|
قاطعوا قناة العربية .. (العبرية)
هاد الاستبيان .
بتمنا تصير مشاركة فاعلة فيه . لايقاف نقل الأخبار . ومقاطعة .. قناة العربية الي عم تسيء لسوريا .. وللشعب السوري .. ولرئيس سوريا . :D |
هلق بغض النظر انو قناة العربية موجهة و واضح جداً جداً توجهها.
وتبدو وكأنها اعلام رسمي مسيس ناطق باسم جهة محددة. انا مو ضد الاطلاع على اخبارها حتى ولو كان مصدر غير موثوق وغير صافي للحصول على الخبر. الاطلاع على كل المصادر يكون فكرة أشمل حول الخبر لتتم قراءتو من كل أبعاده. طبعاً موقع القناة ع الانترنت هو المصيبة الأكبر لأنها تفرغ فيها من أخبار الفتن وتعزيز نزعة الجهل والتخلف عند بعض عناصر شعبنا العربي. ولكن برجع قول الاطلاع على كل المصادر شئ ايجابي. ع الهامش : حسيت الاستفتاء ناقص وما قدرت صوت ولا حتى على ما بتفرق :D. |
اقتباس:
عم تسيئ لكلـ شي ... بيمشي !! إستغلت الصحافة بأسلوب و لا أتفه من هيك .. |
اقتباس:
نطلع شي .. وننقل عنها ونعتمد أخبارها شي تاني . وللأسف في البعض عم يعتمدوا أخبار العربية نت مرجع وكتير معرروف أديه هيي مسيسة . وهدفها تحبط النضال السوري ضد المد الصهيوني . في شغلة ردا على الهامش : أنو الاستفتاء كتير واضح .يا أنو أنت بتعتبر هالقناة زات مصداقية .. يا أما لأ .. مشكور |
اقتباس:
وأكتر من هيكـ .. عم تلمع بصورة النظام السعودي بشكل كتير ملفت .. ومفضوح . وبيضحكـ . |
اقتباس:
بعني النقل منها لازم يكون اما بخبر معروف ومنتشر وليس بناء على معلومات خاصة للعربية أو خبر تنفرد فيه. |
أوكـ هيكـ وصلنا لبعض .. :D
|
اقتباس:
|
والله يا أبو شريك انا بالزات ما بقدر قاطع هالقناة بالزات
يعني بظل هالتراكمية اللي صارت بالقنوات الاخبارية واللي كلها مصداقية ما فيني ما اطلع على قناة العربية على اعتبار انها المحطة التلفزيونية الوحيدة / الهزلية , كوميدية تافهة ...... الــخ الــخ الــخ / على قمر عرب سات وضواحيه بس إني واي انا صوتت ضد مقاطعتها .. كونو كوميديتها صارت سخافطائية بحتة مية وردة :D |
اقتباس:
عكلن رح كون كريم كتير واعطيك امثلةةةةةةةةةةةة مو مثال واحد Just 1 Minute |
ما شاركت بالاستفتاء..
لانو ما في خيار مناسب اختاره.. انا الاحظ انو العربية منحازة كثيرا..اصلا مؤسسة mbcكلها تقوم بتخريب بالاعلام العربي .. بس المقاطعة مو اسلوب الناس اللي الواثقين من حالهم..(العقل الصحيح هو اللي يطلع على كل شئ ويعرف كيف يهضم ماهو جيد ويطرح الردئ).. وعلى فكرة الجزيرة ليست فوق الشبهات.. فاعربية والجزيرة وجهان لعمله واحدة.. |
اقتباس:
|
صوتت انني ضد القناة وتوجهها ولكن لا يمنع ذلك من الاطلاع والمعرفة
وبالمناسبة هي قناة العربية ليست بالضرورة ضد سوريا........بل ضد أي أفكار قومية استنهاضية هي قناة موجهة من قبل ناس مختصين لقتل اي انتماء عربي والتوجه نحو نمط التفكير الغربي الاستهلاكي وهي وجدت لغسل دماغ المواطن العربي ........وللسخرية حتى الطفل بات يعلم هدف القناة وسخريتها من عقل المواطن العربي :larg: |
انا بفضل قناة الجزيرة ( صوتت على الاختيار التاني )
سلااااااااااام |
اقتباس:
مقاطعة هذه القناة و أمثالها ليس ضعفا, بل موقف عملي لمحاربة هذه القنوات الهدامة الإنبطاحية......إذا كانت هناك مقاطعة فعالة, فسيؤدي هذا حتما إلى إنخفاض نسبة مشاهدة القناة في إستطلاعات الرأي (قياس نسبة المشاهدة).....إذن إنخفاض عاءدات القناة من الإعلانات و الإشهار.........مما سيؤدي إما إلى إفلاسها....أو على الأقل تغيير سياستها ...... المقاومة ليست فقط أن تضع يدا على يد و تقف موقف المتفرج, بل المقاومة و الممانعة أسلوب حياة و منهج تتبعه حتى في أبسط أمور الحياة....يعني مثلا لما تروح السوبر ماركت مشان شراء الكوكاكولا, إشتري بلانيت كولا أقل ثمنا و بنفس الجودة.....أم أن حياة الترف التي تعيشها , تجعل من الإستحالة عليك أن تستغني عن الكوكاكولا و البيبسي....وتشرب شاي مثلا أو قهوة....؟؟! المقاومة تبدأ بأمور بسيطة لا نلقي لها بالا و قد يكون لها أعظم الأثر......مرة أخرى بحييك على موقفك :deal: |
أنا شخصياً مع مهاجمة هذه القناة العميلة وليس فقط مع مقاطعتها قناة العربية هي قناة العبرية ! وهذا ليس رأيي فقط كما اتضح وهي عبارة مزيج أمريكي ، سعودي ، إسرائيلي شرق أوسطي مأجورة عميلة مرتزقة ، لا تقدم إلا الدس والسم والترويج لكل ما هو أمريكي ووهابي عميل ، وفي تاريخها لم يكن موقفها هو الموقف السليم |
اقتباس:
أول من كشف الغطاء عن المقاومة اللبنانية و شكل جوقة تصفيق للحكومات العميلة وضرب الموقف السوري الداعم لحزب الله وحماس وكل حركات الممانعة هي قناة العربية أول من وصف السيد حسن نصر بالمقامر ووصف المقاومة بالمرتزقة السورية الإيرانية هي قناة العربية وضيوف ومحللي قناة العربية أول صنع حملة لتعرية القمة العربية المنعقدة في دمشق مؤخراً هي قناة العربية شووووو وين عايش الأخ !؟؟:sly: |
اقتباس:
عالهامش.... يا ريت اعلان دمشق ينحط على طرف بهالحديث لأنو مالو علاقة بها القصة و بلا ما نفوت بمتاهات تانية .في ناس باعلان دمشق يعطو دروس وطنية لنص سكان الوطن العربي و العالم أجمع.. و لا علاقة لهم لا من بعيد و لا من قريب بالمجرم عبد الحليم خدام اقتضى التنويه |
من زمان أنا لاغي المحطة العبرية من لأحة القنوات المفضلة لدي
من الأيام الأولى للحرب على العراق بعد ما أغلقو مكتب الجزيرة و فتحو المجال للعبرية أكتشف الطبخة تبعيتون صحيح أصوات الحق مكبوتة لكن أصاب الحق عندها القدرة على التمييز بين الصالح و الطالح و أنا لا أوافق على منع هذه القنال بل العكس أرغب بأستمرارها لكي تكشف لنا الأقنعة مشكور على الموضوع أخي موسيقار ملاحظة : أنا لم أصوت لأني أرغب بوجودها كما أسلفت أنفا |
مابتفرق
شنو شو ماكانت القناة الاخبارية شعبنا هوة عبارة عن مشاهد لا اكثر .. |
اقتباس:
لأسباب كتيرة أهما ما حدا بيعطي درس واحد بالوطنية وهو عم يدعو إلى قلب النظام وهو على الدبابة الأمريكية ولمعلومك أنو عبد الحليم خدام هو يلي أطلق إعلان دمشق وشكلو التغطية من قبل محولة (إنقلابو) أنا شخصياً عندي أصدقاء وأقرباء أيضاً بإعلان دمشق .. وكان الإعلان بيني وبينهم حد وقطيعة اليد التي تمتد إلى الأمريكان تخلع من الإبط .. تقطع من العنق وعلى كل حال أنا جاهزة للنقاش إزا بتحب منحط الإعلان على جنب بهادا النقاش ماعندي مانع ، لكن الأكيد الأكيد أنو العرش السعودي هو الذي كان من أهم دعامات الإعلان بل الداعم الأول للمجرم عبدالحليم خدام كما تفضلت ، وبالتالي العربية كانت بوق الإعلان ومروجه الأول حضرتك تقصد على ما أظن الرفيق فاتح جاموس بوصفك - دروس بالوطنية - أنا شخصياً مؤيدة لكلامك ولكن لا يغفل أحد عن أن الرفيق فاتح ارتكب خطأه الاستراتيجي بالتحالف من أرذل الأرذلين في صيغة كبريه سياسي لا نعرف لها رأس من قفى وتذكر إذا كان حليفك أمريكياً فإنك تسفح ماضيك الوطني كله لتجعل كل من يراك يقول لك : يا حيف عليك ويا ندامه إلا إذا كان قصدك رياض الترك .................................... فهنا.... وأنا وأنت في خندقين مغايرين وملاحظة عل ماشي .. مافي شي إسمو حطولنا هادا الموضوع على جنب وحطولنا هداك الموضوع مدري وين !! الناس أحرار يا أخي بيتناولو شواهدهم من مطرح ما بريدو طالما أنو الموقف والكلام قانوني !! إزا كان عندك رأي تفضل للنقاش ما حدا بيمنعك |
طبعا الحكي عن الدبابة الأمريكية و كل هالحكي هاد فاضي -مع احترامي- بشكل مافي داعي ينرد عليه.... على كل تعودنا على قصص التخوين... و اعلان دمشق - اعيد و أكرر- لا علاقة له بعبد الحليم خدام المجرم... أبدا مالو علاقة
ما بدي ادخل بهالنقاش لأنو ... أولا عقيم, لأني عاجز تماما عن نقاش منطق تخويني و راح اخسر لا محالة, فاعترف بخسارتي من هلأ أريح شي للكل... و ثانيا ما بدي اطلع من الموضوع الأساسي (لأنو مع احترامي لرأيك انتي جديدة هون.. و بالعادة هون ما نطلع عن المواضيع المطروحة, اذا بدنا نحكي بشي تاني نفتحلو موضوعو مشان ما يتشتت الموضوع و تضيع الأفكار) و يا هلا |
اقتباس:
منحكي لسه منحكي ولا يهمك تحياتي |
نجي للعربية...
بصراحة القناة و لا مرة حضرتها لأنو هون ببلاد الاغتراب ما عندي ستلايت, و عالانترنت عادة ما بقرا أخبارها الا لما أحيانا الشباب يحطو هون لينك أو يحكو عن شيء ما..بشكل عام غير البي بي سي ما بقرا (كموقع اخباري). اللي فهمانو انو نوعا ما -أو يجوز بدون نوعا ما- لسان حال الـ "هاد الشو اسمو... ما بتطلع مني كلمة نظام" السعودي... هلأ بخصوص انو الاعلام - هالحكي بشكل عام و ما يخص هالحالة- يكون لسان حال توجه ما أو اتجاه سياسي أو حزبي أمر عادي و طبيعي جدا... مافي صحافة حيادية... في صحافة مهنية ما تنكر الخبر أو ما تطنش خبر أو تحافظ عالمصداقية... التعامل "الايديولوجي" أمر آخر يخص قطاع الرأي و المقالات... بس حتى اخباريا تصير حالات... مثلا: تخيلو حزب اسمو "طنش تعش" في جريدة (بدون ما تكون تابعة.. فقط قريبة فكريا) اسمها المطنشون... و حزب "يصطفلو انشالله" في جريدة كمان اسمها المصطفلون... لو في قضية فساد ضد مسؤول من حزب طنش تعش تلاقي بجريدة المطنشون الخبر بالصفحة الثالثة هيك صغير بالزاوية... بينما بجريدة المصطفلون تلاقيها بالصفحة الأولى و عنوان بقد الصفحة و ملحق خاص... الخ و العكس صحيح... هاد أمر عادي جدا و طبيعي في أكثر الدول ديمقراطية و تحررا... انو في جرايد يسارية و جرايد محافظة و جرايد قومية و جرايد ليبرالية... و ما الى هنالك من الأنواع.. و كل هالجرايد مهنية... و انت بالنهاية تقرا اللي بدك تقراه, و تصدق اللي بدك تصدقو و توصل للنتائج اللي بدك توصلها هلأ بئا يكون في فرق بين انو تكون - اعلاميا- قريب من توجه ما, و بين انو تكون بوق لهالتوجه... هون ما بصفي اعلام, بيصفي بروباغندا... و اعتقد هاد حال كل أجهزة اعلام العرب... العربية للسعودية و الجزيرة لقطر و كل وحدة الها مرجعية و رقابة و توجهات محددة تتبع لمصالح محددة اذا العربية لسان السعودية... فما في داعي نحكي... بضحك لما السعودية تحكي عن الديمقراطية لما حتى قانون جنايات ما عندهم... يعني خليهون الجماعة يشترو مراية قبل ما يحكو... مع ذلك المقاطعة مو حل... الحل التجاهل و التطنيش... |
اقتباس:
|
اقتباس:
:D |
باختصار , النظام السوري شي والشعب السوري شي تاني مناقض الو
يعني اذا اساءت القناة العربية للنظام هادا لا يعني اساءة للشعب السوري بقى هلئ وين اساءت العربية للشعب السوري يعني متل انو تحكي مثلا انو الشعب السوري شعب مجرم سفاح, وين؟؟ |
اقتباس:
والله شكلك (حضرتك) ما بتعرفي منيح او مو مطلعة منيح او بس بتتفرجي على الفضائية السورية وبس بتقري الثورة و تشرين والبعث !!! فاذا كان هل الحكي صحيح فانتي اكيد معذورة لانو ما عندك خلفية عن اعلان دمشق !! اما اذا كان الحكي الي كتبتو انا فوق مو صحيح يبقى حضرتك بتعرفي انو هنن صح بس من حبك للنظام فكل شي بيطلع ضدو بيكون غلط ! ويمكن انتي اتكوني مفكرة انو اذا بتحبي سوريا يعني لازم تكرهي كل شي ضد النظام !!!! فلنفرض انو انتي بتحبي سوريا كتيير فانتي مفكرة انو لازم اتحبي النظام ! بس انا بحب سوريا متلك فرضا او اكتر بس ما بحب هل النظام ! ... بتصير ولا لأ؟؟؟ اذا بحب سوريا لازم احب النظام ؟؟ اذا كنت ضدو يعني انا عميل وما بحب سوريا ؟!! اعلان دمشق انا ما حدافع عنو لانو افكارو وتصرفات اعضائو بتدل على حب وطنون وخوفون عليه اكتير شي ضحكني الدبابة الامريكية !! وعبد الحليم خدام !!! انتي من قبل ما يهروب خدام ووقت ما كان عميسرق وينهب بالبلد اكيد كان رايك عنو انو كويس !! بس هلق بعد هي المهزلة غيرتي رايك مو !! اصلا من مبادئ اعلان دمشق انو يكون التغيير من الداخل وبدون عون خارجي متل العراق ! لك تحية لفداء حوراني والله ينصر اعلان دمشق ولما لا تطبق السلطة السورية العهد الدولي الخاص بالحقوق المدنية والسياسية، والعهد الدولي الخاص بالحقوق الاجتماعية والاقتصادية والثقافية في تعاملها مع المواطنين مع أنها صادقت عليهما منذ عام 1976؟ . ألا يستحق الشعب السوري نظاما وطنيا ديمقراطيا يعمل على حفظ سيادة الوطن وحرية المواطن، ألا يستحق المواطن السوري حياة حرة كريمة وعزيزة ؟. إن الأمانة العامة في إعلان دمشق للتغيير الوطني الديمقراطي إذ تدين، وبأشد العبارات، فرض واستمرار حالة الطوارئ والأحكام العرفية، وكل ما ترتب عليها من ممارسات قمعية وتمييزية، وهيمنة أجهزة الأمن على حياة المواطن، وطمس الحقوق الثقافية والاجتماعية للسوريين من غير العرب، وسجن المواطنين لأسباب مرتبطة بحق التعبير والتنظم التي أقرتها المواثيق والعهود الدولية، تدعو المواطنين السوريين للتعبير عن رأيهم في الأوضاع السيئة التي تعيشها بلادنا الحبيبة ويعانيها مواطنونا الأعزاء نتيجة القمع والبطش والفساد الإداري وانتشار المحسوبية والتمييز بين المواطنين واستغلال النفوذ ونهب المال العام، وتدعوهم للجهر باعتراضهم على هذه الممارسات والسياسات التي وضعت المواطنين تحت سيف القمع والبطش والحرمان والفقر، وزرعت الخوف في ضمائرهم، ودفعت المؤسسات الدستورية، التشريعية والقضائية، خارج دورها الحقيقي فدمرت الحياة الوطنية ومزقت الاندماج الوطني وعمقت هشاشة الدولة والمجتمع، وإلى العمل يدا بيد لإخراج سوريا من حالة الاستثناء بتطبيق العهدين الدوليين ورفع حالة الطوارئ وإطلاق سراح معتقلي الرأي والضمير من مثقفين وناشطين سياسيين وحقوقيين على طريق إقامة نظام وطني ديمقراطي قائم على سيادة القانون يحقق المساواة بين المواطنين. عاشت سوريا حرة وطنا ومواطنين. دمشق في :10/12/2007 ـــ إعلان دمشق للتغيير الوطني الديمقراطي ا |
هلأ منيحة ولا لأ مابيهم
وين القناة الأخبارية السورية يلي بدها تواجه الأعلام المعاكس يعني أنا ضدها . بس بدل ماقاطعها بدي أعرف منافسي أو المختلف معه ( مابدي قول عدوي ) كيف عميفكر . وبواجهو بسلاحو . مو بطمر رأسي كالنعامة سورية عبر مسلسلاتها وكفائاتها بالفضائيات العربية . أثبتت جدارة . لكن هذه الكفائات مغيبة . بسبب عقول متحجرة تحكم الصحافة السورية لو أطلقنا العنان للأعلام السوري . لأشتكت أمثال قناة العربية منا وليس العكس |
اقتباس:
ويؤكد انها قناة موجهه. واذا كانت قناة موجهة فهي غير جديرة بالنقل عنها أو أخذ الخبر عنها. صحيح ممكن الاطلاع وأنا ضد مقاطعتها وبشوف نواحي ايجابية. لكن لما يتسيس الاعلام بيفقد مصداقيتو. |
اقتباس:
وصف الشعب السوري لما ساعد لاجئين لبنان بحرب تموز أنو مسير .. والهلال الأحمر .. أنو عم يتبروظ .. وصف عماد مغنية .. قاتل اسرائيل عدوة العشب السوري الأول (شئنا أم أبينا ) بأنو (لقي مصرعه) وبأنو شاركـ بالكثير من العمليات الانتحارية .. ضد مصالح أجنبية .. ومدنيين .. وشركات طيران .. احتواء وترقية جيزيل خوري .. الي قالت بحجة النقل عن الشعب السوري أنو (قطيع) أحكي ولا كمللكـ؟ بعدين برأيكـ .. في مسيء لسوريا قد جنبلاط ؟ بكل بساطة العربية صارت معو عاملة 3 مقابلات منقولة على الهوا غير المقابلات الشبه شهرية ضمن الأخبار خلال سنتين (رقم قياسي) التركيز علة الأخبار المتعلقة بالعقوبات والضغط ودق طبول الحرب على سوريا .. بدكـ كمان ؟ |
للأسف ما عندي .. وثيقة وبحبشت بالموقع كلو وما لاقيت شغلة عم دور عليها .
بس .. من شهرين شفت تقرير ع قناة العربية .. عن الجالية السورية .. وأنو سوريا بيدخللها من المعتربين بالسعودية كزا مية مليون دولار .. وعرضو صور .. ومقابلات لأنشح المواطنين السوريين بالسعودية .. بالإضافة لكم كلمة انزتوا بالنص (أنو مو بالقصد ) ع أنو ارتفعت نسبة الجريمة بأوساط الجالية السورية .. بس يا ريت لو قدرت لاقي التقرير .. أنا حضرتو متلفز .. |
أي متل لما أهتموا لشعبية مسلسل باب الحارة . وعملوا عنو ريبورتاجات . حاولوا يسخفوه فيها . بأنو كان عم يهين المرأة
|
اقتباس:
اي لأنو المرأة بالسعودية .. مو كرتونة جنس أبدا ً .. |
اقتباس:
بس بدي قللكـ شغلة .. أنو متفقين ع شغلة أنو العربية موجهة .. هي وحدة . تاني شي .. متفقين أنو توجيهها هاد عم يسيء لسوريا .. حتى ولو كان بالوقت الحالي اسمها العلاقات السورية السعودية .. متدهورة .. يعني كـ سوري مو كـ صحفي المفروض تبطل تنشر أخبارها .. هون بتلعب دور أنو تتعامل معها كـ سوري ولا كـ صحفي .. (وقلتللكـ ما عم زايد) . هي التانية يعني .. مهنيا ً ووطنيا ً هي القناة ما خرج تركب معكـ .. ليش نستمر بنقل أخبارها ؟ |
اقتباس:
|
انا لا اجد قناة اعلامية حيادية ولا وجود لها اصلا .... جميع القنوات لها توجهاتها غربية وعربية
حتى الصحافة قليل جدا تلك الصحف الحيادية .... والغالبية العظمى موجهة ويتم تحريكها بالريموت |
يا اخي ما بدي ئاطعها ...ولا بدي صوت انو هيه قناه تمام.. مو عاجبني اخبارها ..بس عاجبني البرامج العلميه الموثقه فيها .. ما رح ناقش زياده لانو راسي بيوجعني .. |
اقتباس:
جيزيل خوري انسانة مهنية رائعة وراقية وياريت تجيب الدليل انو حكت عن الشعب السوري قطيع بدون القاء الاتهامات جزافا. بالنسبة للسيد وليد بيك جنبلاط فإنه لم يسيء ابدا الى الشعب السوري بل على العكس ان هذا الرجل العظيم يقول ما لا يجرئ المواطن السوري على قوله من الخوف و يجعلنا نتنفس الصعداء عندما نراه يتكلم على التلفاز فاضحا نظام بشار الاسد الملكي القمعي فقلوبنا معه و ليحفظه الرب. بالنسبة لخبر ارتفاع مستوى الجريمة في الجالية السورية بالسعودية , شو بعرفك يمكن في دراسة تثبت هالشي , وياريت تلاقي النص الدليل لحتى نحكم و لا تلقي الكلام جزافا |
اقتباس:
كمان فيك تطالع لقاءها مع احمد الجلبي بتاريخ 20 / 3 / 2008 بدي ارجع لورا شوي كمان استازنا الكريم بنفس البرنامج فيك تلاقي بتاريخ 30 / 10 / 2005 مع وليد جنبلاط بتاريخ 25 / 10 / 2005 مع فؤاد السنيورة و و و وو و .......... واي لقاء للراقية شيتك جيزيل خوري بتثبت مدى صحة كلامك ومدى اخلاقيات ورقي هالاعلامية هي ... على كل حال بتمنى بس تطالع هاللقاءات كلها ......... تتأكد من جملتك انو انحكى عن سوريا كنظام بس وليس كنظام + شعب + وطن + كل شيئ بيمت بصلة لسوريا ........ تاني شغلة : مافي أي فرد سوري محتاج واحد متل وليد جنبلاط ليحكي بأسمو ويحكي اللي الشعب بيخاف يحكيه ... فضح نظام بشار الأسد ما هو عبارة إلا عن اظهار مدى غباء وتفاهة هالانسان هاد ..... وأد ما كنت ( أنا ) معارض للنظام . ما بيشرفني ابداً يجيني هيك حثالة لينطق باسمي ......... بالنسبة لاخر شطر بحديثك تجاه مستوى الجريمة في الجالية السورية بالسعودية ..... مافي ولا دولة خالية من هيك نشاطات بس انو العتب مو على جالية بترتكب جرائم ....... العتب على مجموعة افراد بينتقو زبالة المجتمع ليعمموها على المجتمع كاملاً ......... لكن القافلة تسير والكلاب تنبح وبالنهاية لا دمتم بــــــود |
| الساعة بإيدك هلق يا سيدي 17:57 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون