|
ADI- نتائج استفتاء شهر آذار 2008: الفقر
 توصيف الاستفتاء: نوع الاستفتاء: استفتاء شبه سري- شبه مغلق. طريقة الاستبيان: مراسلة الكترونية خاصة. مدة الاستفتاء: 29 يوم (1-29 آذار 2008 ). مجال الخطأ الاحصائي" +- 3%. توصيف العينة: نوع العيّنة: عيّنة فعّالة اختيارية عشوائية ضمن شبه الاغلاق. حجم العيّنة: 48 شخص بطاقة العيّنة: * شريحة العمر
*في حال كونك طالب الرجاء تحديد المرحلة الحالية التي تدرسها (38 شخص)
|
* ما هو مفهوم الفقر بالنسبة لك:
|
الموضوع مفتوح للنقاش و تبادل الآراء حول النتائج... نرحب كذلك باقتراحاتكم و استفساراتكم حول نشاطات استبيانية مستقبلية نشكر كل من شارك في هذا الاستفتاء و ندعوكم للمشاركة اعتبارا من الغد في استفتاء شهر نيسان 2008: الثقافة و المستوى الثقافي..   |
بحب أكد ع نقطة ..
أنو الفقر و الجهل مو كتير مرتبطين و متلازمين متل ما بظن البعض مثلاً أنا عايش بمدينة فيها أكبر نسبة بطالة بكل سوريا و يمكن كمان أكبر نسبة (فقر ) بسوريا بس مع هيك عنا أكبر نسبة متعلمين بسوريا .. و احتفلنا هالسنة بخلو محافظتنا بشكل كامل من الاميين |
ألف مبروك ماد .. أما الفقر من ناحيتو . يعني اذا حاوطو ولعنة سلاف سلافو . دراسة وبحبشة ونكوشة . فا هوي وليد شغلة وحدة بس . الغباء أو عدم القدرة على التعايش مع البيئة يلي عايشين فيا . هي وجهة نظري طبعا .
وبجوز تكون الكلمة صعبة شوي . بس في الا مصطلحات كتير . بس نفس النتيجة . |
اقتباس:
بس بدي قول شغلة انو الفقر مو دايما غبا ... يعني شو زنب هالبني ادم اللي عم يخلق ببيئة او انو بعيلة من اساسا فقيرة .. بس احيان بترجع بقى للشخص .. يا بطالع حالو من هالبؤرة .. يا اما بضل واقع فيا ..(وجهة نظر ورأي ) وشكرا كتير ياسين ..:D |
غالبا بيكون للفقر اكتر من سبب من اللي طرخن ياس...و مجموع هالاسباب بيكون الفقر....فلذلك حل ازمة الفقر بيتطلب حل جذري لهذه العوامل و المسببات و هذا مو بالامر السهل...
و متل ما قال ابو سمرة انو الفقر ليس دائما مرتبط بالجهل...وانما نسبيا استفتاء جميل و شكرا عالموضوع |
اقتباس:
الجهل لا يعني الأمية أو شبه الأمية, قصدي من الكلام انو ممكن شخص يكون مانو أمي (يعرف يقرا و يكتب و مبادئ لغة و مبادئ رياضيات و علوم طبيعية... الخ) و يكون جاهل, جاهل بمعنى ما عندو خلفية ثقافية أو ما عندو معلومات عامة استمدها من اطلاعو و متابعتو للمطالعة أو لأنشطة علمية و ثقافية ما. نتيجة السؤال الأول منطقية جدا برأيي, أعتقد في ترابط الى حد ما بين الجهل و الفقر.. هالترابط أخف في حالة الأمية و شبه الأمية و خصوصا في سوريا, لأنو عنا التعليم الزامي و مجاني (على الأقل بالمرحلة اللي تنمحي أمية الشخص).. بس لحتى يبطل يكون جاهل (بمعنى يصير عندو خلفية ثقافية و هيك شغلات) لازم يكون عندو حد أدنى من الراحة المادية يعني مشان يكون عندو حتى مزاج ليقرا أو ليتابع نشاط ثقافي.. لا يعني من هالكلام انو كل فقير هو جاهل, أكيد في فقرا أكثر ثقافة و اطلاعا من نص مليارديرية البلد, بس بشكل عام أعتقد في ترابط.. مو بس بسوريا, بكل دول العالم اقتباس:
أكيد.. أنا طرحت الأسباب اللي أكثر شي حسيتهون ممكن يلاقو صدى أو يخطرو عالبال.. و القصد من السؤال ليس انو حدد السبب من هدول بمعنى انو انفي الباقيين, انما قصدي انو حدد أهم سبب برأيك (عم قول انو هدول أسباب أوكي, واختيارك لواحد لا يعني نفي الباقيين انما طالب تحدد أهم سبب و ليس السبب الأوحد). :D |
يا أخي اكتبها بالأحمر بالفوسفوري بشي مميز
إنو الاختيارات كلها أجوبة ممكنة أو هيه الأجوبة الممكنة بس بدنا الأكثر أهمية بنظركن هلأ في شغلة كمان ممكن نكتشفها أو نأكدها من النتائج إنو يوجد علاقة بين الجهل و الأميّة ؛؛ بديهية هي بس هون تأكدنا منها :) ® |
كانطباع سريع عن الاستفتاء فيني قول انو رضيان عن النتيجة (كتجاوب للناس).. يعني صحيح كنت متوقع فوق الخمسين مشارك.. اجو 48 لكن نسبة جيدة.. مانها ممتازة بس جيدة بالنظر الى احصائيات الأعضاء المواظبين بالمنبرو الصالون (القسمين اللي انحط فيهون الاستفتاء) و ليس كعدد كلي للأعضاء.. يعني من هالناحية اعتقد نجحنا, ما جبنا ممتاز بس جبنا جيد..
أعتقد انو حتى لو مشاركين 10 أو 15 عضو زيادة كان ما كتير تغيرت النتيجة (كنسب مئوية) لأنو العينة اعتقد حققت غرضها من حيث انو كانت تمثيلية (representative) بشكل معقول. شغلات لفتت نظري بالنتيجة (اللي اعتبرها بشكل عام منطقية و معقولة جدا) في الشغلات التالية: اقتباس:
من الـ 12 شخص اللي اختارو الخيار الأول على الأقل 8 ساكنين برا سوريا.. قصدي من هالحكي, و من هالسؤال بالذات التأكيد على اختلاف مفهوم الفقر بين المجتمعات.. ما هو فقر في أوربا ليس فقرا في سوريا... في اختلاف درجات اعتبار كتير واضح (72% مقابل 25%) كمان لفت انتباهي منطقية الترابط بين السؤالين هدول, أو بالاحرى الخيار اللي علّمتو بالخمري مع سؤال تاني اقتباس:
مع السؤال هاد: اقتباس:
اقتباس:
بالنسبة لهالسؤال حابب بس استعملو كمثال على أهمية الديموسكوبيا بالمجتمع المدني.. لو هالاستفتاء عاملتو شركة متخصصة و باعت النتائج لحزب ما قبل انتخابات تشريعية... فقراءة هالاستفتاء راح تعطي فكرة للطرح بالبرنامج لهالحزب, و على الأغلب يدرجو بالبرنامج الانتخابي انشاء هيئة حكومية جديدة للفقر لأنو في 50 % من عينة ناخبين بدهون هيئة جديدة.. أجدد شكري لجميع من شارك تحياتي  |
سنعود بعد صفنة وفنجان قهوة
|
اقتباس:
مو متلازمين اكيد بس مو مترابطين ما بعتقد... لأنه ازا اخدنا تأثير الفقر عالحالة النفسية بنلاقي انه اله تأثير كبير ..يعني الفقير شي اكيد بني ادم متلو متل الغني مو ناقصو عقل ولا ناقصو شي...بقا ممكن يبدع ويطلع معو شغلات تنم عن ذكاء خارق عندو..بس بنفس الوقت هاد الفقير عندو شغلة مهمة شاغلة بالو الي هية تأمين متطلبات حياتو وأكيد مااح يكون مرتاح كتير نفسيا لحتى يكون بالو رايق للعلم وللابداع..بالاضافة لأنة التعليم مو مجاني بكل الدول..يعني ممكن يكون عندو الرغبة بأنو يطور ثقافتو بس ما يئدر...حتى المرحلة الأساسية من الدراسة ممكن ما يقدر يتابعا لظروف شغل او اي شي تاني... هلأ هاد رأيي..انا بشوف انو فيه ارتباط كبير بين الفقر والجهل... هلأ اكيد العكس مو صحيح..يعني ممكن كتير اغنيا نلاقيهم جاهلين بس هاي بتكون لأسباب تانية ما الها دخل بالفقر والغنى... :D:D |
اقتباس:
من الاغنياء و المرتاحين مادياً .... هدول ما بعرف ليش بحس عندون اهتمامات تانية أهم بنظرون من القراءة يعني بذكر لما كنا صغار .... و لما كان مصرفنا ما بيسمحلنا نشتري أي كتاب ....كنا نروح نداوم و نقضي ساعات طويلة بالمركز الثقافي ....و كانت القراءة عنا عن جد متعة أما حالياً ما عم نقرا غير للضرورة القصوى .. أو اذا كتاب لفت نظرنا بشدة اقتباس:
كل واحد هون المفروض يحكي عن بيئتو..... و نحنا عنا التعليم مجاني بجميع المراحل |
اقتباس:
وانا حكيت كمان انه فيه علاقة نسبية وبسيطة بين الفقر والجهل....وكمان انا عم بحكي عن البيئة انا فيها..انو هون عنا التعليم مو مجاني مو متل سوريا هلأ عنا فيه مدارس حكومية بتاخد مبلغ بسيط بس فيه ناس ما بقدرو حتى يوفرو هالمبلغ البسيط ..مشان هيك بطلع لا بيقرا ولا بيكتب وبالتالي بكون جاهل بسبب فقرو... اقتباس:
|
في عالم متل عالمنا اليوم الجهل والأمية أو شبه الأمية يؤثران جداً في موضوع الفقر إلا في حالات استنائية ..
لانه المعرفة والقراءة والكتابة والعلم بشكل عام لهم الدور الأكبر في رفع مستوى الشخص المادي خصوصا ان لم يتوفر الدعم المادي المناسب له .. يعني كل ماكان أكثر معرفة في مجاله أو أكثر تحصيلا أكاديميا أو أكثر تفوقا من حيث الذكاء والوعي رح يكون له الأفضلية في ان يخرج من حالة الفقر هذه . كما انو معظم مجالات العمل (ورح افترض انو الواحد بيطلع من حالة الفقر بالعمل:lol:) تستدعي القراءة والكتابة بحد ادنى وتتدرج حسب التحصيل الأكاديمي وأصبح الكثير منها يعتمد على الحاسوب .. اللي بدي قولو انو اي الجهل والأمية لهم تأثير كبير في موضوع الفقر .. ان لم يكن التأثير الأكبر . و في العوامل الخارجية اللي الانسان ما الو يد فيها .. يعني ضعف الحالة الاقتصادية كما ورد بالاستبيان .. اسبابها وحلولها .. وهون ما رح قول غير الفساد ثم الفساد ثم الفساد قبل اي شي واي حلول أو اسباب تانية .. !!!! |
اقتباس:
كلام صحيح جدا لو كنا نتحدث عن "مجتمع معلومات", أي مجتمع يعتبر أساس الارتقاء هو العلم و المعرفة و التجهيز المعرفي و الاكاديمي... و للأسف أعتقد أن مجتمعاتنا (لنقل الشرق أوسطية) بعيدة كل البعد عن هذه المرحلة... أعتقد أننا نعاني من مشكلتين أساسيتين في هذا المجال: 1- جزء هام من الفساد يكمن في تسهيل وصول أشخاص غير مناسبين لأماكن لا يستحقونها تبعا لمسببات لا علاقة لها بامكاناتهم و انما ناتجة عن علاقات اجتماعية- اقتصادية (محسوبيات و تجارة نفوذ... الخ) 2- أعتقد ان مجتمعاتنا رأسمالية بشكل شرس.. الكلام الأول و الأخير لرأس المال, و قد يرد علي البعض بالقول أن هذا هو حال مجتمعات الغرب, و هنا أرد أن هذا الكلام غير دقيق جدا, أيضا لسببين: 2-أ ) هناك حد قانوني لا يمكن لرأس المال اجتيازه في الغرب, عندنا القانون مستباح أمام رأس المال, لأن رأس المال يملك القانون عندنا. 2-ب) الطريقة التي تم تجميع رأس المال في الغرب تختلف عن طريقة تجميع رأس المال عندنا, ففي الغرب توجد علاقة ما, حتى لو بسيطة, بين الكفاءة (بغض النظر عن نوع الكفاءة) و تجميع رأس المال و عندنا رأس المال غالبا مجمّع بطرق و لنقل غير شرعية أو غير نظيفة... بمعنى أن رأس المال في الغرب "أذكى" من رأس المال عندنا (رغم كل تحفظاتي و رفضي لسلطة رأس المال, لكن أعتقد أن هذا واقع لا يمكن نفيه) |
I just want to point out for something very important about the relationship between poverty and psychiatric illnesses. There is no causal relationship between both. Indeed suicide rates are higher in rich people, especially highly-educated (the example will be Japan). Schizophrenia occurs equally in poor and rich people although once you are diagnosed with schizophrenia you will end up poor because the society will reject you. The same thing probably applies for depression and anxiety. In other words what I want to stress out that psychiatric diseases are universal affecting all patient groups. In my opinion this only just indicates that our people is very ignorant in regarding to psychiatric diseases. And they would like to detach themselves from psychiatric diseases remarking them as poverty's illnesses while they are money's diseases more than poverty's diseases. |
اقتباس:
-أعتقد ان المقارنة الصحيحة ليست بين الأغنياء و الفقراء و انما بين الفقراء و غير الفقراء. و أعتقد بناءا على تجربة دراسية أن حالات الاكتئاب أكثر عند الفقراء منها عند الأشخاص ذو الدخل "العادي".. الفرق يكمل باختلاف الاحصائية ما بين الدول التي تشمل منظومة الطب العام أو الضمان الاجتماعي الطب النفسي أو التي لا تشمل و بالتالي الطب النفسي فيها خاص و مكلف ماديا. كذلك يختلف الوعي تجاه العامل النفسي و سهولة اكتشاف المرض. اذ أن أغلب النظم الاجتماعية الفقيرة حتى في أكثر دول العالم تحضرا تنظر الى الطب النفسي على أنه "طب الأغنياء" و أعتقد ان هذا عائد الى قلة أهمية الطب النفسي عندهم. لو عملنا دراسة ميدانية تفصيلية فأنا متيقن أن حالات الاكتئاب (خصوصا) ستكون أكثر في الأوساط الفقيرة.. الفرق يكمن في أن الفقير لا يعتبره مرضا لأنه لا يستطيع ذلك ببساطة و يعتبر في وسطه ضعف شخصية و ليس مرضا نفسيا تحياتي |
Again Dear friend, You are repeating the same mistake. You are saying that poor people are unaware of the fact that psychiatric diseases are just like any other disease. And that depression/suicide are higher in poor. Let's start with easier: You can not predict that suicide is higher among poor depending only on what you think. You are being subjective not objective You need to do a study to know that. Other nations (both poor and rich nations) did that study and found that suicide is commoner among high socioeconomic level than low socioeconomic level. For depression, probably it is much common in poor people. Now moving to the second point: You divided the society into poor and non-poor which will make it easier for me to discuss. Do you think here non-poor are aware of the importance of psychiatric medicine? Can you tell me how many non-poor you know that they are under treatment for depression. I am quite sure that the answer will be one if none. Even the non-poor in our society look at psychiatric disease as bad stigmata. The problem is not unique to poor it is universal but the difference between our society and other advanced societies is the following there if someone does not seek treatment for depression, he or she does that because she/he is poor and can not afford treatment for depression which is by the way very expensive, not because he or she is ashamed of it. While in our developing close-minded society everyone (including poor and non-poor) is ashamed of being labeled as a mad man who sees a doctor for his/her "madness". I hope I made my point clear |
على عيني..
بالجزء الأول من كلامك حضرتك عم تركّز - على ما أعتقد- على الانتحار بينما أنا بمداخلتي السابقة اذا فيك تلاحظ حكيت أكثر شي عن الاكتئاب. و كمان كان قصدي بمداخلتي, بالقسم الأول منها, الى أنه من الطبيعي في حال وجود احصائية مقارنة بين عدد المرضى الخاضعين لعلاج نفسي مقارنة مع الدخل راح تكون النتائج متساوية أو غالبة لجهة صاحب الدخل الكافي, لأن الفقير ببساطة لا يمكنه دفع تكاليف العلاج النفسي, لأنه في كثير من الدول الطب النفسي غير مدرج في منظومة الطب العام المجاني أو شبه المجاني ( بالميد لاين بامكانك تشوف الفرق بين احصائية اسبانيا - الطب النفسي مدرج ضمن منظومة الضمان الاجتماعي- و أي دولة لا وجود للطب النفسي المجاني, و لاحظ الفرق.. الاحصائية قديمة شوي بس نافعة للتعبير عن فكرتي و بس الاقي الرابط راح ادرجو) أما من ناحية الوعي, الوعي لا أقصد فيه بهالحالة الجهل, يجوز استعملت الكلمة الخاطئة, أقصد ان الشخص الفقير قد لا يكون مهتما بالصحة النفسية كاللافقير, طبعا هذا كلام بشكل عام لا أريد الوصول الى وجود علاقة سبب- مسبب مباشرة بين الأمراض النفسية و الفقر, و لا أقصد أبدا أن الأمراض النفسية هي حكر أو شبه حكر على الفقراء دون الباقيين. انما اريد القول أنه قد يوجد ارتفاع ما بنسبة بعض الأمراض النفسية (كالاكتئاب) في الشريحة الاجتماعية التي تعاني من مصاعب مادية... هذا يبقى مجرد رأي تحية |
أنا برأيي أنو الفقر يمكن بيشكل حاجز بوجه الانسان
هلأ في ناس هالشي بيعطيها دافع أقوى لتتحدى وتتعلم اكتر..وتبتهج أكتر ويكون طموحها أكبر بس كمان هدول الناس أحيانا لو تحدوا وحالوا بتكون الظروف أقوى منهن.. وفي ناس هالشي بيحبط قواها .. وبيصيبها بالاكتئاب.. وما بتتحدى.. وكمان بيصير متل حجة لكل شي..ولأبسط الشغلات يعني حسب الشخصية.. بس بيضل اسمو حاجز.. يعني بيضل عقبة بالطريق.. وشكرا كتير عالاستفتاءات يلي عم تخلينا نقول رأينا:D |
في شخص بعرفه عمره الأن ما يقارب 67 سنة
ضل يكافح من عمره 15 سنة إلى 55 سنة ويعمل بجد وعقلانية وبالهفترة كل ما حط أيده بشغلة بيخسر فيها حتى أني في عالم شاركوه وقالو هذا الشخص منحوس خسرنا وقت صار عمره 55 سنة الله عز وجل فتحها بوشه وصار يملك الملايين برأيي الشخصي الموضوع مقدر من عند الله عز وجل بالأضافة أني الأنسان لازم يعمل ولا يمل ولا يكل طيب هناك مقول تقال أعمل وتوكل ...... ولا ترمي نفسك بالتهلكة شكرا يا أخ ياس على الموضوع القيم ولنا عودة بأذن الله |
اقتباس:
انا بعرف انو مو شرط هالشي يكون ينطبق على الكل .. بس فرص الشخص المتعلم أكتر .. الخ هلا في المجتمع اللي انا عايشة فيه هالشي عم يتحقق بنسبة لا بأس فيها .. علما انو الطبقة المتوسطة الدخل عنا تقارب الفقر .. لذا يمكن تكون تجربتي مختلفة قليلاً .. ومع تنافس الشركات الخاصة وعدم تساهلها وهالشي لاجل مصلحتها وحوسبة معظم انظمة العمل لدينا في الدوائر الرسمية والمستشفيات وبالطبع الشركات .. اذن فالكفاءة شي مهم جداً .. لا أغفل ابداً وجود الفساد بشكل كبير لدينا والمحسوبيات .. وما أكثر المحسوبيات .. !! أما بالنسبة إلى رأس المال والثراء والتجارة والمناصب .. فمن يملك مالاً يجمع مالاً أكثر .. أما من لا يملكه فكان سعدو في عونه . |
| الساعة بإيدك هلق يا سيدي 22:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
) تستدعي القراءة والكتابة بحد ادنى وتتدرج حسب التحصيل الأكاديمي وأصبح الكثير منها يعتمد على الحاسوب ..