|
من هم الEMO ? موضوع ضروري للنقاش
هاااي
أنا حبيت اطرح هالموضوع هون بالصالون لشوف شو آرائكون في:oops: انا بصراحة قرات كتير عن جماعة اسمها الايمو وكتير عجبتني افكارهم وطريقتهم بالحياة :sosweet: بس لما كنت ابحث عنهم قرات بمنتديات كتير عنهم وكتيييييييييير كانو ضد هالموضوع :frown:و بحكولك وين الدين ومش عارفة شو:pos: انا برأيي انو ما في شي غلط بهالموضوع وممش عارفة ليش هالأد الناس مدايقين منو او من انتشارهم بين العرب:jakoush: انا بقول انو مالو علاقة بتقليد الغرب يعني نسيو كلشي هالناس من اللي منقلد الغرب في وما لقيو الا اليمو؟:sick: وبعدين انا بشوف انو الايمو هو تعبير عن الشخصية:larg: ولقيت انو شخصيتي قريبة منهم وانا هلأ ستايل لبسي وشعراتي عملتهم خصوصي متلهم:sosweet::clap: وطلع كتير كوووول لهيك انا دايمن بوقع ب ساد ايمو cuz i realy love them سو اقرأو الموضوع وياريت تحكولي شو رأيكم فيهم من هم الإيمو؟ إذا نظرنا إلى تاريخ ثقافة "الإيمو" ، فقد أتت كلمة Emo اختصاراً لـEmotion الانكليزية والتي تعني الانفعال والإحساس. بدأت كتيار موسيقي في موسيقى الهارد روك في أوائل الثمانينات، لتتحول في بداية الألفية الثالثة إلى Life Style لجماعات معينة. بدأت تظهر هذه الجماعات في واشنطن، ويعتبر علماء الاجتماع أنهم تطور طبيعي لجماعات البانكس punk الشبه منقرضة : تتميز جماعة الإيمو أولاً بأن معظم أفرادها من المراهقين الذين لا يتجاوز عمرهم الـ17 سنة. لهم طريقة معيشة خاصة بهم، ولباس معين وموسيقى يتميزون بها. طريقة معيشتم: يتسكع الإيمو في شوارع المدن الغربية (ليلاً)، بمفرده أو بصحبة أحد أفراد جماعته، بوجه كئيب. غالباً ما تراه باكياً. مظهرهم: من مميزات مظهر إيمو أنه يصعب التفريق بين الإيمو الفتاة والإيمو الصبي. فكلهم Emo-kids ولا يفرقون بين الجنسين.يتميزون كذلك باللونين الأسود والزهري، وتخطيط أسود حول العيون، لتظهر كبيرة (كما في أفلام الأنيمي). الشعر الأسود، الذي ينساب على طرفي الرأس بموديل آسيوي حديث. ومن الخلف غالباً ما يُثبّت في الهواء. وقد يحتوي على خصلات زهرية. لباسهم: الجينز الضيّق والقميص الضيّق يحمل علامة الإيمو أو أحد شعارات فرق الروك-إيمو. غالباً ما يكون أسوداً ذو مربعات بيضاء وعلامات زهرية. وكذلك الجواكيت ذات الزر السفلي الوحيد المزرور. الحلق في كافة أعضاء الجسد. الكثير من الأساور. والنظارة ذات الأطراف العريضة السوداء. شخصية الإيمو: كما سبق أن ذكرت ، أن الإيمو عاطفيون وحساسون بطبعهم، يميلون إلى الكآبة والبكاء، مكسوري القلب، ويميلون إلى الحب الغير متبادل و يقولون أننا دائما منبوذين من مجتمعنا لأن لا أحد يستطيعون فهمنا . خشي علماء النفس في بداية ظهور هذه الحركة على المراهقين من الضرر النفسي أو الجسدي الذي قد يلحق بهم نتيجة كآبتهم الدائمة، والخشية من ميلهم للانتحار. لكن الإيمو يصفون أنفسهم بأنهم طيّبون من الداخل، لا يميلون إلى العنف ، ويبتسمون كثيراً، بابتسامتهم الحزينة تلك. ولا زال الجدل قائماً حول حقيقة نفسيتهم النزاعة للحزن. وإيمو شخصية شاعرية نزّاعة لكتابة الشعر وسماعه، يعالج شعرهم ارتباكهم والكآبة والشعور بالوحدة والغضب الناتج عن عدم قدرة الأشخاص العاديين لفهم مشاعرهم. والقاسم المشترك بين المؤلفين هو الشعور بأن الحياة هي الألم. مع أن النقاد يعتبرون شعرهم رديء . وكل ما يفعلونه مضيعة للوقت. لكنهم الآن في تطور كبير وأعداد كثيرة وبأعمار مختلفة كبار وصغار ولهم شعارات مختلفة وغريبة جدا ورح نزل صور الهن انشالله |
موضوع كتير بحبو
موضوع جدا مهم ومثير.
وانا بعتقد انو الايمو ناس عادين من البنيه العقليه والهون حياه وتفكير ونمط بتكوين الذات وهايا بعد اختيار الشخصيه وحريه التصرف والاختيار . وانا ما بشوف اي اشي مختلف عن الايمو من الناس الطبيعين الا بعض الاستثناءات , وبصراحه تفكيرهون كتير حلو وسليم ولو كل الناس يمشو عليه رح يعرفوا ئديش الانسان جزئ بسيط من الحياه الي هو بعيشا . وانا كتير بصادف هايا النوعيه من الناس( ايمو) وبحكي معون وكتير على فكره عندهون اراء جدا انا لحديت اسا بتقيد فيها. وشكرا الك على طرح الموضوع الجميل والحلو تحياتي رنا:D |
شكرا كتير رنا عالرد السريع:sosweet:
وفعلا انو كتيير حياتهم بسيطة وتفكيرهم حلو بس جد كتير نفسي اعرف انو ليش الناس معارضين هاي الفكرة:pos::? حتى اني مش لاقية والله ولا سبب للمعارضة بس ازادخلتي بمنتدى ديني واسلامي بيبدو يحكو عن التقليد وعن انو هادة حكي فاضي:sick: ما بعرف ليش ع كلن يسلمو عالرد الحلو:yahoo::oops: ومنيح اني لقيت مين معي يحب الايمو:clap: |
بصراحة اول مرة بسمع بهيك شي
بس يبدو اني من الايمو من دون ما اعرف ياريت تدعمي الموضوع بالصور لنقدر نتعرف عليهن اكتر :D:D:D:D |
والله ما بعرف كيف حط صور
لأني هلأ فتحت المرفقات وضفت صورهم بس ما طلع شي رح حاول مرة تانة هلأ;) وشكرا عالرد ويجا :oops:ومو غريب انو تطلع منهم لأنو كشحصية عنا كتييييير منهم:larg: بس فيك تعمل بحث صوري بجووجل باسم emo وبتأدر تشوفهم;) |
والله عم حاول نزل الصور بس ما بعرف عم يعطي انو في خطأ بالمرفقات:sick:.
|
وقت كنت صغير .. كنت EMOOOOOO وهلأ وقت كبرت وبلش يهر شعر راسي وراح الشعر الطويل وبلشت ربي دقني عالخفيف هيك واسمن والبس طقوم رسمية .. صرت OMEEEEEE :lol:
|
  |
ههههههههه قلتلي صرت ome:o
ههه بس انو فعلا حلوة فكرة الايموو وكان لازم لهلأ تبقى عليها والله اللي بسمعك بقول ختيرت يا جدوو:lol: يسلموو عالمرور الحلوو:D |
   آخ يا معدتي .. حاسس حالي رح راجع !! |
اييوة هيك الصور الحلوة
بس انو لي رح تراجع!!!!!!!!!!!!!!!!؟؟؟:adal: وشكرا عالمرور LA AND PLACEBO |
يعني مابيقبلوني معهم أذا ماكنت كئيب ؟ :cry:. روح أعملي شي عملة أندم عليها لصير كئيب ؟ :cry:.
مالي غير أقتل أبي لصير كئيب :cry: . بس يمكن ماصير كئيب بس أخد الورتة :cry:. شو أعمل ؟ :cry: |
اقتباس:
اقتباس:
والله من الحكي يللي سمعتو من الناس اضطريت اني غير هالستايل وكمان مع الظروف يللي صارت معي .. بعدين الستايل الجديد تبعي هيك رجالي أكتر يعني عضلات وجسم ضخم ودقن خفيفة والحمد لله مالنا بشعين ولامضطرين نحلي حالنا بهي الإيمو وما بعرف شو .. تحية! :D |
ههههه بسيطة
ولك مو ضروري تقتل ابوك لتصير كئيب:o تزكر هالدنيا وهمومها ومشاكلها وانو عايشين بدون فائدة وتزكر كلشي مش منيح :cry: وتزكر الأشياء اللي فشلت فيها وتزكر وتزكر ........:cry: ...... آآآآخ في كتير اشياء بتخليك كئيب وميغسي عالمرور والتعقيب خيو المحارب |
:?
اقتباس:
بس انو ليش لازم الواحد يكون بشع ليحلي حالو بالايمو؟:shock: |
اقتباس:
أتزكر كلشي فشلت فيه :cry: . وأتذكر أني عليش بدون فائدة :cry: . بدل ماتقليلي أنسى كل همومك وأنسى الماضي يلي فشلت فيه :cry:. وأبني لبوكرة لأنو بوكرة أحسن :cry:, والفشل هو أول خطوة بطريق النجاح :cry: مابيكفيني أني مولود بسورية :cry:. أفضل مكان بالوجود لدفن الشباب :cry: |
ايوااااا .. هلأ فهمت
بااالله عندي ناس صرعوني بهالكلمة وبهالشغلة وخاصة ع الماسنجر وكل مرة بدي اسالن عليها وبنسى ومنيح هلأ عرفت .. يعنبي مابعرف بس باختصار رأيي بهالقصة انو مجرد موضة كم شهر وبتروح .. وبتنتسى :lol: |
اقتباس:
عنجد سوري لأني زكرتك بأشيا بتخلي الواحد متشائم أنا بالنسبة الي متشائمة كتييييييير وما رح شوف شي بكل حياتي اسمو تفاؤل:cry::cry::cry: :pos: وخلص ولا يهمك رح قلك كلشي انساه;) وانساه الأشياء اللي فشلت فيها :oops: والفشل متل ما قلت اول طريقة للنجاح:oops: وانساك من شي اسمو ايمو ;) |
اقتباس:
وبجوز متل ما قلت انو مرحلة او موضة وبتعدي ;) وشكرا عالتعقيب يا حكومة:ss: |
1 ملف مرفق .
في الحقيقة يا ساد ايمو أنت وعبتحكي عن جماعة الأيمو تزكرت من كم يوم كنت معزوم على تلبيسة ( عرس رجال ) تلبيسة واحد منعرفه طبعا أنا تأنقت وتشيكة وظبطت حالي ورحت على التلبيسة فمنالشغلات الحلوة ألي لاقيتها هنيك جايبين الشباب فرقة رقص حلبية وأشتغل الدبك والرقص والشي المشترك بين حكيك والشي الي بدي أحكيه الشكل
فشباب الفرقة عليهم مناظر خيلة بتعقد واحدهم يا ستي مربي شنبات عراض بوقف عليهم النسر ( العقاب ) وحاطط فوق راسه هالسمنية ( شي شبيه للجمدانة أو الشال ) ولاففها على راسه لفة مغطيتلو كل راسه مو مبين غير وشه ولابس تحته هالقنباز ولافف على خصره هالشال وخنجره على خصره وفوقه التخريجة وتحت المنن شروال وتحت الشروال كسرية حمرا ( الحذاء ) وشايلك هالسيف والترس وقاعد عبيرقص الي قدامه على رتم واحد وشقد اشتهيت أشتريلي طقم من هذا الي لابسيني لأنه بالحقيقة كان شي حلو وملفت للنظر وطبعا الحركات الي عبيأدوها الشباب حركات مدربين عليها ومحترفينها وكان واحدهم لما بيمشي بالشارع ضحكان مبسوط ومكيف وعبيبرم بشواربه وعميسلم على أهل حارته كلها مراحب يا أبو عذاب أهلين أبو غضب شلونك يا أبو رعد هلا بالرجال الزكرتاوية ودخل على هالقهوة وطلب فنجان قهوة ونفس تنباك عجمي لاذقاني ومسك هالنربش اللي مغطس بالفضة وبلور الارجيلة كريستال اصلي ومالك علي يمين زورته وعبسته يتخوف بلد يعني بالمختصر بيشبه العقيد ابو شهاب اللي طلع بمسلسل باب الحارة وبما اني ذو مزاجية متقلبة وبعد ماشفت الايمو وجدت اني الايمو افضل بكتير ومعبرين وفيهم صفات خارجة عن نطاق المالوف يعني غير طبيعيين وغير اللي منعرفه وشي جديد الحقيقة لذلك قررت التماشي معهم ومع الموضة تبعهم وقررت أخلع لباسي لأنه لباسي الأن متل لباس هالشب الحلو بدي أشلحه وألبس متل جماعة الأيمو وأيم هالجلد لأحط جلد الأيمو |
ههه ولي شو حلوة لهجتك:lol:
تلت ارباع الحكي ما فهمتو هههههه بس انو ماشي الحال:p المهم انو الايمو عجبتك :gem: فعلا انهم تغييير عن العادة والله صايرة كل حياتنا ملل بملل وزهئ يبقى من اليوم وطالع يا مالك بتروح عالكوافير;) وبتعمل قصة الايمو وبتقلع هالشروال وبتلبس الجينز الديق السكني :o شو رأيك؟ |
وماذا يعني أستهلاك المخدرات
هل هو معتقد و من الشروط الأساسية لكي يكون الفرد من الأيمو ثانيا : تعذيب النفس مثل جلد الجسم بالكرباج أو معدات خاصة للتعذيب ممكن تشرحيلنا ماذا يعني ذلك و كتير مشكورة على الموضوع |
معلمي وتاج راسي حلبي
بالنسبة ألي قررت أصير أيمو بقا تعذيب تقطيع أوصال قلع دراس دقدقة على الجسد لو بده يساوو لحمي سداجة عجمية ويحطواي مية حلق خلص صرت أيمو للتخاع بس حلو الصديقة تشرحلنا شروط الأنتساب منتظرين الشروط |
مع احترامى للايمو
راح قول شى واللى عنده مخ (عقل) راح يفهم شو قصدى ربنا بيقول ( من عمل صالحا من ذكر او انثى فلنحيينه حياة طيبه) وكمان بيقول ( من اعرض عن ذكرى فأن له عيشة ضنكا) هلق منعرف ليش الايمو كئيبين وشايفين الدنيا سوداويه وليش واخدين هاللوك والله لو كان حدا احق انه يشوف الدنيا سوداويه تبقى انا ومع ذلك الواحد بيقول الحمد لله وحتى بعيد عن الدين دى تصرفات مراهقين فعلا وبعدين ماعجبنى اللوك تبعهم نهائيا انا قلت رايى وبتاسف لو عارضت حدا بطريقة حياته فى النهايه كل واحد الو وجهة نظر والو راى |
لك لحظة لحظة !!
مين قال انو الواحد للازم يكون بشرب مخدرات؟؟! بالعكس اللايمو مالو علاقة لا بالتحشيش ولا بالسكر عالهامش ((((((((((((بس ازا بدكو بردو ليش لاء)))))))))):oمنطالعها موضة;) وبعدين تعزيب النفس بردو موضروري بس انا شخصيا بشجع وبتعجبني هالنقطة يعني بتفش قلبك بحالك ;) انا بقول انو من أهم الشروط أول اشي واهم اشي اللي هو الشكل والمظهر الخارجي يعني الشعرات أهم شي واللبس بردو الو دورو و اللون الأسود وبعدين الحزن كتير مهم وشرط أساسي بالايمو |
الحزن أيه ذاتي أنا ناقصني جرعات حزن مع الجرعات اليومية الي عباخدها من بعض المواديع
:o |
اقتباس:
وأنا لهيك طرحت االموضوع بالصالون لحتى أشوف آراء الكل هون وانا طبعا ما بدي أثر بحد لأنو كل واحد عندو رأيو الخاص أنا كنت بس بدي أعرفة شو آراء الناس بالنسبة لهالموضوع وكسبت رأيك بس ياريت تحكيلي كمان انو وين بتلاقي المشكلة بالموضوع؟ يعني مثلا لو في حد مالل من الدنيا وزهئانها كتير وبحياتو حزن انو ليش ما يصنف حالو تحت هالقائمة ما بعرف انا هيك بشوف وانا طبعا كتير بحترم رأيك وشكرا عالمرور |
انا اهم شي وقبل ما قول عن حالي ايمو شفت انو شو الو علاقة بالدين اللي هو أهم شي
بس ما لقيت شي يعارض الدين |
اقتباس:
وتتحول الشعوب كلها إلى بيمو وأنا أول واحد بدي أصير عميد الأيمو بالشرق العربي :sick: |
في كمان شي بدي أسأل
لأنو قريب مني النادي تبعون الله وكيلك كل كم يوم بتلاقي الشرطة محاوطة الحارة ولما بدنا نمر الله وكيلك شي بعئد يعني من شروط النادي عندهم أنو لازم الشرطة كل كم يوم تطلعنا بخبر عن ترويج المخدرات و ضبط كميات منها لدي جماعة الأيمو أرجو الشرح الله يخليلنا ياكي |
اقتباس:
يعنى اذا هيك بتخلينى اغير رايى عن الايمو واقول عنهم انهم كتيييييييييييير ناضجين بجد احترمت طريقة نقاشك وياستى ربنا يوفقكو :D |
هاد بئى سيدي ايمو عم يلبس تيبو  وهي ايمو خلصت لبس بس بعد سنتين  وهاد يا مرحوم البي ما ملأي حدا يئيمو  وهاد من تلت ايام فات فيه وما ئدر يئيمو  |
ايه ده له كده ليه كده؟
والله قلبى وجعنى ساد ايمو حبيبتى اوعى تكونى بتفكرى تعملى كده |
كل واحد حر باختيار طريقة حياتو ازا ما كان عم يئزي حدا .. يمكن ما يعجبوني بس هني أحرار.. ;) |
اقتباس:
مبين عنهون ... هربانين من شي عصفورية :larg: |
اقتباس:
مسا الخير عمي باشق انا حطيت سؤال بموضوع شو هي الحرية ؟؟؟ كل واحد اعد يتفذلك والي يئلك حريتك تنتهي عندما تبدء حرية الأخرين وكلام متعلمينو بالمدارس ونحن صغار بس ما حدا ادر يجاوبني شو هي الحرية القوانين وضعت عمي باشق مشان تحد الحريات وتنشئ مجتمع ضمن ضوابط (بتناسب الكل) فا انت برأيك الحريه انك تجرح شعور الناس بمنظرك؟؟؟؟ وميت وردة الك |
هلأ بصراحة انا ما بيدخل مخي هيك شغلات بالمرة واكيد متل ما قال باشق كل واحد حر بحياتو وبترفاتو طالما ما بتأذي الاخرين بس بالمناسبةفي شغلة اني ما حكيتيها عن الEMO باعتقادي وهالشغلة ما رح تخلي اي واحد يقبلها على حالو,,,,
|
اقتباس:
بهذه الأضافات اللي بحطوها على أنفسهم مارح أنسى جارتي أم ميخائيل وهي عما تهدي أبنها مانولي من الرعب و الخوف و الذعر الذي سببه أن أثنان منهم كانو يقفون على حافة الطريق في الحارة الله وكيلك شي بزعل المسكين الولد كيف عما يصرخ من الرعب   Location: Éire Posts: 1,884 He loved it!  أرجو التفسير لهذه الظاهر مشكورة سلفا |
يا هيك الحرية يا بلا
بدي ديمقراطية وحرية وبدي قرار لمثيلي الجنس وبديييي أكون متل اوربي أو أميركاني وبدي يسمحو بالمخدرات متل هولندا وبدي وبدي وبدي يعني بدي الحضارة وأكون حر هي الحرية الحرية وقت بتشوف بنت عمرها 12 سنة وعبترجف وعبتخلج خلج بميلانو بتوقفك بالشارع وبتشحد منك مصاري منشان تشتري مخدرات بدي يفتحو بينت هاوس منشان الحرية بدي المساكنة بدون زواج بدي أبني يشكيني للشرطة بدي صاحب بنتي يكسر باب بيتنا ويجي لعنا غصب بالعنا هيك بدي بدي حرية بس هالحرية تقف عند خ رية الأخرين دمتم |
يللي عندو قابلية يقرأ هالموضوع عنجد رح يضحك من كل قلبو على الـEMO .. وأضحك شي هالجملة لأنو بتعبر عنهم بكل صراحة شو مفهومهم : اقتباس:
الـEmo عبارة عن ناس مرفهين ومافي شي ناقصهم و لا في مفهوم بحياتهم لأنو حياتهم عالأغلب مالها معنى .. وكل يللي بيدورو عليه هو أنو يلفتو النظر فقط بأشكالهم بالرغم من أنو مافي حدا آكل هم أشكالهم .. وبيفرجو العالم انو زعلانين وعاطفيين وهني العاطفة كلها بتكون آخر همهم.. فوتو كملو المقالة كلها هون : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
| الساعة بإيدك هلق يا سيدي 18:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
