|
اضطرابات في سجن صيدنايا
كشفت منظمة حقوقية سورية النقاب عن أن قوات حفظ النظام في دمشق احتجزت الأحد 6-4-2008 عشرات من أهالي المعتقلين الذين كان من المفترضة أن يمثلوا اليوم أمام محكمة أمن الدولة العليا ولم يتم إحضارهم من سجن صيدنايا مكان اعتقالهم بعد تردد أنباء عن حدوث اضطرابات وأحداث شغب فيه خلال الأسبوع الماضي.
وطالب المرصد السوري لحقوق الإنسان في بيان له الأحد السلطات السورية بالإفراج الفوري عن الأهالي المحتجزين والكشف عن مصير أبنائهم المعتقلين في سجن صيدنايا. وقال: "إن المحامين فوجئوا بإبلاغهم من قبل ديوان المحكمة أن موعد جلسة محاكمة (نظمي محمد ـ ياشا قادر، تحسين ممو، دلكش ممو، أحمد خليل) أعضاء حزب يكيتي الكردي المعتقلين منذ 29-1-2007 هو في 11 من الشهر المقبل على الرغم من أن الموعد الذي حدد في الجلسة الماضية وبحضور 12 محاميا كان اليوم 6-4-2008 الأمر الذي أثار مخاوف الأهالي على حياة أبنائهم بعد منعهم من زيارتهم أو الاتصال بهم الأسبوع الماضي وتردد أنباء أن سجن صيدنايا الواقع شمال دمشق قد شهد اضطرابات واحتجاجات ومصادمات عنيفة بين السجناء والقائمين على السجن من رجال الأمن". وفي التفاصيل، وبحسب مصادر فضلت عدم الكشف عن اسمها، أن سجن صيدنايا شهد في الفترة التي سبقت القمة العربية بقليل اضطرابات بين السجناء والمعتقلين السياسيين نتيجة سوء المعاملة التي يلقونها داخل معتقلهم، وأن القائمين على السجن تدخلوا بشكل عنيف ما أدى الى تفاقم الوضع حيث اندلع حريق هائل غير معروف المصدر. وذكرت المصادر أن السلطات تكتمت على الخبر كونه تزامن مع موعد انعقاد القمة العربية في دمشق بغية عدم التشويش على القمة. وأثار منع السلطات ذوي المعتقلين من رؤيتهم منذ الأسبوع الماضي وعدم إحضارهم إلى مبنى محكمة أمن الدولة في دمشق في اليومين الأخيرين، الخوف والقلق في نفوس أهالي المعتقلين الذين طالبوا السلطات بالكشف عن تفاصيل الحادثة وأسباب منعهم من زيارة أقربائهم وعدم إحضارهم الى مبنى المحكمة. ويذكر أن معتقلي سجن صيدنايا هم سياسيين إسلاميين وأكراد بشكل أساسي. ويعد سجن صيدنايا المدني من أكبر وأحدث السجون السورية أنهت الحكومة بناءه عام 1987. ويقع السجن في قرية صيدنايا الجبلية الواقعة شمالي العاصمة السورية دمشق، ويتكون المبنى من ثلاثة طوابق على شكل ثلاثة أجنحة تلتقي في المركز على شكل إشارة "المرسيدس". ويتكون كل جناح في كل طابق من عشرين مهجعاً جماعياً بقياس 8 أمتار طولاً وستة أمتار عرضاً. ويحوي الطابق الأول مائة زنزانة. المصدر : العربية . نت - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
 سجن صيدنايا "" العسكري "" يحيط به سور أول حقول ألغام + فرق عسكرية سور خارجي + أبراج مراقبة وجب التوضيح :jakoush: |
لو مفاعل نووي ما صارله هيك
|
لو عملو مركز للبحوث العلمية
و تركو معتقلين الرئي يناقشو مشاكل البلد ماكان أحسن لكلا الطرفين و لي على الفهم شأد مطول غيبتو عنا |
عالاقل هاد السجن فوق الارض .. مو متل مصر والسعودية .. تحت الأرض بست طوابق ..
كل واحد بيشوفها من زاويتو . . ع فكرة .. في صديق االي كان أخوه محتجز .. بسجن صيدنايا .. بعد ما طلع قال كلمة وحدة .. قال لولا ما اسمو سجن كنا قلنا أنو مصيف .. وهالحكي مؤكد من كزا جهة .. |
اقتباس:
لـمــّـا الإنسـّـان بدو يحسـّـن وضعوه المادي مثلا ً .. ما بينظر للأفقر منوه أو اللأغنى منو بحبة بينظر للأغنى منـوه بخطوات و بعقل و بتعقل مشان ما يصير معوه إكتئاب .. و لمــّـا بلد بدو يتطـور و يعمل مسيرة تحديث و تـطوير .. بينظر لدول متطوّرة مش للسعودية و مصر .. على هازا السعودية و مصر ما فيني أعتبـرون بلدان نتنقارن فيـّون .. يعني ما فيـّـا مفخرة لما تقول السجون السورية أفضل من السجـون المصرية .. و أيضا ً ما فيك تقول لما بدك تحكي عن السجون لحدا " شوف يا بي سجوننا أفضل بكتير من سجون مصر .. ركز هااا " اي رح يتضحك عليي و يقول شو مفكر السجون المصـرية محققة أبسط شروط سلامة السجناء لتقارن حالك فيـا ؟! أمـّـا بخصوص أخو صديقك المحتجز في صيدنايا .. لا يحضرني إلا قول الشاعر : شيراتون الشام في الزل لا نرضى به .. و بيت ٌ في الصاخور مع خبزة و بصلة أحسن منزلا .. |
يلا ناطرينكـ أنت .. تستلم وتنسف السجون على امتداد الوطن المعطاء .. :lol:
|
اقتباس:
أو مو ضروري لما يبلعوك الفار العايش تشوف و مو ضروري تشوف نوع السجاير يلي عم يطفوا فيك و يفضل ما تشوف الأكل يلي عم تاكلو قلتلي مصيف |
اقتباس:
بصيدنايا و المزة .. وفقط . وباكدلكـ تمماااام .. أنو سجن تدمر سجن قضايا عسكرية ..بس .. راحت هديكـ الأيام .. يا أخي اتطلعو عالنص المليان من الكاسة .. الموضوع كتير منحسر .. من 60 ألف . لألفين .. حسب تقارير منظمات (حقوق الانسان) .. في كتير خطوات لقدام .. سيادة الرئيس عن جد ما عندو عصاية سحرية ليقيم الشعب السوري والعقليات الدينية المتخلفة ويحط بدالها .. |
على أي مقياس بتقيس مين بيستاهل الحبس؟؟
على أي قانون بتمشي لما تقيس بهداك المقياس ؟؟ مو مهم وين .. المهم ليش كل من رفع رأسه بين القطيع و اكتشف انو الراعي خروف مثل البقية بينقط راسو كل مين قال حرف غير الـ " باااع " انقطع لسانو كل مين شاف شي غير العلف انقلعو عيونو فلا تبرر وجود معتقلي رأي لن يكون هناك مبرر |
اقتباس:
|
اقتباس:
|
اقتباس:
|
اقتباس:
في الصيف لما نزلت الى سوريا شاهدة أحد الناجين من هذه المعتقلات قضى 23 سنة و حتى تلك اللحظة لم يحصل على حكم بأسباب الأعتقال و قد مضى على ولادته من هذه المعتقلات أكثر من سنتين و ولد معتوها لا يدرك أبسط معاني الحياة إلا الطعام و الشراب و لو كان عنده ذره من العقل لما تركوه يخرج و سألت من يعرفه كيف كان قبل الأعتقال قالو كان له عقل يزن بلد أخ موسيقار أرجوك دع السويسرة و تكلم عن سوريا الله يخليك |
اقتباس:
لأنو شعبنا مو شعب سويسرا . |
اهانة الشعب لا تبرر ..!!
الشعب ما كان هيك..!! 30 سنة البوصطار على راسو صار هيك ..!! الحركة التصحيحية شيدت خرسانة اسمنتية على عقول الشعب ثورة الثامن نزعت الارادة و فرضت المصير |
اقتباس:
عنا أكثر من عشر ملايين مغترب من أخير الناس في العالم و مو مجرد تفخيم في شيئ وهمي الحمد لله السوريين في خارج سوريا من أفضل المبدعين لا يمكن أن تكون العبقرية خارج البلد و الذي يحكم البلد أفهم منهم |
اقتباس:
هاد هو .. ع نفس التخلف من خمسمية سنة .. وكل الشعوب العربية . والنامية .. يزماني سألت سؤال .. لأحدهم ... أنو عطيني دولة نامية .. ما فيها معتقلين سياسيين .. و الدمقراطية شغالة .. فيها .. فيني قللكـ عجز .. وهداكـ من غلاة المعارضين .. ومن أكتر الناس اللي بيبحبشو ورا هالقصص . . :D |
فلذلك معلش يندعس
من شوي كنت عم شوف فلم عن رواندا و يلي صار فيها و كيف الأمم المتحدة كانت متفرج بامتياز .. معناها معلش هدنك العالم يتدبحو و معلش شعب العراق يندبح بشرط يكون متخلف .. و بفلسطين معلش دبح المتخلفين و انا عجزت |
اقتباس:
ما بظن أنو أنت خرج تدافع عن شخص .. بيطالب بتقسيم سوريا لـ كردستان .. ومو كردستان. |
مو قضية خرج و كفو ..
و انا أصلا مش بصدد القضية الكردية زبدة الكلام من يعتقل يجب ان يكون عليه مأخذ قانوني و بالتالي بيتحول عل نيابة و بالتالي محكمة دستورية و بالتالي تنفيذ الحكم الدستوري طبعا هل كلام غير وارد على أرض الواقع حيث قانون الطوارئ يسمح لصاحب السلطة بفرض سلطته بجميع الأشكال و بالتالي بيحسنو يخلو أي معتقل لاي فترة حتى اشعار آخر |
بالتالي حاليا قايم نام حتى اشعار آخر
استااااااارح |
اقتباس:
لن ترى هذه الأعذار لسحق كل من يعترض لماذا يذهب الشباب الى عرض البحر لكي يصل الى أي دولة غربية يخاطر كل الخطر لماذا لأنه يعتقد أنه سيكرم فقط لأنه أنسان لا شيئ سوى أنسان هل الكردي في الغرب يطالب بدولة كردية في أوروبا |
اقتباس:
كتير منسمع منو .. بس بدي أسألكـ أنت فهمان .. شو تداعيات القضية الكردية اللي ما رح نفوت فيها .؟ اعريق ليش اعتقلو هدول اللي وردوا أسماءهن بأول الموضوع وتعا ناقشني . . يا أخي .. لا ترددوا حكي .. قنوات الأخبار في شي اسمو تسلسل تاريخي .. وطبخة تاريخية .. كلو متصل ببعضو . ما في شي بيجي هيكـ . |
اقتباس:
2- أوروغواي 3- باراغواي 4- تشيلي 5- هندوراس 6- جنوب أفريقيا 7- اكوادور 8- جمهورية السلفادور و ماني حاسب كولومبيا لأنو راح نفترض جدلا (رغم انو مو هيك) انو مقاتلي جماعة sfarc هدول سجناء سياسيين.. طبعا راح تقلي هدول ما محكومين بالعقلية الدينية و من هدول و لا واحد متلنا (رغم انو شلة اميركا اللاتينية عندهم تخلف و تعصب ديني قدنا عشر مرات... و عندهم ناس عايشين لسى بعصر الأزتيك و المايا) و الخ الخ الخ.... ما راح افوت بهالدائرة المفرغة.. لكن بس جوابا ع سؤالك... مشان اذا بدك تستخدمو في مرة قادمة تلاقيلو صيغة جديدة اقتباس:
و برأيك اللي عم يناقشك عم يردد حكي قنوات الأخبار و ما عندو خلفية معرفة؟ الحقيقة فقط و فقط عندك؟ ما حلوة أخ موسيقار... عن جد ما حلو هالاستخفاف لا بحقك و لا بحق اللي بناقشك... لأنو كمان ما برضاها لألك انو ينقال عنك نفس الشي بس بالاتجاه الآخر... لذلك لا ترضى على محاورينك هالحكي.. مو هيك؟ سلام |
السيد موسيقار قبل فترة قصيرة طرح موضوع قاطعوا قناة العربية بحجة انها تسيء للشعب السوري,
تفضلوا يا شباب واقرؤوا ردوده هنا لتروا مدى احترامه الكبير للشعب السوري والله حكيك هاد اليهود ما بحكوا عن الشعب السوري |
اقتباس:
عا بالي شي زلمي أبن أبوه و أموه , يقلي شو تهمة كريم عربجي حتى من سنة مسجون لهلأ وينو .؟! عا بالي شوف زلمي عم يحكي عن التغيير , يتفضل يجاوبني ..!! |
اقتباس:
علي حمدان بكون ابن خالتي اعتقل بتاريخ 28/9/1992 لاتهامو بجماعة الاخوانمع انو هو مالو علاقة بكل الموضوع بتاريخ 23/3/1994 حتى تقررت محاكمتو وتنفذت المحاكمة ب 2/4/1994 نتيجة المحاكمة تقرر انو فترة السجن من غير هالسنة ونص الي قعدها ( 3 سنوات ) يعني فعلياً لتاريخ 2/4/1997 بتعرف يا معلمي انو لتاريخ 2005 / 8 / 18 لحتى بين الأخ ...... وبتعرف انو لساتو تحت المراقبة لهلئ ...... وكل شهر عندو 18 زيارة لفروع الامن شريك يمكن بدعي لكريم اكتر ما ادعي لابن خالتي لك اكتر ما ادعي لاي حدا انو يطلع باقرب وقت بس عماصفن فيها ...... انو اللي محاكمتو 3 سنين مطت معاه القصة ......... 16 سنة ........ شو بدو يصير بكريم اللي محاكتمتو 7 سنين ؟؟؟؟؟ ماني متشائم هون ..... بس هاد الواقع الي نحنا فيه يا حجي بجي لرد على سؤالك هلئ اي فرع امن مانو بحاجة اي تهمة يوجهها لاي فرد ..... هو بحاجة شغلة وحدة بس .... انو هالشخص يوصل لعندن ..... والله بزاتو ما عاد يطلعو ......... يمكن خرجت عالموضوع كتير كتير كمان لذلك الي عودة قريبة جدا لعقب عالموضوع مع انو قديم بس ما قدرت اسكت |
اقتباس:
في نقاط طرحتا ازا بتحب تعلق عليها + نقطة يلي حكاها ياس كنت بدي قولا بس حكاها اقتباس:
|
اقتباس:
فيك تقلي بما انك هيك يعني شكلك مثقف ثوري شو بتعرف انت عن ماسي سجن تدمر؟؟ سمعت عن ال 800سجين اللي اعدمتن عصابات رفعت الاسد ب 26 حزيران 1980 من دون محاكمة او اي دليل بس لانن بينتمو لطائفة صار كل افرادها فجاة متهمين انن اخوان سمعت عن ال 150 شاب اللي كان يعدمون بكل اسبوع واللي اعترف طلاس بانو كان يوقع على اعدامن ومن دون اي فرصة لمحاكمة عادلة وكلن اعتقلوا بناء على تقارير ومعلومات ملفقة من المخبرين عن جد ما بعرف البروباغندا شو ممكن تعمل بعقل الانسان ليوصل لدرجة يحط الحق على الضحية ويمجد المجرم يعني انا مابستغرب ابدا لما بشوف ناس باوربا عم تدافع عن اسرائيل وتهاجم الضحية طالما نحن بهيك عقلية ليش نعيب على غيرنا تصور معي لو انقلب الحكم في سوريا هلق واجى حكم دكتاتوري بس معاكس تماما لنظام بشار الحالي و طبقوا نفس السياسة الاجرامية على الشعب بس هالمرة ضدك انت واخدوك هيك من دون تهمة شو رايك لو اجى واحد وقال انو بتستاهل اللي رح يعملو فيك؟؟ |
اقتباس:
|
اقتباس:
وسجن المزة كمان تسكر شكلك ما بتعرف كتير متل مو مفكر حالك بتعرف |
اقتباس:
من كان يدعم أشد المتطرفين الأكراد و أشد الأرهابيين عبدالله أوجلان ألم يكن في لبنان و تحت أشراف الجيش السوري ألم يأتي الى سوريا قبل أعتقاله بأيام أو أختطافه بالتنسيق مع الموساد الصهيوني يعني كيف لسوريا التعامل مع أرهابي كردي و وضع الأكراد العقلانيين في السجون و منعهم من أدنى حقوقهم الأنسانية أنا لست محامي عن أخوانا الأكراد لكن لا يمكن الغائهم و منهعم من الأعلام بلغتهم و التدريس و الدعاية لمحلاتهم باللغة الكردية و للعلم يربطنا بهم تراث قديم و لهم أفضال علينا كأبناء في الحضارة الأسلامية و العربية لماذا الأرمن لهم حقوق في كل شيئ لا داعي لذكر مايحصلون عليه و هذا برائي من حقهم أيصا التركمان لهم حقوق و السريان و الأشور لكل قومية لها الحق بأن تتكلم لغتها الأم و أن يكون لهم مثل باقي النحل و الملل و بعدين من وضعكم أوصياء على البلد من أنتم لتعزو من تشائون و تزلو من تشائون و هل دامت لغيركم لكي تدوم لكم |
اقتباس:
كل هالدول الي ذكرتها أنت .. هي دول لاتينية .. يعني لساتنا بالغرب . يعني شعوب اسبانية وبرتغالية بالأصل . ما صرلها ميت سنة ناقلة ع أميركا .. وبتعرف كمان أنو نسبة السكان الأصليين فيها أقل من عشرة بالمية . يعني بالأصل هدول كانوا اسبان .. وبرتغال .. وكانو حاكمين العالم هديكـ الأيام لأنو أيامها كانت اسبانيا وقشتالة متقاسمة العالم .. يعني في جذور حضارية .. وباقية لهلأ .. رغم الفقر اللي عم تعاني منو .. يعني هالدول .. نامية اقتصاديا ً بس مو ثقافيا ً .. ومنشان موضوع الاستخفاف أنا ما عم استخف .. بس .. عم رد غلى رد خطابي .. وأنا ما بدي كلام خطابي ناقشني بالعقل أهلا وسهلا .. ياسين .. لا تفكر كل الناس بتناقش متلكـ .. شوف غيركـ كيف عم يناقش . :D |
اقتباس:
بس هادا ما بينفي حقيقة .. أنو التخلف شغلة طبيعية موجودة عندنا .. لا تخلط شي بشي . .لأنو ما الو علاقة . |
اقتباس:
أوكـ ياسين أنا جاوبته .. ومالي عم اعتبر حالي مرجع وصاحب حقيقة .. أنا بعرف أنو 1 + 1 = 2 .. يعني .. ما فيكـ تلغي مفهوم الديكتاتورية من بلد عايش ورا الناس .. بـ 500 سنة ضوئية .. ثقافيا ً عم أحكي مو عن شي تاني . |
اقتباس:
البروباغاندا فعلا ً بتعمل كتير .. و خاصة أزا كان مدفوع عليها ومتعوب عليها .. متل القنوات الأخبارية التحليلية اللي صارت موضة هالأيام .. أنو كل واحد معو قرشين بيفتح قناة أخبار وبينتف بالدقن اللي بدو ياها .. هلأ ما علينا . أنت زكرتها بالـ 80 .. يعني مو هلأ .. ونحن عم نحكي عن هلأ .. أنا ما عم بحكي عن هديكـ المرحلة أبدا ً .. بس او فرضنا جدلا ً .. أنو نحكي بهديكـ المرحلة .. دخلكـ أنت كنت عايش بالـ 80 أصلا ؟ كنت قاعد معهون لما أعدموهن ؟؟ لختى أنت بتعرف المآسي الي صارت .. ؟ ا بهديكـ المرحلة صار كتير كفر ع أيام رفعت أنا بقللكـ .. ما كان لازم تكون هيكـ .. بس كمان الواحد بيحكي لما ما بيتصصحح الوضع .. شوف هلأ ما في حدا بيدخل كـ سجين رأي .. الا و بتنعرف كل تفاصيل سجنه . مو تطور كتير ايجابي هاد ؟ يعني الشغلة بتصير خطوة خطوة مو شلف .. يا صديقي . يعني أنو ينقال في ألفين سجين سياسي .. بسوريا .. ومن قبل منظمات خارجية (يعني مبالغة بالرقم ) تطور كتير منيح .. وكتير لقدام .. |
اقتباس:
دول لاتينية يعني غرب؟؟ الله يسامحك ع هالحكي يا زلمة... اذا أميركا اللاتينية غرب معناتو مين خلينا دول نامية.. بعدين شغلة تانية... تاريخية و ديموغرافية: بأميركا اللاتينية رغم بطش المستعمرين الاسبان و البرتغاليين ما صار في الانهاء اللي صار بالشمال.. لذلك.. بأغلب دول اميركا اللاتينية (ما عدا الأرجنتين و تشيلي.. اللي تعمدت ما أذكرهم) السكان الأصليين هم أكثرية و أكثرية ساحقة بدول الداخل مثل أوروغواي و باراغواي.. و ما زالو محافظين على عاداتهم و تقاليدهم... في نسبة مهاجرة مزبوط لكن شعوب اميركا اللاتينية ليست شعوب اسبانية و برتغالية أبدا زد على ذلك ان فترة ارتباطها باسبانيا و البرتغال كانت فترة الهمجية القصوى لدى الدولتين المستعمرتين... و جميع التجارب اللاتينية في مجال الحريات و الديمقراطية ولدت على يد الحركات التحررية من الاستعمار الاسباني و البرتغالي (اللي فيك تقول عملو بهالبلاد ما عمله العثمانيين ببلادنا) مثل سيمون بوليفار و أيميليانو زاباتا و بانشو فيجا.. اسبانيا خسرت آخر مستعمراتها (كوبا) سنة 1898 و البرتغال قبل ذلك بمئة سنة أو اكثر.. و كلا الدولتين لم ينعما بالديمقراطية حتى عهد متوسط و متقدم من القرن العشرين (اسبانيا في عهد الجمهورية الثانية 1931- 1939 ثم منذ 1975 حتى الآن و البرتغال حتى ثورة الورود بنيسان 1974) لذلك ربط الديمقراطية بأميركا اللاتينية بالتأثير الاسباني و البرتغالي خاطئ تاريخيا مع احترامي لعلمك و معلوماتك... و تجربة أميركا اللاتينية جديرة بالمتابعة و الملاحظة... آسف للخروج عن الموضوع بس اقتضى التوضيح |
اقتباس:
بس بتعرف أنو .. أغلب الأحزاب الكردية ماسكة خريطة كردستان .. اللي بتاخد أكتر من 20 بالمية من الأراضي السورية بطريقها .. ومعلقينها ببيوتهن .. وهدفهن أنو يعملو دولة مستقلة .. شوف بالعراق ركبوا عالأميركان وفاتو وشلخو نص العراق .. ونص النفط .. ونص الدنيا .. ولو بيصحلهن يعملو هالشي بسوريا ما بيقصروا .. أبدا ً .. أنا لسا عم أحكي عن الأحزاب .. وثوريي ما يسمى بكردستان .. بعدين الأرمن ما عم يدعو ليساوووا أرمينيا جوات سوريا .. الأرمن أقلية . وبيعرفو حالون أقلية .. وعم يتصرفوا ع هالأساس .. لو الأكراد عم يتصرفوا ع هالأساس .. كان الحكي غير الحكي . |
اقتباس:
أنا ما قلت سجن المزة تسكر .. بس سجن تدمر أنا متأكد أنو للفرارية من الجيش .. وللقضايا العسكرية .. حصرا ً .. بالاضافة لأنو .. التعذيب صار ممنوع .. هي ما حدا ذكرها أبدا ً . |
| الساعة بإيدك هلق يا سيدي 07:09 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون