|
كيف تصبح حلبياً
مشان تكون حلبي ؟ لك كتير هينة !!:lol::lol: 1- طلاع عل الكلية و شوف واحد من الشباب رفقاتك قاعد مع شي بنت و افروووووووووش معلاقك عليه و الزاق بدينو شي ساعة ليكفر 2- يوم الخميس نزيل عل الموكامبو و اشروق كل البنات يللي بتشوفن بوشك مو بس تبصبص طالع راسك و اجرك من شباك الهنضاية و اجعووووور يامو ع الله ايش هل حلو لبين ما البنت تقلب معدتا 3- يوم الجمعة الصبح مع وشك بالماظضاية 929 و عل خالدية مشان تجيبو غراض البيت مع الفول مشان تفطر مع العيلة و تتيسوا باقي اليوم 4- المسا أكيد بدك تستقبل قرايبينك يللي بدن يبلطوا لل 12 بالليل و لما بدن يمشو و يصيرو ببيت الدرج ولول و سمع الحارة انو مييييت السلامة و ما حسبناها و تعوا لعنا و هنن نشالله نشالله و جيبو معكن راما و بتول و مرام 5- السبت عل عزيزية لأنو انت كتير كوووول ووقف مع الشباب شي ساعة بالساحة و ما رح تبين أبدن انك ضرب براني 6- الأحد عل حلاق مشان تظبط شعرك و يسألك شلون القصة ؟ و تقللو متل كل مرة لأنو الله محيي الثابت و قصتك العجيبة ما بتغيرا من لما كنت بالحفوضة 7- التنين لعند جوسي و بس تخلص الوجبة يللي ما بتشبع ولد صيح ياااااااااااي شبعت مشان البنوتات يقولو عليك انك خفيف و ما بتاكل غير أكلات السينييه ( بس أكيد رح تشبع لأنك كنت معبي البانيو مخلوطة و شيرقا ) 8- التلاتا ع قهوة القلعة و فت برتيت الورق و لا تترك مسبة ما تقولا يا مأدب و اذا عجزت ألف شي مسبة مشان ما تنقطع القعدة الرومانسية 9- الأربعا ع بوابة الشهباء و قسم مع الشباب و احكيلن ع الأفانطي الجديدة و الفقاس يللي فيا و شلون نيمت الشبح ع طريق الشام و شلون اشتريت بضاعة حقا مليون بس انت حربوق نزلتو للخمسمية ( و هي أصلن حقا فرنك و صطوك ) و لما بدك تمشي شيل مفتاح السيارة و الموبايل متل ما بشيلو الجبسة و قسم ع هل شعب 10- لما بدك تروح ع تلبيسة البيس هل كوسلا و ارقوص عربية و بعدين ع دورة العروس و افتحلا زمامير متل الجحش و شفط بالسيارة مشان البنات يللي معك يحبوك 11- شيل معك ع طول مفتاخ البيت و المعمل و السيارة و المكتب و الكاصة و السكرتون و الخزن و مفتاح المطمورة تبع أخوك بكري الصغير 12- بس يصير عمرك 18 بلش تنق بالحجة مشان تفتل بنات حلب كلها مشان تلاقيلك الأميرة ماري أنطوانيت يللي بدا تنبلا فيك ( و أهم شي تكون بيضا و شقرا و عيونا زرق بهيمة فهيمة مو مشكلة ) و لازم الحجة تضل عم تفتل شي 20 سنة من بيت لبيت لأنو انت امبراطور زمانك و لازم تطلع بوحدة بتعقد متلك 13- بس يقلب دولاب الشغل أكيد رح تطلع ع أوكرانيا مشان الصفقات التجارية !!!!!!!!! و قول لمرتك انك طالع ع روسيا شغل شهرين زمان ( شغل ها لا حدا يخطرلو شي تاني ) شرح المفردات : كتير هينة : كتير سهلة الموكامبو : منطقة بحلب مشهورة بمطعم باباي ودوار الموكمبو اللي بشفطو عليه الشباب بالسيارات. اشروق : مشروحة بعدا ، تبصبص يعني تتطلع عليهون بعين جوعااانة الهنضاية : الهونداية اختصار لهونداا اجعووووور : صرخ بأعلى صوتك بالماظضاية : مازداية اختصار لمازدا 929 خالدية : سوق لكل شيء بالبال ببيت الدرج : مدخل البيت ولول : صرخ وعلي صوتك عزيزية : منطقة بحلب مشهورة كتير وخاصة ساحة العزيزية بتلاقو فيها مشكل ملون من كافة الطبقات الراقية والمتحضرة والمحتضرة جوسي : بتحسنو تقولو محل صندويش وعصير مابشبع بنوب واسعارو واوا كمان قريب عالموكامبو وباباي ، وقت فتح المنطقة كانت ضلمة وماحدا يعدي من هونيك إلا بالمناسبات بس وقت فتح صار خط جديد بوابة الشهباء : كمان مطعم مرتب حلو مابو شي الأفانطي الجديدة : الأفانتي اختصار لهوندا افانتي الفقاس : التوربو تبع السيارة نيمت الشبح : سبقت سيارة مرسيدس ملقبة بالشبح وتركتها ورااااك بعيد حربوق : فستوق او ملعون صطوك : بضاعة فاسدة مابتسوى كوسلا : الكندرة الرسيمية اللي بكون كعبها قاسي مو مطاط |
اقتباس:
اقتباس:
|
بس على فكرة.. المصطلحات تقريباً متل عنّا...
لك لا كون حلبية وما عندي خبر :o |
على فكرة بكل مدينة في الحامض والحلو واللفان
هون عبتحكي عن الحامض :D |
كيف تصبح سخيفا
ادخول على النت واحكي على بقية العالم |
ههههههههههههه
حلوة والله |
:lol::lol::lol:
حلوة |
اقتباس:
هلأ أنا بعرف حلبية على قد شعر راسي. بس شو هي الكوسلا :shock: بحياتي مو سمعان فيها :shock: |
اقتباس:
|
اقتباس:
الكوسلا: شوي معدلة بلهجة المثاليين أصلا كورسلا. يبدو حرف الراء شوي تئيل و خلينا نكون واقعين الأشياء اللي نذكرت للأسف موجودة و تعتبر من ضمن الغسيل الوسخ للأسف مشكور أخي على النهفات :D |
حلبي
يا شباب هدول المصطلحات الحلبية قليلي كتير حتى من الحلبية يلي بيحكي فيا
او بيعرفها حتى الحلبية ما عاد يحكو بهل طريقة يعني لا بد من وجود كلمة او بعض الكلمات الحلبية على كل حال خمسمية معطرة ومكويه لأحلى شباب حلبية انا حلبي :clap: |
اول الشي اهلين بكل الحلبية وفعلا متل ما قالو الاخوة دايما في بكل مكان الحامض والحلو
وبكل الاماكن بتلاقي هيك وهيك بس عنجد موضوع حلو يسلموووو يا القلب الدافئ |
صحي اني الحلبية تقيلين دم ومعليق
ههههههههههههههه |
اقتباس:
طول بالك بعدين بزعل منك خيو |
كيف تصبح مانك سخيفا؟
وقت بتشوف موضوع سخيف لا تفوت وترد عليه منرجع للموضوع اقتباس:
انتو ما بتحبوا الحكي الحلبي؟؟ عنجد سؤال؟ اقتباس:
ههههههههههههههههههههه اشتقت لهالايام ما:p |
اقتباس:
مـــا :p |
اقتباس:
الظاهرباشق مو معاشر غير طنطات حلب....:cry::cry: ولحتى نفتحه شوية راح نشرح له ياها.. الكوسلا عأيام زمان هي نعل الصرماية الإيطالية - حيشاكم - والكوسلا الأصلية بتكون نعل جلد مو مطاط أو بلاستيك !!!! :ss::ss: |
هههههههههه حلووووة
تحياتي :D |
اقتباس:
ليكون حلبية وماعندك علم هههههههه ما الذك ماتيا |
اقتباس:
ههههههههههه والله عنجد شي بيقلب المعدة مرة واحد استغفر الله العظيم كفر بسببي الو ساعه عم يحكي ويلطش وما ارد عليه نزل من السياره ومارديت عليه اتطلع فيني وقلي بكل قوة صوتو ( بلعن ..... ما احلاكي ) ههههههههههههههههه ياي صرت فرجة بالموكامبو |
اقتباس:
هههههههههه حبيب مو اتقل من دم تعليقك :o |
اقتباس:
انو انا ما بحب الحكي الحلبي القحي بس انو في كلمات حلوة بتنقال متل جأجأنالكون ابوس الله انا اشو هاد شقفة:p هههههههههههههه انا حلبية بس لما بحكي بيقلولي مستحيل تكوني حلبية حكيك مو حلبي هههههههههه |
ههههههههههههههههههههههههه ههههههههههههههههههههههههه ه
|
ضيفولهم بالله انو لازم يشجع فريق فاشل هو هو هي هي قال اتحاد قال
انو اذا شب عنا نزل من السيارة و حكا بنت و كانت متدايقة منو ماعاد بيعرف من وين بيجيه الضرب كلشي بالشارع بيبلش فيو نخوة نخوة و بعدين اللي انتخى بيزبط امورو :o |
اقتباس:
الرجاء عدم الدخول لمن ليس له عمل .. |
يا عيني على حلب ام المحاشي والكبب ليش عم حس حالي بحلب ؟؟؟؟؟؟؟؟؟؟؟!!!
|
اقتباس:
:o قللود |
اقتباس:
يسعد الله شو هاد جئجنالكون ابوس الله شئفة ههههههههههههههههههههههههه ههههههههههههههههههههههههه هههههه يسعد الله اقتباس:
ههههههههههههههههههههههههه ههههههههههههههههههههههههه ههههههه ههههههههههههههههههههههههه هههههههههههههههه الله والحشيش العاطل ليوبراد حرام انا هلأ في حالة تعاطف مع الشعب الحلبي الشكيك مشان الأتحاد,, بربي يعني خطي حرام ,, يحيا الاتحاد يحيا الكرامة ,, يحيى الفخراني:o |
اقتباس:
طبعا قليلين كتير الحلبية يلي بقى يحكو اللجهة الحلبية القحيه........... تحياتي على المشاركين بالموضوع |
سلي فؤادي عن الخضراءُ يا حلبُ... بالله كم حُسنها إليك ينتسبُ تقسم القلبُ في نصفيهِ بينكما... على السواء فلا فرق ولا رتبُ كان اللقاء بها في أرض موطنها...في ليلة عما فيها الأنس و الطرب تبارك الله كم جلت محاسنها |
اقتباس:
|
مابدي لو حورية طلتها بتسحر إلوفات بدي وحدة حلبية حسن وسمن و غمازات والشامة عنبر على الخد و القامة بتنطق بالقد والكلمة بتنقط شهد والبسمة سكر نبات حلبية ومافيها عيوب عقل وتقل و أصل يا يوب وشو بدك عنها تعرف متل النقطة بالمصحف أحلا بنات بلادي حبتها بفؤادي فيها غنى الشادي أحلا الغنيات ومابدي لو حورية طلتها بتسحر إلوفات لعيون الشباب نحن منرقص على الطبل ها |
اقتباس:
لك مـــافي مدينة بتشبهلك .. بحسنك وبطيبة اهلك .. مـــافي مدينة بتشبهلك .. بحسنك وبطيبة اهلك .. مـــافي مدينة بتشبهلك .. بحسنك وبطيبة اهلك .. مـــافي مدينة بتشبهلك .. بحسنك وبطيبة اهلك .. لك بقلك لو الفَ المجدُ كتاباً عن مفاخِــــرهِ .... لكتبَ في عنوانهِ حلبَـــا لاخر البيت .. :larg::larg::larg: |
اقتباس:
|
يا رب لا تقطع الخضراء عن صلتي...فالحبُ مفخرةٌ غنت به العربُ وعربية على طلب الشباب و أحلى موال سبعاوي لعيون الشباب :clap::yahoo: |
أسباب ما راعني فرقاك و العشره عديت كي أصطبر بساع كالعشره برهان فضلك غرس جوى الحشى عشره بهواك لكن قلبي عن فراقك أبى يمك فؤادي صفى عيش وملح أبى جد الحسين و الحسن أصلا إليك و أبى وعمامك الخاص أصحاب النبي العشره |
وخمسمية محرقة لعيون الشباب الحلبية;)
|
شباش لكل الشباب شباش مع طرء الرصاص شباش لأحلا شباب أخوية شباش لكل اللي شرفونا و السهره عامرى والله |
اااااااااااااااااخ على حلب
وشوارع حلب يالله هانت كم يوم ورجعانة عاحلب:clap: |
اقتباس:
|
| الساعة بإيدك هلق يا سيدي 05:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
