|
اقتراح فكرة جديدة بالمنتدى
هلئ ما بعرف هي اول مرة بعملها وبحط اقتراح وما بعرف ازا هون القسم الصحيح او لاء بس ما بهم هلئ .... اللي بهم شو هو الاقتراح هاد يا سيدي مبارح وانا طالع من الجريدة ورايح عالبيت بهالتكسي وبما انو اخوية شاغلتلي فكري دايما قررت قدم شي يكون مميز بقا ما طلع براسي غير هالاقتراح انو كل فترة معينة اسبوع او اسبوعين ( هي الفترة انسب من اسبوع ) منستضيف شخصية مهمة سورية او عربية ... ( كتاب ... ادباء ..... شعراء ....... فنانين ( مو السويعاتية ....... قصدي عالفنانين بكل معنى الكلمة .....) سياسيين ..... صحفيين ....الخ الخ ) طبعا مسوولية الاتصال وتدبير اللقاء وهالقصص هي مع هالشخص اللي رح يتم استضافتو هون هو انا بدرجة اولى هلئ انا حابب اطرح هالموضوع هاد للتصويت ....... لنشوف اديش نسبة تأييد هالفكرة ........... وبالنسبة للخطة تبع الشغل بهالموضوع هاد رح اطرحا هلئ ............ لنفترض انو بلشنا ب 1-4-2008 ............. بيوم 1-4 بطرح 4 اسماء لنستضيفها ......... من فئات مختلفة يعني اسم فنان وكاتب وشاعر وسياسي ( مثلاً ) ومنعمل تصويت عليهن لمدة 3 أيام ( بحال كان الشخص استضافتو اسبوعية ) او لمدة اسبوع ازا كان الشخص استضافتو نصف شهرية ( كل اسبوعين ) بعد ما تمرق الفترة المحددة للتصويت .......... بيطلع معنا 4 نتائج للأربع اسماء وعاساس هالنتيجة بتتحدد اولوية الاستضافة لمين ....... وال 3 ايام الباقية من الاسبوع او الاسبوع الباقي من هالنصف شهر ......... منتركو لطرح الاسئلة للضيف ...... ضمن الموضوع ذاتو هلئ بالنسبة للضيف .......... ازا كان سوري او ضمن سوريا رح يتم تسجيل اللقاء صوتيا وازا كان ممكن مرئيا من قبلي ........ وازا خارج سوريا ..... رح يكون اللقاء عبر التلفون ورح يتم تسجيلو كمان ....( كان بودي سافر مشان اللقاء ازا بحال خارج سوريا بس مشان الجيش ما بقدر ) ............. وهالتسجيلات هي اللي هية عبارة عن اجابات عن الاسئلة رح قطعها حسب كل سوال واطرحها بالموضوع نفسو بالاضافة لكتابة الاجابات جنب كل تسجيل ....... شو رأيكن بالموضوع ؟؟؟؟؟؟؟ على فكرة ...... بهمني كتير رأي Yass , ButterFly مع احترامي لكل اراء الشباب كمان بيهمني كل صوت هون بس هدول اكتر شي |
بما انو ما بيهمك رأيي
ما رح قلك اي ولا لاء ,,,,, ايون اي بسيطة فهمت ليش ياسين ومرسيل ,, مشان يكون في دعم معنوي من قبل المشرفين يا سيدي روح والقلب داعيلك ,, والله يوفقك يا رب ,, الفكرة رائعة بل أكثر ,, وانا من المؤيدين وما بظن الشباب رح تعارض ,, الا اذا كان في تحفظات ما بفهمها انا ,, عالهامش: بدك تضرب عصفورين بحجر واحد ,, :p |
الفكره حلوه كتير إذا كانت قابله للتطبيق
|
فكرة حلوة, و مطروحة أكتر من مرة... و مبدئيا كتير من المشاهير يقلك أي بعدين ما يلتزم بالحضور أو يمطمط أو الى ما هنالك (يعني مو شوفة حال, انما يمكن صعب يلاقي وقت مشان هالقصص)..
بالزمانات عملت مقابلة صغيرة مع محمود درويش لما تكرّم هون عنا, بشهر نيسان 2006, و نشرناها هون مع كم صورة و مقاطع فيديو... الموضوع لسبب تقني طار, يمكن لما تهكر الموقع السنة الماضية, و الصور و الفيديو عند صديق انتقل الى مدينة أخرى و ما عم اقدر أمسكو مشان يبعتلي ياهون.. بس احصلهون بدي ارجع اعملو للموضوع... بس كان موضوع حلو (مو لأنو شغلي, هاد أقل شي أهمية, ذاتا لو مشتغلو غيري يكون فهمان بالشعر كان أكيد أحلى بكتير) بس انو كان متكامل... أي المشكلة كانت لقطة هالمقابلة, بدون تحضير ولا شي, كنت مدعو عالتكريم و بالكوكتيل اللي بعد المحاضرة متّنت وجهي و رحت حكيت معو.. لو طالب منو موعد ما بيعطيني أكيد (هاي وحدة من الأمور اللي خيبت أملي بمحمود درويش, يجوز بسبب الارهاق أو ما بعرف ليش بس ناشف و عنجهي حسيتو..) قصدي من هالديباجة الطويلة انو يمكن صعب تلتزم ببرنامج محدد, انما يكون كل واحد عندو خط مع حدا مشهور يكمشو و يعمللو مقابلة... عالتياسير يعني تحياتي |
اقتباس:
وأنو ايد بالتصويت شو بدي بتأييدك كتابة :p تالت شغلة شو يعني عصفورين بحجر واحد؟؟؟ |
هلئ ياسين انو مشان المواعيد ما تخاف انا بعرف زبطها عن طريق سلطتي المفروضة عليي بالجريدة ...... يعني مضمونة المقابلات بس طبعا أنا ما بباشر بالموضوع لحتى لاقي الفكرة اخدت شعبية منيحة بالمنتدى يعني مو معقول ساوي اللقاء مع حدا مثلا كرمال سوالين او تلاتة .....
تحياتي :D |
اقتباس:
|
اخي انا موافق .. واول واحد عملولنا مقابلة معو مدرب المنتخب فجر ابراهيم .. وخلين يفسرلنا ليش تعادلنا مع الامارات هالاخو الشليتة .. وبتعطينا هيك مساحة حرة نعبر عن ارائنا فيه
|
اهلين حسون .......... :? بدك مدرب ....... والمنتخب كمان ....... كملت!!!! :clap:
انو بكل الاحوال نورت حجي ...... عالهامش :كيفو اب سمرا من عندك:oops: |
اقتباس:
رووووووووووواق وبسلم عليك .. وبدعي بسلامتك :gem: وع الهامش كمان : مبرووك الوظيفة الجديدة متل ماخبرنا :larg: |
انو ميدو ,,, بدك تستنى شوي ليصير في شعبية بالمنتدى يعني بس اكيد بضمنلك انو يصير في شعبية
بس انتي حط الجدول الزمني ,, والشخصيات اللي فينك تقابلها ,, وهيك بيصير الشغل حلو اكتر :D عالهامش: فجر ابراهيم مدرب  هاد حارس جنينة يا زلمي يلعنو ملا مدرب |
اقتباس:
بالنسبة للجدول الزمني رح اطرحو بعد ما يتم الانتهاء من الاستفتاء رح حط خطة العمل ........ وبالنسبة للشخصيات ماعندي مشكلة بقدر قابل اي شخصية ممكن تنطرح ..... الا بحال هالشخص رفض الفكرة .... وقتها انا ما بقدر ساويه بس على كل حال لما يتم طرح اسماء للاستضافة بالمنتدى ما رح اطرح هالاسماء الا ازا كنت متصل فيهن ومخبرهن بفكرة الموضوع واخد الموافقة عالهامش : حسون الله يسلمك ويسلمو ويبارك فيك . و و و و الخ |
اقتباس:
دام بهمك رأيون أكتر شي , فيك تبعتلون برايفت تسألون ما في داعي للموضوع من الأساس .. أو فيك تبعتلون أنو عمي تفضلو عا الموضوع ب برايفت و ما في داعي لجملتك .. طبعا ً مشان وفر عليك وقت و جهد و وفر عا حالي وقت قراية موضوع .. |
فكرة حلوة وغريبة
وبشجعها طبعا........:clap: |
طبعا موافق ليش لاء..الفكرة حلوة بس يا ريت يكون التطبيق كمان جيد :D
|
اقتباس:
دايما منقرا اللي بيعجبنا من الجملة ومنطش عالباقي ............ عابد كاني حكيت بنفس الجملة انا انو راي كل واحد بيهمني خصوصا ياس ومرسيل ............. خليك شوي واقعي :D |
فكرة حلوة ..
اذا كان ممكن تنفيذها .. والله يوفقك .. |
اقتباس:
اقتباس:
اقتباس:
|
طبعا مع الفكرة.. وشكرا للاقتراح.
وممكن نقدم مساعدة كمان اذا تنفذ الاقتراح.. :D |
اقتباس:
|
صطفلوا انتوا عملوا الفكرة..هي حلوة ومهمة...
:mimo: |
بس انو اخواتي
في تلاتة معارضين وما حدا حط رأيو ليش ؟ يعني بس بدي افهم ليش يا ريت اللي مو موافقين يحطو رأيهن |
أنا صوتت مو موافق و السبب كمايلي :
أول شغلة أنا شايف إنو الفكرة مو جديدة ما متذكر وين شفتها بس عيش كتير بتشوف كتير تاني شغلة نفس السبب اللي حكى عنو بلاك تالت شغلة انو هيك مزاااااااج يعني أنا ما عجبتني رابع شغلة ما رح نئول مستحيلة بس صعبة شي بخمسة يعني أخوية محجوب بسوريا يعني رسمياً ما رح نئدر نجيب حدا نستضيفو من سوريا هاد غير نص الدول العربية اللي حاجبتو :melody: ® |
انا بئول
ااااااااااااااااااااااااا ااااااااااااااااااااااااا ااااااااااي |
اذا كتير بهمك رأيهم لمرسيل وياس " مع احترامي " بتقدر تسألهم على الخاص :frown:
|
اقتباس:
وبالنسبة لتاني شغلة انا وضحت جملتي وما رح عيد كتير فيها لانو دايما منقرا اللي بيعجبنا .......... تالت شي انت حر مو اجباري عمقلك تقول اي ورابع شغلة شو دخل ازا كانت اخوية محجوبة بسوريا؟؟؟؟؟؟؟؟؟ انا عمقول يا بلتقي بهالشخص ازا كان بسوريا يا اما ازا خارج سوريا رح اتصل فيه عالتلفون يعني هو كلو ما رح يفوت على اخوية لانو كل الردود اللي رح يردها هية تسجيلات صوتية :D اقتباس:
|
فكره مفيده ازا في تنفيذ
وموفقين :D |
انا برأيي الفكرة حلوة بس مو بشكل إلزامي بشكل انو عالتيسير يصير في مقابلة ومو من شخص واحد كل المنتدى بيقدر يشارك
تحياتي الحارة ظل جيفارا |
اي ابو شريك هلئ اكيد ما قررت هالشي انو انا يعني ازا حدا بيقدر يساعد بالشخصيات اللي رح نستضيفها .......
تحياتي :D |
ليش هيك هجمتوا ع الشب :frown:
مع أنو صوتت أنا بـ ضد .. باعتبار حسيت الفكرة ما تمشي بسبب أنو يللي رح تعمل معون مقابلة 90% منون ما رح يستجيبوا بس حاول أنت ميدو .. لأن دخلت قلبي :oops: |
اقتباس:
اقتباس:
هلئ انو اي شخص رح يحس هيك شريك المشكلة ما حدا قدر يفهم عليي بشكل كامل لانو انا لما احكي مع الشخص ما رح ادعيه باسمي اول شي رح ادعيه باسم سلطتي بالجريدة نشالله تكون وصلت الفكرة:Dتحياتي |
اقتباس:
فُهِمَ هالمرة .. طيب الله يوفق تنصفّق .. :D |
و شو سلطتك بالجريدة ؟؟
يعني من باب الفضول ® |
صوتت بنعم لتشجيع الفكرة وتجريبها كمان.
جيبلنا نانسي الله يخليك :cry: |
اقتباس:
|
اقتباس:
|
اقتباس:
|
اقتباس:
® |
| الساعة بإيدك هلق يا سيدي 06:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
