|
هل تتزوج من فتاة ليست عذراء؟
مابعرف إذا مكان الموضوع بالمنبر،بس غالباً أيه بالمنبر
فخلينا نعمل إستفتاء على الموضوع هادا،فكرت أطرح هالموضوع بعد أن قال احدهم في اخوية في إحدى المواضيع بان عذرية الفتاة هي أغلى شيء تملكه فما رأيكك هل انت كشب تتزوج من فتاة غير عذرا؟ وهل بتعتقد ان العذرية أغلى ما تملك الفتاة؟ خلينا نتناقش بالموضوع ونصوت على السؤال هل تتزوج من فتاة غير عذراء؟ |
مافي مشكلة يعني يمكن اي يمكن لاء
|
لا طبعا يعني اصبر اصبر و افطر علي بصله مثل ما بيقولو
|
لو سمحت أن يضاف لمحور النقاش سؤالين
متى يكون غشاء البكارة أخر همك متى يكون غشاء البكارة أول همك وهل يمكن للفتاة أن تدعي بأن بكارة رجلها معدومة .. يعني رجل بلا عذرية |
:oلو كنت رجال ما بقبل اتجوز وحدة مو عذراء بس الله خلقني بنت شو اعمل بحالي
شو مشان عذرية الرجــل ... :pos: مابعرف بس يمكن مافي رجال عذري بس اكيد برفض ارتبط بشخص مخبص كتير لشبعان ... |
منقول من المنبر
|
بتصور انوا لعقلية الشرقية ام شوارب وطربوش كبرت القصة كتير
انو شو مشان في بنات بتخلق بدون غشاء بكارة وبعدين بظن انو الشرف بيتعدى غشاء البكارة الشرف هوي التزامك بعملك ومواعيدك ومبادءك وعيب كتير نحصر الشرف يهي الخانة الضيقة في كتير بنات بتفقد بكارتا وهادا ما بيعني تكون مو منيحة ممكن تكون متعرضا لاغتصاب او ممكن تكون بتحب وملتزمة بهادا الحب ما بعرف القصة كبيرة وعمرا الاف السنين من التحجيم وتاطير المرا صمن خانة عيب علكي وبالنسبة للشب عمول ولا تقصر الالتزام مطلوب من الطرفين ولما بكونو الرجال ملتزمين تماما وقتا انا بقول انو لازم الواحد يتزوج عدراء :x |
عذرا للتأخير
من لمسي للحياة العصرية – القرن ال 21 – تبين أنه ومن خلال وحيثما أن تم القضاء على التخلف والرجعية كما يدلي جميع أهل المعمورة فما الحاجة وما الداعي لهذا الحاجز الرخيم – الغشاء –وما قيمته فإن كانت الفُـــتـــاتــــــــ عفيفة ونقية لا يعني ذلك أضهادها فمن الطبيعي أن يكون لديها علاقات سابقة قبل الزواج – ريلانشن شيب مطورة بعض الشئ ... أو كما تعلمون الشغف قد يتحكم ب الريلاشين شيب ويتحول إلى سيكشول وبما أن الرجل لا يتحكم بعواطفه تجاه هذه اللحظة – المومنت الجياشة – ومع أنسياق الطرف الأخر لنفس المعادلة فقد يكون الأستسلام بالرضاء مع تقمص الممانعة اللاسعة فقد يحدث الحدث وتقع الواقعة ويطأ الواطئ والمتواطئ كلاهما . ولا أهمية لذلك عند الزواج فالكل فاقد ... وإن كان الزوج مكترثا لهذه الأمور الثانوية فالحل بسيط فعلى الزوجة اللجوء إلى أقرب دكتور صاحب ضمير !!! وهذا الموضوع لست يصدده إنما بصدد موضوع أهم وقد يعيي الرجال لنا عودة – بي ويتنغ فور أس بعد دقيقتين بيب |
ممكن اي وممكن لأ
كلشي بقصة كبيرة ممكن |
اقتباس:
مبين بحياتك ما دخلت عالصالون .. لأنو هالموضوع انطرح بالصالون أكتر من 100 مرة لحد هلأ |
الموضوع الذي كنت سأتطرق إلى فتحه هو أنه مرحلة ما بعد الزواج حيث أن العلاقة الزوجية تكون أقرب إلى العقلانية بعكس الغرائز المتوحشة المندفعة قبل الزواج وهذا أمر بغاية الأهمية لاحظوا معي بشكل مبسط أكثر أن الطفل البيبي في أول قدومه للحياة يلقى اهتمام ورعاية ومحبة ولهفة – ولهفي على دعد وما خلقت إلا لطول تلهفي دعد – من قبل الأهل وبعد اجتيازه شهوره الأولى يصبح الأمر روتينا عاديا ويلقى الطفل نفسه على الهامش هذا مثال عنيت به تبدل الأحاسيس والمشاعر قبل وبعد والمشكلة الآن – بعد الزواج – الاشتياق والحنين إلى الأيام الخوالي والمغامرات وتجديد النشاط ألعشقي بابتعاد الطرفين الملتصقين مع بعضهما البعض لنقص حميمة الحياة الطرفية لوجود (أولاد و هموم حياة وكثرة المسؤوليات ) مما يستدعي الحاجة إلى تكوير وفلترة وصقل وتحجيم هذه الأشتياقات الحميمة , ولكن تقع الأزمة والإعياء الشديد عند الرجل في حالة حدوث العكس بمعنى أخر اتجاه الزوج إلى باب جارته – الجارة أولى بالمعروف – والعودة إلى ما في ذاكرته من تكلس في الاتجاه المعاكس مما قطر حريته بمفهومه الخاص واعتقادا منه بأنه ضمن أسر سرمدي – لاحظ هذه الكلمة سرمدي أي لا نهاية له – مما قد يؤدي انتقام الزوجة من زوجها لأنه قلبها دليلها فهي مترصدة له بشكل خفي كالظل فتأتي لحظة الضعف لأن لحظات الضعف لدى المرأة هي أقوى دهور انتقامها والمصيبة إن تمت عملية الانتقام على مبدأ – العين بالعين والسن بالسن والأنف بالأنف والأذن بالأذن وال.....بال..... وبالبادي أظلم عمو – وعلى ضوئه ستقوم القيامة لهذه الزوجة وستفجر كل براكينها وتقذف براثنها وحممها وتذهب إلى أبن الجيران الصديق الحميم السابق ألمكبلها بالعشق حتى الساعة الآنية التي نكتب فيها وتنكب عليه ليث شغفا وليس عبقا وليس شبقا لكنه كانقضاض الذئب على الشاة من حرقة الانتقام غير مدركة أنها الأضحية الوحيدة ضمن هذا الصراع اللا أنساني والذي سيؤول على رأسها بوابل زاخر من النعت والتأنيب والتنكيل والتذليل هذا وخافيك ما هو أدهى وأمكر وأمر وأقسى فتقع الشاة مسحوب عليها سواطير الأشراف ناقمة وذابحة ومتشفية من مما يدعونه فجورها . والسؤال الحقيقي الذي يطارح نفسه اللحظة هل سيقبل الزوج بهذه المعضلة الجديدة أتمنى أن نضع استفتاء واستفتاء حقيقي وإقليمي راجيا منكم التمعن كل التمعن في القضية المطروحة أعلاه لا تتأخروا ... |
السؤال موجه للشباب فلهيك ما فيني اصوّت
بس بدي قول رأيي وبكل صراحة لنفترض بنت حبت شب وعطتو أغلى ما عندها متل ما بيقولوا واللي هو عذريتها.... بعدين طلع هو خاين وتركها أو تركوا بعض لأسباب خارجة عن ارادتهم أو..... هالبنت رح تكمل حياتها ورح يجي يوم تتزوج فياترى شو لازم تعمل البنت بهالحالة .... انو تصارح خطيبها ؟؟؟؟ لبناء علاقة سايمة بين الطرفين لازم يكون في صر احة بس هل يا ترى الشب الشرقي بشكل عام بيستحق انو يعرف ؟؟ أنا بقول لا لأن العقلية الشرقية والذكورية شي متأصل بشبابنا وممكن اذا حبها للبنت يغفرلها لكن إلا ما يجي يوم ويذكرها ويحملها منية لأنو قبل يرتبط فيها .... كتير قلال الشباب اللي تخلصوا من عقدة العذرية عند البنت فالحل عم يصير هي عملية ترقيع غشاء البكارة (ما بعرف اذا هيك اسمها) وهاد الحل الأفضل لمجتمعنا للأسف رح تقولوا كذب وخداع صح بس هاد أسلم حل للبنت اللي بدها تكمل حياتها بسلام بشكل عام وبالمقابل الشب قبل الزواج بيكون طالع وفايت ومو مقصر أبداً فليش الكيل بمكيالين |
اقتباس:
عندي سؤال لو قلبنا الموضوع بالعكس وأعترف الشب للبنت بأنه كان أله علاقة مع أنثى أخرى فهل رح تمرقلو ياها بدي رأيك بصراحة وبدون أنحياز تقبلي تحياتي |
اشو هاد ابو حلب
مبين عليك مبسوط كتير اليوم ,, الله يديم البسط بالنسبه لوجهه النظر اللي زكرتها كتير كتير واقعيه و اللي بأيد هالشي الافلام يمكن كل الافلام العربيه بدون استثناء بتشوف فيه هالقصه والنهايه بتكون دائما الانفصال او الانتقام وهاد الواقع |
اقتباس:
لكن منعرف نحن البنات أنو هالشي صعب فبالتالي بتمرقلو ياها طالما هالشي من الماضي يعني مثلاً بنت بال 24 من العمر أدي رح يكون عمر اللي رح ترتبط فيو ؟ خلي يكون من عمرها قلال كتير الشباب بعمر ال 24 ومالهم علاقات سابقة ;) والبنات بيعرفوا هالشي حتى لو ماقال أو حكى تحياتي :D |
مالك الحلبي :
رح رد على سؤالك حسب وجهة نظري ... يعني غالباً الشب عم بيكون الو علاقة مع أخرى أو أخريات قبل الارتباط يعني رح تزعل يوم ...اسبوع ... شهر و رح تغفر و أكيد رح تغفر لأنو هالشي طبيعي .. و لأنو هي تعودت من صغرها أنو الرجّال بينغفرلو و أنو هالشي مو عيب ولا حرام ... و بحياتي ما سمعت عن بنت تركت شب لأنو اكتشف انو كان الو علاقة مع وحدة قبلها ... و لو حتى أكتر من علاقة ... اساساً الشب بهيك وضع ما بيكون خايف و غالباً ما بخبي .. لأنو المجتمع دائما ينصفه ... بس يا ترى .. اذا شب عرف أنو البنت الي بحبها أو خطيبتو كانت تعرف شخص قبلو أو كان إلها علاقة بأحد مــا يا ترى رح يمرق الموضوع بسلام بدون اهانات وتجريح ...؟؟!! و هت بالعرض و على هادا و منو ...و يبلش مخو يشتغل بشي كان و شي ما كان ... و الثقة كلها بتروح و المشاكل بتبلش ... sandra : بأيد كلامكـ الرجل الشرقي لا يستحق أن يعرف ... إلا في حالة وحدة إذا كــان شخص تعلّم و عرف أنو الأنثى مساوية له في المشاعر و الأحاسيس و الشرف ... بعدين أنا بعتقد أنو في عدل في الدنيا ... الشب الي خبص رح ياخود وحدة كان الها علاقات و الشب الي عزف عن أي علاقة غير شرعية رح تشاطرو حياتو أنثى طارهة ونضيفة تماماً متلو ... كمان في ميزان تاني الطهارة و الحب و الخير هنن بالقلب ... و ماحدا بيعرف شو في بالقلب غير الي خلق هالكون .. بيبقى السبب الي انخلقت ألو العذرية هو السبب الحقيقي الي عم ندور حوالي ... يعني لو ما للعذرية أهمية حقيقية ... ليش انخلقت ... و لو ماهي مهمة جداً للرجل و المرأة ...ماكانت محط تساؤلات عديدة ... بعتقد أنو ترقيع غشاء البكارة لا يغني عن البكارة الحقيقية ... و مفضوح أمره ... |
أول شي طلبت منك بدون تحيز
وبعدين مين قلك أنه راح تمرقلو ياها أنا بعرف واحد صاحبي كل ما دق الكوز بالجرة بتقلو : نسيت ليلى وحنان--هدول كانو صدقاته يعني كيرل فرند وبتعمله موشح طويل عريض متل صباح فخري أو بتنسجله معلقة وبتضيفا للمعلقات العشرة على جبينه متل جويزة السنك شو رأيك بهالقصة مرة من المرات كان مرة سهران معنا بشلتنا وكنا قاعدين بقهوة القلعة عمنلعب تركس وتاني يوم بيجي لعندي رفيقي شو صار معه بتعرفي شو صارمعه ضبت شنطايتها البنت وعلى كلمة خدني لعند أهلي ما بعقدلك بالبيت دقيقة خلي الست ليلى تبعك تجي تقعد محلي وتنفعك ورفيقي : طولي بالك يابنت الحلال والله كنت مع رفقاتي وهي دقيلن هي أرقامهم واحد واحد وأسئليهم وهي : ما أحلاهم ما يستروا عليك ما ألي مأمن بالرجال متل المي بالغربال ما كلكم متل بعض وبعد ما روق الجو رفيقي وطيب خاطرها وقد يقنعها أنه كان سهران معنا مع العلم هي ما أقتنعت يا حزرك شو عملت بعد 3 أيام راحت خلت أبن خالتها يدقلا على أساس أنه هو معجب أو صديق سابق منشان تورجيه لجوزها أني هي كمان حرة وبتقدر بتعمل ألي بدها ياه صدقيني أنا ما عبدافع عنه بس هذا الي صار وبعد أخد ورد وخود هات وعرف الزلمة وقام طاش حجره لا عاد يصدقها لا بيمينات ولا بعظيمات أنه هذا أبن خالتها وأنه القصة مفبركة فقام الزلمة راح لعند أبوها وقله أنا رايح أطلق بنتك وهي بنتكم عندكم وهيك هيك القصة وبعد شهرين أتطلقت البنت ليش حذرك لأنه ما مرقتله قصصه قبل الزواج على الهامش : تعبت وحاسس حالي مصلح أجتماعي وصدقيني رجل الشرقي أفضل بكتير من أي رجل أخر مو لأني رجل شرقي أنه بيكفي عنده غيرة على شرفه حتى المرأة الشرقية لأنها أمرأة ليست كنساء العالم |
whay not.
|
وَ هل فقدان ذلكَ الغِشاء يُفقد الأنثى أنوثتها وَ هل رجولة الرجل تهبط أسهمها إذا تزوجُ مِنْ أنثى فاقدة لـِ ذاكَ الغِشاء . . بَحـــر تطلبينَ الكَثير !. |
مالك الحلبي :
والله هي مجنونة بس بشكل عام و العاقلات و الواثقات بحالون بيمرئوا .. الحياة بدها تمشي ...بعدين طالما الموضوع صار بالماضي يعني انتهى ... بعتقد وجود علاقات بحياة البنت بيختلف عن فقد العذرية مو هيكـ ... يعني لازم كل علاقة تكون علاقة كاملة ..في شي اسمو علاقة نضيفة .. علاقة محترمة لازم يكون في تفريغ كامل ...؟؟!! ما بعتقد انو هي فكرة سوية ... و مو كل البنات بترضى بهالموضوع ... |
اقتباس:
أختي الكريمة بحب أقلك أنه في عندي واحد قرايبي الشب حب وحدة والشب مثال للشباب الشرفاء العذارى -متلي - لأنه بحياته ما عرف بنت غير أمه وأخته بس البنت ألي حبها عرف من جهات خارجية أنها كانت على علاقة مع شاب أخر بس كانت العلاقة ما وصلت للموضوع البكارة متل ما كان عبينحكى عنه بس الزلمة حبها طلب منها طلب قلها بالحرف الواحد : أنا قبلك ما بعرف حدا وأنت يمكن تكوني بتعرفي حدا قبلي بس المهم عندي أني نحنا منحب بعض وأرجوا من كلانا طي الماضي طي أبدي ووافقت البنت وأعجبت كتير بأفكار الشب وعرسهم 13 الشهر القادم وهذه قصة حقيقة وليست سرد خيال تعليق بسيط على أخر جملة أؤويدك بها بكل معانيها ومقايسيها بعتقد أنو ترقيع غشاء البكارة لا يغني عن البكارة الحقيقية ... و مفضوح أمره وكما قال سيدنا عيسى عليه السلام عندما تابت أحدى المومسات على يديه ومع ذلك قام اليهود برجمها فوقف بوجهم وقال لهم : من كان منكم ليس على خطأ فليرجمها بحجر |
اللامنتمي :
لا كتير ولا قليل أطالب بحقي فقــط ... و أتمنى من الله أن يرزقني برجـل مثلي تماماً ... يحترم حاضره و ماضيه بكل حيثياته ... و التفاهم رح يحل كلشي طالــما أن الإنسان يعرف نفسه جيداً .. و الاهم من هذا كلهـ أن لا يتوقع من الآخرين الغفران إذا لم يكن هو نفسه قادراً على ذلكـ ... |
اقتباس:
لا يوجد رجل بلا ماضي وَ لا يوجد أنثى بلا ماضي كفانا مِثاليات !. وَ لنتصالح مَع الواقع تحياتي |
اقتباس:
اعوذ بالله من الشيطان الرجيم // الطيبون للطيبات // . الحكي الي ذكرتو بناء على العدل مافي حدا رح يكون مظلوم بنصيبو ... الكل سيحصلون على ما يريدون ..بناء على عدالة الله ... و الله اكرم الأكرمين .. |
واللهي إزا البني آدم بيعتبر الشرف ب قطعة الجلد هاي اللي أصغر من النص ليرة ..
أي سلملي عا بيت شرف , :lol: |
اقتباس:
ههههههههههههههههههههههههههههه اي اي :D |
اقتباس:
بس لساها قد الكون عند الرجال الشرقي |
اقتباس:
|
اقتباس:
و عند المرأة الشريفة أيضاً ... أم أنّ مفاهيم الشرف قلبت أو ألغيــت ...!! |
اقتباس:
من هالناحية , بدي أطمنك .. هالأمر وصلان لتقنيات عالية عنا بالبلد .. بسبب الخبرة .. ما شالله دكاترتنا صار عندون خبرة عظيمة بهالموضوع .. و صار الترقيع قريب من الوكالة .. |
اقتباس:
تكلمت بـِ شكل مطلق سيدتي الواقع ليس المدينة الفاضلة والإنسان يتأثر بالواقع مَودتي لك :D |
اقتباس:
|
اقتباس:
إذا الشرف بغشاء البكارة ف مع إحترامي إلك هاد مش شرف .. ألف مليون علاقة جنسـّية في الثانية بتصير من دون ما البني آدم يقرب ناح هالغشاء بنوب فا برأيك و برأي كل مين عم يستشرف هون هل البنت اللي عم تعمول سكس من برا لبرا و من دون ما ينفض غشاء البكارة هي شريفة ؟! ما بعرف كيف شعبنا بقيس الشرف .!! |
اقتباس:
المفاهيم تبقى وَ لكن تتغير بتغير نظرة المجتمع المحيط و بالتالي تصبح منسية كـَ عُرف ليسود عُرف آخر مكانها وبهذا يتغير مفهوم الشرف كما نراه في أزقتنا وَ عقولنا اليوم!. أليسَ كذلك ؟!. |
ca veut rien-dire une femme c'est une femme et voila.
|
نراكم
عندما يصح الصح وبمواضيع أكثر ذات أهمية من أنشغالنا بهذه الأمور الغربية المصدرة فأعتقد أن هناك أمور أكثر أهمية وأشكر العضو الذي طرح الموضوع لأنه ليش للأستفتاء لكن للتزكير بقيمنا وحضارتنا وأصولنا وتاريخنا |
Bl@ck
شرف يعني شــرف مو لعبــة و لا مسخرة ... بيبدأ بالروح وينتهي عند غشــاء البكارة .. عزيزي : مــا قصدت الي أنت فهمتو و المثال الي أنت ضربتو ما بيمت للشرف إلو علاقة بشي اسمو كذب غش .. المصطلح المناسب بس بعيد عن الشرف ...يعني الإنسانة الي حافظت على طهارة جسمها كاملة .. بتقدر تقول أنو الموضوع ما إلو عندها قيمة طبعاً لأ ... هي مرتكز كلامي السابق .. |
اقتباس:
من هالناحية انا معك مية بالمية ...غشاء البكارة مالو اي علاقة بالشرف ...بعدين يا اخي بركي هي كانت متجوزة من قبل عرفي او مسيار او متعة (طبعأص كل واحد على حسب دينو اذا حلال او لأ) يعني ليش دايماً فض غشاء البكارة منربطو بالعلاقة الغير شرعية ...!!! يعني متل ما قال الشيخ بلاك في مليون بنت بتمارس الجنس من برا لبرا او ممكن من نواحي اخرى من دون الاقتراب من غشاء البكارة اولكن هي لساتها شريفة ولا شررررررررررررررررررررررري رة ;)؟! انا برأيي اني بتقبل اني اتجوز مرأة فاقدة هالغشاء ..بس المهم يكون في بيناتنا صراحة يعني ما المهم ما تكذب عليي ..انا بتقبل الامر بس بحالة انو تكون صريحة وبس ...:pos: تحياتي بلاك واللامنتمي وفاوست :D |
اقتباس:
ما بعرف ليش اللف و الدوران كل هالقد , يعني يا قولي كلامك يا بلاك صح يا كلامك خطأ و ما بوافقك و منكون كسبنا نقاش .. مش طالب منك تقتنعي .. بس دام عم تردي عا كلام مالك الحلبي اللي هوي متعلق بكلامي و كاتبة ردك بالفونط العريض . حددي موقف يا مخلوقة يستر عا الملايكي .. :lol: نعود الشرف مش لعبة و مش مسخرة .. و أنتي عم تقولي ( رح أجي معك ) أنو يبدأ من الروح و ينتهي بمدري وين .. طيب معناها الشرف مش متعلق بغشاء البكارة .. الشرف متعلق بكل الأنثى .. لزا هازا يؤدي أنو كلامي صح .. إزا الشرف بقطعة الجلد هاي اللي بقد نص الليرة و برق الشعرة .. فهاد شرف أبو الخمس تالاف عند أي قابلة قانونية أو دكتور نسائية بتلاقي منوه .. |
Black
:pos: ماشي الشرف متعلق بكل الأنثى مالفينا ولا درنا بس هالموضوع لسا بيشكل حجم كبير عند الرجل الشرقي .. و هو مهم للأنثى بشكل عام .. و الوكالة مو متل التقليد:frown: |
| الساعة بإيدك هلق يا سيدي 22:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون