|
عـــُـــقــَـــد
هلأ أنكـ .. تلاقي بني آدم أنو هيكـ أوتوستراد .. بتشوف من أوله آخرتو .. بظن كتير ديفيكلت ..
حتى الأوتوستراد جرب توقف فيه .. بتشوف أخرتو عبارة عن نقطة .. حسب القواعد المنظورية .. البنيآدم مو أوتوستراد .. أعزاءاتي .. البني آدم .. حارات وعشوائيات .. وزواريب مدلهمــّــة السحنة .. مليااااااااااااااان .. عقد وشربكة .. وأنا هون ح جرب .. أطرح بعض العقدالنفساوية .. للنقاش . وسيأتي لاحقا الرد المعنون .. بـ (عقدة المظهر) وأطرح رأيي بظواهرها . وحلها.. وأنو نتساير ونتناقش بهالقصة .. يلا جاييكون . :lol: |
هات يا فنان أسمعنا نغمة الكردان
و هي من أحدى النغمات المعقدة و الدليل ندر الألحان بهذا المقام |
عقدة المظهر
//عقدة المظهر//
عقدة نفساوية خطيرة .. ولغويا ً : هي حالة الفوتان بالحيط ..الناتج عن عيب (قد يكون حقيقي أو غيرحقيقي)في خلقة البني آدم . يعني من آخره . هي العقدة بترتبط ارطبااط وسيق .. بشي اسمو : سمن - نحف- طول - قضر - وسامة - عدم وسامة وغالبا ً .. بيكون المظهر هو أهم شغلة .. عند 90بالمية مننا .ويمكن أكتر.. و لما الانسان يكون عندو ديفويات بعناصره الجسدية .. بيكون اجباري عم يفكر(أغلب وقته) . أنو كيف بدو يتخلص من هالديفويات .. يعني مسلا ً بعرف شخص (هون شخص بتحتمل الجنسين ) عندو هي العقدة .. المشكلة . ببس المشكلة الأكبر أنو عندو عقدة أكبر .. هي أنو كيف يخبي .. أنو في عندو هالعقدة . ويتظاهر أنو شكلو مو مأثر عليه بنوب .. وأنو هو كتير كووول.. يا تراا .. اللي عندو عقدة المظهر شو يعمل فيهاا ؟؟ هادهو الموضوع الي رحنحكي فيه يلا ... فتت لعبت نقاش . :lol: وجاييكون برأيي..بعد ما شوف التفاعل .. :larg: تشاو..فور ناو . :D |
انا واعوذ بالله من كلمة انا...
عندي عقدة البودي...يا اخي ما بفدر ما البس الا كنزة بودي....بحسها عم تتخزق من عضلاتي خصوصا الصدريتين الكبرى اليمين واليسار....غير الست مربعات هدول تبعوت المعدة....يا اخي شغلة... انا واعوذ بالله من كلمة انا...بشوف انو عقدة المظهر بتتجلى لما الشخص بيحاول يظهر يللي عندو مو يخبي يللي عندو....متلي انا وعضلاتي... يعني ما بلبس غير بودي وما بقعد ع الطاولة الا ومتكتف منشان البايسيبس تفرد تمام...وما بقدر امشي الا مبعد الذراعين...ياخي عم يدايقوني عضلات الباط...كبرانات كتير هالكم يوم.... ع الهامش...كل شي بخط رفيع كبوه ع زبالة....المهم يللي بالعريض... ودمتم... |
اقتباس:
اووف ست مربعات فرد مرة..!!؟ وحياتي وحياتك رح صيبك بعيني..قصدي بالعين.. انا بطلوع الروح..وبالف ندر لحتى طلع عندي اربعة.. سمعت انو بزمانو أرلوند شوازنكر كان عندو ست مربعات.. لك آخ لو عندي ست..:cry: |
اقتباس:
هلا انا بمااني بنت بيهمني المظهر بس مظهري بلبسي وترتيبي مو كيف موديل جسمي:sosweet: |
المظهر مشكلتو مشكلة
فعلا بتلاقي عالم طول مانها ماشية او قاعدة عم تشدشد بالكنزو لتحد بتكون لابسة وحدة قصيرة ولا اللي ملغوصة وشها بالمكياج بشكل عام اللي بجسمو او بشكلو غلط بيلفت نظر العالم لهل العيب بتصرفاتو مع انك ممكن تلاقي شخص عندو نفس المشكلة بس بتلاقيه صاحب شعبية و مرغوب لانو مو عاطيها اهمية كبيرة و بالتالي ما بينصب تركيز الناس على الشي اللي غيرو مركز عليه (ديففو) |
اقتباس:
|
هلأ الصراحة أنا عندي وزن زايد (ديفويات) وفي رغبة شخصية متكاسلة بالتخلص منهون .. وطبعاً الست الوالدة بما انو نحنا عائلة ما شاء الله كلها اجسام مرسومة رسم واجسام فنية ما عدا أنا طالع نشاز على قولتها فمجننيتني.
مقرفيتني حياتي مشان انحف . مع انو هالشي مو مأثر على علاقاتي بالمجتمع ولا شي . وكل حدا بيشوفني بيقول حرام عليها امك مانك سمين بس عندك شوية شغلات بدها تزبيط. هلأ المهم أنا حابب كون جسم مميز بس حاسس الهدف صعب شوي .. :oops: |
طيب شو رأيكن بتعريف المظهر كشخصيه الإنسان يللي بيفرضها حضورو و تفاعلو بالمجتمع ؟
بطريقه تانيه .. شرط الوسامه و الجمال لتكوين المظهر؟ و إلا في مقومات أساسيه قبل كل هالاشيا . |
اقتباس:
بس المكياح المعتدل كتير حلو |
اقتباس:
متلا اذا كان الشخص بيتمتع بجمال فهادا امورو ميسرة بالحياة الالتقاء مع الناس و الاندماج بيصير اسهل و حتى مقابلات الوظائف و العلاقات العاطفية اما بالنسبة للقبيحين او اللي عندهم مشاكل امورهم بتكون اصعب لانهم صارو بحاجة للوقت لحتى تتعود العالم عليهم قبل ما يقدرو يوصلو للناس يعني كمثال البنت السمينات ما حدا بيقرب عليهم لكن غالبيتهم عندهم شخصيات مرحة و بتحبهم ولكن بعد معاشرة الشخصية بتلعب دورها لمن بيكون في احتكاك يومي متل المدرسة او الوظيفة |
المظهر الخارجي كتير مهم بالحياة وبيطعي الانطباع الاول بس كمان مظهر حلو وتعامل مقرف يعني فشل ذريع جدا
احينانا الاهتمام بالمظهر بيصير عقدة خيالية وعند الشباب اكتر من البنات بذكر بالسنة الاولى وقت كنت ساكن مع شب رفيقي كل يوم نتاخر عالمحاضرة لانو الاستاذ بدو ساعتين قدام المراية قال هوي رح يكون شخصية مهمة وما بده حدا يقول عنه بالماضي انو ما كان يعتني بحاله |
تسجيل متابعة لاني مشغولة هلأ ... و راجعين :gem:
|
اقتباس:
:oops: |
باشق وضعك مزري كان وضعي مزري بس الحمدلله
انا كمان عندي هالمشكلة بس بنظري الكل بيقول ما شي حالي بس راسي يابس و كتير كمان الله يعيني لاعمل اللي براسي ياااااااااااااا رب |
هلق المظهر الخارجي حلو يكون مرتب وانيق بس مو لدرجة المرض والهوس في كتير ناس بعرفهن ما بيطلعو من البيت الا اذا كانو بكامل الاناقة واحيانا ما بقى بتكون اناقة بتزيد لتصير تفاهة وقلة عقل وتباهي عالفاضي
|
اقتباس:
يعني هون صار في عقدة تانية اسما عقدة الظهور الشكلي :lol: (روحنا المصطلحاط الارتجالية)... وهي لسا على أخطر .. وأخطر . يعني لما البني آدم بيكون كل همو (كل همو) يطالع مفاتنو الجسدية معناتا بيعرف أنو الشغلات التاني عندو لا تقوي تشد ايدكـ شايف حالو موديل وبس . . هون النتائج الكارسية بتكون لما بيفتح تمو البني آدم .. أنو بتكون الإيميج اللي عم يفكر فيها أخدة 80 بالمية من تفاعلاتو المخيـــّــة .. والزلمة مو عرفان يخوض بأي موضوع .. حتى الشغل بيكون عندو شي سانوي .. لأنو عندو اعتقات أنو شكلو أخد أكبر مساحة من صورتو .. هلأ حلو الواحد يهتم بخلقتو .. بس كـ عامل مساعد للشغلات اللي عندو من جوا .. زريفة مداخلتكـ بس بتمنا كمان تعطي رأيكـ بعقدة الـ ديفويات .. :p وعاا سيرة عضلاطكـ .. أنا أكتر واحد بيعرف .. تؤبش ئلبي .. وئلب اللي متلي :o |
اقتباس:
بس كأنو فهمنا أنو عندكـ أربع عضلات يعني عندكـ عضلات معدة يعني ما عندكـ كرش .. :p طصحيح بصيط .. أرنولد شوال سكر .. عندو 8 .. مو أربعة .. والله أعلم . :lol: |
اقتباس:
الكل .. ما بيحب هالمناظر .. ليش يا أخي منشان شدة بلوزة .. شو بتاخد ممكـ نص ثانية ؟؟ يعني هي فائدتا أنو بتخبي مناظر مو منيحة .. بس أنا مع عدم شد البلوزة إزا كان المنظر خلاب .. وخلاق .. وقادر على الجزب .. صح انو البني آدم يهتم بهندامو .. وصح أنو يلعب رياضة ليروح الديفويات وصح أنو يستعمل مستحضرات تجميل شب أو بنت .. لأنو الشكل هو جسر التواصل الأول .. بينكـ وبين أي انسان .. ودايما ً البدايات الصح مطلوبة . |
اقتباس:
اكزاكتلي أي ثينكـ ذا سايم . |
اقتباس:
طالما أنت عم تحكي بالموضوع .. معناتا عندو مساحة من تفكيركـ . . والهارد أنو بدنا من ألله كم ميغاا مساحة زيادة .. السمنة .. لا تخبيها .. الغيها .. :lol: أنا عن نفسي .. عم مارس الرياضة .. لأتخلص من بعض المنغصات الحياتية . . وماشي الحا ل .:D |
المظهر شي مهم .. لانو الناس اول ما بتاخد عنا فكره بكون من خلال المظهر قبل كل شي .. يعني قبل ما تعرف شو في ورا هالشكل .. شي بسموه " الهاله " او ما بعرف شو :?
بالنسبه لعقدة المظهر سواء كان تخباية شي مو عاجبنا ( وعاجب غيرنا ) او إظهار شي عاجبنا ( وعاجب غيرنا ) انا ما بحسها عقده.. لاني ما بشوف انسان ما عندو اياها هالشغله .. بتوقع شي اقرب للغريزه الفرق انو في ناس عم تاخد الموضوع بهوس شوي .. وناس بتكون عقلانيه .. رغم انو الهدف واحد بالجهتين ويسلمو موسيقار .. موضوع حلو :D عالهامش : شو معنى آخر جمله بتوقيعك؟؟ .. يا زلمه قرأتها من الشمال لليمين ومن اليمين للشمال .. وانو افهمها ..عبث |
طيب عدنا...
هلا المظهر متل ما قالت بلاك ايريز انو مهم..بحيث انو النظرة الاولى والمبدئية اللي بتتاخد عن الشخص سواء كان شب او بنت بتكون من خلال الشكل الخارجي...بس انو يكون الشغل الشاغل هو مظهرنا الخارجي هون بتصير المشكلة يابا...يعني هو مهم بس مو هو كل شي.. ممكن انسان يكره شغلة بشكلو الخارجي بس ادا صار عندو عقدة منها لدرجة بدو يخبي حالو عن الانظار بسببها...فـ انا بعتقد اساس هالعقدة او هالتفكير وهالهوس هو عدم قناعة ذاتية .. ويسلمو صديق //على قولتك//:mimo: |
اقتباس:
انا هدفي انو ليش تلبس هيك كنزة اذا بتضل تشدد فيها ؟؟ طولها شوي او وسعها شوي و الاضرب اللي بتكون عندها معدة حلوة و لابسة كنزة قصيرة و بتضل تشدشدها ,طيب ما انت لابستيها لنشوفها ليش بتضللي تنزليها !!!! تناقض:? |
ساعات بندم أنو طولي 194 سم .. في عالم بتشوف انو هالشي حلو والبعض بيشوفني متل العملاق أو الحيط .. في خير الله بنات لما بيحكو معي بتصير رقبتهم تجعهم بسبب طولي الزائد ..
شغلة تانية بمظهري الخارجي .. يومياً بسمعها من أكتر من واحد .. (( الأخ ألماني شي ؟؟ .. حضرتك عندك جذور روسية شي ؟ ... فكرتك أجنبي أخي الكريم لا تواخزني .. )) يعني بصراحة تعقدت من هالقصة لدرجة اني ربيت شوارب أبضايات مشان يعرفوني أني شامي! :gem: |
اقتباس:
انا بايد حكيك مية بالمية .. اخي انت بتعطي ع هدول جماعة النرويج والدنمارك وهالدول هي اللي بكونوا شقر وعيونن زرق .. خسارة فيك تكون شامي والله :p اقتباس:
يازلمة شقد بغيظوني جماعة الست مربعات :pos: اخي .. صلي سنتين ناوي انضم لقافلة هالجماعة مشان صير متلن بس من ناحية المربعات فقط .. بس عبتكاسل ..ولحد الان لساتنا ع مربعين ودويرة .. |
اقتباس:
FI NADARI TEHMEDOU ALAH 3ALA ESIHA LEANOU ELJAMAL ELJASADI BALA JAMAL ROUHI MA MENOU FAYDA TKHAYALOU CHOU BISIR FIKOUN BA3D HADTH SAYARA OU TACHAWOUH LA SAMAHA ALLAH ELWAHED MENA ELOU EDAROURYAT LAY3ICH OU HAD AKBAR JAMAL CHABAB 3IB CHOU 4OU6 MOURABA3AT LAZEM LOUHET CHOCOLAT KAMLA :o |
اقتباس:
اقتباس:
تسلم والله خجلتني يا زلمة :oops: ... بس والله عنجد صارت عندي عقدة لازم اسمعها كل يوم لما فوت على مكان شكل .. لما اتعرف على شب أو بنت شكل .. الكل بيقلي ((والله فكرتك شي انكليزي او ألماني لا تواخذني )) :sly::sly: |
الله !
عقد عقد |
الي رجعة .. بس الحكي ب هيك مواضيع مامنو نتيجة . هاذا رأيي . وبرجع بطاحش معكن
|
عقده المظهر...بتختلف اسبابها ان كانت نفسيه واجتماعبه وعائليه .. .وبعيدا عن الاسباب وعلاجها ...بشكل عام مو صعبه كتير تبين ع الشخص من خلال عدم التوازن الواضح الي بيصيب الواحد وكتير من الناس الي المصابه بهل العقده بتحاول كتير تغطيها و تخبي هل الشي بس بكل بساطه بضل واضحه وظاهره من خلال كتير امورو وتصرفات
والشخص كتير بحاول يطالع هل العقده بالناس الي حوليه عن طريق نقد الاخرين باحث عن دور له بالحياه وبين الاخرين وبحث عن تعويض |
THE LIGHT ... بتلعب حديد .. :? وللا كمال أجسام ..
:gem: انا كنت متلك أول ما بلشت ألعب .. بس بطلتها .. بس خيو كنزة البودي ما بقدر استغني عنها نهائيا .. لك مستحيل اتخيل حالي لابس كنزة واسعة .. نهائيا ... ------------- منرجع عالموضوع ... طبعا اللي عندو نقص .. بأي شي .. نفسي أو جسدي .. لازم يحاول يرممو بغير شي .. مو بس يخفيه .. لأانو عالأغلب .. هوي وعم بيحاول يخفيه .. بيكون كشفو .. أو حتى يحاول يصلح الغلط بشكلو (إذا كان شكليا) إذا ممكن - سمنة - نحف زائد - يعني هودي شغلتن بسيطة أما إذا قصير ... ف صعب .. انو يقدر يعمل شي ... غير يجرب الكندرة كنو بتناسبو .. .. اما بالنسبة للطول .. مو مشكلة .. يروح ع هي اللي بيكبسو فيها سيارات بيمشي حالو :lol: |
| الساعة بإيدك هلق يا سيدي 06:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون