|
ليش عم تشاركو بأخوية؟
انو اول شي مرحبا اخواتي
تاني شي ليش عم تشاركو بأخوية؟ عالم تتسلى عالم مشان تطرح وجهة نظرا بشغلات ما فينا تطرحا بالعالم وتتناقش فيها وعالم مشان أنو يتابعو شغلات مثلا متل الرياضة وهيك شغلات طيب ما اختلفنا بس يعني الهدف شي انو ترفع مشاركاتك؟ انا هدا الشي اللي عم بستغربو انو وااااااو انا صرت زعيم وهييييي انا صرت مستشار ومن هالشغلات هي طبعا انا ما عم بقصد حدا معيّن بس كل نهار بلاقي موضوع بالتشريفات عن هالشغلة هي يعني هلأ انو ما ضروري تكون عندك مشاركات 10000 لحتى تصير محبوب او معروف المهم انو تكون مشاركاتك قريبة من الموضوع وتحاول تتفاعل مع الموضوع المطروح ,, خيو قريت موضوع ما بتحبّو وما بتهتم فيه وما فهمت ولا كلمة منّو ما ضرورية كلمة شكرا او اي كلمة تانية من الكلمات المعهودة مثلا مشكور على جهدك,,, هيكي بنص الصفحة بس مشان يصير عندك مشاركات زيادة يعني هلأ كمثال ما عم نعممّ مثلا : ماتيا عميمة اخوية معروفة وبتصور ما في حدا بيفوت على اخوية ما بيعرف ماتيا بس ازا اجيت على مشاركاتا بتلاقيها ما بتتعدى الألف سوري طولنا عليكن:mimo: |
تماما تائه
عمتلائي شوية اشخاص بفكرو المنتديات اخوية او غيرها بس سكور واللي عندو سكور اعلى بقا هو اللي الو اهمية اعلى وشعبية اعلى و و و و اعلى الخ الخ بالنسبة الي ما بطيق هيك اختراع اسمو عدد المشاركات بالنسبة لاول شطر بالسوال انو ليش بتكتبو باخوية بقا هاد يا سيدي باختصار لانو هاد جوي .... في عالم بحاكيها بتفهم عليي وبفهم عليها تحياتي:D |
ميدو,, بتعرف شو كنت بدي جيبك مثال تاني بربّي
بس انو مشان ما طوّل عالشعب أما بالنسبة لأنو هدا جوّك هي شغلة كتير حلوة بأخوية وناتجة عن العدد الكبير أنو كل واحد بيلاقي جوو بأخوية بس انتي جوّك موجود منّو كتير :o يعني في قلّة قليلة كتير هيي اللي ما بتلاقي جوّها من دون ذكر اسماء بس هدول عدّة اشخاص 1_ اللي بيكون مفكر حالو مهضوم كتير وهوي اسئل واحد بالحارة 2_ تبع الفكر الزئبقي والانبطاحي وهالشغلات هي واحلى ميماس لعيونك:nirvana: عالهامش: لا تحاول بدك تبعتلي قنينة متل ما الله خلقك :p |
اقتباس:
اقتباس:
اي طبعا تائــه كل الاجواء موجودة باخوية وكل واحد حسب ما بيرتاح بيفوت بالجو اللي بيريد اما بالنسبة لانو جوي في منو كتير حاسو وباء منتشر ولا شو رأيك:pos: بينما هدول اللي مو ملاقيين جوهن او بمعنى افصح مو معروف شو دين رب جوهن فــ يا سيدي حدث ولا حرج .... شيلنا منهن اقتباس:
|
اقتباس:
فأنا اول المصابين بهدا الوباء وانشالله ما نطيب:lol: اقتباس:
بس عيييب عالكفو عيب:p |
اقتباس:
اقتباس:
|
خيو عملنا سبام وعملنا
اي كفو بكبرو بس ما بصغرو  |
انت برأيك يا تائه كل واحد فات على الأخوية
هو فايت مشان وجهة نظر يطرحها بحرية ولا مشان هدف سامي عاوز يحققه ما ظنيت !!! الموضوع وما فيه ان كل واحد فينا لما سجل بأخوية كان الو هدف شخصي مختلف عن التاني ومشان احكي عن حالي وما عمم انا لما دخلت ع منتدى اخوية بالصدفة فرحت كتير بحكم اني مغترب لأني كل يوم عم اتناقش انا وولاد بلدي وعم اكتب بالهجة السوريه الي برتحلها والي نفهمها كلنا وعم تابع اخبار بلدي ساعة بساعة ويوم بيوم بأخبار موثوقة بدون دجل او زيف يعني بالمختصر المفيد كنت مفكر حالي فايت على بيتي واعد بين اهلي وصحابي بس ااااااااااااااااااااااااا ااااااااه الحلو ما بيكمل اما مشان المشاركات وعددها في ناس صح راكدة ورا العدد وفي ناس العدد راكد ورها .. ولا تسئلني شو قصدي هاد موضوع بدو عشرين منتدى ليشرحو فا مافيك تعمم بهل النقطة والنا عودة عالهامش : موضوعك هاد من اهم المواضيع الي قرائتها بالمنتدى |
اقتباس:
وهي الامثلة برجع بقول مانا للتعميم ,, اقتباس:
ولسّا في كتييير كتييييير انواع اقتباس:
اقتباس:
اقتباس:
|
اقتباس:
أما من ناحية الأختلاف فهو عندي عادي و لست متفاجئ و بلعكس لو لم يكن هناك من يخالفني الرأي لما وجدت أهمية لأي موضوع وبحكم العيش في الغربة من السهل أن تتأقلم مع من يخالفك الرأي ومشكور على الموضوع :D |
أكيد دائماً النوعية أهم من الكمية.
ولكن برأيي انو تقدم المشتركين وتدرجهم من مرحلة الى مرحلة بتحسسهون بالانتماء اكثر من عائلة أخوية. أنا رأيي المباركة بالزعامة أو القبضاوية مو غلط ولا عيب. أنا ازا بدي احكي عن حالي انا بهتم بالنوع اكتر من الكم. بشكرك علاء ع الموضوع. بتمنى انو نكون كلنا اعضاء فعالين ونساهم لو شوي برفع مستوى أخوية. شكراً. :D |
ليش عم شارك بـ أخوية ..
لأنو أول شي .. في شباب و صبايا صارو متل أخوي ألي .. فـ حقون علي أنو فوت و احكي معون و سلم عليون تاني شي .. لانو في مواضيع و وجهات نظر لـ أعضاء ما بقدر اتفاداها .. و ما بقدر ما أقراها و أصفن فيها تالت شي .. منتسلى على هل خلق شوي .. |
اقتباس:
اذا طرحت موضوع شرقي( بحكم انا عايشة بمجتمع اوروبي من 18 سنة ) تاخدو راي شباب او صبايا عايشيين بجو شرقي وبتعرفي وجهات نظر عدة بهالشي وبيصير عندك فكرة كاملة عن التفكير الشرقي يسلمون عالموضوع |
عم شارك..لانو..
بالمرتبة الاولى..عم اتسـلى ع البـشر اللي هـون.. تاني شي.. عم نفيد ونستفيد.. ثالث شي.. بيعجبني اني اكتب لشوف ردات الفعل البشـرية هـون وبالاخص جماعات الله وكيلنا.. |
والله عم شارك بأخوية ..بالدرجة الاولى لانو منتدى سوري..
بالدرجة التانية لانو في نوعية حلوة من المواضيع عم تنطرح بأخوية واانا بحب شارك فيها.. و للتسلاية..;) |
انو اوكي اوكي
ميرسي على ردكون كلياتكن بس كلياتكن عم تنسو الشطر التاني من السؤال واللي بيقوووووووول اقتباس:
|
والله كلامك صحيح علاء
يعني القصة مو بعدد المشاركات اكيد شو يعني اذا كنت زعيم ولا مستشار وما حدا بيعرفك ولا بيعرف قرعة ابوك انا مابعرف اذا كنت معروف ولا لا بس انا مو مشان هيك بشارك انا بحاول شارك برايي بس اذا استفدت بشكر واذا ما عجبني بنقد مابعرف بظن اني هيك على فكرة الموضوع حلو يعني ياريت يجيب نتائج وتصير الناس تشارك لتفيد مو لتزيد عدد المشاركات :D |
قلب
على كل حال يا جماعة انا هاد اول منتدى بهتم وبتابع منتدى لان حسين اني عن جد اخوية!!:cry:
انا بعتقد اني الغرض من المنتدى والمشاركات تعبري عن وجهة نظر بموضوع لا يمكن مناقشتو بالعالم الحقيقي او جمع معلومات من العالم الافتراضي قد تفيد في حيانتا اليومية |
هلأ بصراجة المنتدى رائع ويللي بيميزوا بالنسبة الي عن غيروا من باقي المنتديات السورية "القليلة جدا"
هوي الحرية الموجودة فيه ويللي هي اكتر من غير منتديات .. وقصدي بالحرية أنو بتكتب رأيك شو ما كان وما حدا بيحذفلك هوي بس لأنو متعارض مع توجه المنتدى العام ... يعني متلا منتدى أخوية مسيحي بشكل أو باخر بس مع ذلك ممكن تشوف أعضاء بيهاجموا احيانا "الفكر المسيحي" ومع ذلك ما بتنحذف ردودن بشرط ما تطلع عن القوانين والأعراف .. ونفس الحكي بينطبق ع السياسة وهاد بصراحة بيشدني الو أما بالنسبة للمشاركة بس لحتى نزيد عدد المشاركات أو نصير أعلى "درجة" فهاد شي أنا ضدو تماما ..و بالنسبة الي ما بشارك الا لهدف وصل فكرة معينة ..أو ناقش حدا بأفكاروا .. أو حتى أحيانا لمجرد التسلية ..بس أبدا ما بيكون هدفي أنو زيد مشاركات كيف ما كان ..يعني هلأ متلا صار الي سنة تقريبا .. ولو بدي صير مستشار كنت صرت من زمان ..و هاد توجهي بكل المنتديات ومع احترامي للجميع بس أحيانا بلاحظ أنو في بعض الأعضاء بيضلو اون لاين صبح مسا وبيضلو عم يشاركو .. متل هدول أنا بنظرلون انو عندن مشكلة نفسية بسبب فشلهم على أرض الواقع و عجزن عن تحقيق ذاتن بلكي .. لأنو في كتير شغلات حلوة بالحياة ممكن نعبي فيها وقتنا غير المنتديات الافتراضية... |
انه كانه حاسس الموضوع انكتب مشاني ...هيك اعتقد....:x
ياسيدي بكل الاحوال اكيد في اكتر من هدف للمشاركة باخوية منها انه تنزل شي الناس ما بتعرفو مثلا او تتناقش مع العالم التانية بمواضيع هامة او غير هامة حتى, وبالنسبة لعدد المشاركات هاد شي عادي ومافيها شي لو الواحد نزل موضوع متل هيك عادي يعني معلش هالموضوع شو ممكن ياثر على العالم وما بعتقد انه بيزعج حدا حتى والواحد لما تزيد مشاركاته انا بالنسبة الي بنبسط __صراحة ومن دون كذب ___بس بالمقابل بحب افيد واستفيد يعني هيك وهيك مو شغلة وحدة بس بعدين يا سيدي كتيييييييييييير مواضيع ما الها لازمه باخوية منها المكرر ومنها التافه فباعتقادي ما رح توقف على هيك مواضيع ...بعدين انت مثلا لما تنزل موضوع حتى لو مافيه نقاش مثلا __انا لاح احكي عن حالي___لما نزل موضوع اللي لكترتها بقسم الملطوشات لما حدا يرد عليك ويشكرك باعتقادي من الزوووء والاحترام المتبادل انك ترد عليه ولول بكلمة شكر ....وعلى كلن شكرا الك ......:D |
اي مرحبا شباب وروقو يا احبائي
علاء موضوعك واقعي جدا من الوجهة يلي طرحتها يعني في اعضاء بتفوت بس حتى تزيد مشاركات مع انو المشاركات الزيادة مش رح تعملها شي مميز بعضون بيحبو يفوتو مشان التسالي وهيدا حقون والالعاب كتير بعمل مشاركات حلوة وتفاعل بين الاعضاء والبعض بيحب تكون مشاركاتو مقتصرة على اقسام معينة ويكون الو تعليق على كل موضوع بهيدا القسم والبعض بيبقى ساعات طويلة عم يكتب ردودو ويتعب عليا ويناقش الاخر حتى بالتسلية كتير بيصير اخد وعطا وحكي الهدف للغالبية من الاعضاء حسب ماني شايفة مش زيادة المشاركات اكتر ما انو يخلقو جو حلو مع الاعضاء الاخرين ويتواصلو معون بالنسبة للاعضاء يلي بينزلو بالتشريفات علاء بدي خالفك الراي فيها يعني وين المشكلة اذا العضو شاف انو طلع درجة وتغيرت صفتو بالمنتدى وحب رفقاتو يباركولو والهدف من القصة انو جو حلو وتشارك فرحة مع الاعضاء وتواصل مستمر مش من حقنا نعلق على مشاركات الاعضاء كل واحد فايت نت بهدف براسو ومن حقو يعمل يلي بيريحو اذا ما كان عم يسيء يعني المشاركات المسيئة عم تنحذذف (وسالني انا:p) وما عم يبقى غير المنيح فليش زعلانين شباب |
كلام سليم
اقتباس:
|
مرحبا شباب كلياتكين كلياتكين
لنبلش بالرد عالشباب الطيبة اقتباس:
اذا الزلمي قعّد عالنت 24 ساعة ولا ساعة وحدة باليوم انا من العالم اللي بيقضو تقريبا اكتر من 12 ساعة بأخوية ما بعرف ازا فينك تقول فاشل بأرض الواقع ,, بس انا بعتقد حالي ماني فاشل في عالم بتكون بشغلها وهيي مغتربة وعندها نت شو المانع ازا فاتحة اخوية وميرسي على ردّك:D |
اقتباس:
لك كنت عم بستنى فترة ما يكون حدا كاتب موضوع بالتشريفات اجيت انا كتبت الموضوع من هون انتي كتبت موضوعك بربي يا شباب ما بقصد ولا واحد فيكون ابدا ابدا انا عم بقصد الظاهرة بشكل عام اقتباس:
بس خيّو ما شكرا هيكي حاف يعني بتقتبس الشغلة اللي عجبتك وبتقلو رائعة وبتجنن او شكرا عرفت شلون برد بقلك ما عم بحكي عنك بس في عالم كتير ما بيقرو الموضوع من الاسم بيفوتو وشكرااااااااااااااا thnxxxxxxxxxxxxxxxxxxxxx |
اقتباس:
وبحب اللي بخالفني انا (( ما تاخديها عادة )) اي المهم يا ستنا الكريمة اقتباس:
اقتباس:
انا من جهتي ما في هدف براسي,, بس انو عم بحكي عالمشكلة اللي هيي "هوس زيادة المشاركات" يمكن غالبية الاعضاء متل ما قلتي هون ما عندن هالشغلة هي,, يمكن بس اللي بيعرف حالو انو ما عندو هالشغلة هي ما بيحس هالحكي رح يمسو ان كان بشكل او بآخر :mimo: |
اقتباس:
ومن هون لهون ...انه مو الموضوع مشاني ...على كلن مش هاد موضوعنا ...:x انا معك بس انت لما واحد يعني مافيه ينزل شي فيه نقاش متلا مجرد صور متلا شو ممكن تحكيلو متل هيك غير شكرا متلا....فبس هاي هي الفكرة ;) |
فــاضية ..
للاسف فاضية عمنشارك ومنحكي .. ومنتناقر ومنتناقش ومنختلف ومنتفق وبعدين .. للاسف كل مرة بسال حالي هالسؤال .. ومابلاقيلو جواب غير انو كلام فاضي وطريق مسدود يعني ماعمنستفيد شي مجرد كلام فاضي .. وكلام مالو نهاية لارح يقدك ولا رح ياخر وتضيييع وقت .. وللاسف الاخوية صارت سوسة مابتنترك |
شكــــــــراً على هذا الموضوع المهم اخي نحتاج إلى التركيز على الكيف في أشياء كثيرة ... إذاً العبرة بالكيف وليس الكم ...دمتِ بخير ... :deal: |
يعني شكرا عالترحيب لانو وصلني بالمعية.. انا بصراحة ما صرلي بالقصر غير من مبارح العصر وبصراحة تانية وهات ادنك لوشوشك( منشان ما تسمع ام مارتين) حبيت اخوية من اول (كليك). بس لهلأ ما فهمت (انا فهمي علىادو) ما فهمت كيف بدي اقدر ادخل عالملحقات يلي عم يحطوها الشبيبة حاولت ناغش وراسل مرتين بس ما حدا انتكشني. وهلأ عم افهم (واكرر انا فهمي على ادو) ـ اخي اسمو فهمي وانا فهيم ـ انو الواحد او الوحدة لازم يكون عندهم مشاركات كتير .. كتير كتير , لحتى يقدر يصير شي عضو. اذا كانت الشغلة هيك رح آخد اجازة واقعد عالنت والزأكن كل يوم شي عشرطعش مشاركة, واذا كنت غلطان فهموني ( وانا فهمي على ادو). لانو حبيتها ويضرب الحب والحب شو بيزل ( الحب الاولى يعني العشق والتانية يعني تبع الدوا). مع تحيات ابمارتين
|
بصراحة كل ما بحس حالي مشتاقة لسوريا و لدفئ الشام بفوت عاخوية للعلم اني مش سورية ...
و هيك بعئد ساعات بقرأ بهالمواضيع بدون مارد (يعني فيك تقول قلة مروه :lol:) اي فالهدف من اشتراكي باخوية هو ببساطة حبي لسوريا ولانو الموقع بشكل عام مهضوم وعم تنطرح فيو كمية مواضيع هادفة ..وبس..:fsad: |
اقتباس:
و بصراحة أنا ما قصدتك لالك بكلامي لأنو ما بعرفك لا ع النت ولا ع أرض الواقع بس كلامي كلو مبني ع دراسات علمية واحصائيات لا تعد و كلا بتشير نحو مشاكل نفسية عند الشخص يللي بيقضي ساعات كتيرة على الانترنت بدون ما يكون عندو سبب وجيه و كمان هاد الكلام انا لمستو ع أرض الواقع من خلال اشخاص بعرفن شخصيا :D |
يالنسبة الي انا الي سنتين بأخوية او اكتر شوي بس مشاركاتي ما وصلت 1000
متل ما قال باشق النوع اهم من الكم يعني عندك اس المهم تعارضك بالرأي وبيصير يرد ويرد وعلى كل حدا بشارك بالموضوع بيقبس ردو وبيرد عليه هلأ من وجهة نظري انا فتت على أخوية لأني لقيت نوع من الروابظ الرائعة بين الشباب والصبايا ولقيت اهتمام كبير بالمواضيع البراقةولابداع بس مرات بشارك بالمواضيع شيت المسابقات صح انها بلا معنى بس بتسلي وبتتعرف فيها على شباب وصبايا مهضومين |
اقتباس:
في مشكلة هيي مشكلة المرفقات يعني بدها وقت لتنحل عرفت شلون يعني هي انا متلك ما عم بقدر حمّل فليذالوكا خلّيك معنا ,, لبين ما تنحل وأهلا وسهلا فيك:mimo: |
انا عجبني المنتدى انو لما يصير نقاش..في كتار بيناقشوا بعقل وبمنطق..
يعني قابلين للنقاش..هادا السبب الرئيسي..وكمان في ناس رفقاتي بحب طل عليهن.. اي ووقت بنكون زهقانين بيروح الملل اقتباس:
مية وردة الك :mimo: |
مغرومة فيه و ما فيي قول غير هيك...
بسمايلياتو و بالرد الصاروخي بالرسائل الخاصة و اكتر شي بالمخالفات الحلوة و من هون لبكرا بعد و ما رح كفي |
 مية وردة عميمة تقبري قلبي كلك فهم راديا ,, انتي لساتك عايشة؟ لك بعدين اللي بيحب حدا بينقطع عنو كل هالقد؟ |
اقتباس:
|
سوسة سوريا اللي تاكل بقلبي هي السبب...
:sosweet:انا دخلت الموقع بالصدفة ..بس صار عندي هوس اسمو ((اخوية))..
لأن احب السورين ..واموووووت على اللهجة السورية... وحسيت الموقع بيه جو خاص ..يستحق المتابعة..والمشاركة.. مع اي حتى الان مسجلة جديد..وما عندي كثير مشاركات .. بس شايفة مستوى عالي باغلبية المشاركات ..راح احاول اخليهن امام نظري اذا استطعت المشاركة..:hart::sosweet: |
اقتباس:
|
اقتباس:
اي وطولي بالك لساكي ببداية الدرب على الهوس بكرا بيصير عندك مابعرف شو بس لتتعرفي علينا نحنا الصبايا الحلوين والشباب الاحلى والله انو نحنا غير شكل:oops::p:ss: |
| الساعة بإيدك هلق يا سيدي 21:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
