|
شو اللي عجبك بأخوية
يعني الموضوع انو في كتير منتديات تانية ليش أخوية حصرا بالنسبة النا نحنا السوريين بما انو الموقع باللهجة السورية و هالشغلة مو كتير موجودة أكيد رح نحبو بس بتلاقي اعضاء من مصر و من الكويت و من قطر الخ مسجلين وعم يشاركو و بالرغم انو ما بيفهمو لهجتنا و مع ذلك تغلبو على هالمشكلة معناها اديش اخوية جذبهن لحتى تركو المنتديات اللي بلهجتهن و عم يشاركو بأخوية انت شو رأيك ؟ شو اللي عجبك بأخوية . . - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
لك حسام مقفل من النوع الفاخر .. لزلك .. الموقع شدني :larg:يعني وقت بتفوت بتقرا .. كتير منتديات الصالون والسقيفة واللزي منو كلو ...
والكتابة وشروط التسجيل ... واهم شي .. ترا بيطير بس ما بعلي كتير .. شوف الصورخة عاصولها .. :p مع انو عفكرة في كتير منتديات طلعت مشابهة لنفس النمط وعم تقلد .. بس اكيد .. الاصلي بضل اصلي معلم :D |
العفوية يللي بالاعضاء اعطتو حجم قد السما
|
اللى جذبنى ف اخويه انه متوازن بين المرح والترفيه وبين التثقيف والمواضيع التقيله
لكن ادخل اى منتدى تانى هتلاقيه ياما تاااااااااااااااااااااااا اافه جدا يا اما عقلاااااااااااااااااااااا نى جدا كمان المسجلين باخويه حاساهم يشبههوه يعنى حبيت اعضاء اخويه عن غير اى اعضاء باى منتدى اخر |
معكون حق
أنا لما بفوت على أخوية كأنو فايت على غسالة بتغسل الهموم والغم و الحزن لك كل كلمة فية بترسم الابتسامة على الوجه دامت اخوية و دمنا لها |
اي اهم شي عاجبني بهاد الموقع انو باللهجة العامية السورية
يعني بحس حالي بسوريا وبنسى الغربة وهمومها:pos: |
انا حبيت المنائره بين الاعضاء و اللي بكونو متنائرين بموضوع
 بتشوفون متحالفين بموضوع تاني  وتاني شي الموقع ما بخلي هم عل القلب |
اللهجة العامية :p
|
بالنسبة لي أي منتدى بعتبره كبل ارضي بارد
اي نتر أرضي لتفريغ الشحنات لكن يختلف من منتدى لأخر بأختلاف العقول وطريقة التفكير والتنوع منشان هيك أنا قبلت أني أجي على أخوية بعد طلب 100 عضو مني ومراسلتي لكي أنضم وبالأخير أنضميت ههههههههههه:o بالفعل أخوية أحسن منتدى شفته هو ومؤسسه ومشرفينه وأعضائه أنتخبوني :yahoo: تنويه : ( تقليعتك يا مالك الحلبي قريبة من أخوية أو بالمعتقل هههه ):shock: |
اقتباس:
|
بس لا تنسو انو ال goverment حاطة دابها من داب أخوية مدري ليش
لك يحلو عنا بقى يشوفو موقع تاني ( اللهم لا اعتراض ) |
شو يا اخووويه ( ليه موقعكم محجوب ) ..
انا توني جديد على اخويه بس فيه ملفات ما شفتها الا هون .. لذلك اشتركت تحياتي |
اقتباس:
|
العقلانية والصراحة والاعضاء واهم شي الرووووووووووءقان
يسلمو ياعسل..........:D |
اهلين فيك
|
في اخوية..احس انني ازور سوريا من نافذة النت..
واشم عطر الياسمين..من كلمات الاخوة السورييييييين..ولهجتهم العامية اللي اعشقها..:sosweet: اخوية .. يشبه بئر افكار;) .. |
في اخوية..احس انني ازور سوريا من نافذة النت..
واشم عطر الياسمين..من كلمات الاخوة السورييييييين..ولهجتهم العامية اللي اعشقها..:sosweet: اخوية .. يشبه بئر افكار;) .. |
حبيبتي ليش عم تكتبي نفس الرد مرتين
|
اقتباس:
يعني كانو عميطعاطى الهيرولين عادي |
شو قصة الحجب وما الحجب لاخوية؟؟؟؟
صحيح هاد الكلام خبرونا انا برا سوريا ومو عرفانة شوفي حكولنا شو القضية:oops: |
و الله يا ستي الحكي مظبوط أخوية محجوب بسوريا
|
يعني هلاء بدك تقلي انو اللي عم يفوتو على هاد الموقع كلون برات سوريا؟؟؟؟؟
|
شو اللي عجبني ب اخوية
بكل صراحة و من دون اي مزح
انا حبيت اخوية و فضلتو ع جميع المواقع التانية ل سببين : الاول انو مكتوب ب لهجة عامية بعيدة عن الفصاحة اللي على اعتقادي نحنا مانا ب حاجة الها ( يا سيدي و تعا لهون .......... اللي ما عجبو ......... بكل بساطة يقحط ) السبب التاني و الاهم انو اخوية هوي بنظري منبر حر و جد انا لما بفوت عليه بحس حالي انو لازم فش خلقي و بقلي شي بحصة الصراحة هادا رأيي ب اخوية من كل النواحي والسلام |
انا سمعان فيو من بنت الجيران (الله يخلينا ياها :oops: )
واهم شي اكدتلي انو الموقع محجوب ع حماتي :gem: |
الله لا يحجبو عن حدا
|
أنا لسا ما بعرف موقع اخوية يعني لسا ما في اعجاب ولا شي، بس فتت لهون لأنو قلعوني من كل المواقع يلي كنت شارك فيها، ما لقيت غير موقعكون لسا ما بيعرفني امت فتت
|
معناها تقليعتك مو مطولة ههههههههه
عم امزح أهلا و سهلا فيكي بس اذا إلك سوابق ما بوعدك تضلّي هههههه |
رح ارجع افتح الموضوع شنو في كتير اعضاء جدد ما اسمعنا رأيون :D
|
يعني المكتووووووب مبين من عنوانو اخويه ومابدو يعجبنا
|
والله حبيتو وصار قهوتي الصباحية لعدة اسباب
1/ انو لما تفوت عليها بتحس انو الشعب السوري بدا يتخلص من التبعية والعبودية وبدا يفكر ويعبر بحرية اكبر وعقلانية اكبر. اما السبب الثاني والاهم هو 2/ انو لما حدا يحط موضوع مابتلاقي الردود السخيفة واللي على شاكلة= مشكور.روعععععععة.موضع رائع ننتظر جديدك. صراحة لما بفوت على منتدي ان شاء الله تحط موضوع بعنوان تفو عليكم .بتلاقي الردود وااااو روعة مشكور. بس اخوية غيييييير الموضوع بينعطى له حجم بالرد.والرد بيكون بالموضوع. ودامت اخوية وانا بحبك اكثر يا الاخوية:D |
لأنها أرضٌ احتضنت ضَياعي
|
هلأ انا ماني جديد كتير يعني بس بدي اعطي رأيي بتجرد....:larg: يعني هو من أحسن الماقع لعدة أسباب .... أولها انو فيك تفوت و تقول رأيك باي شي بدون ما تنسفق انذارات او يزحلقك المشرفين ....:jakoush: تانيا اللغة العامية بتخلي الواح يحس انو بين رفقاتو و أهله.... :deal: ثالثا انو في احترام بين الأعضاء وبالردود متل ماقالت كذبك حلو ..... :razz: |
انا اللي عجبني باخوية ..كتير شغلات ...منها اللهجة العامية حلوة كتير وقريبة من القلب ... وكمان عفوية الاعضاء ...يعني كل واحد بيقول اللي بقلبو ... وتنوع الافكار وثقافة الاعضاء العالية ...وحتى السمايليز حلوين وبترتاح وانت باخوية وبتحكي وبتفضفض يعني مش مجرد منتدى متل البيت ويمكن بيكون بحالات احسن من البيت ...
اي الله يخليلنا الاخوية ...:D |
الاخوية ...
|
أخوية حلو ، لأنو خفيف و مرتب ، وبيريّح العيون وغير هيك ، حريّة الرأي (ولو أنو هالموضوع ما بيخلى من بعض الشوائب) |
كل شي.............ولا شي
|
اللي عجبني في هالموقع انو كلشي عفوي واول مادخلت هون قلت لحالي شوف شوف المكتوب مبيين من عنوانه
بعدين بالنسبة للاخت يلي فوق كتبت مرتين منشان تشم ريحة الياسمين:oops::oops::oops: |
انا شخصيا اخترت اخوية لانها سورية وانا بموت بسورية وبحب احكي سوري مشان هيك انتسبت:D
|
مدمن على الشم وهون بشم أشيا ما لقيتها بمكان تاني , هتلك نفس خيييي إيييييه ,بشمة وحدة بتحس بكل شي بدك ياه , وانشالله ما بتوصل حالتنا عالإبر
|
| الساعة بإيدك هلق يا سيدي 20:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون