|
عرّف الحب من منظورك الشخصي
يعني الواحد بيحتار شو بدو يقول عن الحب أصلا شو هادا الحب بلا زغرة :hart: :hart: :hart: :hart: :hart: :hart: :hart: :hart: :hart: :hart: انتو شو رأيكون ؟ كل واحد يخبرنا رأيو و يعرّف الحب بطريقتو ؟ ملاحظة : المسخرة مسموحة ههههههه . . - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
 |
للحب اسماء عدة منها :
المحبة: وهي ام الاسماء كلها - العلاقة : سميت بهذا الاسم لتعلق القلب بالمحبوب - الهوى : ميل النفس إلى المحبوب - الصبوة والصبا : يقال صبا إلى كذا أي مال اليه - الصبابة : هي رقة الشوق وحرارته , يقال رجل صب أي عاشق مشتاق - الشغف : قد شغفها حباً , الشغف غلاف القلب - الوجد : الحب الذي يتبعه الحزن - الكلف : وهو من اسماء الحب : يقال كلفت بهذا الأمر اي أولعت به واصل الكلمة من الكلفة والمشقة - العشق : هو أمر هذه الاسماء واخبثها والعشق فرط الحب - الجوى : الحرقة وشدة الوجد من عشق أو حزن - الشجو : حب يتبعه هم وحزن - الشوق هو سفر القلب غلى المحبوب ونزاع النفس اليه - الخلابة : وهي الحب الخادع لأنه يخدع ألباب اربابه ويعميها - البلابل : بلابل الحب وساوسه وهمومه -التباريح : أصابه االبرح وهو الشدة ويقال تباريح الحب وتباريح الشوق - الغمرات : جمع كلمة غمرة وهو ما يغمر القلب - الشجن : الحزن - اللاعج : من الالم والحرقة - الوصب : ألم الحب ومرضه - السهد : هو ايضاً من أثار الحب ولوازمه فالسهاد هو الارق - الود : هو خالص الحب وألطفه - الخلة : هي رتبة لا تقبل المشاركة وسميت خلة لتخلل المحبة جميع اجزاء الروح - الغرام : أغرم بالشئ أي اولع به - الهيام : هو كالجنون من العشق يقال هام على وجهه - الوله ذهاب العقل والتحير من شدة الوجد - التعبد وهو غاية الحب وغاية الذل يقال عبده الحب أي ذلله . علامات الحب : 1- إدمان النظر إلى المحبوب 2- الأقبال بالحديث إليه 3- الانصات إلى حديثه 4- تصديقه وإن كذب 5- موافقته وإن ظلم 6- والشهادة له وإن جار الحب : هو اجمل إله في معبد البشرية :D بظن صار عندك فكرة عن الحب |
ملاحظة : المسخرة مسموحة ههههههه
. اوكى بس مش عاوزه اتمسخر على الحب دلوقت:lol: لانه احساس حلو بس اكتر حاجه بكرهها فى الحب انه بيذل وخاصة لما يكون من طرف واحد وخاصة لما يذل ولد لبنت بيبقى صعب اوى يعنى لو بنت لولد وحشه برده بس مش زى ولد لبنت لكن بقية الحب حلو واحاسيس حلوه:sosweet::hart: |
ضياعة وقت و جهد و مال بطعمة :p
|
يوميات رجل متعادل سلبياً 1.1
سيدتي وبلرغم من اسوؤداد مشاعري . وتنشي عبق شفتيكي الملتويتين على إهليلج حبي . مازلت أسوق كرائب همي متناسياً فظاظة النسيان . زس إز فيرست مسج تو ماي لوووف .. بس مابعرف ليش معد شفتا بعدين ؟ :D |
اقتباس:
إي إي بطعمة .. :lol: :cry: |
الحب هو عذاب
|
برأيي الحب بينحس ما بينحا
يعني الي بيحب كل يوم بيكون بمزاج شكل عاحسب ظرفة يعني ممكن مبسوط ممكن متدايق مشتاق ولهاب اممممم كتيير شغلات حلوة الحب هو انو حدى بيحبك عنجد وبيخاف عليك ومابيهنالو عيش الا لتكون حدو وتكون نصيبو الحب لازم يكون عاطول متأجج ههههههه ( لا تتمسخرو كلمة فصحة هي ) اممم بعتقد انو كل انسان بحاجة لاحب ليحس بكيانو ان كان شب ليحس برجولتو وان كان انثى لتحث بي انوثتها اكيد كلشي فيو ايحابيات وسلبيات وسلبيات الحب انو لما بتحب عنجد بتتغطا عيوب الحبيب وما بتشوووف فيو عيب على اساس كامل مكمل واكيد مافي حدى كامل اممم والي عودة وتعقيب |
الحب كمان هو الشى الوحيد اللى قادر على تغير ما لا يتغير
هو القادر على انه يجعلك تحب شىء تكرهه من اجل من تحبه هو القادر على تلوين دنياك باللونين الابيض او الاسود الحــــــــــــــــــــــ ـــــــــــــــــــــــــ ـــــــب يصنــــــــــــــــــــــ ـــــــــــــــع المعجزان |
الحب : مبتدأ مرفوع وعلامة رفعه الحرارة الظاهرة على عيون وقلوب كل العشاق ------------------------------------------------ العوارض : يبد أ النطق بالضمور وهزال بالعينين وأرتجاف بالأرجل تقوس الظهر نشفان بالفم ضعف السمع لمدة معينة مع أنعدامه تدريجيا توقف الطحال ذات الرئة المزمنة داء النقرص وهو متفاوت من الدرجة العاشرة وما فوق -------------------------------------------------- لا أنصح الحب للأشخاص الذين يحملون المواصفات التالية للعابين الأكروبات للكذابين الدجالين لمفطري القلوب لجماعة ضروب وهروب لجماعة جمع الطوابع العاشقية لجماعةأنا هون والباقي كرتون لجماعة تعدد جنسيات المحبوبات ( شكرا - صمرا -طويلة - كصيرة -...الخ ) ------------------------------------------------------ الأستطبابات : وأنصح بال PANADOL cold & flu 1/2 حبة قبل المقابلة 3 حبايات بعد المقابةل وإن بقيت الحرارة على ما هي الأتصال بأقرب مأذون أنصح بعدم الأستماع لما يلي : إلى المطرب العلاقات الفاشلة : النجم هاني شاكر وشاكر لكم حسن التنفيذ تصرف هذه الراشيتة مجانا من الصيدلية العمالية لذوي الدخل المذبوح كان معكم طبيب على الهواء من إذاعة أشت غفت غست نست وبست دويتشلند ودوقي يا ربابة :sick: |
الحب هو الهواء الذي نتنفسه...........
هو مايعطي للحياة لذتها ورونقها................. رغم انه بعيد عني الان ويسافر بعيدا عني.الا اني اترقب بشوق عودته الي............ طبعا بدون مسخرة;) سميه |
الحب أنا و هي
|
هو..التفهم:sosweet:
:hart::hart::hart: |
الحب شغلة حلوة بس اذا كان من طرف واحد متل ما قالت شيماء بيصير ما بينطاق و سبب تعاسة الشخص
|
اقتباس:
لأنو جرحي غميييييييييق بدو معمل بنادول و ما بيطيب يعني اذا استأصلت قلبي وبقيت بلا قلب ممكن ...... شغلة تانية , اذا بدك اليسا بتفتق جروحات الواحد بأغانيها وبتقصّرلو عمرو الله يسامحها |
اقتباس:
شكرا على المعلومات على فكرة أول علامة من علامات الحب صحيحة 100 % ( عن تجربة ) |
انا بعرف انو برأي بعض الفلاسفة ( العلاكين يعني )
انو الحب هو عكس الكره , يعني اذا ما بتكره واحد فإنك بتحبو بس العكس مو صحيح يعني اذا ما بتحب واحد مو ضروري تكون بتكرهو |
صح بوى فريند
|
بدي اطلب من hurt تعرفلنا الكره ( باينتها مخضرمة )
شو قلتي ؟ |
الحب موجود بين المرأة والرجل لأنو كل غرائز الرجل مرتبطة بالمرأة والعكس صحيح
واذا اشبع كلا الطرفين الغرائز الحب الحنان الامان العطف والجنس |
اقتباس:
|
اقتباس:
حب مافي حب عذري مستحيل ينوجد بالحياة حياة الأنسان كلها غرائز والأنسان العاقل يلي بثقفها ضمن حدود الآدب و الأخلاق وبيعرف ايمتن يتحكم بغرائزه |
كأنك عم تنفي وجود حب بين اللي متزوجين
انو عاداتنا بسوريا مو متل برا معناها اي حبيبين ما بيشبعو غرائز بعض ما بيكونو بحبو ! مي زابطة ببلدنا |
اقتباس:
|
اول حاجه الحب العذرى موجود
تانى حاجه فعلا مش شرط ان يرتبط الحب بالرجل والمرأه الحب كلمه شامله لكل الناس لكن اهمهم عند الناس هو الحب بين الرجل والمرأه هو ده اللى شاغل العالم دلوقت كأن مفيش اى حاجه فى الدنيا الانسان اتخلق عشانها غير الحب بين الرجل والمراه لكن الحب التانى زى حب الاب - الام- الصديق مافى مشكله ولا شد وجذب فعشان كده مش مهتميين بيه |
اقتباس:
بس بقصد انو الحب بين شب وبنت قبل الزواج سببه أنو كل واحد محتاج للتاني بكل شي وفي شي بيمنع ها الأحتياجات ففي غرائز بتقوي الحب الغرائز كتار انا ماعم احكي بس عن الجنس بعد الزواج كل شي ممنوع صار مسموح فكلشي بروح او رح قلك بخف اللهفة الشوق ممكن الحب مايروح لكن بيتغير نمطة بقسوة ممكن تجرح الطرفين انا ماعم دافع عن البنت ممكن حتى البنت هي تتغير وانت فهمتني غلط الجنس غريزة وبتجمع طرفين لكن يلي بيجمع طرفين اكتر هو حاجة الرجل للمرأة الحنان الفراغ العاطفي ممكن انت تتعلق ببنت لمجرد انك حاسس انك وحيد اتحبها كرمال الحب نفسه مو كرمال انو هية بنت وعجبتك بكل المقاييس |
اقتباس:
أبدا نحنا موجودين مع اهلنا اصدقائنا هاد دليل الحب الحب بين اي شخصين بغض النظر مين بكون لكن الحب الحقيقي يلي عن حق وصدق ومستحيل يتغيير ولو بعد مليارات السنين او ليوم القيامة هو حب الأم لأبنها الأم بتحب متل ماحدا ممكن يحب |
اقتباس:
|
اقتباس:
|
اقتباس:
ممكن يكون الحكي جد سهل لكن الفعل صعب ممكن تكون انت اكيد مقتنع بالشي يلي عم تقولو لكن ماحدا بيعرف الأيام شو مخباية |
الحب هو:cry:
او هو:lol: او:sosweet: |
يسلمو على احلى تعريف للحب:D
|
الحب عندي هو الحياة
من غير الحب ما في يعيش الانسان وما بحكي عن الحب بين الشب والصبية بس بحكي عن الحب بكل شي في الحياة حب الأهل، حب الاصدقاء ، حب الوطن ، حب الحياة، حب الحبيب يعني من كله ما في أحلى من الحب خصوصا الحب الصافي واللي من دون مصالح وشكرا :hart::hart::hart::hart: |
انه هو عادة محببة اخترعت من قبل البشر لتهوين بشاعة الحياة
:D |
اقتباس:
الحب ازا اجا منيح و ازا ما اجا انا ما عم استناه مدري ليش بس ما عندي شعور ملح متل الشباب انو لازم اكون حابب ماني حاسس انو دوري بالحياة هلق محتاج تواجد صبية بجانبي ... هلق بقولو هادا مثلي ...لا انا مو هيك و بيعجبوني الصبايا دخيل رب الانثى ما احلاها بس شي غير ملح حاليا و بس صار وقتو في الف بنت حوالينا بس بدنا نتجوز الا ما يمشي حال شي وحدة ... انتهينا |
اقتباس:
الآنسان لازم يضل متفائل بس المشكلة انو نحنا منخلق وعم نستنى الحب وشريك الحياة وللأسف دائما المنيح مع القبيح ونادرا ما تلاقي طيبين مع بعض انا بأمن بوجود الحب لكن اشياء كتيرة بتقتله وواعدائه كتار منها القلب |
القلب ما بتوقع ازا قلتيلي العقل بقللك ممكن
المهم في حب يعني في امل |
اقتباس:
كنت كتير اسمع من رفقاتي انو شوبدك بها الشربة وكنت شوف ادامي اصدقاء عم يعانوا المر وكنت فكر انو انا مستحيل كون متلن رح كون اروع لحتى وقعت شك على راسي وانكسرت بجوز تكون انت رائع والبنت اروع وماتتفقوا بس انا خلص كنسلت موضوع هاد الحب ومن اختي يلي كمان اتمرمطت بالحب واتزوجت اخر شي زواج تقليدي بحت بتقلي انها بتحب زوجها محبة الدنيا وعندها ياه بالدنيا كلها وبكفي انه ابو ولادها والحب بيجي بالعشرة انا رح صدق لأنو اسال مجرب و لاتسال حكيم |
وصلنا لمكان كتير حلو
العشرة ....الها دور كبير ممكن الحب يكون خادع انو عجبك الشكل و يمكن الشخصية بس مع عشرتو يمكن تكون جهنم وقتها شو بنستفيد ؟؟؟ انا بقول انو الامور (الحب) شي مكتوب بيجي لوحدو وقت لازم يجي(طبعا تبع الارتباط) ممكن يعجبك شخص كتير بس مو نهاية العالم و في شي ضروري التقليدي البحت مو دائما بيمشي حظوظ |
| الساعة بإيدك هلق يا سيدي 10:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون