|
رفع جديد لسعر البنزين إلى 40 ليرة سورية
رفع جديد لسعر البنزين إلى 40 ليرة سورية علمت سيريانيوز أن اسعار البنزين ارتفعت مرة ثانية خلال اقل من ستة اشهر ليصبح سعر الليتر 40 ليرة سورية بعد كان 36 ليرة، الأمر الذي أكده لـسيريانيوز مصدر مسؤول في مؤسسة "محروقات" مشيرا إلى أن قرارا من وزارة الاقتصاد قد صدر في هذا الشأن. ويبدأ تنفيذ هذا القرار اعتبارا من الساعة الواحدة من بعد منتصف ليل الجمعة – السبت بعد أن تم جرد موجودات محطات الوقود من البنزين وتم تعديل العدادات ليصبح سعر الصفيحة 800 ليرة سورية. وهذا الرفع لسعر البنزين هو الثاني بعد أن تم رفعه في مطلع تشرين ثاني الماضي من 30 ليرة إلى 36 ليرة سورية، ليكون سعر ليتر البنزين ارتفع 10 ليرات خلال أقل من خمسة أشهر. وكان أستاذ الاقتصاد في جامعة دمشق د. إلياس نجمة توقع في حديث لـسيريانيوز أن يتم رفع أسعار البنزين مرة ثانية وأن الحكومة "قد تلجأ إلى رفع أسعار مشتقات نفطية أخرى". وفي تعليق على الخطوة الجديدة برفع أسعار البنزين قال د. نجمة ،الذي كان رئيسا للجنة الموازنة في مجلس الشعب، لـسيريانيوز إن "الزيادة الأولى في أسعار البنزين كانت مقدمة لزيادة ثانية، لأن الدولة بحاجة إلى موارد أمام العجز الكبير في الموازنة العامة". وأضاف أن "الدولة تسعى إلى زيادة الموارد عبر زيادة أسعار المحروقات رغم ما قد ينتج عن هذا من آثار تضخمية ". وتستهلك سورية نحو 2 مليار ليتر من البنزين سنوي، والزيادة الجديدة سوف تؤمن زيادة في موارد الخزينة تبلغ ثمانية مليارات ليرة سورية. وغالبا ما تكون الآثار التضخمية لرفع سعر البنزين في سورية محدودة وأقل من تلك التي يمكن أن تحدث عند رفع سعر المازوت، حيث يوصف المجتمع السوري بأنه "مدمن على المازوت". وكانت الأنباء عن خطط حكومية لرفع أسعار المشتقات النفطية ساهمت في رفع أسعار مختلف السلع في السوق السورية بنسب كبيرة. وأصبح من الثابت الآن أن خطة الحكومة لـ "إعادة توزيع الدعم" أخذ طريقه إلى التنفيذ عبر توزيع قسائم المازوت المدعوم على الأسر بواقع ألف ليتر مازوت لكل أسرة، ليتم بعدها رفع سعره. وقال د. نجمة إن "خطة رفع أسعار المازوت والتعويض على الأسر بقسائم هو أسلوب لا يمكن الحكم عليه عما إذا كان سيثير قضايا بيروقراطية أو سوق سوداء أو عدم عدالة، إلا من خلال التطبيق". إلا أن نجمة أشار إلى أن "كل زيادة في أسعار المحروقات ستؤدي إلى زيادة في معدلات التضخم وغلاء الأسعار على المستوى العام". واعتبر أن "مسألة القسائم لن تغير من هذا الأمر كثير، إنما قد تساعد بعض الأسر الفقيرة فيما يتعلق بتكلفة المازوت الذي تستخدمه، أما بقية السلع والخدمات التي سوف ترتفع أسعارها بسبب رفع سعر المازوت فلا نعرف حتى الآن كيف سيتم التعويض عنها". وأثارت الخطط الحكومية ردود فعل متباينة بين الرفض في الأوساط الشعبية وفريق من الأوساط الاقتصادية والسياسية ، فيما يرى فيها البعض الأخر "ضرورة" وخطوة لا بد منها لسد العجز المتنامي الذي أصبح يشكل عبأ كبيرا على الموازنة العامة. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
فعلا ً برأيي رفع سعر البنزين ما هوي هالمشكلة الكبيرة .. عا الأخص مع إرتفاع أسعار البترول العالميّة .. هاي لو غمضنا العين عن النفط تاع الرميلان و الحقول اللي عندنا اللي إنصرع ربنا فيا أيامات الدراسة . |
هللا بيختلف سعر المازوت (مو البنزين) إذا الواحد أخدو من ع العربيات يللي بيجرون حمير ؟
* يرجى الأجابة للضرورة القصوى |
اقتباس:
|
اقتباس:
لأنو من المتوقع أنو يزيد الطلب عليه ..... بعد الارتفاع العالمي لأسعار الطحين و الخبز |
هذا متوقع ولكن الأتي أعظم والله يعين محدودي الدخل الواحد عم يشتغل ثلاثة دوامات الأن بحاجة لخمسة دوامات مع دواء ضد النوم
|
اقتباس:
بتصور اذا الواحد فينا حط أخواته أو رفقاته على العرباية وطار فيهم مافي مشكلة |
اقتباس:
لأنو مع هالاسعار الجديدة ...... صار كل الشعب حمير بنظرون |
انشالله ايصير سعر الليتر 100
بركدن بيرخصوا السيارات و اقدر اشتري آخر موديل و عبي بنزين عراقي تهريب:p |
يعدمني هل الاخبار باخر الليل ... منيح من يومين مفلل سيارة :adal:
لح يجي يوم يرفعو الدعم عن الخبز والطحين... الخير لأقدام |
ولله انا اشتقت للميكرو
ولله للصدف كمان انا اليوم قللت:p |
شبو الهوا طيب اكل الهوا
بكرا منعلم السيارات عليي و بيمشي الحال |
لك وليي ما بئا نخلص من قصة رفع هالأسعار الله يعيننا..على غلاء اسعار البنزين و يعيني اذا بيلحقو المازوت يعني بدون المواطن يوقف سيارتو بمحلا ما يحركا:shock:
|
شو صار سعر المازوت ليش ؟؟
يعني اول مرة بسمع ان عجز الميزانية بيندفع من اسعار المحروقات الي بتادي الي تضخم بكل قطاعات البلد الله يساعدد المواطن ... |
هيك رح يصير النقل عنا بإذن الله  لأنو ما ضل عنا شي رخيص ....... غير البني آدم |
لك عادي اذا شترينا كيلو الكوسا بـــ180 ليرة من اسبوعين مشان نتزهرم محاشي كلفة الطبخة 450 سعر كيليين و ونص كوسا وللحمة ولحباشات كملو ع 850 ليرة يعني صارت اكلت المحاشي شغلة فاخرة ولا المقالي كانو يقولو شوفو بيت فلان الله يعينهم ياحرام عايشين ع المقلاي ... بظن تنكة البانزين أذا صارت بـ800 ليرة مو غالية لهلاء تحملوها .. بس اسعار الخضرة والفواكي ليش هيك فاتحين التصدير بشكل بهوي
|
الغلا مكتسح كل العالم.
العمة هون بشتري الشغلة برجع بعد كم يوم بشتريها نفسها بلاقيها غليانة ما يعادل 10 ليرات. يعني غلاء مو طبيعي مو بس بسوريا . بكل مكان بالعالم. انا مستغرب يعني ما في بريكات لتحليق الاسعار بهالشكل الجنوني وما في حلول. الله يعين الفقرا ما ضل شي ياكلو غير الهوا هاد ازا ما ارتفعت اسعار الهوا كمان. |
سبب الغلاء العالمي هو ارتفاع سعر: النفط و القمح... و هالغلا لازم يفيدنا متل ما عم يفيد البرازيل مثلا بدل مو خارب بيتنا لأنو نحنا دولة منتجة للصنفين, و بما يكفي الاستهلاك الذاتي على الأقل لو في تخطيط..
|
اقتباس:
بدينك بعرضك ...ماعم تقفل يعني ؟؟ |
اقتباس:
|
اقتباس:
بس عنا أكيد لا يعني مثلاً متوسط الدخل الشهري عنا = اجرة ساعتين أو 3 ساعات بالولايات المتحدة |
اقتباس:
هادا عدا عن انو مو كل دول العالم غنية ولا كل العالم وضعو احسن من وضع بلدنا. |
اقتباس:
|
اقتباس:
بس زودهاشوي وصل لل 125 ومحفور من سوق التنابل بالشعلان ب 150 وقفت على الكوسا ربطة الخبز السياحي صارت كمان ب 40 ليرة |
اقتباس:
|
يعني ما تروح لبعدي بمصر الجيش نزل عالشارع واستلم الأفران تبع الخبز الغير مدعوم من الدولة لأنو عم تصير مذابح لحتى الواحد يحصل رغيف خبز
بدي افهم لايمتى هالشعب المقهور بدو يتحرك ويقول حاجة بقا |
اقتباس:
من بلاد ما بين النهرين .......لسواحل الاطلسي |
شي عادي لسى كلشي بدو يغلى وهالشعب مركب قرون وساكت على هالحكووووووووووومة
لك فيئوووووووووووووووووووووو ووووو ولا النخوة ماتت وبدكن تموتو من الجوع كمان اي خرجكون الله لا يئيمكون |
كلشي غليان متل الكزب ..
كيف ماتشوفو هون بقطر .. غلا شي مو بالعقل بالمرا صاير غلا متل الكزب .. يعني بتوقع شقد ماصار بسوريا غلى مو متل الغلا اللي عبصير هون اللي مو طبيعي .. بس الغريب انو كلشي غلي وصار نار الا البنزين مابيغلى هون متل ماهو |
اقتباس:
الدولار عم ينخفض والبترول عم يرتفع بشكل جنوني. يعني لو تغيرت الحكومة ما رح تقدر تعمل شي مقابل ارتفاع الاسعار ولهيبها المحرق. ليك كل الدنيا عم تعاني من الغلاء وكل حكومات العالم الديمقراطية والديكتاتورية وكل الانظمة مو قدرانة تعمل اي شي. ليك هون بأوروبا الشرقية رغم انو الحكومة ديمقراطية واختيار شعبي بحت ونتيجة ثورة الناس انهلكت بارتفاع الاسعار المرعب والكل عاجز امام وقف سهم الارتفاع الغير معقول. فحبيبي الله يخليك قوم عميل ثورتك لحالك. وحاج تنظير وكأنك قاعد بغير كوكب. نحنا الي فينا مكفينا. :pos: |
الغلا عند الناس اللي تستورد الشغلات الغالية: النفظ و القمح... نحنا نظريا عنا اكتفاء ذاتي بالشغلتين... يعني لازم الغلا يمر علينا من بعيد... مو يصير عنا نسب التضخم هاي!!
|
الله يسترنا من القادم
تناهى الى سمعنا انو سعر ليتر المازوت الحر سيصبح 22.5 ل.س فقط لاغير وايضا سيتم رفع الرواتب القطاع العام والخاص ب 17 نيسان |
اقتباس:
كل اليوم الاسعار شكل مثلاً التفاح بتلاقية اليوم 45 وبعد يومين 90 ... |
اقتباس:
وحسب الأسعر كول مثلا اذا البصل كان رخيص كول بصل اذا الفجل رخيص كول فجل حسب السوق سوق.............وين التدبير:o |
غلاء الأسعار صاير مو طبيعي لو بس على البنزين كانت بسيطة بس كل شي :cry:
شو بدو الواحد يلحق ليلحق ارتفاع الكهرباء والبنزين والقمح والخضراوات والفواكه والخ... |
اقتباس:
|
| الساعة بإيدك هلق يا سيدي 04:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون