سوريا. فقد ارتفع سعر ليتر المازوت خلال سنة من سبع ليرات الى 25 ليرة سورية لسيارات النقل العمومي اي بنسبة 350 في المئة, كما حدد سعر ليتر المازوت المقنن للعائلات السورية بـ 9 ليرات سورية, ما يعني ارتفاع اسعار النقل الداخلي والخارجي بنسبة 100 في المئة. ومنذ اسابيع عدة, ارتفعت اسعار المواد الغذائية والخضر واللحوم والحليب والزيت بنسبة تراوح بين ثلاثين وستين في المئة. كذلك, ارتفعت اسعار الحبوب, ما دفع الحكومة الى حظر تصدير العدس والقمح. وحرص وزراء سوريون على التأكيد ان اي زيادة لن تطرأ على سعر الخبز. ويباع سعر كيلوغرام الارز الذي تستورده سوريا من مصر بـ75 ليرة (1,5 دولار) بعدما كان يناهز 25 ليرة (نصف دولار). وكان الموظفون والعمال ذوو الدخل المحدود والذين يشكلون 75 في المئة من مجموع الشعب السوري, الاكثر تأثرا بهذه الزيادات. وعزت الحكومة هذه الزيادات الى الارتفاع العالمي في اسعار المواد الغذائية, اضافة الى الانتقال التدريجي منذ ثلاثة اعوام من الاقتصاد الموجه الى "الاقتصاد الاجتماعي للسوق". - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
زيادة 25 % .. والاسعار أقل سلعة زايدة 30 % والوقود ماشالله مو تحت الـ 200 %.
صحيح انو الزيادة أفضل من عدمها لكنها غير كافية ولها عواقب لمزيد من الارتفاع في الاسعار. وغير الموظفين كيف رح يعيشو .. للأسف معالجة النتائج بعمرها ما بتغني عن الانتباه للأسباب لأنو زوال السبب هو قضاء على كل نتائجه. نحو مزيد من التعقيد والتخبط والوعود. مبروك للعاملين الزيادة المزدوجة. |
الله يخليلنا الحكومة ( و غير الحكومة ) على هالمكرمة الجديدة
بس في مشكلة زغيرة ....... أنو ما حدا بعيلتنا موظف يلا خيرا بغيرا ...... انشالله الزيادة الجاية ..... بكون توظف شي حدا بحارتنا :sick: |
له له.يا أبو سمرة...وين رحنا نحنا...ما بتقول فيه عندك رفقات موظفين..
على غلاء هالأسعار كلها كأنك نقصت راتب الكل ((موظف أو غير موظف)) شي خمس آلاف ليرة |
اقتباس:
|
اقتباس:
والفلاح يلتعن أبوه..لسا من أسبوعين لغو التصدير وعملو الفلاحين مظاهرة من طرطوس لبانياس...بلكي بتكون هي فاتحة لكسر عقدة الخوف |
اقتباس:
و هالشي بأيّد وجهة نظري الانسان لما بيخسر كل شي ..... ممكن يعمل أي شي |
اقتباس:
المهم يعني بالنتيجة تبقى المعادلة الذهبية ....... المواطن ما عندو وقت الا ليفكر منين بدو يجيب حق اكل وشرب ولبس لولادو وبهيك ما حدا فاضي يسال ثروات البلد شلون عم تنسرق |
اقتباس:
كان فيك تعبر عن وجهة نظرك دون توجيه اهانة لشخص رئيس الدولة الي بنظر الكتيرين عم يحاول يصلح خراب هالبلد بكل طاقته. اخي توجيه الاهانة المباشرة لشخص الرئيس مو اسلوب جيد وبعتقد مخالف. |
اقتباس:
بعدين حاجي بقى صرعتونا بشخص رئيس الدولة...... العالم عم تشحد وهو و المافيا تبعو عم يتنعموا بخيرات الشعب المنهوبة لما الشعب بيكون حر وعايش عيشة كريمة ساعتها بصير لمقام الرئيس احترام غير هيك لاء |
اقتباس:
كمان التجار حيرفعو الاسعار .. انو الموضوع ما حيكون مقتصر بس عالموظفين .. |
اقتباس:
بس طالما غلاء الاسعار يللي فرضتو الدولة أكبر بكتير من زودة الرواتب ...... أكيد الاسواق رح تصيبا حالة ركود و التجار رح تحاول تخفض نسبة أرباحها لتقدر تشتغل |
والله كلشي عم يزيد.. الله يستر ..:sick:
|
أنا سمعت اليوم بعد أول يوم بالزيادة أنو الموظفين عم يطالبو بتسريع أقامة البورصة السورية . مشان يستثمروا الفائض من الراتب
|
اقتباس:
مع التسريع استغرئ مشروع فتح سوق الاوراق الماليه خمس سنوات بتكلفه 600 مليون ..دون تكلفة البناء والمستلزمات ...ومازال العمل بالخطاب مستمرا ع كلن مبروكـ على البون سحبوها بجداره ..وهي الزياده ما بتكفي لصندويشه فلافل يوميا على ارقى تقدير |
نسب غير متواقتة وغير متفقة مع بعضها
سعدو يحمينا :cry: |
اقتباس:
هذا كان توضيح الوزير بما يخص الزيادة .. لكن طبعاً فرق هائل بين ما نسمع من تصريحات وبين ما نرى على ارض الواقع. |
اقتباس:
كلامك في عليه ادلة ... لأن مارح اصدق :o |
غير معقول ان الموظفين عندنا يكونوا مجازفين ويدخلوا اسواق البورصة ,,, اذا الشعب السعودي خسر مامقداره 90 مليار دولار بموضوع الاسهم ومعظمهم قدر يتجاوز الكارثة بسبب الدعم الحكومي والقروض ولجان فك العسر عن المواطن ,, هل يقدر الشعب السوري على تحمل الخسائر بهذا الحجم وهل حكومة الشعب السوري حتدعم المواطن في حال خسر شقا عمرو :o وشو الضمان ان الرشوة والمحسوبية والواسطة ماتدخل بالبورصة ؟! خصوصاً انو هاد الشيء صاير بسوريا ؟! نصيحة لكل مواطن سوري اذا فتحت البورصة مايقرب عليها ابداً :o |
والله يا ماجد كلامك صحيح
النقطة كلياتنا منحب بعضنا بالمنتدى ومنتمنى الخير والرحمة لبعضنا ولو تباينت وجهات النظر بس المصيبة في عالم دخلت بالبورصة وبورصة العملات وفي ناس راحت على الأسهم وهذا سوق جدا خطير بس النقطة في عالم بتعمل من البحر طحينة منشان تغرر بناس أخرى تقول بدهم يقبروا الفقر بالأسهم أو الأف أكس بزمناتوا قالو ( ألي ما أله كبير يشتريلوا كبير ) منشان النصيحة هي أحلى شغلة الله عطانا ياها هي النصيحة وعطانا الرحمة والرزق من الله فقط لا من الحكومة ولا من أي شخص ( وإن مع العسر يسرا إن مع العسر يسرا ) |
الله يعيننا . مبارح الطوابير على فرن الخبز كانت مسكرة الشارع ...وانا رحت ساويت كل شغلاتي وعملاتي وروحاتي وجياتي ورجعت لقيت نفس الطابور ما تغير ....مع العلم انو قالوا انو عنا وفرة خبز والخبز مالح يغلى ..بس هيك شعبنا اسم الله عليه متيقظ وبيعمل حساب لكلشي ....:gem:
الحمد الله يلي زادوا الرواتب شوي العمى نحنا من غير دف عم نرقص ..:yahoo: |
أسمعت اليوم الأفران بحلب واقفة
ونزلت دوريات التموين وقالتلهم ليش ما عبتشتغلو قالولهم رجعولنا المازوت للأول بعدين منشتغل تصوروا القهواتي الي بيوقف على الأشارة صارت كاسته ب 25 بدل ال 15 قال ليش قال لأنه الغاز أرتفع 80% بكرا بتصير الفروجة المشوية 250 * 80% = 450 ل.س :sick: |
اقتباس:
يموووو على الله عقولة اخواننا الحلبية ... شي بيفلج الراس :sick::7amwi: كتر خيرك اللي قلتلي لكان مشان جيب فروجاتي معي لمن انزل عسوريا |
بكرا بيلحق الغلا
الهمبرغر وجرة الفول والبيض بالمداجن والشاورما ولباتون ساليه يعني كل شي بيخطر على بالك |
بعتقد كلشي راح يزداد سعرو الا نحنا
الا يحمي بناتنا ويبعد اولادنا من السرقة والنصب (مدري ليش حاسس حالي قاعد بالجامع) |
عجب بكرا بتكتر السرقات ؟
|
اقتباس:
|
اقتباس:
|
شو سمعتو ؟
|
اقتباس:
عجبتني كلمة شهيد وكلمة معركة الها نكهة خاصة ..;) بتحس حالك قاعد بالعراق او بغزة أما الخبز أو الشهادة :sick: |
| الساعة بإيدك هلق يا سيدي 22:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون