|
الى اخوية المغتربة ساعدونا
مرحبا
بدي اطلب من كل الشباب اللي عايشة او عم تدرس برا تخبرنا نحنا اللي بدنا نطلع قريبا لعندون شو نحضر وشو ما نحضر شو نعمل وشو ما نعمل وشو بتنصحونا نعمل برا؟ يعني عطونا خبرتكون ومن دون سبام يستر على اللي بدكو:shisha:ن :idea: |
اي لا تطلع من اساسو نصيحة مجرب :cry:
|
اقتباس:
برجعلك المسا و بخبرك... |
وفي عالم عم تعمل الدورات وبدا تطلع تكفي دراستا او اختصاصا برا وحقا تاخد النصيحة
|
بس ماقلتلي وين مسافر
|
ان شاء الله يطلع عالقمر .... لا يطلع
الغربه سيئة كتير بتاخد منك اكتر ما بتعطيك |
القصة
من الأخر لا تندم ريمي أنصحية يسمع يا يمة يلى على الغربة |
اقتباس:
اقتباس:
اختي طالع كمل درسي واختص مو طالع ابقى هونيك |
مرحبا زميل
وين هالغيبة,, والله مابتقصر بالطلعه,,خيرا تفعل وانشالله لاحقك عن قريب بس لوين ان الله راد؟ |
ليش قبلوك عندي ؟
|
انا بقلك شو تعمل....من هون لتطلع اشبع من هوا وارض سوريا اد ما تئدر لأنه راح تشتائلا بكل لحظة....خد معك اد ما تئدر ذكريات من سوريا...
ونصيحة ازا مو مضطر تطلع ما تطلع لأنه الغربة كربة عنجد...اد ما كنت متشجع هلأ بس لما تسافر راح تندم وتحس انك بعيد... الواحد ببلدو بضل عينو قوية وراسو مرفوع بس ببلد غيرو بنكسر... |
وين عندك يعني؟؟
ماعندي علم وين انته متيسر؟ |
لهلا ما سمعت نصيحة وحدة
|
طروق نصيحتي بلالك هالسفرة ...... روح سافر على سوريا احسنلك:gem:
اي بس هلئ انو ما عندي ولا نصيحة ...... بس بدي زكرك مشان دعم البكلوريا:cry: |
لك حادعمك فهمت
بس مو قلتلك انو مافي امل |
هلا اول سؤال
الافضل انو الواحد بس يدرس ولا يدرس ويلاقي شغل سوا وقديه هالشي بيخفف ؟ تاني شي بخصوص السكن ؟ التزم بسكن الجامعة او اقعد من حدا تاني ؟والافضل يكون سوري |
أنا ضد الطلعة أساسا ً .
|
اقتباس:
|
ماشاء الله ............... والله شباب طموووووووووووووح كلو امل جد ماشا الله عنكم ........ يا عمي الشب بدو حد يقلو شو يعمل مش حد يحبطوا !!!!!!!!!!!!!!!! حبيب..... انا يا طيب ماعمري طلعت من نابلس ولا بدي اطلع بس اذا بدك تيجي اتكمل بنابلس انا جاهز تاكل بوشار؟؟ :mbc2: |
اقتباس:
تعلم قواعد لغة الاولية للبلد اللي رايحلها بسوريا قبل طلعتك...اذا بتقدر ..عند استاذ خصوصي بنصحك انو ما تنسى تاخد معك علم سوريا ...وتعلقو بصدر البيت هونيك ..رح تندم اذا ما اخدتو اطلاع عا كل المحلات اللي كنت مشتهي تطلع عليها بسوريا واتصور هنيك...لانو رح تشتاااق كتيير لهالشي اذا بتدخن أرجيلة..خود معك ارجيلة من الحجم الوسط او الصغير ..وما تنسى علبتين تلاتة معسل:larg: بنصحك تاخد بالك من البنات ...يعني بالاحرى من الايدز....لانو موجود بالمجتمع بشكل واسع....وما تصاحب !! فاذا كان ولا بد وعجبتك وحدة وما في اكتر منهون:adal:...وخرطت مشطك ...اوعاك تنسى الواقي حتى لو مرة وحدة ...أو انو تطلب منها فحص دم للامراض ومنها ايدز...وهادا من حقك عا فكرة .. انتبه كمان عا شغلة....اذا عجبتك بنت صغيرة العمر..اتأكد عن عمرها من الهوية..لازم يكون اكتر من 18 سنة والا بتخرطك امها بالسجن وانت لسا ما صحيت من التخت:clap: هللق هيك خطر عا بالي عالسريع .....:sosweet: بالتوفيق يارب |
طب جندي بيدك طلعني عنابلس
|
اقتباس:
|
اقتباس:
اقتباس:
بعدين بس تلاقي شب سوري وتفاهمت معاه بتقدرو تاخدو بيت مشترك معاه بس اذا بتسكن من الاول عند سوري ..فغالبيتهون بالعادة بتعمل عليك معللم وهيك صح وهيك لا.. وانت اكيد رح تتبع كلامو خوفا للغلط...انا ما بعني انو السوري سيء...بس الطبع بيغلب |
يعني بالنسبة ألي .. مصيبة أخف من مصيبة .. يعني الغربة ومساوئها بتضل أحسن من سوريا
ع الأقل فيني هنيك كون حرّ .. بقا يا طارق بلالك نصايح .. خود حالك ومشي .. لأن مشاعرك بعدين رح تحكم عليك إذا رح تحنّ وللا لا هللا العالم هون بالمنتدى كللون ينصحوك انو لا تغترب .. بس لا تنسى هدول النوع من العالم عم يلجأوا لأخوية لأنها بتذكرهون ببلدون .. يعني كللون أناس بيحنّوا ع بلدون .. بس كمان لا تنسى في كتير مغتربين مو فارقة معون الغربة أبداً ومبسوطين اكتر بالغربة كمان .. وهدول اصلن بينسوا وما بيحتكوا بكل شي ألو علاقة ببلدون الأصلي |
اقتباس:
اذا دراستك صعبة لاتفكر مجرد تفكير بالشغل سكن الجامعة مليح حسب السكن اللي انت فيه ولا تسكن مع حدا بيحكي لغتك اثناء تعلمك للغة لانو بتتبهدل باللغة |
اقتباس:
اول شي ازا بدك تسافر ع كندا ...ع ايطاليا ع المانيا او حتى ع االصين اوكي ;) نصيحة مني لا تسافر ع فرنسا لانو ولا شي nothing سألني لئلي كلو مضيعة وقت بفرنسا وفي تمييز كتير تاني شي ازا بدك تروح من الاحسن انو تدرس وتشتغل لانو الدراسة بلا شغل مارح تساعدك كتير ورح تمل بسرعة :pos: بس ازا كنت تدرس ومعك الكارت اللي بتبين انو رح تضل هون كرمال الدراسة رح تلاقي شغل بسرعة واحلى شي ازا كان الشغل عند شي حدا سوري او عربي بس معليه مابتفرق وبخصوص السكن كل شي الا السكن الجامعي ابدا مو حلو كرمال هيك ئلتلك لازم تشتغل لحتى تقدر تدور ع سكن ومن الاحسن لو تكونو شي مجموعة رفقات يعني تلاتة او اربعة لحتى تتعاونو بدفع الاقساط وبس بتمنالك سفرية حلوة ورجعة ميمونة :D |
اقتباس:
سأل صح بتسمع جواب صح ... يعني كل ما خصصت اكتر كل ما عرفت اكتر... وبالاخوية في بشر من كل الدني .. وين بدك عالم بتلاقي هدول السؤالين كتير عامين ... وبيتأثرو بكتير شغلات ... هيك بشكل عام بتاخد اجوبة عامة ( عالاغلب ما كتير بتطعمي خبز ) يعني مثلا السؤالين كتير متعلقين بوين رح تكون !!! اذا رح تسافر عالبنان غير لما بتسافر عمصر غير لما بتروح عالهند غير اوكرانيا غير المانيا غير امريكا .... ( فينك تعد كل بلاد العالم ) اذا بدك تدرس رياضة مثلا, بعتقد رح يكون عندك كتير وقت لتشتغل .... واذا بدك تدرس طب .. بدك تصير تدور عوقت تنام فيه بدون ما تعير المنبه بعد اربع ساعات نوم .... السكن الجامعي بمحلات بيكون متل عش مهجور ... وبمحلات بيكون بيت كتير عالم بتحلم تسكن فيه ... مشان هيك خيو ... اذا عما تسال بشكل عام .. اذا الواحد لازم يطلع او لاء .. هيك بيكون غير حديث... بس انو شو اللازم وشو لاء وشو الواحد لازم يعمل وشو احسن هيك ولا هيك.... هدول الشغلات بيصير صعب الحكي فيون بشكل عام موفق يا سيدنا:D |
طلاااااااااااع حجي طلاااااااااع
و كسّر السلم وراك ® |
الله يستر عليك اذا ناوي الدراسه سافر واتمنى انك تنجح بس لا تنسى سوريا وارضها الطيبه
|
اقتباس:
اقتباس:
:D:D |
بعد كلام fofo besset syria ما عاد عندي كلام اشوف الكلام صحيح وواقعي
|
يا شباب الزلمي سأل شو الحاجات الضرورية اللي ممكن ياخدها معه :?، لهيك أنا رأي أهم شي كيلو شنكليش ولتر عرق بلدي متلت من حمص وبس :gem: . وهيك بضل تتذكر أحلى قعداتك مع اجمل شبيبة بسوريا :D
|
اخي طلاع وانبسط .. صدقني ازا زبطت امورك بالغربة ومشي الحال .. بتعيش حياة مافي منا
وبتبطل بدك ترجع ع بلدك ازا مشيت امورك طبعا .. توكل ع الله ورووووووووووووووووووووووو ووووح شايفلك ع الغربة شو رأيك تحول لعنا ع قطــر .. كفو ؟ |
هلق في شغلة اللي هي قبل كل شي انت ما رح تحسن تاخد سكن لحالك لعة امور رح تعرفها بس تسافر و تتعرض لمشاكل كرت الاقامة.....فلذلك السكن الجامعي افضل مبدئيا بكتير...بعدين متل ما قالت فوفو انو بما انك ما بتعرف البلد ف السكن الجامعي رح يكون حل جيد الك كونو بتوقع انو يكون قريب من الكلية(هيك عادة باوروبا بيكون الوضع انو السكن قريب من الكلية)
مشان الدراسة والشغل ما بتوقع انكن رح تكون بهيك وضع بسمحلك تدرس و تشتغل سوا فلذلك بالفترة الاولى حاول تركز ع دراستك لانو هي الشي الرئيسي اللي انت طالع مشانو و بعدين بعد فترة بس تتعود عالوضع و تعرف وين الله حاطك ساعتها بتعرف لحالك اذا خرج تشتغل و تدرس او لاء... بعدين متل ما قلك وسيم...حدد سؤالك بتلاقي جواب محدد |
اهلين رفيق
هلق مابعرف اذا هاد الموضوع بيفيدك بس فتحت قبل شي اكثر من سنة بالاخوية شوفو بيحكي شوية معلومات للشباب الي بدن يجي يدرس بالمانيا واي استفسار فيك ترجع تسال |
اقتباس:
وهادا هوي الموضوع - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - مع التوفيق للكل |
اقتباس:
اكيد دراسة بدون شغل. اما ازا اكانت بالمجال الادبي او الهندسات فممكن انك تشتغل. اما الشغلة التانية: طبيعة البلد وفرص العمل فيه. اقتباس:
اقتباس:
ازا انت بتحب الطلعات والفوتات كتير و صاحبات وبنات وقصص روح على شقة أحسنلك. اما ازا طبيعتك هادية وعيشة شباب فالسكن الجامعي كويس جداً. علماً انو للدراسة الشقة أحسن. :D |
اهنيك يا اخي الباشق المجروح على رئيك واتمنى لك التوفيق
|
هلأ انا ما فيني انصحك لأني ماني مغترب
بس بقلك ,, ما تلتزم بشي ,, ما في قواعد,, بدك تروح وتجرب شهر زمان وساعتها انتي لحالك بتعرف مصلحتك رح اكتب متل ما بيكتبو بآخر ورق الامتحان:o مع تمنياتنا بالتوفيق:mimo: |
الغربة
بصراحة الغربة صعبة كتير وخصوصي اذا كانت اميركا او اوروبا وبيقول المتل اسأل مجرب ولا تسأل حكيم
انا من تجربتي للغربة بأوروبا صلرت متل المجانين وخصوصي اذا لوحدك واول فترة بتموت ..........كل مابتزكرها ببكي اول شي لازم للشخص اللي بدو يعيش بأوروبا انو يكون اجتماعي شوي اما اذا كان من النوع المنعزل عن الناس فما حيمشي حالو كتير وأوروبا غالية وخصوصي فرنسا وبالتالي حتخليك تقبل بكلشي وبالمعني التاني مافي انزعة بالشامي وبتخليك وين ماشفت حدا عم يحكي عربي تركض وراه لانو حتحن لما تسمع الحكي بس بالنهاية فيها جوانب ايجابية دراسة وشهادات عالية وهيك وفي نظام بس حيجي وقت تمل وترجع للبلد الخلاصة ....مو سهلة الغربة |
| الساعة بإيدك هلق يا سيدي 14:31 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون