|
:: عربي .. ادخل هون ! ::
يعطيكم العافيه اخوتنا العرب :) عندنا بالبيت كالعاده طول اليوم مفتوح على قناة الجزيرة .. من كم يوم وانا بتفرج عاللي بيصير بغزة شفت ولد صغير ماسك مصحف مقطع ومحروق وطالع من مسجد بعد ما انقصف المسجد وغيرو كمان مسجد .. المسجد انقصف والمساحف تقطعت والمصليين استشهدوا .. اتزكرت على طول مقاطعة الدينيمارك .. علشان الرسومات اللي للرسول ( صلى الله عليه وسلم ) قلت بعقلي القراّن الممزع والمسجد اللي انقصف ما بيستاهلو العرب يقومو ؟؟ استغربت اولها :shock: بس بعدين عزرتهم مش مشكله ما كانوا بيعرفو :) مبارك مشغول بابنو جيجي وشعبو معاه والقذافي مش بالدنيا ووو خليني ساكته :pos: |
بتصور الناس الي عم تندبح على ارض فلسطين أهم من المصاحف المحروقة بكتير.
والي بيصير ما بيرضي كل أحرار العالم . ومقاطعة الدينمارك موضوع تاني تماماً وحديث الو شجن مع أرباب المقاطعة ودعاتها :pos:. |
اقتباس:
مهو الناس اللي عم تندبح الها سنين عم تندبح وما حدن متحرك قلنا بلكن هالمنظر بيحركهم متل ما حركهم الحكي اللي صار بالدينيمارك طلع لاء :) |
من هالناحية اطمني تمام :p..الي تحركو ضد الدنمارك أكترهون ما بيعرفو شو صار وأكتر الي صرخو وطلعت حلوقهون ما شافو الصور حتى :lol:.. من زمان ما في أمل من هالشعب .. |
اقتباس:
اخ بس !! |
اضعف الإيمان الدعاء والتضرع إلى الله سبحانه وتعالى جل في علاه بالنصرة لاخواننا المرابطين المجاهدين .... لأن ما باليد حيلة ....
|
اقتباس:
هدول الناس اللي عم ينقتلوا على ايادي الصهاينة وعملائهم الاذناب المنافقين من اتباع التقية نحسبهم شهداء عند الله .. " ولاتحسبن الذين قتلوا في سبيل الله أمواتا ,, بل أحياء عند ربهم يرزقون" انهم ينالون شرف الشهادة ... أهل فلسطين في رباط الى يوم الدين ,, سيأتي اليوم الذي تطهر فيه أرض فلسطين من كل صهيوني ,, ولتدخلوا المسجد الاقصى كما دخلتموه أول مرة ,, وأن غداً لناظره لقريب ,, أما بالنسبة للدنمارك .. فأليكي هذا الخبر . خسائر الدنمارك من المقاطعة الإسلامية 3 مليارات دولار توقعت غرفة التجارة الدنماركية أن تصل الخسائر الناتجة عن المقاطعة الإسلامية لبضائعها إلى 3 مليارات دولار وفقدان 20 ألف وظيفة. وقال نائب مدير مركز الدراسات للتجارة بيتر أوتسن إن معظم التجارة الخارجية للدنمارك والدول الأوروبية لا يعلم السياسيون عن حجمها الفعلي ولا أين تذهب، مشيراً إلى أن 10 مليارات دولار تأتي من تجارة تخضع لحماية المستورد والمصدر ولا يعلن عنها، ومعظم هذه الأرباح تأتي من السوق الإسلامية. وأعربت الحكومة الهولندية أمس عن قلقلها إزاء المقاطعة التي أعلنت في سلطنة عمان ضد المنتجات الهولندية إلى جانب الدنماركية " من قبل سلسلة شركات " الجديدة " العمانية، وذلك اعتراضا على فيلم الفتنة، وقال دبلوماسي هولندي في لاهاي، إن اتساع رقعة المقاطعة التجارية لهولندا بصورة مبكرة وقبل عرض الفيلم، ينبئ بكارثة اقتصادية كبيرة خاصة على قطاع المنتجات الزراعية الهولندية، وعلى رأسها الألبان واللحوم. وبدأت مؤشرات سلبية تنعكس على مكاتب السياحة والسفر الهولندية إزاء برامجها السياحية لتسفير أفواج الرحلات والإجازات إلى الدول الإسلامية، وعلى رأسها باكستان ومصر وفلسطين وسوريا والمغرب حيث تراجعت إعلانات السفر السياحي في مجموعات تلك الدول من قبل شركات السياحة، تحسبا للتحذيرات التي أطلقها وزير الخارجية الهولندي ماكسيم فيرهاجين مؤخرا، من احتمالات تعرض المصالح والرعايا الهولنديين في الدول الإسلامية ودول الشرق الأوسط للخطر. وتوالت على مكاتب السفر اتصالات الهولنديين حول مدى الخطورة أو الأمن من السفر إلى تلك الدول في الوقت الحالي، وتحاول الشركات طمأنة المواطنين لتجنب خسائر تصل إلى ملايين اليورو حال انهيار الموسم السياحي في أشهر الربيع للدول الدافئة بالشرق الأوسط،وتغيير البرامج السياحية إلى وجهات أخرى. إلى ذلك استدعت الإمارات أمس سفير الدنمارك في أبو ظبي وسلمته مذكرة احتجاج على إعادة نشر الرسوم المسيئة للنبي محمد. وأفادت وكالة أنباء الإمارات (وام) بأن وزير الدولة للشؤون الخارجية أنور قرقاش استدعى بمكتبه بالوزارة سفير مملكة الدنمارك غير المقيم لدى الإمارات هانز كلينجنبيرج وسلمه مذكرة احتجاج تستنكر فيه الإمارات موقف الدنمارك من إعادة نشر الرسوم الكاريكاتيرية المسيئة للإسلام وللرسول الكريم صلى الله عليه وسلم ". وقال قرقاش إن "الإمارات تحترم دائما الحريات وتعدد الأديان والتنوع والتواصل والتسامح بين كافة الشعوب وتستنكر هذا التصرف غير الحكيم للحكومة الدنماركية في عدم التصدي لإعادة نشر الرسوم المسيئة للإسلام في الصحافة الدنماركية". وأكد الوزير "موقف الإمارات بعدم الخلط بين حرية الصحافة والتهكم على الدين الإسلامي" وأضاف أن هذا الأمر "سينعكس بصورة سلبية على العلاقات الثنائية بين البلدين". وأوضح أنه "بإمكان حكومة الدنمارك أن تعمل الكثير لوقف التهجم على عقيدتنا السمحة والتي نراها من خلال هذه الرسوم المشينة". وفي هذا السياق قرر اتحاد الجاليات العربية في أوروبا برئاسة أحمد العثيم في بيان أمس تفعيل دوره في التصدي لهذه الإساءات ليس فقط من خلال دعوى قضائية لدى المحاكم الأوروبية والدولية رصد لها ميزانية مبدئية بمليون جنيه إسترليني، بل إنه بحث الخطوات التنفيذية لإقامة قناة موجهة باللغات المختلفة لشرح ثقافة وفكر الدين الإسلامي الحنيف بل سيمتد لطرح المقاطعة كأحد الأسلحة للرد على هذه الإساءات. سلاح المقاطعة ... سلاح فعال جداً .. وهو أقل واجب نقوم به كبشر مسلمين دفاعاً عن الحبيب المصطفى عليه الصلاة والسلام ... هذا من عدا العقاب الآلهي الذي سيحل على تلك الدولة المشئومة .. دولة الدنمارك ... وقد ظهرت بعض الكوارث والمشاكل في تلك البلد الدنيئة ... لكنهم لايفصحون .. على كل حال ذرهم في طغيانهم يعمهون وابتعد عنهم وقاطعهم .. الى ان يأخذهم الله أخذ عزيز مقتدر . |
اقتباس:
من زمان ما ضحكت متل هالضحك. والله نكت بيطلع معكون انتو. لك بأي عصر عايشين بس قلي :o |
اقتباس:
ماحدا دعس عدنبك وقلك ترد على مشاركتي :jakoush: رجاء احترم حالك ولاتغلط:frown: |
للتوضيح :
أنا ما رديت على مشاركة حدا . انا اقتبست كلام من مقالة كتير ضحكتني وحبيت شارك الشعب :lol:. |
اذا كان الله بجلاله قدره قد حثّ وأمرالمسلمين على نصره النبي .. هل لنا خلاف ذلك أو التبرأ عنه كي نظهر بمظهر المسلم المسخ الذي يوحي للأمم المتطوره بأننا نسلك نهجهم .. لماذا البعض يعطي مثل تلك الدنيّه من دينه .. ما المقابل و ما الهدف؟
. |
اقتباس:
سؤال على الهامش لو كان الكلام عن الحسين بدل الرسول الكريم شو كنت عملت ;) |
اقتباس:
انت حكيتها أضعف الايمان! في غيرو كتير ممكن يصير بس مش مشكله ما احنا عرب خلينا على أضعف الايمان .. |
اقتباس:
اها سلاح المقاطعه فعال ما حكينا شي تاني بس المقاطعه كانت علشان الرسومات .. بس تفجيرات لمسجدين ما بتتحمل منكم مقاطعه ولا حتى شجب واستنكار اللي تعودنا عليهم ! |
لأن الذي يلوح في الأفق .... شيء لا يدعو للتفاؤل .... كلو {هايص ولايص} ما حدا عم يفكر غير بمصالحه الشخصية....
عم يطبقوا مبدأ {نفسي ومن بعدي الطوفان}.... وعم يتجاهلوا آلام ومشاكل اخوانهم اللي عم يتعرضوا لأفظع انواع القهر والقمع والحصار والانتهاك .... اللهم أهلك الظالمين بالظالمين وأخرجنا منهم سالمين.... |
اقتباس:
! بس للتوضيح! انا مش عم بحكي ما تقاطعوا ولا انها المقاطعه مش منيحه بالعكس احسن شي عملوه العرب بحياتهم انهم قاطعوا! اللي بحكي فيه شي واحد ليش العرب بس انعرضت الرسومات ثاروا واستنكروا وبس تنهد مساجد وتنقصف بالمصلين اللي فيها والمصاحف اللي فيها ما سمعنا صوت ولا عربي!! هون الفكره اللي بحكي فيها للناس اللي ما فهمو القصد ! |
اقتباس:
ماهو كل الحق عالحكومات العربية ,,, خصوصاً حكومات الدول المجاورة للكيان الصهيوني اللي واقفة مع حبايبها الامريكان والصهاينة حاجز في وجه المقاومة الشريفة والمناضلين الشرفاء الذين يتمنون الحصول على شرف الشهادة في سبيل الله ,, واخراج الصهاينة المغتصبين من الاراضي الفلسطينية المغتصبة . بس متل ماقلتلك .. الا مايجي يوم توقع امريكا وتوقع معها كل الانظمة العربية المتواطئة معها وتنفتح الابواب على مصراعيها "ماطار طائر وارتفع .. الا وكما طار وقع" "نحن أمة مهما مرت عليها المصائب والكوارث .. الا اننا الأمة القادمة ان شاء الله الصبر فقط على هذا الابتلاء .. وتفرج انشالله اقتباس:
اتمنى ان ارى اليوم الذي تتحد به الامة الاسلامية وتقاطع البضائع والمنتجات الامريكية كما فعلت مع الدينمارك وكبدتها خسائر هائلة سيأتي اليوم الذي تتغير به اقتصاديات العالم ... وتصبح امريكا بالدرك الاسفل ويصبح المنتج الامريكي لارغبة فيه لتوافر البدائل .. والحمد لله بشائر الخير ظهرت الاقتصاد الامريكي يمر بحالة ركود .. وهنالك فقدان لعشرات الاف من الوظائف هذا من عدا حالات الافلاس والفقر و و و الخ ... المهم الصبر |
المسألة اكبر من هيك بكتير .... المشكلة في الأساس فينا .... الكثير منا لاهي بهالدنيا ، اللي عم يلحق بنت مشان يضحك عليها ، واللي عم يلحق يجمع ويكوم بهالمصاري سواء من حلال او حرام ، واللي عم يفكر كيف يكيد فلان ويخرب علاقة اخ مع اخوه ، واشياء اكبر من هيك كمان وبكتير تصل إلى حد التكفير والإرهاب والقتل وسفك الدماء البريئة ....
الصهاينة استطاعوا ان يضعفونا واستغلوا اخطائنا وأوقعونا ببعضنا وولدوا بيننا العداوة والكراهية .... استطاعوا ان يقتلوا فينا النخوة ....... والله اني لحزين لما اراه وما يحدث كل يوم .... |
اقتباس:
القتل كبيرة على المسلم و لا تخرج من الملّه .. أما سباب الرسول فهو كفر و ردّه بالنسبه للمسلم .. يعني المسلم لما بيسب الرسول صار كافر مرتد؟ أما عن غير المسلم فهي الها بحث تاني . حب الرسول ايمان .. و الوارد عن السلف و الحديث بأنو حب يجب ان يكون اكتر من حب النفس . |
اقتباس:
مش حابه أدخل بأيديولوجيات ويوتوبيا وهالقصص بس هاد فعليا اللي بيصير كل واحد بيلتهي بحالو وبعديها خدلك يا امة صفت هيه وقلتها واحد! ما تحكيلي حكومات وملوك عمرو ما الشعب الفلسطيني مشى ورا حكومه والعرب بيقدروا يعملو ازا بدهم مش الحكومه اللي بتمنعهم ! |
اقتباس:
كيف مرتد وهوه أصلا مش مسلم؟؟ بعدين افهم من كلامك انو الدين حكى انو الأمة مفروض تدافع عن حالها في حالة الردة فقط بس في حالة انقتلوا ابناء الأمة مش مشكله .. ما همه بينحسبو شهدا عن ربهم ومش ضروري قتال !! حب الرسول ايمان وكلنا بنحبو وعلى راسي كمان بس الدين قال كمان انو تجاهد بس تتعرض الامة الاسلامية لاعتداء او أحد المسلمين حتى ! |
اقتباس:
الدفاع عن الرسول أهم .. كمان بشكل غريزي طلع من كل مسلمين العالم قاطبه .. حدث أثارحفيظة المسلمين لأ مشكله كبيره قتل ابناء الامة . |
اقتباس:
و من حيث المبدأ أنا دايماً بقول انو الواحد أخلاقو بتدل عليه ما في داعي نشوهو بحرق سفارات وأعلام وكتابة مقالات ركيكة وتهديد بالقتل لأنو بتعطي نتيجة عكسية. ودمتم. |
اقتباس:
اها وهاد اللي بحكي فيه بس شفت المنظر عالتلفزيون توقعت المسلين يثورو " بشكل غريزي " لأنو انطب بدينهم بس طلعوا مش فاضيين :o |
مافي داعي لضيف شي
|
اقتباس:
منور على كل حال .. |
اقتباس:
|
المحارب العتيق: ممكن تبطّل ردود طائفية لو سمحت؟ يعني ضروري كل ما باشق مجروح حط رد تمشي وراه بهالطريقة؟ عم اسأل و الردود قدامك مشان ما تصير بعدين نظريات مؤامرة
|
أنا بدي أعرف وجهة نظرو لحتى رد على الكلام يلي كاتبو . فأذا ماناقشتو بأفكارو مافيني أقنعو . أو ناقشو على نوايا
|
اقتباس:
الطقوس بعتبرو أنا شي خاص وخاص جداً . يعني متل ما انت ممكن تستغرب طقوس البوذيين كمان هني بيستغربو طقوس الحج مثلاً. يعني كل دين والو خصوصيتو وطقوسو هادا غير عن انو علاقة خاصة بين الشخص والشي الي بيؤمن فيه. وكل واحد بيمثل نفسو بانسانيتو واخلاقو هيك يجب بدون تمثيل دين محدد أو مذهب محدد. الدين شي خاص كتير .. خلينا ندور على شي بيجمع الجميع وهوي الوطن. وياريت تقدر تشوف بردودي شي غير الطائفية لمرة وحدة بس. |
اقتباس:
يا ريت ما تتكرر هالقصة... رجاءا |
اقتباس:
رأيك صرنا منعرفو . يلي بدو يدور على شي بيجمع . مابيرد على هيك موضوع بهيك رد على ما أعتقد |
اقتباس:
أنتي يلي عمتحكم بردك مسبقا |
اقتباس:
من هون و رايح أي اشارة الى معتقدات عضو آخر راح تنحذف... و في حال التكرار راح تتم المخالفة (هون تجي ديباجة الديمقراطية العربية و الحاكم اللي ما بيقبل النقد و هالقصص هدول) |
اقتباس:
أنا ناقشت فكر فردي محدد وما حكيت عن أي طقوس دينية لأي طائفة على الاطلاق. وانتقادي كان لمقالة اسلامية طبعاً رح يكون متحكم بحجم تفاهة المقالة (برأيي). يعني ما وجهت كلامي لأفكار دينية عقائدية ( الي بعتبرها شي خاص ) بل لفكر بعتبرو استحماري للعقل البشري .. قال صار كوارث بالدنمارك لكنهم لا يتكلمون .. لك مقالة بالفعل بتثير الضحك وبتحسسك انو شعب ما يزال يعيش في عصر الديناصورات. على أي حال بتمنى كون قدرت وصلك فكرتي. لو حابب تكمل معي أي نقاش أنا مستعد ع البرايفت. |
ما بعرف ازا بيحقلي اعطي رأيي بالموضوع بس بما انو موضوعي ! المحارب العتيق .. بتخيل لو ردودك يكون فيها اقناع أكتر من استهزاء بيكون أفضل يعني ازا معتبر انو هوه عمالو بيستهزئ بالاسلام في ادله وبراهين جيبها وحاول اقنعو بس بهيك طريقه عمرو ما بيقتنع ! باشق .. بحترم رأيك أكيد بس يا ريت لو بالمقابل يكون في شوية احترام للاسلام انت مش مقتنع فيه على راسي بس على الاقل احترم اللي بيعتقدو فيه .. ممكن كانت المقاله تافهه بنظرك بس انو تتمسخر عليها هاي مؤذية للمسلمين واهانه اشرحلنا وجهة نظرك وفهمنا ليش بتعتبرها تافهه واحنا موجودين :) |
اقتباس:
بعدين متل ماقلت أنت . ياريت تدور على شي بيجمعنا . وماحطيتلي ولا مثال :p |
اقتباس:
كملي قراية |
اقتباس:
قريت !! بس برضو يسلمو عالأسلوب الحلو ! |
خلص سيدي .. متل العادة ما وصلنا لشي .. لذلك انتهي الموضوع بالنسبة الي وما رح احكي فيه زيادة . لأني لو بدي رد رح تنفتح فرصة جديدة لحكي وأخد ورد وأطراف حديدة كمان..
واللي بيجمعنا أكيد الوطن والحكم البعيد عن الدين فقط هاد أكبر مثال ليعيش الجميع سواسية بدولة لا تحقق مصالح أحد على حساب أفكار أحد. و دمتم والى اللقاء بمواضيع تانية. |
| الساعة بإيدك هلق يا سيدي 07:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون