|
سؤال لكل واحد بالغربة..
لكل واحد متلي بالغربة
بحب اسألو لشو اكتر شي مشتاق بالبلد؟؟ اكيد غير الاهل والقرايب هاد شي لازم بس لشو شتقت لشغلات بالبلد انا مثلا في شغلات ماكانت تعنيلي شي لما كنت بالبلد بس لما سافرت صرت اشتقلها وحس فيها..... متل صوت الاذان وخصوصي الصبح وصوت بياع الذرا.هاهاها شي غريب بس عنجد الواحد لما يسافر بيشتاق لهيك شغلات................. لكل واحد بالغربة.....لشو شتقت؟؟؟؟؟؟ |
ولا لشي .. :larg: الصراحه راحه
هون كل شي احسن ;) ولسه اطمح بالمزيد يسلموو |
اكيد شوقي للأشخاص لا يوصف .. أما المكان فـ كل شي ببلدي بيشدني..
شوارع البلد ومقاهي البلد وبياعين الفلافل والفول والحمص :cry:. حتى السناك وخصوصاً هني كتير بحب الاكل عندو (هادا الي قبال حديقة السبكي ). لك حتى لسرافيس البلد مشتاق. التمشاية المسويات بالحمرا او بعرنوس.. لك كتير شغلات يعني. |
i miss cous -cous
|
:cry:
من قاسيون اطل يا وطني .. :cry: والله ورب الكعبة سهرة وحدة عقاسيون بتسوى بلاد الدنيا كلها .. والشاورما .. يا عمي بدك بالحكي .. هي النعمة الشعب السوري ما بقدرها .. :pos: الله يحميكي سوريا .. :D |
أنا مشتاقة للتمشاية بالعزيزية مع رفقاتي واشوف شو صار بالشباب اللي كانوا يقفوا :p
ومشتاقة لشوارع الجديدة العتيقة والقعدة عند القلعة واشرب الأركيلة هنيك والأكل مشتاقة لصندويشة فلافل من عند فلافيلووووو :cry: |
أنا بشتاق لريحة الياسمين بالبيوت العربية القديمة ( خااصة بيت جدي !! ) و الحارات ، و الحميدية ، الأسواق القديمة و المطاعم اللي بباب توما ، و لقاسيون و لساحة بلودان بالصيف .......... شو بدي قول لقول كل شي بالبلد بيجنن :lol:
|
تفتحي الحنفية تشربي مية فيجة
|
احب كثيرا البيوت العربية السورية و الاندلسية الاصيلة
|
اقتباس:
|
امممممممم
لشو انا مشتاق مشتاق لغدوة بمطعم جنة بلودان خصوصا هي الأكلة الي اسمها جيكو |
كم سعر الايجار الشهري لاستاجار بيت عربي في دمشق
|
مولاي أجفاني جفاهن الكرى ... و الشوق لاعجه في قلبي خيم مشتهي أكون في بيتنا القديم في المدينة الأثرية لحلب و أبرك في أرض الحوش و أسمع الى فاصل أسقي العطاش لصباح فخري و أتفتل في الأذقة و خصوصي لما كنت في الصيف في حلب كانو عما يعيدون تبليط الأذقة بالحجر بدل الأسفلت مشتهي أشوف الأذقة بعد الأنتهاء من الترميم مشتهي أصور أبواب البيوت في الحارة لأن كل باب يحتوي على لوحة خاصة الزخرفة الموجودة على الأبواب لم أجد مثلها في أكثر من 15 دولة زرتها في حياتي حتى في المدن الأخرى في سوريا لا يوجد مثلها مشتهي أقول سلي فؤادي عن الخضراء يا حلب... بالله كم حسنها إليكي ينتسب تقسم القلب في نصفيه بينكما ... على السواء فلا فرق و لا رتب يا رب لا تقطع الخضراء عن صلتي ... فالحب مفخرة غنت به العرب للمطرب سمير جركس و مشتهي أقول لو شاء دمعي بحار الأرض أغرقها ... من مقلة حر نار الوجد أرقها و الحب فتت أحشائي و مذقها ... لو قرب النار من قلبي لأحرقها فهل سمعتم بقلب أحرق النار للمطرب صباح فخري الكثير الكثير الكثير مشكورة أختي على كشف الجروح اللي أصلا مامدمولة حلبي :cry: |
اقتباس:
بموسم السياحة 1000 ل.س بالشهر بالأيام العادية 100000 ل.س بالشهر |
كم بالدولار او اليورو من فضلك و شكرا جزيلا على الاجابة
|
كلنا في الغربة اخي و لاكن لو سالتني سؤال عن بلدي الاصلي لاجبتك
|
اقتباس:
بموسم السياحة 20 $ ل.س بالشهر بالأيام العادية 2000 $ بالشهر |
سبحان الله في الايام السياحية ارخص من الايام العادية بارك الله فيك اخي على هده التوضيحات
|
اقتباس:
شرفت وماكلفت حياتو  |
اقتباس:
:D |
هلا الموضوع مو مفهوم !!!!! :?
الموضوع بكل بساطة موّجه للأشخاص العايشين برا البلد شو هي الأمور اللي بيشتاقولها ببلدهم |
اقتباس:
بس هداك عم يسأل بئديش كيلو البطاط التلو ما بعرف |
فهمت فهمت اسف اخي في الحقيقة اريد ان اسكن في دمشق كي تتمكن زوجتي من تعلم اللغة العربية فلقد اسلمت على يدي و الحمدلله.........و تريد قراءة القران الكريم .
|
انا مشتاقه لزبال حارتنا ..
كان زبال حارتنا رجال كبير بالعمر و يحط عراسو عكال لونو احمر على زهري .. يربطو ربط مش انو متل ما بحطوه ببلاد الخليج .. و كان يمر شي تلات مرات بالنهار .. الصبح لما بدي اطلع عالمدرسه يكون عم يكنّس .. و نهار اللي كنت اطلع و ما لاقيه اعرف اني متأخره :lol: .. بالمناسبه كان زبال محترم و ما يحرق الجرس بالاعياد مشان العيديه :x .. |
مشتاقة لكلشي....مشتاقة لفيق الصبح عصوت العصافير عشباك غرفتي...قوم اشرب القهوة عالبرندة....
مشتاقة اركب السرفيس واندحش بين العالم... مشتاقة اسمع ناس عم يحكو سوري... مشتاقة اطلع اتمشى بالشوارع واكل درة.... مشتاقة انزل العب بالشارع مع ولاد الجيران واتئالل معن متل وقت ما كنا صغار... مشتاقة لكلشي....الله يسامحكن على هالموضوع :cry::cry: |
اي انو بعيدا عن اشتياقي هلاء مشان مو ناقصني فتق جروح
تم حذف جميع الردود الخارجه عن الموضوع |
اقتباس:
اقتباس:
اقتباس:
اقتباس:
:lol::lol: انا اشتقت لصوت بياع الغاز والمازوت :p |
يييييي دخيل الله ما اخلا بلدو الواحد
والله كنت كتيييير مشتاقة وملهوفة لا شغلات متل الشوارع الموكامبو الشهباء الفرقان حلب جديدة ياسلام ولتشفيط سيارات الشباب واني اتقل عليهون ولا الفلافل هههههههه |
انو هوا الشام لحالو الواحد بيحنلو
الو ريحه خاصه لك ريحة المازوت حلوه :cry: بدي وقف انطر تاكسي ساعه :cry: بدي اشرب من مية الفيجه :cry: |
يعني اول ازا بدي عدد اش الشغلات يلي شتقتلها ..رح ئولك كل شي بسوريا مشتقتلو كل نسمه كل شارع كل زاويه ووووو
بس عن جد بهل الحظه مشتاقه لتمشايه بالجمليه وبعد ما كون هلكت وتعبت ميل ع ابو علي اخد شندوشه شاورما...... اوووف شي خيله .... ما بعرف حاسه انو رح ابكي شوي تانيه جاي ع بالي اصحي الصبح وشم ريحه بلدي وانا عم اسمع فيروز متل زمان ..... كتير مشتاقه روح كل مكان الي فيه زكريات حلوه ... شكراا |
البلد تضل غالية علي و انا بعييييييييييييييييييييييد عنها المهم هو كيفية و مسايرة الحياة اليومية ببلاد الغرب
|
كل شي بدون استثناء
ناسها وهواها واكلها ومياتها وسهراتها كــــــــــــــــــــــــ ــل شــــــــــــــــي :cry: |
الشوق موجود وبكميات كبيرة وأحجام متفاوتة
|
عزيزي عم يمزح معك لأنو الأجارات بالبيوت العربية غالية كتير بس يعني معقولة مثلا بين 100-200$ بالشهر أكتر شوي أو أقل شوي حسب البيت بس هاد أجار غرفة بس بالبيت مو البيت كلو. بالنسبة الي بشتاق امشي بشوارع الشام القديمة و بشتاق للبحر باللادقية و بشتاق للناس كلها و لحيطان بيت أهلي و ريحة الطبخ بالحارات وقت الغداء.....ز
|
شكرا جودي و ما يدريني انها اسعار منطقية او صحيحة لاكن العقول المريضة لم تترك مكان
|
مشتاق للشام القديمة ... للحارات الدمشقية ... لجبل قاسيون ... لبوظة بكداش وبوظة دامر ... لسينما الشام ... للحميدية ... لمزرعتنا بريف دمشق:yahoo: ... شو بدي عد لعد :cry: |
شكرا على آرائكم
والله يرجع كل مغترب على بلدو |
لا يا اختي بلادي هي المكان الموجود به الان .
|
سندويشة الفلافل :D
|
بلادي وان جارت علي ..
الواحد لشو مشتاق
اكيد في كتير شغلات الواحد ممكن يشتاقلها لكن كثر شي مشتاقلو انو اطلع الصبح الساعة 6 وامسي من باب توما للحميدية بين الحارات القديمة وشف الناس وهي عم تطلع على شغلها والطلاب علىالمدارس يالله ما اروعها من مشوار هيك الصبح ......... هاد اللي مشتاقلو |
| الساعة بإيدك هلق يا سيدي 09:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون